رداً على بعض التعليقات، يشهد الله هذا الفيديو مافيه اي دعاية ولو كانت دعاية عطيتك تفاصيل عن الدكاترة اللي ذكرت لك اساميهم وسويت تغطيه، لكن انا اعرف ان فيه دكاترة كثير مميزين ورائعين ونصيحتي لك ابحث عن الدكتور بحث دقيق ولا تتساهل بالموضوع، اما موضوع سعر اسناني فهو ليس فقط سعر التركيب هو سعر عدة عمليات في اللثة وايضاً سعر التركيب وبالتوفيق لنا ولكم
والله إني كنت ناوي هذا الاسبوع اعمل اسناني ولكن بعد مقطعك هذا صراحة غيرت رأي وصرفت النظر الله يجزاك خير نصيحتك وصلتك لمن عنده ذرة عقل .وخير الناس انفعهم للناس يشهد الله إني أحبك في الله
@@user-en6rm4re5f احسن تبييض اسنان بالكربونه لكن يعطيك لون السن الطبيعي وليس الابيض الشديد البياض ... اما نحت السن عند الطبيب يزيل مادة المنيا ويضعف السن
والله اني كنت على وشك اعمل ابتسامه .. وكنت افتقد مثل هذا التوجيه .. شكراً محمد. . من القلب .. انا كنت متردد في التركيب .. لكن الان .. راح ابقى على اسناني الطبيعيه ..
حسب حالتك الصحية و مستوى نظافة اسنانك اما بريدج. Bridgeاو زرعimplant وهذا طبعا يعتمد على مستواك المادي فكل ما كان العلاج يأخذ وقت و مراحله معقدة كل ما كان التكلفة اكثر بس النتائج احسن
you sra على اي اساس صحيح كلامهه ؟ هو ماينلام ماهو من اصحاب الخبرهه. تركيبات الاسنان بشكل اكاديمي لا يوجد بها مشاكل كما ذكر . استخدام بعض العيادات لمواد سيئه أو سوء التركبيهه نفسها يوجد بها عدة اماكن تسمح للاكل بتجمع او لم يعمل لها طبقة قليز كافيه لمنع البكتيريا من تجمع هذي وبعض اسباب اخرى هي التي تسبب الروائح الكريهه والعنايه الصعبه الي ذكرها لكن ك تركيبات شغل اكاديمي واحترافي من اخصائيين او الماستر تكنشن التركيبات لا يمكن ولا واحد بالميه يكون فيها المشاكل المذكوره اكره دايما لغةة التعميم لاني اراها لغة الجهله
انا طبيبة أسنان والفيديو الهمني جدا جدا جدا والطب لابد ان يكون مهنة إنسانية بحته وليس بهدف الماديات وكلامك لن أنساه أبدا وسأراعي لكل المرضى ولصحتهم . ربنا يوفقك
Lover night وانا من المؤيدين لگلامك ومالنا إلا الظاهر لكن نحسبه من الصادقين والله حسبنا جميعاً،، إستمر على نفس النهج قليل مانشوف مثل محتواك وفكرك،، تباً للشهرة العمياء😏
صاحب المقطع انت شخص تحب الخير للناس لو غيرك ماتجراء يخبر اصدقائه وانت ماقصرت تحدثت عن هالكارثه فاليوتيوب وبلغه الارقام . عجبتني صراحتك عسى تنفع بها المسلمين
نصيحه : خلع السن وزراعة سن جديد أفضل ١٠٠ مره من حك السن وسحب العصب وتلبيسه ... السن اذا أنسحب العصب يموت ويتأكل ويمكن الله يعزكم يعفن تحت التلبيسه وماتدري عنه لان العصب مسحوب .. العمر الافتراضي للسن مسحوب العصب ٥ الى ١٠ سنوات بالكثير وبعدها يبتدي يتفتت وخلاص تطيح التلبيسه ويصير الحل الوحيد الزراعه. تذكر مهما كانت التلبيسات ممتازه وتم صناعتها بدقه فائقه فالدكتور لن يظمن لك اللثه ما تضمر او تنزل وهنا تصير التلبيسات اللي ب ٩٠ الف مثل اللي ب ألف ريال،لان الفراغ بسبب ظمور اللثه بيسبب مشاكل مع الوقت.