أقسم بالله العظيم قبل ثلاثة أيام يعني بالضبط تاريخ 7/6/2019 المكيف عندي وقف جبت واحد هندي قال لي الدينامو خربانه صديق بس الله يجزاك الخير يا صاحب المقطع قلت له لا الكبستر خربان مو الدينامو قال انت معلوم شنو معلوم صديق دينامو خربان قلت له اعمل سرويس وخلاص بكونه فكاه ونزله وغيرنا الموبينا واشتغل زي الفل. وهذا بفضل الله ثم بفضل المقطع هذا.
بسم الله الله يوفقك مقطع جيد ومفيد ويجب الحذر من البوبينة او الكابستر لانها تحتوي شحنة كهربائة عالية . قبل ماتلمسها تحط سكروب بين اقطاب البوبينة لتفريغ الشحنة وبعدين تفك البوبينة وشكرا .
الفيديو لسه شايفه علي النت، ونفس المشكلة ، وجبت ٣ عمال مختلفين. كلهم قالوا دينموا او كمبلوسر، وهيكلف ٣٠٠ او أكثر، ذهبت اشتريت موبينا ب٢٠ ريال وركبتها بنفسي واشتغل الحمد لله وتمام. فلك الشكر يا صاحب الفيديو، وأسأل الله أن لا يبارك لأي أحد، يأكل أموال الناس متعمد
ماشاءالله عليك يعجبني الشخص اللي يعتمد على نفسه ولايكون ضحيه لأستغلال العماله الوافده .. أهم شيء اخوي انتبه من البويبينه لأنها محمله بشحنات كهربائيه حاول تفرغها بأستخدام مفك يكون ملامس لجميع مخارج البويبينه في وقت واحد
الله يعطيك الف عافيه نفس الكلام حصل معانا وقال انا عاوز دينامو وعاوز 280 ريال تصليح والله العظيم سمعت المقطع صدفه وعلي طول اشتريت موبينه وماشاء الله شغال ميه ميه الف شكر لك يا محترم وجزاك الله الف خير
اقسم بالله اني الان عند مهندس عندي نفس المشكلة وشفت المقطع قبل اروح عنده وقالي عندك دينمو خربان ولما سألته عن الحل اللي انت عرضته تفاجأ وتلعثم وقال ممكن صحيح يقول لي دينمو قبل حتى يكشف والان فكيته بيدي ورايح اشتريه واركب الله يجزاك خير
السلام عليكم ورحمة الله وبركاته يا اخي اخلاق وضمير الفني تتأثر بالعملاء لأن نفوس البشر ضعيفة بدون الإيمان يوجد عملاء يأكلون أموال الناس بالباطل ولكن هذا ليس سببا وجيها للسرقة ولكني كفني اري أن المشكله الرئيسية هي من وزارة العمل اذا تري كل من استطاع ان يمسك مفك يشتغل فني مكيفات او كهربائي... لابد من السير علي خطي الغرب اذ لابد من اراد ان يعمل فني ان يمر بالاختبارات لدي وزارة الصناعة
اكبر حرامية حقين التبريد رحت عنده وقلت المكيف يطلع صوت كمبرسر بس هوا مافيه على طول قالي يمكن دينمو وقيمته ٢٧٠ اصلي يقول اوصيني ٢٠٠ريال رحت للبيت وشفت مقاطع فيديو وعرفت انها الكابستر قلت افكها بنفسي الصباح اروح اجيب القطعة وشكرا ياصاحب المقطع جعل الفيديو هذا في ميزان حسناتك
بارك الله فيك وكثر الله خير وبارك الله في حلالك واوﻻدك .. على تنوير الناس بهذا الجهد النافع زادك الله معرفة وفضل كم كسبت من دعاء خالص من الناس الذين استفادوا من هذا المقطع وانا منهم وهذي دعوتي لك ولكل شخص يفيد الناس بارك الله فيك ♡
@@yahya911 بارك الله فيك اخي الكريم وعندي استفسار اتمنى تتجاوب معي ،،، اشتريت مكيف جنرال جديد وماشاءالله كان تبريده زي الثلج والحين سنتين وانا موعارف ليش تبريده يكون عادي سيروس وغاز سويت له واوقات احس دفعه يكون موبارد اذا زدت قوة دفع المروحة تحس ببرودة بسيطة مو عارف كيف ارجعه زي اول وكل ماجبت الفني يمدح الشركة ويقول مافيه مشكلة يبرد لكن انا عارف مو زي اول الدرجة الي اعرفها حيل
