معنى للحياة من دون أمل، ولا قيمة لها دون وجود التفاؤل؛ فالحياة مليئة بالعقبات والمشاكل والصعوبات، فإذا فُقد الأمل لا نستطيع أن كمل طريقنا بسلام، وهنا أجمل نصائح
نصائح ليك يالفحلة ولما لعرايس الجدد 🤪🤪🤪 1/ قبل مايبداو يذبحو نوضي بكري طيبي كسرة ولا خبز الدار اتهناي من وجدي البطاطا لي رح تقليها و حطيها بجيه زيدي دوزني السلاطة و قطعيها حطيها بجيهة اغلقي البيبان تع البيوت باش ما توصلهمش ريحة التشواط و الشواء و يبقاو مفحفحين بعد ما تكملي افتحيهم 👍 2/ الدوارة كيما يخرجوها بعد ابداي فيها هي اللولا اقسميها على 3 الكرش لكبيرة و المتوسطة و هاديك طلاقة النساء احكمي التويو حطيهه في فمها و بلعيه و خضيها مليح باش يتحلل العشب الى فيها و يخرج فاسيلمو دريلها فتحة من تحت و هكذا 👍 3/ احكمي لمصارن كيف كيف نقيهم مليح بالتويو و قلبيهم لاااااازم و نحيلهم هاديك الشحمة الزايدة في الاخير عقميهم بالخل والملح في الماء👍 4/ اذا توكلو البوزلوف شوطيه مليح ع الطابونة و كرطيه مليييييح شحال من مرة هو و الكرعين و مبعد اغسليهم مليح بجاكش حديد يكون خشين و جديد في شوية ماء و ازيس باش ينحيلك هادي لكحولية و اذا ما تاكلوهش صدقيه كيما يتذبح بعد 👍 5/ الجلد اذا ماتسحقيهوش صدقيه كيما يذبحلك الموسيو و اذا تحتاجيه كيما يتسلخ بعد لميه الجهة تع الشحمة برا و جهة الصوف لداخل و حطيه ف ساشي نوار (sac poubelle) و اغلقي ملييييح بعد يومين افتيحا و ابداي انزعي الصوف رح يتنحالك بكل سهولة و اغسليه ملييييح شحال من مرة 👍 6/هنا راكي كملتي الشي لكبير ابداي درك يا لفحلة في تحضير لغداء كل واحد كيفاه حنا نديرو بولفاف تع لكبدة و نقلو شوية م الريا و القلب و الطحال و فريت و سلاطة ڨازوز و ديسار و الله يديمها نعمة . 7/ الوقت الي الي راكي اطيبي فيه اضربي تسييقة للمكان لي خدمتي فيه و فحفحي الدار بروايح الله الله اتغذاو و روحي ديري دوش ينحي عليك الغمة و كل عام و الأمة الاسلامية بخير يا رب لي تفوت منا تدعيلي من قلبها وتضرب كلو في قناتي راح نحطلكم غير جديد من روتينات ووصفات تعبت و انا نكتب😘😍😘😍