يعني لا تقول في بالك اسنان صناعيه ماتحتاج عنايه. اخيراً اذا زرعت سن فالواجب قبل الزراعه تطلب من الدكتور تشوف الزرعه (اللي هي قطعة التتانيوم اللي بتنزرع في الفك) ليه ؟ لان القطعه هذي هي اللي تحدد قيمة الزراعه) فالواجب تصويرها وتسجيل الرقم التسلسلي علشان تستفيد من ضمان الشركه وعلشان تتطمن بأنها اصليه وليست تقليد.. مستحيل تعرف اي معلومه عن الزراعه اذا تم غرسها في الفك. و٩٠% في السعوديه الزراعات تقليد لان الزراعات التتانيوم محد يصنعها بشكل رسمي إلا دولتين في العالم فقط. سويسرا والثانيه نسيت اسمها ولكن كلهم دول اوروبيه. كل زراعه تجي في علبة مختومه ومعقمة من المصنع ويجب فتحها فقط قبل الزراعه. اذا شفت الزراعه بدون علبة مختومه من حقك تطلب العلبه والرقم التسلسلي. انا ماني دكتور ولكن للاسف مريت اطباء اسنان حول العالم وفي اكثر من دوله وصار عندي خبره وممكن من تجاربي احد يستفيد .. انا كنت اعتني بأسناني ولكن نقص بعض الفيتامينات وانا صغير اضعف اسناني وهذا سبب الخبره القاسيه مع الاسنان... اخيراً ١- عند الزراعه لا تثق الا بعينك مهما كانت سمعه العياده. ٢- لا تتخوف من الزراعه لانها اسهل وأسرع واخف الم بكثير من حك السن وبرده وسحب عصبه. ٣- بعض العيادات يزرع السن بعد الخلع مباشره علشان تقل مدة العلاج، والبعض يمشي في السليم ويترك العظم يجبر وبعدين يزرع.. للامانه ماعندي معلومه أكيده مين الافضل.انا دكتوري قالي ما أفضل الزراعه على طول لان محد يدري ممكن يصير التهاب او مايلتم العظم حول الزرعه. صح أمن ولكن الوقت اطول بعض الاماكن انتظرت ٤ شهور على مايكون المكان جاهز للزراعه. هذا اللي عندي واعذروني طولت عليكم ولا رتبت الكلام من قبل. اخوكم محمد اذا احد يبي يستفسر عن شي انا مستعد (من وجهه نظر مراجع وليس دكتور.) وسلامتكم
@@shooshooo3897 الحمد لله ماكنت ابحث عن الشكل اهم شي الصحه والاكل الصحي مالم يكون فيه سن طالع غلط ... الشكل المفروض مايتغير . ليه مايتغير !! لان اي تغيير في شكل الاسنان راح ينعكس على الوجه مستقبلا. اقصد تكبير سن او تعريض مع الوقت والمضغ والكلام ممكن يأثر على تناسق الوجه مثلها مثل لما تفقد سن ولا تعوضه مع الوقت الاسنان تتاثر و راح تغير ششكل الوجه والله اتكلم جد الاسنان اذا فقدت التناغم والانسيابيه في العمل راح يتغير شكل الفك مع الوقت.انا شفت جهاز في امريكا يركبون فيه التلبيسه في قالب من اسنانك ومهمته يظمن تطابق الفكين عند المضغ قبل التركيب وللامانه ماشفته في السعوديه الا اذا كان عندهم في المختبر مدري...
سبحان الله اتفق الجميع على انه شخص صادق ومخلص جدا ، الله يبارك فيه ، حلو الواحد يكون صادق ومنصح ، هذا ديننا مهما كان فينا من قصور فالصدق والاخلاص طريق المسلمين الاوائل الذين فتحو الشرق والغرب .