بيض الله وجهك يشهدالله نفس اللي حصل معاك حاصل معايا قال المهندس كمبروسر خربان فيك الوجه لقيت أسلاك البوبينة محترقه يعني التمس كهربائي بكره اغير البوبينه والأسلاك وصل الله وبارك مو عيب الواحد يجتهد ويكتشف العيب بنفسه لكن العيب ان يجلس مضحكه عند المهندسين اللي يستغلوه
بيض الله وجهك عز الله انك خدمتني صلحت مكيفين وطلعت المشكلة الكبستر كنت اعتقد انه فقط المكيف السبلت فيه هذا الشي طلع المكيف الشباك فيه بعد والحمد لله ما طلعت المشكلة المروحة
عندي مكيف مثله بالضبط كارير شريته جديد اشتغل صيفية وحده بس الصيف الثاني قام يطلع هوا حار المهم جبت العامل باكستاني طبعاً خذاه معه للورشة ومن بكرى جابه لي شغال مضبوط المهم كم المبلغ قال ٣٠٠ ريال والله ودفعنا له على طول جاء الصيف الثالث ونفس الحكاية ورحت جبت عامل ثاني باكستاني طبعاً وقال نفس الكلام ٣٠٠ ريال قلت له رجع المكيف والغي الاتفاق حسيت انهم عصابة ومتفقين على المواطن اللي وثق فيهم ورحمهم المهم واتعلم تكييف وتبريد شوي شوي حتى صرت احسن منهم وهذا بفضل الله ثم فضل مقاطع الفيديو اللي في اليوتيوب وبعدها اكتشفت انا شعب طيب بزياده وان العمال هذولا مجرب عصابات هدفها نهب المواطن قسم بالله لما عرفت الشغله لقيت التكلفه لاتتجاوز ٢٠ ريال وهو ياخذ عليه ٣٠٠
الاغلب للاسف كذا...بس دام انت تقول جديد والصيف الثاني بدت المشكله يعني هو على الضمان المفروض اتصلت على الضمان احسن وببلاش كل المكيفات ضمانها سنتين شامل و 5 سنوات كمبروسر وبعض الانواع اكثر على حسب..حرام جبتهم وخذو فلوس وهو على الضمان... وعندك مشكلتهم اغلب محلات المكيفات العاديه تقريبا اغلب القطع ما يجيب جديد يركب قديمة ولا بعضها يصلحها مثل الدينمو حق المروحة عشان كذا يقعد شوي ويخرب..اما عندك الضمان او بشكل عام وكيل المكيف القطع ما يركب لك إلا جديد لو بضمان او بدون عشان كذا ما شاء الله يعطونك ضمان على الشغل...والافضل اذا انت تتعامل مع عمال عادين من محل خله يقولك وش المشكله وانت رح اشتري القطعه بنفسك من محل التبريد وبعض المحلات تبيع بالجملة عشان تضمن انها جديده واصليه والسعر انت عارفه ما يزود عليك وخله هو بس يركبها وعطه شغل يد
الله يشفيك ويعافيك لنك غبي كل مجال له ناسه لا تدخل نفسك فشي ما يعنيك يعني يعني تربط سلك مقطوع سلك مشبوك غلط ضرب لك الكمبريسر ويلا راح ندفع 600 800 وابلع شحم تدري ان الكباستر هذا اللي تقول عنها سعرها 20 ريال تدري انها تضرب لك الكمبروسر اذا انت ركبتها بالطريقه الخطا طيب ممكن تضرب لك الكونتر ممكن تضرب لك الريليه ممكن تضرب لك تحرق لك الاسلاك الظفيره كامله في المكيف تضرب لك الدينامو الدينامو لنا مشبوكه في الكمبريسر😅😂😂😂 خل عنك الغباء اترك المجال لاهله احيانا يكون العميل مثلك يدق علي يقول لي تعال صلح ويكون هو اللي خرب المشكله يعني هو اللي خرب الحاجه يعني كانت المشكله بسيطه راح خربها وخلها مشكله كبيره ولا قافل من عقله والمصيبه لجاني واحد يبي مكيف كبير يعني حجمه كبير وتكلفه الكمبروسر حقها 3000 4000 ويلا اصفق بسعر محترم هذه المشكله ما يصلح كذا شيء انت ما تفهم فيه لا تتدخل فيه سيارتك ما تعرف في الصيانه حقتها لا تدخل فيها احيانا انت تجي تفك شيء تخرب شيء اكبر انت ما تدري انت ما انت فاهم بس انك شفت مقطع وتحسب ان كل مقاطع مثل بعض العطال مو كلها زي بعض انا مهندس تكييف
