احس تذكرت ايه ( و لعلكم ان تكرهو شيئا و هو خيرُ لكم ) يعني سبحان الله انت صارت لك نوبه الهلع و كرهت كل شي و تحس انك بتموت و معرف ايش و لولا الله ثم ذا الشي ما كان الحين عندك قناه يوتيوب و ما كنت مشهور و ناجح في اليوتيوب ما شاء الله كسرت ذا الخوف ف سبحان الله كيف ذا الشي كنت تكرهه و الحين ممكن تحمد ربك ان صارلك ذا الشي لما تشوف الخير الي انت فيه الحين ما شاء الله💞💞💞💞.
ما تشوف شر ياعادل أفضل شيء سويته أنك فضفضت وتكلمت عن المشكلة اللي مريت فيها أنا بحكم أني الولد الكبير كنت شايل مسؤوليات البيت بسبب مرض الوالدة الله يرحمها والوالد تعب نفسياً بسبب مرضها فكنت أراجع به عند دكتور مع مراجعات المستشفى للوالدة ولا كنت أتكلم مع أحد عن الضغوط اللي كنت أمر فيها وكان نومي متأثر وعندي التفكير الزايد واستمرت المعاناة إلى ما بعد وفاة الوالدة بسنة لين قررت أني أتكلم مع دكتور نفسي وكنت متردد مع أني كنت أراجع مع والدي أطباء نفسيين المهم قررت أكلم الدكتور النفسي وبمجرد أني تكلمت معه ارتحت كثير كنت مثل قدر الضغط اللي يحتاج تشيل البلف عنه عشان يطلع اللي في داخله والحمد لله بمجرد الكلام رجع نومي بشكل طبيعي والتفكير الزايد راح في الأخير اللي حاب أوصله أن الواحد لا يكتم في داخله زيادة عن اللزوم ولا يستحي أنه يتكلم مع طبيب نفسي إذا حس أنه محتاجه، والله يطمن قلب كل مهموم.
ماشاءالله تبارك الرحمن الله يبارك لك في نفسك اخ فيصل انت اللي سويته واللي مريت فيه شي كبير يُفخر فيه كأخ وكأبن ماقصرت اعطيت من وقتك ونفسك ومشاعرك وتفكيرك وتحملت فوق طاقتك عشان اهلك وهالشي صحيح طبيعي بحال الاخ الكبير ولكن ساعات يكون مُتعب ومُجهد وانا كأخت كبيره احب اقول اني افخر بكل اخت واخ كبير بذلوا واعطوا الكثير والحمدلله يارب اكيد ان هذه خيره لنا وربي كاتب الخير بالقادم ، الله يرحم الوالده ويغفرلها ويجعل قبرها روضة من رياض الجنة ويرفع منزلتها ويسكنها الفردوس الاعلى والله يسعدك ويحفظك لاهلك ويحفظ اهلك لك ويوفق الجميع 💙
نظرتك في البداية للدكتور النفسي هي نظرة قاصرة وكثير من مجتمعنا زي كذا ينظر لها المهم لو حصل موقف او شيء يسبب توتر لي او ضغط نفسي او قلق على طول اوقف اسمع اغاني لسبب انها حرام وربي ماراح يعينني اتخطى هالشيء اللي ابي اتخطاه وانا اعصيه والسبب الثاني السمع عند الانسان يؤثر على العقل لما تسمع موسيقى رعب تخاف قبل يصير المشهد المرعب والحزين يخليك تصيح والكلام ماتدري وش بس تحزن وهكذا.. وبعدها على طول اسمع بودكاست سواء نفسي وينصح زي كنبة السبت او بودكاست ثاني زي بدون ورق وغيرها تهدي الواحد وتخليه صبور ونفسه طووويل واقرأ كتاب وارسم اول شي اسويه وعندي وقت ارسم واذا حزنت ارسم واذا خفت وتوترت زي قبل مواعيد تسجيل الجداول اموت توتر بس ارسم واطلع حرتي فيه واذا جاء التسجيل اكون اهدأ بكثير بعد اذا حسيت انفاسي تسارعت او رجفة بصوتي اذا تكلمت قدام الناس لما اسوي عرض او اشرح احاول من قبلها اسوي تمارين اللي اسحب نفس من الانف واحبسه قد ما اقدر واطلعه ببطء من الفم وهكذا لين ينتظم عندي دقات القلب ويروح نص البلاء بعد اذا حسيت بحزن انزل اتمرن حتى لو مو يوم تمريني المهم افرغ طاقتي واول ما احس بشعور العرق بالتمرين يااااااااااه طاااقه ودي اطيير كل هذا شي بسيط والاساس القران وجه قبل اذاكر او اسوي اي شي عشان اهدأ واتصدق كل شهر قد ما اقدر يمين الله مهما كنت مخبص مهما صار هالاشياء بتشوف اثرها بحياتك وشكرًا لك لانك فتحت قلبك وكنت صريح مع نفسك قبل تكون صريح معنا وصح لا تنسى العلاج بالكتابة تراه فعال بشكل مب صاحي اكتب وبس لاتقول وش اكتب ادخل الملاحظات واهبد لو تقول انا دخلت اكتب بس لاني سمعت هالنصيحة والخ..
