سلام كوكي البت دي مسكينة وهبلة وعبيطة راجل ضربني قدام اولادي وانا اتعب واشتغل ويشيل حقي دي ما عندها تفسير غير الغباء وانتي قلتي هي لسة حاباهو علي شنو ي يمة بشتنة ورقاد واطة خليها تستاهل اكثر من كدة بعدين حابة الفت نظرك شوية عن وريف ربنا يحفظة وتشوفي خيرة وعيالة امينعن موضوع لغة الام تكلمي معاها عربي لانها صغيرة وبتفهم بي سرعةخلي الفرنسي في المدرسة وماحولها لكن امتي داخل المنزل اتكلمي فقط عربي انا بتي كانتفي عمرة اتولدت في اروبا ماكنت بتكلم الا لغة الام وكانت متغنة ال٢ لغة في وقت واحد❤❤❤
صراحه ماما كوكي وانا بستمع لي قصه بجد زعلت شديد عشان البنت💔 نعم هي كانت طيبه كتير واكتر من اللازم بس ليه هي سكتت ليه خلتو يتعدى عليها بضرب ليه خلتو يستمر اكتر من كده ويتمادى 💔رغم كل ده الا انها مستمره ومتحمله كل حاجه ف بالجد حابه اقول ليكي انتي مثال لي البنت البتحافظ على عائله ولو على حساب نفسها بالجد فخوره فيكي ❤انك رغم كل ده لازلتي ترجعي الأمور افضل ❤بس عايزه اقول ليكي انو الراجل البخيل عمرو كلو ح يكون بخيل والحمدلله انو ربنا كشف ليك اعمالو وعرفتي تاخدي حقك كيف واتمنى من كل قلبي انك م ترجعي ليو ولا حاجه؛ طوري من نفسك اعملي بزنسس خاص بيكي اتعلمي اللغه الاجنبيه عشان ح تساعدك كتيير صدقيني❤ عشانك وعشان أولادك وعشان عائلتك وحابه اقول ليكي خليك فخوره في نفسك انك اتجازوتي كل ده ❤واتمنى م تعيدي نفس الغلط انو تسكتي م تاخدي حقك❤️🩹 نحنا في زمن متطور واي شخص عندو حقو سوا طفل او امره او رجل ف خليك واعيه وعارفه الحاصل حولينك وربنا اكيييد ح يعوضك افضل منو بكتييييييير ❤❤وحسبي الله ونعم الوكيل عليو ولا تشيلي هم كل حاجه بتهون❤ وربنا موجود وح يجيب ليك حقك باي طريقه❤
قطعت نفسي من طولة بالا.... ربنا نصرة ومادايرة تنساه والله أغلبية السودانين انانيين اشيل راتبك واهددك ابتزاز معنى جبتك أوروبا تكوني خادمة عشنا ف البداية نفس المشكله لكن اتحررت حسابي في يدي وتعلمت لغة وادفع فواتيري الخاصة بي مااطلب مساعدة وعملت رخصة وعربية لكن دا جا بعد صبر 5 سنين من الاتهاض والله العين بالعين والسن بالسن والحمدالله عايشين احلى من اول. المراة تكون شخصيتها قوية حتى لو الراجل طيب القاك مسكينة بحقرك فمابال اكون صعب والله المستعان
ما شاء الله عليك فى دخلاتك بالحديث.... لكن بت أمريكا دى عذبتنى فصبرها على زوجها وتعديه على حقوقها كثير جدا ربنا يعوضها كل خير...سؤالى ليه كانت بتسكت ليه ما بتناقشه حتى تستمر الحياة بالاحترام
المهم ربنا حلاها منو،، الناس تخاف ربنا،،لكين المحيرني في القصة دي القروش الكتيرة دي البدسوها في المرتبة وبشتروا منها في العربات ويصرف بيها علي اهله في السودان ،، يعني نحن في اوروبا دي وانا وراجلي شغالين ودخلنا عالي وبعدها رقشة في السودان ما عندنا ،،دي كل الف وخمسماية بتاعة شغلها دي،، بكون فعلا بسيئ معاملتها لكين موضوع انو عمل بالقروش دي كل دا هي زودتو حبتين
السلام عليكم ورحمة الله وبركاته، الدولار عملة مصنوعة من القطن فيه بركة وتزيد طوالي ،و يوجد سودانين في اروبا دي بي أولادهم ياكلوا كرعين الدجاج المثلج دا بي رز وبلموا القروش
@@afafomer4929 هي فعلا الضرائب فظيعة ٤٠% من الراتب واذا زاد عن حد معين تبقي ٥٠% دا غير ضرايب الكاونسل.. لكن الإعانات دي معمولة عشان لو واحد عندو ظروف معينة او مرض ما عشان الواحد يعيش بيها عمره كله ،،حرام والله لأنها من جيوب ناس مالم تكون مضطر
@@tagreedibrahim9978 للأسف دا الحاصل ناس تشتغل ليل نهار عشان يعيشوا بس،مستورين وناس تجي تشتغل اسود وتشيل قروش من الدولة وهي نفسها قروش الناس التعبانين البدفعوا ضرائب ولا خجلانين ولا شايفين نفسهم عاملين غلط بالعكس شايفنها فهلوة.. وصل الحال بالبعض انهم يعملوا فيها انفصلوا عشان الدولة تقيف مع الزوجة وتديها مرتب باعتبارها سنقل مام.