لو زادوا علي لفلوس وأفكر أني أسوي ابتسامة هوليود على قولتهم أتصدق بيهم على فقير مايلقى لقمة أنا مغربية وعايشه ف سويسرا واهني من أحسن المصحات ف العالم حق طب الاسنان ولكن دائما أفكر أنه ف القبر ماتنورو أسناني تنوره الصدقه قبل ما تفكر ف ابتسامة هوليود فكر في شخص مالقى لقمة يوم تعليق مر على قلبي حبيت اشارك إخواني به
عندي سن كان ضعيف وانكسر الحين رحت للدكتوره قالت لي لازم له خلع ،،، بعدها اما تسوي زراعه ل السن او تسوي تركيب للسن مع اللي قبله واللي بعده ،،، فأيش رايك دكتوره ؟
نصف اسناني محفوره ورجعت هستوني من الطبيب لارى هذا الفيديو , تخيل شعوري , طبعا شكرا لتجسس غوغل اللي خلاني اجد هذا الفيديو , فلم ابحث على النت عن هذا مطلقا على الاقل في ال5 شهور الماضية رغم ذلك اول رجوعي اجد هذا الفيديو في النت. اكره ان اكون احمق لكن هاتان صدمتان قويتان.
انا طحت وعمري تسع سنوات وراحت ثلاث أسنان أماميه دائمة وقعدت بدون أسنان لسن ال١٢ علشان على قولهم الفك يكتمل ، وركبوا لي جسر متحرك بسبب صغر سني واضطروا يخلعوا واحد عشان يترتب الشكل وجلست فيه الين عمري ١٨ وبدأت المأساة قالوا لازم تركيب وتلبيس فنحتوا لي اربع أسنان من كل جهه ثنتين عشان تثبت الأسنان الإماميه وبعدها بكم سنه قالوا نغيره وزادوا نحتوا كم سن الين والله صار فكي الاعلي سيء شكل ومضمون ناهيك عن ادماني فرش الأسنان لقناعتي انه الريحه واصله غيري غير اي التهاب في اللثه يستدعي فك الطقم كله وتنظيف وعلاج والمضحك كل دكتور يسب اللي قبله والان عمري ٣٨ اقسم بالله اني اكره اشوف الناس تسوي تلبيس لمجرد الزينة والنيو لوك ، ياااااخلق بحكم معاناتي مع الأسنان انه أسنان مبقعه ومعوجه افضل الف مره من التلبيس وكل اللي قاله الأخ في الفيديو حقيقي محنا طبيعين مثلكم احمدوا الله علي النعمة اللي ربي اعطاكم هي خلاصته انا موضوعي اضطراري بس انزعج لما ألقى ناس تدور للمعاناه وتدفع لها فلوس ، اقتنعووووووا بخلقة الله سبحانه وتعالي والله مافي اجمل منها
قالﷺ:"من سبّح الله في دبر كل صلاة ثلاثا وثلاثين،وحمد الله ثلاثا وثلاثين،وكبّر الله ثلاثا وثلاثين،فتلك تسعة وتسعون". وقال تمام المائة:"لاإله إلا الله وحده لاشريك له،له الملك وله الحمد،وهو على كل شيء قدير، غُفرت خطاياه،وإن كانت مثل زبد البحر"مسلم
انا الحمد لله اسناني الطبيعية حلوة لكن الصف السفلي يبغاله تقويم بس الحمد لله اتفرجت ع الفيديو هذا لأني كنت افكر فإني اركب اسنان الله يجعل كل من استفاد من هذا الفيديو في ميزان حسناته ، ويلا كل واحد يفرش اسنانه 😂😂😂