انا كانت تجيني نفس حالتك لكن ماكنت اروح المستشفى فتخيل عايش في حرب نفسي ٨ شهور😂 لكن الحمدلله نزلت وزني من ١٤٠ الى ٨٠ بديت التزم في اكل صحي وصرت امشي كل يوم والتزمت بصلاتي واللهم لك الحمد والشكر كله هذا بفضل الله سبحانه وتعالى تغيرت حالتي ونفسيتي ١٨٠ درجة 👌
والله انه فيديو مفيد اكثر من انه ممتع وهذا شي اسعدني اكثر واكثر لانه مرات الكلام من شخص كيوتيوبر ياثر على شخص واحتمال شخص سمع فيديو حقك الان لو لا قدر الله كان وضعه كذا فيفهم انه مو الوحيد اللي قد صار له كذا االلله يشفيك ويشفي جميع مرضى المسلمين
اسوء شي في العالم نوبة الهلع الله لا يحسسكم فيها تحس انك تختنق ما تقدر تتنفس وقلبك شوي ويوقف وتحس ببرد وحر فنفس الوقت وتحس بدوخه من الخنقه وتتنفس بسرعه عشان تحاول تبعد الخنقه انا تعودت عليها اذا جتني اروح لمكان فاضي وهادي عشان محد يشوفني واتوتر اكثر👎🏻
ياعادل وربي الكعبه مااكذب عليك ان نفس الشي صارلي بس رحت الطوارئ مره وحده و قالوا مافيه شي قالوا اهلي خلاص مافيك شي و حرفياً انا اكتشفت ان فيني نوبه هلع و بديت اعالج نفسي بنفسي و كنت كليوم قبل ماانام والله اني اتشهد كليوم عشان لو لاقدر الله ماقمت بكره اكون على شهاده
والله اشبه بقصتي بشكل كبيييرا كنت احسب اننا انا الوحيد الذي مررت بهذه التجربة وحرفيا وانا اسمعك جالس اتذكر نفس المواقف ونفس الاحداث الي حصلت معي الله يكون بعون كل من يعاني او مره بها تجربه مرييره جدا
شكرا لانك شاركتنا القصه جدا فخورين فيك و كثير يعانون وما يدرون ايش فيهم وقصتك وعت كثير ناس و الحمدلله على كل حال انا متاكده ان كل شخص فيه شيء لكن محد يعلم احد 😢
صارت فيني قصه مشابهه لك بس انا ماكانت تجيني اعراض مرض.. اعراضي كانت فقدان الشغف وكره الحياه كنت ضايعه حرفيا وفعلا صار فيني نفسك ماحضر الجامعه والمعدل طايح وكل المواد حرمان بس الحمدلله بعد مادعيت وصليت الوتر والتزمت فيها تغيرت حياتي و وقفت على رجولي مره ثانيه ، العبره من قصتي مالك الا ربك و نفسك لا تنتظر اي احد يساعدك على انك تغير حياتك للافضل🤍
كفو يبن روق على الجرأة و كفو على انك تخطيت ولو ما انك قدها و عندك قوه مافي اطنخ دكتور يقدر يفيدك الا انك انت اللي حاط هدف انك تصير اقوى و تتخطى اي عثره وان ما كانت عندك القوه عاد الله اللي خلقك و سواك و عدلك في اي صورة ما شاء ركبك سبحانه تذكر انه اذا اراد شيء يقول له كن فيكون سبحانه اللي بمشيئته ترز الصحه و الفلوس و هو الغني ارجع له و عقبها للدكتور لكنه الله الأبدى من كل علاج
حرفياً نفس الي جاك جاني وا طولت عشان استوعب الموضوع لاني كنت احسب اني الوحيد المصاب بذا الشيء الين بعد مدة اكتشفت ان في ناس مثلي من بعدها اكني ولدت من جديد ومبسوط اني مو الوحيد😂 المهم الحمد لله ع كل حال تداركت الموضوع بنفسي ولو دريت عن الشيء النفسي ذا كان رحت لدكتور نفسي من زمان ماكان يهمني رأي المجتمع
نفسك كنت اعاني من وسواس من شيء ما كنت اعرف انه وسواس منجد موجود وعبالي انا الوحيدة الي فيني هالشيء خصوصاً انه مب منتشر هالوسواس وكنت اعاني لوحدي وثم يوم بحثت بقوقل طلع انه وسواس وفيه كثير زيي واسوء بعد من بعدها ارتحت وصرت اتجاهل مرات انسى اتجاهل بس صرت اغصب نفسي واقاوم
انا اعاني من اعراض ما كنت متاكده من ايش لكن تخليني دايم متوتره وما اعرف انجز في يومي لكن لما شفت مقطع عادل عرفت انه الاعراض اللي احس فيها كلها هي شيء نفسي و انها نوبه هلع بحثت عن الموضوع وتاكدت شكرا عادل على المقطع لاني عرفت بالضبط وش فيني
قصدتك ابكتي والله ، لاني طبيب ومريت شخصياً بنفس المشكلة وايضا تمر علي حالات كثيرة بالعيادة عندهم نفس المشكلة وافرح انه جاني واني بكون سبب في شفائه بعد الله ،،، شكراً لك ويارب يستفيد منها الكثير 🌹
أنا أتوقع ان العلاج الي عطوك من أنواع العلاجات زي ما يقولون ( الوهميه ) الي هي يعني ما راح تسوي أو تعالج شي من اعضائك هي بس عشان توهم و تقنع عقلك الباطن الي مسؤول عن ذي الأشياء ان هذا علاج للي يصير لك و عقلك الباطن يقتنع و توقف هذي الحاله ، لان مثل هذي الحالات مرات يعني مو متأكده لكن تكون ما لها دخل في جسمك يعني مافيك انت مرض ولا شي بس عقلك متأثر ؛ بس مو أكيد يعني ممكن انت تكون في شي بالجهاز العصبي و من ذا الكلام وممكن لا
