الشنطه يدووي وفي جناح خلفي يا رجل معقوله ما اصدق وايش كمان ومقاعد جلد ودخول ذكي يا سلام اهم شي يا بو بندر انت مرتاح ضميرك بعد المديح للسيارة قصدي ( الدينه البضائع ) مرتاح ؟؟؟
يبو بندر كفايه تسويق للظلمة هذولا تراك والله مسائل عن اللي تقوم به كيف تقول عنه فل كامل و بـ ١٩٠ الف!!! وين الرادار والتحكم بالمسار والنقط العمياء والثلاجة والباب الخلفي يدوي بعد!!! أتمنى المره القادمة تعطي رأيك بحيادية واحترافيه في حال تغطيتك لأي سيارة مستقبلا وأخيرا؛ أنا من متابعينك وحريص بان تكون اكثر مصداقيه واحترافيه أتمنى ترد على كلامي
فارس سعدون العنزي حياك اخوي فارس معك حق، هو يغطي لكن رأيه وخبرته ونقده اهم من تغطيته للسيارة أنا متاكد أي واحد يقدر بجواله يصور ويسرد اللي يرى أمامه لكن مربط الفرس يكون في التقييم للمركبة والتفكير النقدي من لكافة مجالات الاستخدام التي تخص المستخدم والمصنع أتمنى وصلت لك وجهة نظري ومتأكد ان ابو بندر يمتلك كافة الإمكانيات ويتحفنا كما عودنا بنقده وتقييمه وتغطياته الممتعة وختاما؛ لا تصير... 😉
باص واربع مقاعد بس !! وبطارية تحت السواق !! دباب او هايس ما يفرق كثير .. اي في اي بي .. حرام تاخذها بالسعر ذا .. المفروض ب ٧٠ الف كحد اقصى .. ملكية الزمن
يا اخوي العزيز ليش ما تصور المني فانات العائلية مثل (دودج كرفان : كرايسلر باسفيكا : هونداي اتش ون : كيا كرنفال : تويوتا سيينا مع الاسعار الي معي لايك حته يشوف التعليق و شكرا
بيشتروه الناس الكاش لاتكثرون كلام والله السياره فارهه ومطلوبه عند الناس الي تحب الراحه والفخامه وكل بضاعه لها ناسها ترا فيه ناس ترمي بميتين الف كنه رما ميتين ريال ما شاء الله ربي يرزقنا ويرزق كل مسلم
يعطيك العافية يبو بندر على جهودك.. وعلى فكرة الأبواب الخلفيه مجرد تفتح الباب راح يتحرك كهربائي من حالها. لأن البطاريه مفصوله مامشت معاك... يعني تفتح اتوماتيك من الريموت ومن الازرار عند السواق ومن مفاتيح الأبواب من الخارج والداخل. 😘😘😘
العيوب اول شي السعر غالي جدا جدا جدا ثاني شي كفراتها صغيره بالنسبه لحجم السياره ثالث شي لا يوجد امان من الحوادث سواءا واجهة او الخلفيه يتاثر السائق و الراكب
احترم وجهة نظركم ومافي مقارنه بين الابداع اللاماني والابداع الياباني انا اتحدث عن بيع وشراء كسعر قلة الذهاب للورش والخرابات المعروفه عند معضم السيارات تبع اللاماني والدليل تعال اوديك مجمع الورش ونعد ونحصي كم عدد اللاماني والياباني بالورش وهذا الفيصل في وجهة نظري
والله ي شكله قبيح مع احترامي لذوقك ي ابو بندر . بس ياليت ماتعطيه هالمدح الزايد وهو مايستاهل . سعره ب ١٩٠ والدرايش بس الامامي تماتيك والطاره يدوي هذي بس نقطتين غير عاد ال تصميم الداخلي السيء . هو صح لو سعره ب ١٢٠ نقول ينبلع بس بهالسعر ويعتبر فخم مدري ع وش
تطبيل لأبو جميل و دايما الاحظ تحيزك لتويوتا ما ادري وش عاجبك فيها لو ينزلون صندقة بكفرين وصلتها للسماء ، خلك حيادي علشان تنجح . أجل علشان حط ابو جميل اربع كراسي فخمة بدون اي مواصفات (ما فيه رادار ولا نقط عمياء ولا خروج عن المسار و لا فيه شاشات ترفيه خلفية و لا طاولات ....... الخ) ، لا وسعره ب 191 ، تخيل أترك الفانات الفخمة و الدلع و اروح احط حدود 200 الف في صندقة ابو جميل .
ايش الجنان ذا والله مية الف كثير فيها .. تويوتا عمرها ما تتطور والسبب احنا اللي اعطيناها اكبر من حجمها .. مافي اي ابشن وسعر خرافي .. والله اقل سياره صينيه افخم منها