المكيف الشباك طلع صوت وفتحت المكيف بنفسي في البيت وطلع الدينمو مصلب اخذت زيت ورشيت على مكان الرمانات حق المروحه كانت مصلبه وضبطت من افضل مايكون بدون أي،خساره بعض العمال نصابين يقولك غير وفي النهايه القطعه تحتاج تشحيم اوصيانه خفيفه
اشكرك ياعزيزي وودي كل بيت يتعلم على هالآمور ..لا واللي ابسط منها مافيه اللمبات ..! تجي لك واحد ليييش يركب لمبات ماتبي منك غير سلم وللمبات تشريها فقط وفك وركب اللي مركب مكيف جديد .. احرص نظافة الفلتركل شهر فكه وغسله اذا مترب وأول ٥ سنوات منت بحاجة احد يجي يصلحه الا في نادر وذلك لسؤ ااستخدام واهمال لنظافه ... المكثف او الكبستر ممكن يكون مافيه مشكله يحتاج فقط تنظيف الحساس تبعه من كثر التراب اللي عليه ماقدر يقرا صح الوقايه يااخواني من الكهرباء بشكل بلبس القفازات العازله واقل شي تشتري مفكات العازله حفظكم الرحمن
الله يجزاك خير انا كان المكيف مايبرد دقيت على راعي المكيفات وقلت شوف وش المشكله المهم شال المكيف وراح الورشه ودق علي يقولي البطاريه خربانه تهرب زيت والفريون ناقص المهم قلت له عبي فريون وغير البطاريه وغسل المكيف ويوم جاء قال الحساب ٢٥٠ بعد المكاسر عطيته ٢٠٠ ريال وفي اليوم الثاني رجع المكيف نفس ماكان مايشتغل الفريون واذا اشتغل دقيقه ويفصل ربع ساعه دقيت عليه وجاء شافه قال اووو صديق هذا ماطور خربان قلت له توكل على الله وجلست ابحث في اليوتيوب ولقيت واحد الله يجزاه خير عنده نفس المشكله حقي واخر شي طلع من الثرومستات او حساس الفريون وقيمتها ٣٥ ريال واللى مايخاف الله بيدفعني ٤٠٠ ريال قيمة ماطور نصيحه اذا خرب عليكم شي ابحثو على النت سوآ مكيف او ثلاجه او حتى سياره والنت ماخلا شي المشكله فينا احنا نجهل الشي واللى مايخافون الله يستغلونا حسبي الله عليهم وانت ياصاحب المقطع الله يكثر من امثالك ويجزاك الف خير
امين وياك اجميعن سعر القطع دينمو المروحة سعره من 100 الى130 ريال هندي او صيني والموبينا من 15 الى 30 ريال الكمبرس لا اعلم وكذالك سعر دينمو مروحة مكيف اسبلت من 75 ريال حتى 130 ريال الاسعار قريبة من الي ذكرتها ومتفاوتة بشي بسيط اتمنى اني افدتك
اذا مافيه قوة دفع هواء من الكابستر كلامك صحيح لكن اذا فيه هواء لكن حار معناه الكمبروسر فصل والحل قطعة صغيرة جنب الكابستر يتم تغييرها او تبديل الاسلاك اذا الخلل في الاسلاك يسمونها الثرموستات
الله يسعدك يالغالي وصحيح كلامك في استغلال من جميع الجنسيات العربية أو أجنبية ولكن في استغلال ملحوظ من أصحاب المكيفات أكثرهم وليس جميعهم وهذا الي خلاني انزل الفيديو بعد استغفلوني مرة وحاولوا مرة ثاني بنفس الحرب والحمدلله استفاد كثير من المقطع لانة اغلب وأكثر المشاكل المكيفات من الكابستر أو المبينة للمكيف
elbakry hassan ياخي الى متى انتم ملاقيف؟ كلما اشتكينا من موضوع الاستغلال تطلعون ؟ الان الباكستانيين هم اللي يغشون في التركبريد والتكييف وتنط تدافع على عماها ليه ؟ شيء غريب
elbakry hassan شوف كيف يقول الالتفاف بالكلام ؟ استغلال الباكستانيين لاتقول بشر وما بشر حدد .. المخطئ نقول عنه مخطئ واترك النطنطة وعلى فكرة ابو يمن في ورش السيارات مثلهم وغيره وغيره