@@user-dg7zu6xy6l فيتامين دال غالبا ناقص فيك افحص فيتامين و ممكن عندك جرثومة معده افحص برضو او الكهرب زايد في جسمك داري مالها دخل في بعضها بس كلها تسبب نوبات الهلع و أنا لازت أعاني و لاكن بدت تخف و إذا فحصت و ولا واحده منها فيك إذا جتك الحاله افتح جوالك اشغل نفسك او عد تنازلي مثلا من ميه ل خمسين اذكر الله اقرا قران و الله ييسرها 👍🏼
الفيديو قديم بس عادي، أنا للأمانة بحثت عن مرض نوبة الهلع وأكتشفت أن المريضين يجيهم هالحالة بشكل مستمر لشهور أو اكثر وانا بس جتني مرتين خلال شهرين أعتقد، المرة الأولى كنت أتروش وفجأة حسيت بدوخة والاصوات الي حولي بدأت تقل وهو فعليًا كنت على وشك انه يغمى علي بس مدري ليش وقتها حسيت كأني بموت، لبست بسرعة وانا ميت من الخوف لأني حاط احتمال كبير براسي اني رح اموت وأول ما طلعت طحت على الارض وانا ابكي واشاهق وارجف لين جت امي مخروشة وهي تمسكني وجلستني عالسرير وهديت، بعدها بشهر يمكن كان عندي موعد اسنان لاول مرة بحياتي وكان رح يشيل عصب السن ولما خدر فمي بدأ يمر علي شريط حياتي وحسيت اني مستحيل اعيش اكيد الدكتور بيسوي شيء غلط واموت فوقتها قعد فمي يرجف بشكل مو طبيعي ولانهم يشتغلون عليه لاحظوا بسرعة وجسمي كله قام يرجف وقعدت اصيح واشاهق وحاس الموت بيجيني وقام الدكتور والممرضة الي معاه يهدوني واخوي كان بالغرفة بعد جاء ويهديني معهم لين هديت، وبس صراحة. اتذكر وانا صغير جتني فترة من حياتي يوميًا احس ان الموت بيجيني لكن ما اتذكر التفاصيل ابدًا او انه كان يجيني خفقان او شيء يستلزم المستشفى فماني متاكد ان هذا يعتبر نوبة هلع
انا بدأت معي قبل ٧ سنوات وكنت متجاهلتها و حرفيا كانت فتره و تروح لكن كل ما مرت سنه تزيد علي الاعراض اقوى استمر علي الموضوع الى الان و حاليا صايره تجيني كل يومم كل يوم شعور مرعب امر فيه و افكر ابدا خطه العلاج مع الدكتور بس لسه متردده
اتمنى انك بدأتي تاخذين موعد وتمشين عليه والله العظيم يالطب النفسي انه شي مهم جدددددًا لا تفكرين ان اللي يروح عند دكتور نفسي يعني انه مجنون لا ياكثر اللي راحو وتعالجوا وهذا هي حياتهم ومستانسين وتشافوا شوفي برضوا عادل كيف تغيرت صحته وهو اكيد مانزل هذا المقطع الا عشان يعلمكم ان الطبيب النفسي حلّال لنصف مشاكلنا النفسية والله يوفقك يارب ويعينيك🤍🤍🤍🤍🤍
الدليل الأول من القرآن: سوره لقمان آيه ٦: كما قال ابن مسعود في قوله تعالى : ( ومن الناس من يشتري لهو الحديث ) قال : هو - والله - الغناء .قال ابن جرير : حدثني يونس بن عبد الأعلى ، أخبرنا ابن وهب ، أخبرني يزيد بن يونس ، عن أبي صخر ، عن أبي معاوية البجلي ، عن سعيد بن جبير ، عن أبي الصهباء البكري ، أنه سمع عبد الله بن مسعود - وهو يسأل عن هذه الآية : ( ومن الناس من يشتري لهو الحديث ليضل عن سبيل الله ) - فقال عبد الله : الغناء ، والله الذي لا إله إلا هو ، يرددها ثلاث مرات . حدثنا عمرو بن علي ، حدثنا صفوان بن عيسى ، أخبرنا حميد الخراط ، عن عمار ، عن سعيد بن جبير ، عن أبي الصهباء : أنه سأل ابن مسعود عن قول الله : ( ومن الناس من يشتري لهو الحديث ) قال : الغناء . وكذا قال ابن عباس ، وجابر ، وعكرمة ، وسعيد بن جبير ، ومجاهد ، ومكحول ، وعمرو بن شعيب ، وعلي بن بذيمة . وقال الحسن البصري : أنزلت هذه الآية : ( ومن الناس من يشتري لهو الحديث ليضل عن سبيل الله بغير علم ) في الغناء والمزامير . الدليل الثاني: حديث في صحيح البخاري: لَيكونَنَّ من أمَّتِي أقوامٌ، يَستحِلُّون الحِرَ والحريرَ، والخمرَ والمعازف بأختصار ان الموسيقي حرام وٌآلَلَهّ آعٌلَمً❤
اهم شي انك اقتنعت انه اللي يروح للدكتور ماهو مجنون مشكلة كبيرة تصير بمجتمعنا هو انه اي شخص يروح للدكتور النفسي فهو مجنون او مريض وبعضهم يتهم الناس بالعين والسحر ويتهم اولاده بالمخدرات والحشيش وينكر في نفسه انها امراض نفسية الخطوة الاولى في العلاج النفسي هو ان يلعن المراجع انه يحتاج الى علاج نفسي
