فاقد شي لا يعطيه اكبر كذبة سمعتها ، فاقد الشي يعطيه بالشكل الذي تمنى الحصول عليه كل الحب لهيج اشخاص الله يوفقنا و نبني العراق ،فعلاً طاقات شبابية حلوة💙
فاقد الشيء لا يعطيه لا تنطبق على هذا المقطع ولا تقول اكبر كذبه لأن هذا القول لأمير المؤمنين علي عليه السلام ففكر قبل ان تقول الكلمه. وهذا القول ان قيل عن الذي ليس له ايمان فكيف يتحدث للأخرين عن ايمانه. فهذا القول يصدق على هذا المثال.
ليغرج المضهر شايفه المكان الي يشتغلون بي العمال؟؟؟ وازيدج من الشعر بيت جان بالمطبخ جم عراقي والبقيه باكستانيين حاليا في فرع الدوره ٩٠ بالميه باكستانيين قسم بالله النظافه تلطم بالزاويه وبالنسبه للاختبارات للمواد ماكو
احلى جملة : سر نجاحي هو التجارة وي رب العالمين شكد ما تنطي لله شكد ما يرجعلك وهذا هو مصداق للآية الكريمة .. "مَنْ ذَا الَّذِي يُقْرِضُ اللَّهَ قَرْضاً حَسَناً فَيُضاعِفَهُ لَهُ أَضْعافاً كَثِيرَةً"❤
شكول و شحجي من الانتاج الرهيب للفيديو لو من الكوالتي الممتاز لو من الايجابية بالفيديو لو من اضهارك للعراق بشكل ممتاز لو من المواضيع المحفزة و الاشخاص الي جاي تختارهم ابو اللول انت صدك جاي تبدع و بنفس الوقت تفرح الشعب و بنفس الوقت دطلع وطنك بصورة جدا جميلة و ايجابية انت مصدر فخر النا ❤❤
شكراً لؤي " احنة دا نعيش التعاسة والبؤس بسبب الطاقة السلبية الي دا نشوفة بالشارع والحكومة مادا تساعد فمثل هيج وثائقيات وأفلام قصيرة تنطي امل وحافز عظيم للكل " محمد جمال اتمنالك التوفيق والبركة ان شاء الله
اقسم بالله حلقة عظيمة وبيها طاقة ايجابية مو طبيعية شكراً لؤي ساهي جاي تصنع هيج محتوى راقي وتنقل صورة ايجابية عن العراق شكراً الك واتمنى لك الافضل ان شاء الله 🤍
لؤي ساهي شعبك العراقي يحبك و متابيعك يحبونك و شكرا من تكدر تطلع العراق بهذا الصور الجميله و مثل باقي الناس ميفتغرون بلدهم انت وعائلتك لطيفين و ربي يحفظكم يا احلى عائله و ان شاء الله توصل لل100مليون و احنه وياك بكل خطوه تخطيه للعراق وشكرا للعراقيتك الي تفتخر بيه وبس معرف هاذا الشعور الي احسه كلتلك ياه #شعبك_العراقي_يحبك_ويدعمك
لؤي شخص طموح ونشيط ما يكعد بمكان واحد يصنع الامل واليظهر الجانب الي مو الكل يعرفه عن عراقنا العريق ،العراق يستحق اكثر ويستحق مثل هيج اشخاص ينورون الطريق للي كاعدين ببيوتهم ويكولون العراق مابيه خير ،استمر لؤي انت شخص رائع
فعلا فخر ابداع نصيحه لشبابنا لا تكولون ماكو شغل ماكو مشروع ابدا من الصفر جرب كلشي ماكو بشر بدايتو ما يشوف بهدله بس حاربو تحققون حلمكم لا تعتمدون على الوظيفه الحكوميه تعبانه
سبحان الله اكو رسالة حلوه من هلفديو .. انو الانسان شكو خطوه يقدم عليهاا خلي ينوي انو فقط لنشر الخير ومساعدة الناس يعني بالاختصار يكون الهدف خدمة الإنسان وفعلا فعلاا الله راح يوفقه وراح يرزقه بكل خطوه أضعاف لان الله يحب العبد الي يساعد الناس