الحمدلله الاتقلع من وجهك بعد كده تقدري تعيشي أمنه ومستقره وحقك محفوظ واجرك مكتوب ..اهتمي بنفسك واهتمي بعيالك وهو الدنيا دواره عمله الكعب حيشوفو في الدنيا قبل الاخره دي نوعية ألناس الباعت الاخره واشترت الدنيا
دي لسع ما ادبت اظن اتعودت على التلطش والله الراجل الما بخترم المراة ما راجل الراجل رجولته اكرام الانثى ما أكرمهن الا كريم ....ده ما تبكى عليهو ولا تندم لحظة
السلام عليك ماما كوكي ليك التحية والاحترام بالقصص ااتعرضها فيها عظة لناس كتير ما يقعوا في شر مثل بعض الرجال القصة يبدوا لي ما في امريكا احتمال في كندا او بريطاينا بحكم انا قاعدة في تقريبا عندي ٢٠ سنه ما يعطوا قروش ل اطفال بهذا المبلغ الهائل الا إذًا انت ما بتشتغل بمعني الصريح الدخل صفر بيعطيك حاجة رمزية زي ٢٩٠ دولار لطفل الواحد في الشهر ويعطوك كرت ل الاكل شهريا لكن مجرد ما انت اشتغلت يخفضوا القروش احتمال اذا دخللك أعلي شوية يوفقوا منك إي خدمات
ااول غلطه لمن رضت تشتغل خدامه في مصر وهو يشيل الراتب تاني لمن سافر ومكلم دا منتهي الإهانة وهي غربه وحامل وقاعدة مع ناس دا كل ماخلاها تحس انو الزول دا ما طبيعي كان مفروض طوالي ترجع السودان تاني الطامه الكبري لممن. رڤض اوديها المستشفي لولاده دا كارثه لوحدها كفيله تخليها تطلق منو لكن الزوله دا ماطبيعيه مخها فيها حاجه ممكن اعاقه وهو زول مريض نفسي سادي ممكن الواحد اكره زوجته لكن اولادو استخيل مايكون بحبهم حتي البخيل عندو قلب وبحب اولادو لكن دا ماعندو حاجه لاولاد تاني حاجه لمن رجعت السودان وحصل منو كل المصايب دا انا افتكرتها ماحترجع تاني معاه نهاي لكن رجعت زي المحصل شي دا زول ماطبيعيه نهاي انطبق عليها المثل البقول الكلب بحب خناقوا وبعد محاوله القتل وبرضو بتبكي عليهو وبتحبو بحجه اولادو اصلا اولادو من محنه ولامحبتو ليهم وفسحوا وبصرف عليهم لازم ي كوثرتنصحيها تتعالج عند دكتور نفسي لانها ادمنت الإهانة والزله والبهدله وقله القيمه. بعدين في حاجه سبب بلاوي البت دي اهلها ناس كعبين شديد قالوا ليها لازم تسوق معاك وعرضوها لبهدله وشغل البيوت قالبكم قمتها هي ولدها يخص علي الاهل الكعبين
مع احترامي ل صاحبة القصه.. بس ايوه فعلا هي غلطانه ، هي الي رضت على نفسها الاهانه من أول مره وتوالت عليها الإهانات.. التغافل والطيبة شيء، والرضا بالإهانة شيء ثاني .. لو اختصرته من أول موقف ما كان حصل الحصل.. وكل الأشياء تبدأ من الداخل، حبي نفسك وثقي فيها كويس عشان تتحصلي على الحب والثقه من الحواليك
المصبرني على القصة دي كان عشان قايلاها حتتغير وتدافع عن نفسها واولادها وتشتغل وتبقى قوية وتختار نفسها لكن النهاية صدمتني وهردت فشفاشي اكتر ياريتني ما كملتها غير اتمغست اكتر م حصل حاجه قال لسه باكية عليو وبتحبو قال دي تستاهل يضربوها صباح ومساء وتستاهل يستغلوها ويشيلو قروشها ويحقرو بيها اصلا هي الظالمة نفسها وعايشة دور الضحية وراجلها مفتح واحسن منها للاسف