الفايده من القصه ، لاتعطي الوسواس و اي موضوع اكبر من حجمه الِّي بيصير لك كاتبه ، يجيك شعور انك بتموت رد على شعورك وقول عادي واذا مت كل الناس بنموت ، تحس بيجيك مرض قول ما يصيبنا الا ماكتب الله لنا ❤️، انتبهو من الوسواس والافكار السلبيه تتغلب عليكم
والله يا عادل مفي داعي للخوف بل نهاية اهم شي تكون انسان طيب ومحترم حتى لو عندك اغلاط اهم شي تبقا انسان طيب ومحترم وتذكر لاخوف على نفسك والله معك دايم قول الي يصير خلي يصير انا دام الله معي مايهمني شي ودامني اصلي وصوم ومتابع العادات الصحيحة والاخلاق الزينة مافي داعي لا اخاف ولا احط هموم على نفسي
اقسم بالله نفسك بالضبط يا عادل اللهم كان تجيني تشنجات حتى اصبع رجلي او يدي ما اقدر احركه ورب المصحف وقت الحاله و كل جسمي احسه كهرباء و لا اقدر حتى اتنفس و النظر يبدا يغبش اقسم بالله كانت اسواء سنه بحياتي قطعت الثانوي و ضليت على المستشفيات لين رحت مستشفى نفسي و قال يوسف ترا انت فيك هلع و انا وقتها اقسم بالله حسيت بفرحه كاني متخرج او متوظف بس عشان اخيراً يا ناس عرفو وش علتي و الحمدلله الحين اختفت شبه كليا لان قبل شهرين جتني بسبب تعب الكورونا و انا اوسوس لاني ماني ماخذ اللقاح و اعديت البيت كامل (: بس الحمدلله نجوت من الجحيم حرفياً و الحين تقدر تقول اني اكثر واحد فاهمك و الحمدلله على السلامه 🦦🤍
اهلاً الصراحه شفت مقطع لك في التيك توك تتكلم عن قصتك ونفس حالتي استغفر الله ارتحت ان في احد مر في نفس تجربتي وقلت لازم اسمع قصتك كامله نفس الاحداث الي صارت معك صارت معي بس في اختلاف بسم الله صحيت من كابوس ومن بعده انتكست حالتي لمدة شهرين خفقان مستمر مع ضيق في النفس هذا غير الوساوس شهرين وانا من مستشفى إلا مستشفى دخلت على حسابي من فحوصات وتخطيط قلب ودخلت حكومي تنومة لمدة اربع ايام ماهم عارفين وش فيني وطالعه ونازله على الاشعه هذا غير الفريق الطبي الي كل شوي يجون يشوفون حالتي ويسألوني إذا احد من عايله عنده مرض القلب وبعد ما طلعت من التنويم قالوا خروج لن طلع كل شي سليم بتحاليل طلعت من هنا زاد الموضوع اسوء صرت ماانام والله صرت انام بحضن امي اخاف اموت بعيد عنها وكل ما غفيت صحيت انتفض احسب اني مت من الثانيه ناحية الاحلام والكوابيس وكل يوم افكر اني بكره بموت وان خلاص قرب موعدي شهرين وانا نفسيتي تعبانه ومابي اقابل احد بس افكر لجأت لرقيه الشرعيه وللأسف زاد الوضع ودخلت المستشفى مره ثاني وتطلع فحوصاتي سليمه ولا كان عندي احد يحس بالي امر فيه كان تجيني بين فتره وفتره كانك قاعد تحتضر هذا اقرب وصف بعدها رحت كتبت الأعراض في قوقل طلع انه علامة قرب الأجل اخذت موعد مع دكتور نفسي طلع عندي نوبات هلع والصراحه ماكملت الجلسات بسبب ماعندي القدره الماليه والحمد لله اموري جالسه تتحسن شوي مع الاذكار الفايده اتمنى محد يستهين في الاضطرابات النفسيه هذا اسوء شهرين مروا في حياتي والحمد لله على كل حال مبسوطه اني فضفضة الله يعافينا وياكم يارب 🤍
جتني حوالي شهر كنت ابكي كل يوم مدري شسوي ضياعع كل م تجيني افكر ليش ادرس كيف بتكون ردة فعلهم اذا مت وش بيصير لهم ولا انام امسك نفسي عشان م اموت حاطه ببالي الموت بيجي لما انام مو بأي وقت و خلص الشهر ذا وانا م رحت لمستشفى ابد مستحيل اروح لو اني جثه كنت كل م تجيني اروح اتروش يعنني بيهديني وهو م يسوي شي بس اوهم نفسي وجاء الشهر اللي بعده رحت بحثت عن الاعراض وعرفت للنوبات هذي بس برضوا صملت م اروح المستشفى صرت كل م تجيني اقول م راح تموتين هذي نوبة عادي اهدي اروح اقرا ولا اسوي شي لين اهدا وقعدت ع ذا الحاله تقريباً ٦ شهور تجيني مره بالاسبوع او بالشهر مو زي قبل كل يوم والحين معد جتني مدري شلون وكيف توقفت وليش بس برضوا لو اني رايحه المستشفى ابرك
اتوقع لانك عرفتي حالتك و الحمدلله مدام امورك طيبه ان شاء الله ما تحتاجين مستشفى و اذا احتجتي لا تترددين على طول روحي اصلا ليش موجودة المستشفى اذا ما رحنا
يا اخي اقسم بالله اكثر المشاكل النفسيه حلها بالقرب من الله وترك المعاصي لان فيك جانب روحي مثل مافيك جانب بدني ولازم تعطيه حقه مثل ما تعطي جانبك البدني حقه