رساله حلوه لليفتهم معناها الولد تعرض لظغوط قويه خلته على حافت الانهيار لكن شاء الله النجاح اله ولكه متعته بمساعده الناس المرو بظروف مثل ضروفه الصعبه حب للناس الخير مثل ما حبه لنفسه شارك الفرحى ...افتخر بيك لانك شجاع وبطل بمتياز 🇮🇶
ربي يوفقكم ثنينكم مبدعين وتخبلون وتفكيركم للمجتمع العراقي اكبر دليل عل ان العراق بي امل يطور بعداكثر ويوصل اكثر وبي نااااس اصلاء وشرفاء وناس تعبو حته وصلوو للحلم ❤❤ ان شاءالله احقق الي اريده و اوصل مثل الاخ المبدع هذا من حلمي اكون صاحب مطعم لان احب الاكل واحب الطبخ واحب ابدع بي وبنفس الوقت هذا حلمي وطموحي اكون رجل اعمال 🙏 ربي يوفق الجميع🤍💯
ياريت لو احد يوصل هذا المقطع للاعلامي السعودي محمد النحيت هذا الشخص يروي قصص نجاح رجال الاعمال ومهتم جدا بالتنميه واسلوبه بالسرد جدا راقي ولو لؤي ما قصر بالفديو بس نريد نوصل محمد اكثر واكثر
جدا فخورين بيك يا بطل أكو أمل بوجود الناس مثلك يكون العراق الأفضل اكيد لأنك انسان نظيف رب العالمين رزقك وعوضك أتمنى من أعماق قلبي يرزقك بعد وبعد يارب ويرزق كل ابن حلال يخاف الله في عمله وحاط الله بين عيونه هذا الإنسان رب العالمين ما راح ينساه وراح يعطيه هوايه شكراً لؤي
الله يرزقه ويكثر من امثاله محمد وشكرا الك لؤي على هذا الفديو الايجابي والله اني تفكيري مثل محمد واحب افتح مشاريع واكبر بس الي واكف بطريقي هم اهلي على ابو عيب وشموديج بمعنى ادق لا دعم نفسي ولا لوجستي وواكفة بنص الطريق
أول شيء شكرًا مو لإن كاعد سوي هذا التوثيق لتطوير الي كاعد يصير بالعراق لإن هذا من واجبك كعراقي لكن شكر كبير أنك خليتني أكدر أرد وبثقه لكل أنسان يحاول يسقط بالعراق او يكول انو العراق بلد تعبان وما متقدم اكدر هسه ارد علي وبثقه واكله اذا ما مصدكني روح شوف سلسلة لؤي عن العراق شكر كبير فعلًا والله يوفقك🌹+أبحث عن شركة نرجس الي بالبصره والي كاعد تشتغل وتبلط وشغل ممتاز ابسط مثال منطقة القبله ادخل وشوف شنو سوت بي وشوف قبل وبعد طبعًا هذا المنطقة بالبصرة +رفعوا تعليقي خلي يشوفه لؤي لطفًا 🌹
اختصر الموضوع بجملتين تبين شنو السبب الي خلاه ينجح (التجارة مع الله-وتنمنا ما اخي احد يحتاج لاحد) هذا يدل على انو معدنة طيب وانسان محترم الله يوفقة بعد اكثر واكثر
لك هاي شنو شنو هل الكم الرهيب من الطاقه و التحفيز و الايجابيه ب الفيديو شنو هل الحلقه الحلوه ماشاء الله تبارك الرحمن والله حلقه ناريه بمعنى الكلمه تحياتنا الك احمد احنه فخورين بيك و بهذه البطل و راح نزور مطعمه انشاء الله 💟
بارك الله خالة بجهودكم في عمل الخير لاهلكم وناسكم وانفسكم انتم مفخرة وستجزووون بإذنه تعالى نعم جزاء المحسنين ابنائنا الافذاذ( لؤي ساهي ومحمد جمال ) سعاة للخير خالتكم حسناء الاسدي من العراق-❤- ❤بغداد تشرفت بكم يا بعد عيوني💋💋
لؤي انت اذكى صانع محتوى دخل للعراق.. و هذا الذكاء ندمج ب حبك و ايجابيتك و لهفتك ع العراق.. شكرا للصوره اللي دا تقدمها للبلد.. ياريت المسؤولين اللي همه عايشين بخير العراق يتعلمون يحبون البلد مثلك كان صرنا احسن بلد بالعالم