@@yahya911 اخوي يحيى تكفى اذا قريت التعليق تتجاوب ابغى استفسر عن شغله مهمة ياعضيد Yahya بارك الله فيك اخي الكريم وعندي استفسار اتمنى تتجاوب معي ،،، اشتريت مكيف جنرال جديد وماشاءالله كان تبريده زي الثلج والحين سنتين وانا موعارف ليش تبريده يكون عادي سيروس وغاز سويت له واوقات احس دفعه يكون موبارد اذا زدت قوة دفع المروحة تحس ببرودة بسيطة مو عارف كيف ارجعه زي اول وكل ماجبت الفني يمدح الشركة ويقول مافيه مشكلة يبرد لكن انا عارف مو زي اول الدرجة الي اعرفها حيل
@@عبدالله-ت1ش7غ الوافي هلا حياك يالغالي بالنسبة للمكيف الافضل انك تتصل على الوكيل لانة ضمانة ٥ سنوات كمبرسر وسنتين شامل وخلهم يجون يفحصونة ويكون فحصهم مضمون وممتاز. ومنها يشيكون على الفريون ولكن قبل هاذا اذا مكيف يفصل بالكمبرسر بشكل متكرر وكثير فاتوقع في مشكلة بالمبينة واذا وسخان المكيف غسلة وبيختلف معك ان شاء الله واذا جربت غسلتة ولا في فايدة فخل خسارتك مرة وحدة واتصل بالوكيل افضل من ان تجيب كل مرة فني وتخسر وبدون فايدة وان شاء الله اني افدتك
@@yahya911 فني الوكيل مو مقصر جاني كذا مرة لكن المدة لفحص المكيف تاخذ تقريبا نصف ساعة وكل الامور تكون تمام ولكن بعد ذهاب الفني وعمل المكيف ثلاث ساعات او اكثر متواصل تحس بان البروده انخفضت واذا زدت على درجة البرودة يشتغل الكمبريس وتحس بالبرودة زادت ولكن تنخفظ بعد ذلك بعدة دقائق فهل الكمبريس لايقلع بسبب الكبستر توصري هذه المشكلة ،، لانه اتوقع احد من العيال قفل وشغل المكيف بصورة مباشرة فيمكن بسبب هذه الحركة الكبستر تعطل او احدى الاسلاك تاثرت؟
@@عبدالله-ت1ش7غ الاسلاك ماراح تتأثر ولكن عشان تكون على بينة غير الموبينة(الكبستر) قيمتها رخيصة وغير مكلفة وان شاء الله تظبط معك وفكها وتركيبهاا سهل مايحتاج فني
الله يجزاك خير ويكتب أجرك انا جاني نفس المشكلة هوا مافي واشغل مروحة ويطفى رحت الحين عند المكيفات وريته مقطع قال دينمو ب٣٠٠ ريال صيني ولا ٣٥٠ اصلي رجعت البيت وفتحت المقطع وغدا ان شاء الله اجرب الطريقة هذه وبإذن الله يزبط
الحذر من الخطاء في اعادة الأسلاك ، جنب الأسلاك فيه حروف ، C للسلك الرئيسي ، HERM للكمبرسور ، FAN للمروحة ، المقصد اذا جيت تصوِّر البويبينه (الكاباستر) صور والحروف واضحة والوان الأسلاك من اجل تركب الجديد صح ، وبعض المكيفات يجي معها 2 بويبينه واحد للكمبرسور اسطواني له راسين فقط وبدون حروف هذا اشبكه عادي مايفرق معك عكسه والثاني للمروحة مربع اسود هذا تغيره اذا ضعفت المروحة
شوف دايم اذا جيت تصلح خذ الخرابات بالصغير والاسهل ثم الاصعب والاغلى اذا صلح معك من الاسهل والصغير الحمدلله وماخسرت كثير واذا ماصلح تدخل على اللي اكبر وهذي القاعده في كل شي في حياتك سيارة مطبخ عمل زوجه اي شي في حياتك أبدأ بالصغير ثم الكبير والله يعين
صدقت انا تعلمت في صيانة المكيفات وكتشفت فيه غش غير طبيعي والموبينا فيه كهربا فرغها بسكروب قبل تحذفها خلها تتلامس مع بعضها وتعلمت للكهرباء وكتشفت بعد فيه لعب مو طبيعي ف نصيحه اي واحد يخرب شي عنده يرجع لليوتيوب اي شي مهما كان وركز على قناة الصيانة المنزليه وتدعيلي
وعليكم السلام ورحمه الله وبركاته امين وياك يارب بالنسبة لقطع الغيار بالرياض شارع الريل بالبطحاء يوجد محلات قطع غيار تبريد وتكييف جملة ورخيصة على نفس الشارع
ووجهك ابيض يالطيب والله اناا فكيت المكيف ولا عندي اي خبرة ولكن من القهر وغش العمال فحبيت اني اشتغل واصلحة بنفسي ومنها افيد الناس واحذرهم من غش العمال . وفكرتك ممتازة للمشروع وو الله يعطيك العافية