انا ركبت ابتسامه هوليود ب ٨٠٠٠ الف ريال عند دكتور مصري ف المهيدب بالرياض الله لا يوفقه اول ٣ شهور كنت مبسوط شكلي اتغير ابتسامتي تغيرت بس بعد الثلاث شهور شفت الويل كنت ابكي يوميا بسبب الي صار معاي لثتي مره التهبت وراجعت الدكتور بكل وقاحه يقولي انت الي طلبت طيب انا طلبت لاني م كنت اعرف اضرارها ليه من باب الانسانيه فقط انك م حذرتني مع العلم ان اسناني كانت الحمد لله فقط كنت اشكي من تسوس ف الاضراس الخلفيه لما بديت اركب نحت لي اسناني وأصبحت شكلها قبيح جدا بعد النحت والله تأكدت انو خلقة ربنا لا مثيل لها المهم الدكتور قرر لازم تتعااد من اول وجديد ولازم ادفع تكاليف علاج لثتي التي تدمرت واسناني اللي شبه تعفنت تحت التلبيسه والمشكله م كان معاي فلوس قلت له ياخ الغلط منك المفروض تسويها مجاني راح وقالي انا مو غلطان و اذا م عندك فلوس م اقدر اسويلك شي وطيب اسناني ولثتي اخليها كذا ملتهبه قالي الله يعينك لاحول ولا قوة الا بالله حسبي الله ونعم الوكيل فيك المهم ي شباب اتسلفت مبلغ ١٠ الف ريال وسويتها عند طبيب هندي ماشاء الله عليه اسمه عمران والله اول كلمه قالها لي لو كان جيتني من قبل م تعمل الابتسامه كان رفضت لك تماما واعطيتك نصايح تمشي عليها بس يلا الحمد لله المهم جلست اسبوعين اروح وارجع بشكل شبه يومي علاج لثه وعلاج كامل الأسنان التي تضررت بسبب الابتسامه والحين الحمد لله سويت ابتسامه جديده ولثتي ارتاحت بس لازم الاهتمام الشديد كل يوم وعدم اكل أشياء قاسيه عشان لا تتكسر الأسنان لانو والله حتدفع مبالغ خياليه نصيحه اخ ي اخوان لو اسنانك كويسه ومجرد مشاكل بسيطه سوس او صفار لون الأسنان هذا كله بيتعالج وامورك ف التمام بس لا تبدل خلقه ربي والله راح تندم طول عمرك انا ضحية طبيب أسنان مصري انا ضحية ابتسامه هوليود
والله كنت ابركب عند المهيدب والله ارسلني الى تعليقك اشوفه الله يعطيك العافية لكن انا اسناني الامامية الي فوق كلها حشوات وفيه فلقات ف ودي اركب التركيبات العادية لانها محتاجه تلابيسات تشوفه هي الحل او نفسها نفس الابتسامة
وانا اقول ليه دكاترة الاسنان دايما أسنانهم ماهي مرتبة او صفراء او فيها مشاكل ولكن ما يفكرون يغيرونها او يشتغلون فيها وكنت دايما استغرب من هذا الشيء شغال 24 ساعة يلمع ويقلع ويلبس ويسحب عصب و و و ... الخ وما يفكر يسوي شيء في اسنانه طلع ان الموضوع صحي بحت
. سُبحآن من جَعلَ في ذكرهِ رآحہ🌿🕊 تسكن بهآ القُلوبُ وتطمئن اﻵنفُس🌸. سبحان الله وبحمده ، سبحان الله العظيم💗. استغفر الله العظيم وأتوب إليه 💗 . صلو على النبي ﷺ 🕊❤️
جزاك الله كل خير وجعله الله في ميزان حسناتك. ......قدمت نصيحة لوجه الله وخوفا على أن يقع الآخرين في هذا الفخ ....ولكن ما حل الدكاترة اللي ما عندهم ضمير.....الله لا يوقعنا في أيديهم .