واحنااحسن بلدبالعالم كل العالم عيونهم على بلدناواللي ديصيربيناسببه امريكاوالمحتل عمره مايخب الشعب اللي موجودين بالبلد المحتل وبلدنابيه كل الخيرات اللي يحلمون الغرب تكون ببلادهم ونبقى ويبقى العراق افضل البلدان وحكومة ال٢٠سنة طمعت باللي طلبوه منهم الامريكان
ابناء العراق ولي ترعرع من العراق هم من 3000 الاف سنة وهمه مبدعين وكلنا احلامنا مختلفة عن بعضنا بس عظيم طموح الدانطمح اله بداخل كل ولد او بنت بينا فخورة باامي وابوية وان شاء الله اخلي اولادي المستقبلين فخورين بأمهم لي بعدها في بدايات حلمها لي راح يخدم العراق واكول هل اشياء ممكن بسبب حبنا للعراق فداء له كل شيء ذكر ولم يذكر❤
غيرت وجهة نظري والله جنت افكر اشتري سياره واخلص عمري امشي ع الروتين المعروف الي ملايين الناس يمشون عليه وهوه الوظيفة لذلك دا افكر بمشروع وان شاء الله ينجح ادعولي بالتوفيق 🥲💔
من بداية المقطع الى نهايته عيني دمعت وضليت اصلي على النبي ربي يوفقه ويسهله ويبعد عنه كل سوءء وان شاءالله لكب شاب وشابه عراقيين نوصل لهدفنه ونحقق احلامنا ونطور بنفسنه
شكد ما انتكس بمجرد ما اشوف او اسمع او اقرا هيج تحفيز من شخص "عراقي" يعني مني وبيه اكول لا بعد اكو امل ولازم استمر وان شاءالله ما يضيع جهدي وجهد اهلي. فالحمد والشكر لله رب العالمين على كُل شيء.
عاشت ايدك لؤي فيديو روعة كله مليان طاقة وتحفيز ، فرحت وافتخر كلش بأن اكو هيج أشخاص مثابرين وطموحين بالعراق ربي يحفظ كل شخص يطور بلده ويطلعه بأفضل صورة ويبعدهم عن كل حاقد ، كثرلنا هيج نوعية من المحتوى بالفيديوهات القادمة✨️👏🏻
هذا الفيديو اكدلي انو ماكو حد للنجاح البشر كل يوم هوه يكون بحلم اكبر من الي الحلم عاشه البارحه اللهم اسئلك التوفيق لـ هيج بشر ولكل بشر يتعب لان الله كال اعملو واتمنى من كل الشباب (بنات + ولد ) انو يتعبون تعب يرضي الله ولح يشوفون شون الله حيفتحه بوجه يخلص السادس واجيب الطب وتبدي حياتي العمليه الي احلم بيهه وان شاءلله اصير الي اريد يوما ما والي هوه اساعد غيري اكثر من ما اساعد نفسي
ماعرف ليش طول الفديو واني متحمسه كلش والضحكه ماليه وجهي لان يمكن احد احلامي هيج وشي مقارب عليهم كلههههم واني متاكده بيوم من الايام راح ارجعله واني محققه ع اقل جزء منه 🩷🤍🤍🤍🤍🩷🤍🤍
اولا احب اهنيك على شجاعتك لهكذا انجاز عظيم وربي يجعل ايامك كلها سعادة وراحة بال مثل ما حضرتك استاذ محمد تبذل مجهودات عظيمة لمساعدة الآخرين واسعادهم اذا كانوا عمال او مدراء او كاستمر لمن يستلذون بالطعام في مطاعمكم 🎉 الف شكرا لحضرتك استاذ لؤي لتسليط الضوء على الشباب العراقي والعراق كبلد ونقل صورة مشرفه نفتخر بيها. ربي يجازيك كل خير ويجعلها في ميزان حسناتكم.
افضل شعور من تشوف اخوك العراقي يساعد اخوته العراقيين كل التوفيق والاحترام الى استاذ محمد طبعا اول مره اشوف استاذ محمد هو انسان جدا عظيم لان يساعد الانسان البسيط و الفقير اتمنا ان اصير احد الشخصيات المساعد في العراق و ان شاء الله اصير