افتتاح منطقه الفيله الاسيويه في فعاليه اسيا الصغرى Elephant Zone In Little Asia 

منطقه الفيل في اسيا الصغرى مع تجربه الاستحمام للفيل Elephant Zone In Little Asia
اليوم كانت الزياره المنطقه الفيله في فعاليه اسيا الصغرى بجده التجربه كانت اكثر من رائعه قابلت فيها العديد من الأصدقاء والصديقات ليان خالد سالم عبدالعزيز وياسر حقيقي شكرا ليكم انتو صنعتو يومي وبيكم حسيت طعم النجاح شكرا لكم مليون مره.
نتكلم عن الفعاليه وصلت هناك الساعه ٥:٣٠ ومن هناك مشيت حديقه ساكورا قريبه من القريه اليابانيه حقيقي يا جماعه الحديقه في العصر عالم تاني واحس الاجواء الصباح احلى بكثير من الليل وبعد ما خلصت من الحديقه توجهت إلى منطقه الفيله الدخول هناك ينقسم إلى عده أقسام:-
الدخول العام ب ٤٥
الدخول مع تجربه الاستحمام ٩٥ ريال
صراحه اول ما دخلت المكان حسيت اني في قريه أسيويه المكان جميل ومرتب وديكور المكان رايق ولبس المنظمين احلى شي اخدت جوله داخل المكان عندهم متحف صغير حاطين فيهو الهيكل العظمي للفيل
يوريك كيف ضخامه جسد وعظم الفيل وبعدما توجهت إلى منطقه الاستحمام مع الفيل اخدت الكيس الاخضر ودخلت احلى شور مع الفيل صراحه تجربه جميله انصح كل شخص يجرّبها خصوصا الاطفال حينبسطو جدا.
وبعدها مشيت منطقه الدي جي عشان اكل كنت جيعان الصراحه لا غدا ولا عشاء وقفت عند اول مطعم اسمو ماتسوري المطعم صراحه جميل والشباب فيهو جميلين وأسلوبهم حلو والشف حقك مجنون اخدت من عندهم وجبه اسمها ياكي سوبا انصحكم تجربو الاكله دي ما حتندمو أبدا وبكدا تكون خلصت جوله اليوم.
#boodysatti #saudiarabia #اسيا_الصغرى #citywalk #السعودية #جده #موسم_الرياض #موسم_جدة #expo2030