نوبة الهلع ماتمناها لعدوي كانت بشكل يومي تجيني بطفولتي من 6 سنوات ل10 وبعدها اختفت وصارت تجيني بالشهر يمكن مره واختفت من عمر 13 ل18 بس قبل كم شهر جتني بشكل يومي واختفت الحمدلله واتمنى ماترجع لي ابداً
نفس الي جاني بالضبط تقريبا جلس معي ثلاث شهور ونفس الحاله تخطيطات قلب وخوف واي شيء يجيني اكتب بقوقل واخاف اكثر واحس ان فيني امراض ونفس حالتك قالوا لي رح لدكتور نفسي مارحت بس هديت واللي فاد معي عصفر كان يهدي مره ويرخي الاعصاب والحمدلله راحت مني
العصفر يفيد مره للي عندهم حالات هلع يهدي مره بس لا تكثر منه كل ماخفت حط العصفر بمويه وخله شوي واشرب وحاول لا تخاف الموضوع كله بيديك ولا تبحث ابد وان شاء الله يروح منك
واضح انه عادل عنده وسواس موت ومو هو بس فيه كثير ماس نفس حالته تلقاه يخاف يطلع من البيت أو يخاف بزيادة انه ينام اذا جا الم بسيط في القلب ولا صداع خلاص يفكر انه بيودع
يالله كيف انبسطت ان فيه ناس كثيره جايتهم نفس حالتي للاسف اني الحين الحين أكلمكم مع انو الفيديو له سنه بس توني اطيح عليه أنا جاتني نفس هالحاله بسبب انو سويت عملية قبل سنه واكتشفو ان كان فيني ورم وتم استئصاله وماكان فيه انتشار يارب لك الحمد وخذيت جلسات كيماوي وقت الكيماوي تعبت ودخلت العنايه المركزه وطلعت وخلصت الحمدالله بس الحين صار فيني نفس حالة عادل اي الم يجيني ابكي وانهار اخاف يكون رجع او إذا قريت شي أفكر اقول اي ذي رسالة لك انك بتمرضين بعيد الشر طبعاً امي توفت بعد ماخلصت جلساتي بأسبوعين يعني زاد القلق والخوف اضعاف صرت الحين اخاف يجيني مرض نفسي ومجرد ماني اسمع شي اسال اخواتي اقول سمعتو او شفتو عشان اتطمن مايكون مجرد خيال وسواس سمعيه وبصريه تكفون طالبتكم طلبه الي عانو مثلي كيف تخلصوا من هالقلق كيف عشتو بعد خلصتو جلسات كيماوي والله العظيم اني انهار وابكي واخاف كل مايصير موعد عند طبيب الأورام عشان يكون تشيك اخاف وابكي عند الدكتور طالبتكم ساعدوني وش اسوي وأتصرف بدون ماروح عند طبيب نفسي لاني مابغى اروح واخذ ادويه وكذا ساعدوني طلبتكم💔💔💔💔
اول اسال الله لك السلامه ثانيا بعد الدعاء ضروري طبيب نفسي واي شخص يقول غير هذا الكلام لا تصدقيه عن تجربه اتكلم معاك جربت اكثر من طريقه وحتى الناس ما بيفهموا المعاناة التي تمرين وان تكلموا او نصحوك فهيا مجرد طبطه ومواساة فقط لاتقدم ولا تأخر ما عليك بعد الله ثم الطبيب النفسي الذي بيعطيك جدول عملي للعلاج اما دواء او سلوكي ولك الشفاء بعد الله تعالى ولكن اختاري الطبيب بعناية والمشهود له
ترى ما تنلام يا عادل ايام الجائحه العالم كله كان في نوبة هلع والكل خاف يا اما على نفسه وعلى أهله وعلى عياله واخوياه وربعه الكل جاته النوبه ذي بس انت الله يهديك جاتك بشكل زايد ، والحمدلله انك تخارجت منها على خير والله يكفانا واياك من كل شر وجعله اتلا الشر .
الحمدلله على سلامتك، اتمنى اي احد يحس نفسه مو طبيعي والنفسيه تعبانه وجاته وساوس على يطول يراجع دكتور نفسي انا صبرت على نفسي سنه كامله لين ماتحسنت حالتي لوحدها الحمدلله لكن ياريت اني اخذت حبوب من البدايه كان وفرت على نفسي كثير الحمدلله
الشيطان أشغله بكثرت الوسوسة وممكن الشيطان يدخل على الواحد بكثير من الأمور مع الوقت ممكن تتطور الى مرض نفسي مجرد الواحد يعلق قلبه بالله ويفوض أمره لله تروح أنشاء الله مع المحافظة على الصلاه في وقتها و الأذكار وقرات القران ورد يومي حتى لو قليل المهم المحافظه وكذالك النوم الجيد سعات كافيه والتغذية الصحية هاذ إجتهاد منى وإنشاء الله أني على صواب مع أني أنصح أذا ما وجدت حل وتحتاج تروح لدكتور نفس روحه وقدامك العافيه
جاتني وكانت من اسوء الفترات وكل ماتجيني احس اني بموت الين اكتشفت لما رحت الدكتور وعرف حالتي قال انها بسبب صدمه صارت لي بس انا كتمت الين سببت لي هالنوبات المستمره لكن الان الحمدلله اني قدرت اتغلب عليها وبعطيكم الطريقه الي قال لي الدكتور كل ماتجيك نوبه حاول تعد من واحد الين عشره وتشغل تفكيرك بأي شي لان عقلك بيكون كل تفكيره بالموت