جزاك الله خيرا والله الناس صار عندهم هوس الهوليود سمايل ومع الأسف كم شخص خرب أسنانه الطبيعية وضيعها لأجل إبتسامة المشاهير. مافي أفضل من خلقةخلقة رب العالمين المهم النظافة اليومية والاهتمام بصحة الأسنان
والله كلامه صحيح... انا لبست اسناني لأن الدكتور قالي التلبيسات تحافظ على الأسنان والمصيبه اني رحت لدكاتره كتير وقالو نفس الكلام... بعد سنوات اكتشفت انهم كذابين... مافي احسن من الأسنان الطبيعيه حتى لو تعبانه عالجوها الأطباء للأسف أغلبهم صاير همه الفلوس وضاعت الامانه والمصداقية عندهم
لو عامل لها عصب أو رايح منها جزء كبير اكيد مالها حل إلا التلبيسة. يا ما ناس ما تسمع الكلام يتعمل لها عصب في الضروس و تقول الدكتور كذاب مو لازم تلبيسة و يرجع بعد ٣ إلى ٥ سنوات يشتكي و يقول اسناني الي عملت لها عصب تفتت. ما باقي إلا تعلموا الدكاترة شغلهم، ولو في أي خطأ بإعتقادك اشتكيه وزارة الصحة تحقق في الأمر.
@@ناصر-ب6ر بعد نصف ساعة من الأكل فرش أسنانك لانه فيه أحماض تفرز في الفم اثناء المضغ إذا فرشت الأسنان بعد الاكل تؤذي الأسنان هذا كلام طبيب كويتي والله أعلم
ما تلاحظون ان الدكاتره حق الاسنان موب مسوين اسنانهم 😕 جد مافي الزي الطبيعي الحمدالله 😍 واللي صدق يبي له تغير وحالته مره صعبه انا معه بس اسنانك طبيعيه ومافيها شي وتروح تغير له !؟ اشوف ناس مركبين لمبات موب اسنان من البياض اللي يفقع العين
Israa Loveee اي والله صادقه كل يسحبون فلوس الناس شوفي المشاهير كيف يسوقو ع ابتسامة هوليود مره مشهور قال انها ماتطلع ريحه .. اهم شي الواحد يشيل التسوس ويختار الطبيب الصح لان صدق مافي احسن من الشي الطبيعي اللي الله خلقه لنا بس شويت اهتمام بس الناس مع الموضه كلهم مركبين .. لو تشوفين كيف يركبو الاسنان شي يجيب القشعريره يبردون الحقيقيه برد 😕😕والله اول كنت اتمنها بس يوم شفتهم كذا بطلت اتمنى
RR 199 لانو يعرف انها نجار وباب بيته مخلوع ؟؟؟؟؟؟😂😂مضرة بس بعض من طبيب الاسنان مادي يحب يستغل الناس وياخذو فلوس منهم اهم شيء واخر شيء صحة مريضة ماله دخل فيها المهم قبض فلوس
الله يسعدك على قد ما تفيد غيرك مالي علاقة بموضوع تركيب الأسنان ولله الحمد لكن فعلا فايده كثير حلوه ودايم الشخص يقارن بين الطبيعي والشيء اللي بيسويه اقل شيء تكون عنده خلفيه عن الموضوع وجزاك الله خير
شجرة بلا ورق حبيبتي مشكوره علئ الرد وجزاج الله الف خير ويارب يشفيج ويعافيج من كل داء ومكروه اني اسناني تتفتفت رحت للدكتور وكلي نقص كالسيوم من الصغر كلي من اهمال الرضاعه والاكل الغير صحي لهذا اسناني تاثرت لكن الله كريم
الله يجزاك خير ويكتب أجرك ويرزقك الفردوس الأعلى... كنت محتارة وشفت كلامك مرة ريحتني.. وما أرى الا المصداقية في كلامك... الله يرزقك الإخلاص والقبول.. ويرزقني الدكتورة الأمينة والمخلصة مثلك..