المشكلة لمن تكوني شخصتك ضعيفة بجيبة لي نفسة دي اكبر مشكلة الراجل ديل عايزين العين الحمرة احسن ليها كدة مرتاحة راجل شنو حب الشنو الحب الواحد يحترمك ويقدرك ويقدر اهلك ويقوم بي واجبة غيتو في قصص تفقع مرارة الواحد
كمان النسوان حاسدات . شافتها اتغيرت وحالها بقى احسن رسلت لي راجلها .. انتي بي صفتك شنو وعلاقتك بيهو قدر شنو عشان ترسلي لي راجل في تلفونه ... الصديقه دي هي سبب الخراب الاول . الله يخرب بيتها زي ما خربت بيوت الناس.. وبعدين صاحبة القصه علي نياتها ... كان ممكن تشتكيها في قصة الصوره اللي اخدتها منها بدون إذن. وخصوصا وهي في بلد فيها قوانين رادعه . . فوضى بس وقلة ادب نسوان فارغات .وسطحيات .. ومتخلفات ...
عشان كده الرسول صلى الله عليه وسلم نبه انو نسافر لي دول الكفار لانو اطفالك ونفسك ربنا بيسألك منهم الحفاظ على الدين اهم من اي حاجه البلد ديك ضياااااع في ضيااااع
هي عاوزه تعرف انو طار وين لي بعد الزل والاهانه دي..الضربه دي جاته بي فايده اريتو ضربه من زمااان عشان تفهم..لي الهبل دا كلو وعدم الكرامه قاعده في بلد تتطور نفسها وتربي عياله ولا عاوزه الزله بقت ليها سمحه ..اكسري وراه قله الدرب اليودي وما يرجع..
تنسي العفن ياصاحبي القصه ده ماراجل بتحسب عليك...عيشي حياتك وابدي من جديد وربي أولادك كويس واحمدي ربنا انو ماجاب ليك مرض ...ياصحبة القصه انتي اثبتي ليه انك عويره بالجد بالسلبيه بتاعتك...وهو عرف نقطة ضعفك...ارجعي لنفسك وخليك قويه مافي راجل بستاهل تتساهلي ليه قدر كده...قاعده ف بلد قانون امشي اعرفي حقوقك شنو ولو علي انا بلغي عليه عشان تاني ماتشوفي وشو ابد لاانو ده النوع الخبيث ماتعرفي يعمل لبك شنو ...
مساء الخيرات ماما كوكي والقروب الأفاضل صاحبة القصة ضعيفة شخصية ... فرض عليها قيود وشروط ... الحياة بتحلم بيها مع اولادها فيها نوع من البخل وعدم الإحترام إي أسرة ممكن تكون ..عدم الأب في الحالة افضل .... الشيوخ افتوا حر مال الزوجة لا يحل للزوج ان ياخذ منه الأ اذا اعطت للمساعدة في المنزل .... الحياة شراكة بالمفهووم الغصري ... الزوج عليه النفقة ...والله كنت مبسوطة وقلت : الحادث بالتاكيد روح تحبس4و10 حق اولادها محفوظ ..تاتي الرياح بما لا تشتهي السفن ..في المصيبة يكمن الحل ... الله لا يرض الظلم لعبده ... الجديدة ما تفرح حتشرب ما تروى والله انا ضد احتقار وظلم وتطاول الزوج على الزوجة ....
الحمد لله ربنا حلاها وسلمها هي واولادها منه. داء اسوأ انواع النرجسيين لانه عدواني وعنيف. لو رجعت ليه حيكتلها او دمرها هي و اولادها. النوع ده ما بيتعالج ..كمان بتونس مع النسوان .طيب اتونس مع ام اولادك اولي