انا تجيني النوبه الهلع لما اقابل الناس واكثر شي تكون مع الناس الي اعرفهم اقاربي تخيلو كان تجيني لما اكون مع اهلي بفطر ما اقدر اكل احس يراقبوني تعبت رهاب اجتماعي مره متعب لازم اكسر ذا الحاجز ول بعاني طوال عمري صارلي زمان ماشفت اقاربي غير مرت عمي وعمي هم مره قربين منا استحي منهم بس يعني شوي شوي لمًا اقضي وقت تروح نوبة الهلع
السلام عليكم عادل انا قد صار لي نفسك اسبوعين كنت انام وذا قمت احس في الم من جهة قلبي وقعدت فتره وخلتني اوسوس وكتبت فقوقل قالي خفقان او بعض الشرايين منسده وصرت ما اكل الا فاكهه ورحت الطوارئ سويت تخطيط قلب ونشبت للممرضه ابي علاج صرفتني قالت يمكن فيك التخاب فلقلب بعطيك حبوب تعالج الالتهاب المهم بعدها بيومين من رحت الطوارئ اختي شرت لي مرقد ومفرش جديد وكل شي جديد ونمت حوالي خمس ايام فيه وحس قل الالم قلت ممكن بسبب العلاج وستانست المهم بعدها بكم شهر صرت انام فلاستراحه وكنت انام على مكان قاسي ووجعني نفس الوجع واكتشفت انه بسبب نومي لاني انام من جهة القلب يجي الم فا اكتشفت المشكله الحمدلله لان سريري القديم عندي من اول ماعرفت الدنيا وكان قاسي اخر السنوات فالحمدلله سويت اشياء مالها داعي ودراما اسبوعين كنها سنه والله ياخذ قوقل
يارب جتني النوبات ذي في بداية ثاني ثانوي كانت من اسوأ أيام حياتي كانت تجي في الاختبارات النهائية والله ماكنت اقدر افتح الكتاب وتجيني دوخه وارجع وإسهال أكرمكم الله والله مايجيني النوم لين اشغل فيديو وحيد في اليوتيوب كان ينومني واحد عراقي يتكلم مدري ايش يبغى بس هو الفديو الوحيد الي كنت انام منه وكنت اروح عند أمي ابكي وأخلص من عندها اروح لأختي وابكي وأخلص من عندها اروح لأختي الثانيه وابكي وكذا لين يخلص اليوم وأنا ماذكرت شيء مدري هي بسبب عين او حسد لان درجاتي عاليه ولا وش بس كانت فتره مره مو حلوه وكرهت نفسي فيها والأكل ما كنت أكل صح ومن الأعراض الي كانت تجيني قلبي كان يدق بقوه حتى كنت اسمع صوت الدق في أذني وأذني كانت تهتز من قوة الدق وعيني كمان كانت تدق وراسي ويدي كانت ترجف رجفه مو طبيعي يارب الحمدلله راحت ما ابغاها ترجع يارب ماترجع
جتني نوبة الهلع وانا بثالث متوسط وبحثت وتثقفت عنها مع انها كانت تجيني وانهار واتعب بس قدرت اتجاوز يوم عرفت وش هي و انها عاديه جدًا ولا فيها شيء مع اني كنت صغيره وكنت اعااااني جدًا ومحد يدري وش نوبة الهلع ذي يحسبونه هبوط ولا بسبب القهوه والحمدلله تجاوزتها لحالي
معلومة مهمة للكل اذا جاء الوسواس في اي شكل من اشكاله سواء وسواس مرض او سواس موت من تجي الفكرة في مخك اقطعها على طول لا تفكر كل ما تفكر تبحر في الموضوع نهاية الوسواس هلع لازم تقطع الفكرة وانا عارفة انها شي صعب بس نفس اللحظة اشغل نفسك وكل ما يرجع عقلك للفكرة اقطعها مع الايام تروح
يا عادل وحش وحش 😂😂 انا عندي خبره زيك بحكم اني تعالجت وقعدت اضحك على القصه من الذبات وحالاتنا حرفيًا وحده وكنت اكلم اشخاص ابي اساعدهم فكانوا يقطعون النقاش ولا يسمعون لي بحكم دكتور نفسي !!! ما يروح له الا مجنون خبال المهم الحين بشاركم المقطع مقدر اطلع زي اسلوبك الرهيب الذبات تفوز 🤍 الله يشافينا ويعافينا انا زيك في حالة العلاج للان لين ما اقطعه ولي فتره وارتحت مره شفت العافيه كله بسبب خوفي من مرضي بسببها هرمونات الخوف عندي ارتفعت ولا اعرف افكر بمنطق لييين اكلت العلاج شفت العافيه 🤍🤍🤍🤍🤍🤍🤍 انصح لكل شخص ما يتردد وخاصتًا حنا اكثر عرضه للمسلمين للوسواس القهري بحكم خوفنا من الله وتعظيمه لكن نسينا انه غفور ورحيم والشيطان نكد علينا والهرمون لعب فينا والوسواس الحمد لله له علاج ديني وعلاج طبي الدين الاذكار و سماع الاحاديث للنبي عنها وكيف تتصرف فيها احاديث لنبي مفيده اخذت وقت واذا مالقيته عليك بالاذكار والتعوذ من الشيطان وكمل علاجك الطبي عشان ترتاح والحمد لله ربي ما يبتلي الا عباده الي يحبهم واذا ربي شاء يقربك له ابتلاك بشيئ احمد ربك ان ربي اختارك ولا تخسر الاختبار فوالله انا اعاني من مشكله انتصر فيها ناس وبحثت عنها باليوتوب اثناء مشكلتي وخفت وتحطمت سمعت