انا ركبت تقويم بستشارة دكتور الله لايوفقة قالي عندك تزاحم وتحتاج سحب الفك العلوي للداخل لانه طالع بزيادة واقنعني بخلع اثنين انياب سليمة من الفك العلوي والله اني عانيت لمدة مايقارب ٥ سنوات غير الالم والجروح اللي يسببها التقويم دخل الفم .. الفك العلوي يحتك مع الفك السفلي والاسنان ماتطبق على بعض وعنايت من صعوبة التنفس وعدم ارتياح الاسنان على بعضها عند النوم ماتقدر تسكر فمك تمام الفكوك تحك على بعضها وبعد كل هالمعاناه انتهيت منه وفكيت التقويم والان اسناني احسها مخلخله بيدي اقدر اهزها ممكن لو دقه بسيطة تحسها ممكن تطيح وسندوتش ماتقدر تعضه بالاسنان الامامية بسبب خلع الانياب لازم من الجنب تعض اللي بتاكله وابتسامتي اختفت صارت مخفية تغيرت ملامح وجهي وخدودي وابتسامتي ومنطقه الخشم والخدود ولساني ماصرت امدده في الفم باريحية صار كانه طويل نصيحتي ارضى بما كتبة الله لك تكن احسن الناس اذا محتاج لتعديل بسيط او تزين او حشوات لا باس واللي بيركب تقويم لايخلع اسنان
اول شيء لحد يلمس يصلح اسنانه الا اذا هي معدومه مره وتحتاج تركيبه او زراعه ، اما اللي اسنانه سويّه ومافيها شيء ويجمل فيها هذا اسمه مرض ،، اذا سنونك مافيها شيء اهتم بنظافتها وامورك فالسليم اما اذا خربانه ومكسره ركب او ازرع او سو اللي تسويه لو تكلفك ملايين لاكن اذا مافيها خلاف لا تلمسها ،، محدثكم انسان سنونه صفراء من الدخان والشاهي ولاكن الحمدلله احاول قد م اقدر انطف وافرش والله يزينها
اخوي شقاوي انصحك بالمسوااااك وربي نظافه وتبيض طبيعي جميل مو تبيض هوليود اللي كأنه جبس والأهم في المسواك ريحة الفم تصير حلوه الرسول صلى الله عليه وسلم ماوصانا فيه عبث سبحان الله الطبيب الأول والمعلم الأول
@@شقإويالحارثي وياك اخوي ووجهك ابيض وجزاك الله خير وماعليك زود يابن الاجواد ونعم في بني حارث من قبايلنا الحجازيه العظيمه وجيرانا في جده بوركت يابن الاجواد
Hamed Als hly ياخي إتق الله ، صدام مات ورحمة الله عليه وحسابه عند الله ، لا تغلط عليه والزم حدك ، يكفي ١٥ سنه من استشهاده محد حكم العراق ولا احد قدر يعدل اوضاع العراقيين ، تكرهه او تحبه شيء راجع لك ، ولا احد يكره البطل الا الخونه ✋🏼
انت الاحمق لمن تكون ان شاء الله في يد طبيب نصاب يقنعك ان التركيب شي جميل للاسنان ويعيشك في خيال ساعتها تعرف نعمة الحماقة اللي فيك لا تفكر انه رحنا ركبنا تلبيسات وحنا عارفين النتائج فخ وصار
@@anfasalturki7296 ماقول الا حسبي الله على كل نصاب بياع كلام المصيبة انهم يقنعونك تستبدل الذي هو خير بالذي هو ادنى الله يعوضك على خير لا تعلم لعلها خيرا لك
كلامك صحيح و انت انسان عندك ضمير بس اللي اسنانه تالفه و معدومه ماعنده حل الا زراعة الاسنان و يعملها عند دكتور معروف و مشهور مو اي احد و لا ياكل شي قاسي او علكه مثلا و يراعي نفسه و يهتم بالنظافه خصوصا المضمضه كويس
"اللهم حقق لي ما أتمناه, وأجمع بيني وبين فرحتي و سعادتي و توفيقي و إرتياحي و كل أمر تعلم انه خير لي وارزقني من واسع فضلك يارحمن يارحيم "❤️❤️ . صلو على النبي ﷺ 🕊
أسناني طبيعية الحمدلله حتى ماتحتاج تقويم وهذا من فضل ربي ولكن المشكلة فيني انا شخص اشرب شاي واشيش في اليوم مرتين وما انظف أسناني إلا مره وحده في اليوم وهي قبل النوم اداهم الجراثيم واذبحهم وبعدها انام ادعولي اصير نشيط وافرش أسناني أكثر من مره في اليوم 😂 .