والله الباكستانيه ماينفعون بريال ولا يساعدك اصلا . انا بطلت اتعامل معهم نهائيا . اتعامل مع عرب فقط . مره رحت كهربائي يمني و غيرت كمبروسر السياره . وطلع اللديتر حق المكيف ماينفع وانا فلوسي خلصت قال جيب لديتر ولا يخرب الكمبرسر . قلتله والله مامعي الا 250 حق شغل يدك . قلتله خلاص ركبه بدون لديتر والشهر الجاي اشتري لديتر . قام اتصل على خويه وجاب لديتر وقال جيب فلوسه بعدين وركبه لي . بالله لو كان باكستاني كان سوا كذا ؟؟ اقسم بالله ما اتعامل معهم من زمان. مافيهم خير . ونصابين والله اتحداك يصلح شي بامانه الشي اللي ١٠ يقولك ٣٥٠
صادق حصل لي الكثير كل مكيف سلمته لهم والله رجع ما كمل شهر ورميته لانهم مافي امنه وقعت في مشكلة مكيف جديد باين كمبوريسر خليته في البيت ولا بسلمه لهم ابد لان مكيف جديد اشتريت 1700 ريال لو سلمته لهم مايرجع للأسف مافي تصليح كمبوريسر فتحه و اصلاحة هنا طوالي يقول لك غير كمبوريسر جديد
والله انا اجا قبل شويي شغل المكيف ولع بس مايبرد جلس شوي يشبح في خويه وقالي الدينامو خارب يبغى له تغيير قلت طيب غير ديناموا قال يمكن كلف ١٨٠﷼ قلت مافيه مشكلة لكن المشكلة انه بعدها جلس شوي يتحدث مع خويه ويضحكون وانا ما ارتحت له وجهه يقول انه كذاب بس الحمدالله ان الله الهمني وذكرني اني ادخل لليوتيوب واشوف وأتأكد وهو بيجي بعد شوي وبقول له وبشوف وش يقول وبخليه يفكه واشوف اذا شكلها جديد اذا طلع كذاب والله لا ارويه شيء اخليه مايفكر في الحساب سبحان الله ما ارتحت له والله يوفقك ويعطيك العافيه ويسعدك ياراعي المقطع والله يكثر من امثالك🤍. الصراحة شافو ان حنا اذا قالوا شيء عادي نعطيهم فتعودوا على مال الحرام.
أقسم بالله العظيم نفس العطل دفعت 250 بعد ما قال لي 300 وقلت له أنا مافي فلوس زوجتي والده وكان الدنيا رمضان حسبي الله على الجنسية الباكستانية إلا من رحم الله فهي لا تخاف الخالق ولا ترحم المخلوق وعندك الليموزين وما أدراك الليموزين عصابات متحرفه لا دين ولا أخلاق ولا قانون بقر متوحشه مره ساعي لعلاج أحد المرضى ركبت تكسي ب25 ريال وبسرعة اعطيته 205 ريال واناأقصد 25 ريا كانت الدنيا ليل شغل النور وشاف المبلغ ثم اعطاني تفاحة كان معه في السيارة فضل حبيبي زادني متبسما فسميتها أغلى تفاحة في العالم وكسرة الرغم القياسيي كشخص اكل اغلى تفاحه في العالم والحمد لله نسأل الله أن يهدينا جميعا
في مجال التكييف النصب لابد منه لان اذا قلت الحقيقه تعب عرق جبينك يروح عالفاضي بالاختصار في الزبائن ما يدفعون الفلوس . و شكرا لك على المقطع الله يجزاك خير افدتنا
الله يوفقك وين ما رحت للاسف توني اشوف المقطع بعد ما صلحت اثنين مكيفات قبل شهر ونص تقريباً وكل واحد ماخذ عليه ١٥٠بعد طلعت الروح اثره نصاب لكن حسبنا الله وتعم الوكيل
كلامك صحيح اخي وديت المكيف عشان تعبئة غاز وبعد 4 شهور صار نقص في الغاز يعني قام بالتعبئه بدون فحص عن تهريب واذا عاودت له مره اخرى بيقول انا مافيه معلوم لاحول ولا قوة الا بالله
صحيح بس الدينمو اذا حركته سلسه يعني انه تمام اللي حصل معي انه ما يتحرك والسبب كان دخول اتربه و والوجيه اللي تحفظ الشحم انعدمت المهم شغله طويله ثانيه ولكن تتصلح ولا تحتاج دينمو جديد