كلام الناس السلبي البعض كفر والبعض قصر مع ربه مثلا وسواس الصلاة تخيل سنين مايصلي شوفوا كيف الشيطان فاز . عليكم عليكم بالصبر واقتربوا من الله وتوكلوا عليه ثم الاسباب وهي العلاج والبدء من الدكتور النفسي الي يشوفونه كثير الناس انه عيب وانه مايروح الا المجنون النظره ذي غلط ووضحت بمقطع عادل وكيف كان تفكيره وكيف صار وليت من تعافى ماينسى اخوانه ونغير نظرت المجتمع لهذا المرض و وسوسة الشيطان الخبيث فيه في دين الله ، فيه اهالي كثيره ترفض العلاج النفسي عيب وعار وان ولدهم بيسمى مجنون (جهل الجاهليه) حارب الاسلام الجهل فخلونا نحارب الجهل هذا
شكلك خبره اتمنى تساعدني انا عمري صغير 18 لكن اعاني من وسواس موت وامراض اخاف من كل شي وكل شوي يوسوس فيني وكل ماتخطى مرض انتقل للي بعده 😢 كل يوم ابكي لامي واخواتي اقولهم فيني كذا وكذا وفعل احس بجميع الاعراض ويحفزوني ويساعدوني واتحسن شوي وبعد يوم يومين ارجع انتكس وافكر بوسواس جديد شفت مقطع وخطورة عدم النوم ومن بعدها صرت اوسوس بالنوم اخاف اني معاد اقدر انام وصرت يوميا احسب عدد ساعات نومي وصار فيني وسواس خوف من عدم النوم وصار اكره وقت عندي وقت نومي ابدا اتوتر واخاف بشكل مو طبيعي اخاف اني مانام وفعلا انسدح اكثر من 4 ساعات ولا اقدر انام واراقب نفسي ليش مانمت فيك مرض واقوم ابكي من الخوف مرت يومين مانمت بعدها بكيت لاهلي وسويت تحاليل فيتامين د وعندي نقص فيه اخذت اعلجه ومع الوقت تحسن نومي وصرت انام 6 ساعات جدا مبسوط مرت على حالتي هذه 3 شهور وطبيعي انام يوميا ومبسوط شوي لكن هاليومين انتكست حالتي ورجعت اخاف من النوم وصرت كل ساعه اقوم من نومي وهلى هذا الحال اتمنى القى كلامي يحفزني ومايخوفني وانه ععادي حتى لو مانمت مو. خطر ولا بيصيرلك شي مصيرك بتنام وترتاح لاني بحثت بقوقل خطر عدم النوم وطلع لي بلاووووي وامراض تخوووف 😢😢 وزادت نفسيتي سوء هل هذا طبيعي؟ تمر عليكم ايام او اسابيع عدم انتظام نوم ومتقطع واحيان ماتنامون في اليوم غير ساعه ساعتين؟ لاني ميت خوووف من موضوع النوم ابي ارتاح
@@IIKSAIIاولا السلام عليكم ثانيا موضوع النوم انا مريت فيه وكنت اغلب ايامي ما انام الا ساعتين من كثر ما كنت افكر بحياتي واوسوس بالمستقبل وصرت اي مرض يصير فيني اول شي يجي فبالي النوم ولكن كل هذا كان وهم انت تعوذ من ابليس وتقرب لـ ربي سبحانه وصدقني كل شي راح يتغير ثالثا انت في فتره مراهقه وهذا شي يعتبر طبيعي في هالفتره انك تفكر بأفكار غريبه ونقص فيتامين دال له اثر كبييييييير بالوسوسة اللي تجيك والدليل انك لما اعتدل عندك معدل الفيتامين رجعت طبيعي ونمت 6 ساعات رابعا قوقل لاعاد تدخله مره ثانيه وهذي نصيحه مني لان اكثر شي جاب فيني العيد هو لدرجة صرت اكتب اعراض عاديه ويطلع لي امراض اول مره اسمع فيها ومرات امراض خبيثه 😂😂😂
الله يعطيك الصحة والعافية يارب❤❤❤❤ صح ان المقطع قديم وامورك الحين إن شاءالله تمام بس تابعته لأني أحب سواليفك وسردك للقصص وطريقتك بالكلام استمر الله يسعدك❤❤❤❤
مافيها شي ادا احد راح يتعالج عند دكتور نفسي لاتفكرون انها اللي يروح يعني فيه شي بالعكس ترى تتعالج روحك ونفسيتك قبل صحتك لان الضرر منها ماهو عيب ياناس تروحون لدكتور نفسي فكرو فيها شي 🙃
والله عادل انا مريت بنفس المريت بي انت بالحرف الواحد كل شي حرفيا من نوبات من خفقان من قلق وحتى كئابه وكلشي وماقدرت اتشافى الا ان رحت طبيب نفسي والحمدلله الان افضل بكثير بفضل الله والعلاج والدكتور ولحد الان باقيه اشياء طفيفه مثل احس بألم بقلبي بس عادي متناسي الموضوع وكلشي تمام والحمدلله على سلامتك
حمدلله على سلامتك بس ذا كله بسبب الوهم الي جاك من الي قريته في النت و اعرف ناس كثير كذا و من اقاربي يعرف اعراض المرض ممكن اكثر من الدكتور من كثر الوسوسه الي عنده لكن حمدلله عندنا دكتور في العياله و يعرف يتعامل معاهم لين يقول لهم ذا كله وهم دخلته في راسك و انت ما فيك الا العافيه