والله انا عن نفسي اشوف مره وحده تكفي.. بس بشرط قبل تفرش استخدم خيط اسنان وتكون قبل النوم والفرشة ناعمه ونوعيتها جيده مو من ام ٥ ريال لان الفرشه اهمممم شي .. انا لو ابغى انظف سنوني بزيادك استخدم مسواك اما افرش سنوني لا مستحيل اول شي صعب تفرش ف اليوم اكثر مت مره ثاني شي احس فيه اضرار لكثرة التفريش ع اللثة وطبقة الاسنان والشي الثالث انك بعد التفريش حتاكل وترجع زي اول فالافضل تفرش مره وحده بعد استخدام الخيط وبفرشة نوعيتها ممتازة واهم بعد اخر وجبة يعني قبل النوم لانك ما راح تاكل شي الا بعد ٩ ساعات ع الاقل بعكس لو فرشت الصباح بعد ساعه تفطر وكانك ما سويت شي.. فيه الغسول يمكن يستخدمه الشخص خلال اليوم لكن بعضها كثرت استخدامة يسبب جفاف للفم
ياخي هالرجل قل مثله بزمان هذا والله ويشهد علي الله انه كلامه كله صح وانا مركب ابتسامة واكبر خطأ ارتكبته في حياتي اني ركبتها لاكن الحمد لله على كل حال 💔💔
انا ولله غلطت اسناني كانت حلووة ولله ورحت سويت اسنان تركيب ٧٧ الف يعلم الله ماهو مفاخرة وصراحة في البداية جميلة واستانست بعدين بدت تجيني اعراض واجد نفس الي ذكرها .
كلامك صاادق اقسم بالله في بعض الدكاترة همهم الفلوس انا قبل كان عمري ١٦ عندي ٤ اسنان مفقودين قالتني الدكتوره اني اسوي جسر لأسناني مع ان الجسر له اضراااار كثيرة ، مو كل دكتور اهو معالج ربما يكون اهو المدمر 💔
الحمدلله.... خلقت الله ليس لها مثيل ابدا ولن يكون لها مثيل... سبحان الله الخالق البارئ المبدع المصور....... نصيحه من اخ للجميع ثلاث مرات فرش أسنانك في اليوم اول ما تصحى من النوم وبعد الغدا وقبل تنام واحرص على خيط الأسنان لانه يوصل لأماكن لا توصلها فرشة الأسنان وإن شاء الله امورك جيده.... الله المستعان
كلامكم عن سحب العصب روعني💔💔 انا ساحبة عصب ٥ اسنان بسبب خوفي وجبني من كرسي الاسنان اخلي السوس لين ينخر السن واللثة و يطلع عيوني اشوف الموت بعدين اروح اتعالج لو متعالجة من اول مرة ماصار لي كذا ولا اضطريت لسحب العصب ولا قد لبستهم وخايفة يتكسرون بعد كم سنة مدري وش السوات ومطفرة بعدددد يعني لاتعليييق و مشكلة الاطباء السعوديين انهم غالين غلاء فاحش ياخي ندري وش زينكم ومتعلمين بس شوي راعونا الشعب مو كله يعطس فلوس💔
وفقك الله لكل خير وبارك الله فيك كثير من الناس تهمهم المضاهر بعيدين عن الحقيقه اوجزة القول ويبقى التقييم الحقيقي لحاجة الأسنان من معالجته من خلال الشخص نفسه أو دكتور أسنان قنوع لديه مخافة الله اما من فقد ابتسامته فليس أمامه اي اختيار غير الأذعان إلى ما هو بديل وتحمل الألم وجشع المعامله ولو لضحكه بسيطه تحفض ماء الوجه عافاكم الله ورزقكم بسمه تطمئن لها القلوب تحياتي