انا مريضه اروح ل اطباء كم مره رحت اعرف انو مو من تخصصهم بس معقوله مايعرفون امي تقولي عالجي نفسك العلاج هو المواجه لازم اختلط مع الناس وفيه دواء بس امي تقول مستحيل اخذو لان يسبب ادمان بس لفتره ويروح المفعول ف والله تعبانه انا قريب من ربي بس مو عشاني اني اذا كنت قريبه منو يروح ال لازم اتعامل مع الناس وذا الشي صعب
رُبّ ضارة نافعه ، سبحان الله لو ما اصابك اللي اصابك ما كان فتحت قناة ف اللهم لك الحمد دائما و ابدا و هذا اللي صار مصداق قول الرسول صلى الله عليه وسلم ((عَجَباً لأمْرِ الْمُؤْمِنِ إِنَّ أَمْرَهُ كُلَّهُ لَهُ خَيْرٌ، وَلَيْسَ ذَلِكَ لأِحَدٍ إِلاَّ للْمُؤْمِن: إِنْ أَصَابَتْهُ سَرَّاءُ شَكَرَ فَكَانَ خَيْراً لَهُ، وَإِنْ أَصَابَتْهُ ضَرَّاءُ صَبَرَ فَكَانَ خيْراً لَهُ)) نحمد الله على النعمة اللي حنا فيها و رب العباد رحيم بنا سبحانه . الله يسعدك و يثبتك وياجعل كل ايامك سعاده و فرح زي ما تسعدنا بأسلوبك الحلو يا شيخ احبك والله 🤍…
فعلا نوبات الهلع تخوف اكثر من الامراض الثانيه تتشهد كل يوم تحس يومك الاخير انا نزل وزني 55 الى ٣٩ ماكنت اقدر اجل الا ع جمب طبعا انا تاخرت مارحت للدكتور نفسي علاجي كان شهر كامل عشان ارجع طبيعيه الله يشفيني و يشفي كل مريض انا لي حدود ١٠ سنوات كل ما استدرج الحبوب للاسف ترجع لي الاعراض 😢😢
هاذي مو قصه او إذا تبي تقولها قولها المهم أنا قبل سنه كنت اخاف خوف مو طبيعي صدق كنت اخاف مو طبيعي إذا رحت الحمام احاول اخلص بسرعه عشان ما اموت بالحمام او يغمى علي حتى ماقلت لاهلي عن الي يصير لي حتى قبل لأنام كنت أتشهد ميه مره و انام بس ما اطول يمكن ساعتين و اقوم اتأكد ان الاومر تمام و فجاءه بس أسبوع احبس نفسي بالغرفه و اجلس اصيح كل يوم حرفياً كل يوم يصير و للحين ماعلمت اخدمن اهلي اول بدايه قلت يمكن أعراض المراهقه و كذا طنشت السالفه المهم بس مرور شهر رجعت لي السالفه صرت خوافه لما اهلي يروحون مكان و أنا مو معهم اجلس ادق عليهم خايفه إذا عطوني مشغول اجلس ادق اكثر و ازعجهم و صرت ما اطلع كلهم يطلعون وانا جالسه اصيح المهم علمت امي قالت عادي هاذي أعراض تصير بس طنشت الموضوع للمره الثانيه ورجعت لي حالتي بس اصيح و قلت لامي قالت بوديك دكتور نفسي قلت ايش والله ما اروح مو مجنونه أنا ودني غصب و جلست أفضفض لدكتوره و أعطتني مهدائات و قالتلي انتي خوافه بزياده لانك شايفه شي و جلستي توسوسين و جلست اتذكر و تذكرت ان قبل سنتين جدي مات و للحين خايفه احد من اهلي يصير طبعا استمريت على المهدائات و وضعي صار تمام و الحمدلله ماصرت خوافه نفس قبل و أموري الحين زي الفل و بس شكرا
نفس الموضوع الي مريت فيه لما تخرجت من الكلية التقنيه 😂 اشغلت العالم ب الطوارئ وانا عارف ان الموضوع نفسي بس برضو الخوف لعب فيني وكنت كل دقيقه المس العرق الي برقبتي اتأكد هو ينبض ولا لا بموت لين مره رحت عند خالي ملتزم ورحت معه المسجد صلاة العشاء الناس تصلي وخاشعه وانا فطست ضحكك ع الصامت مو ضحك لعب ضحك راحه الي بدا يرجع لي عقلي وبدا يروح عنس الشيطان وكل ذا صار بشهر بس والحمدلله لما اتذكر الشي ذا افطس ضحكك 😂😂
صارت لي نفس القصه و السبب قوقل كنت اسبح انا وولد عمي في مزرعة عمي وكنت اغطس كثيير واقوم واسوي اشياء كثير بأختصار كنت ابذل مجهود في السباحه وبعد ماخلصنا ومشينا رحت بحثت في قوقل طلع لي حاله اسمها الغرق الجاف وكنت متوتر ويوم رجعت البيت قلت لأبوي وكذا وكنت مررره متوتر ومكتووم ووصلنا المستشفى وحطو لي بخار وبس وصارت اموري طيبه تحذير❎(لاتبحث عن الاعراض الي تحس فيها في قوقل مهما حصل)
تقريبًا قد جاني مثل عادل بالضبط حرفيًا مثله رحت الطوارئ مرتين ولمن شفت ان الاشعة حقت الرئة والتخطيط وفحص انزيمات القلب كلها سليمة والدكتور قعد يهديني وقال ممكن نقص فيتامين د او الم بالعضلات هديت وجاتني بعد ٨ اشهر نفسها بالضبط ورحت مخروش ونفس المشكلة بالضبط وبعدها الحمدلله معد جاتني، غالبًا الاشياء هذي تزيد بسبب التوتر والهلع ويكونون من بحثك لقوقل لان قوقل اكثر مصدر غبي ممكن تاخذ منه معلومات طبيه لانه يهبد لك هبد مو طبيعي ويزيد عندك التفكير السلبي والتوتر فعشان كذا اذا جاتك حاول تهدي نفسك وتشغل نفسك ولا تبحث بقوقل خاصةً اذا كنت عارف ان مافيك شي
