افراح السويط | حفل سعود & الوليد عبدالعزيز السلحوب | كلمات عمر علي السجيان | اداء العيباني والبرازي 

افراح السويط | حفل سعود & الوليد عبدالعزيز السلحوب | كلمات عمر علي السجيان | اداء العيباني والبرازي
رسمت الشعر من يوم صغري على اللوحه
وسقت المعاني كنّها سيول شدّاده
ليا من زهمني صاحبي واعتلى بوحه
بنيت العماره دون طابوق واعماده
ايه ابشر بعزّك … زوّد المبخره فوحه
بلازمك ما اغايب .. خذ العلم باسناده
---
يطيب القصيد اليا زهى المدح ممدوحه
و نار المعزّه ما طفت ... نار وقّاده
ما كل بشت راعيّه دوا العل و جروحه
احد يلبسه معرس و احد ورثة اجداده
وانشهد زهى السلحوب شيخه و مصروحه
((( سويط الفخر ))) والعز بالهوش رعّاده
~~~~~~~~~
فوق الجدي هامات فكري في قمم متطايله
ما تستريح الا ليا فازت بشي(ن) مستحيل !
كواكبه فيها من ابحار العجب … جزايله
بحر(ن) تشامخ في فضاها ما يقارن بالخليل
هاجت بحوره يوم سمّيت المراد … و قايله :
يا كيف تمدح هامه اكبر من مديح ومن جزيل ؟
---
يا كيف رجل(ن) فز لي من قبل اقول اشكاي له
يا كيف رجل(ن) ينصر المظلوم و يصون الدخيل
تحب كوعك .. و تتحكّم بالزمن .. و عمايله !
و تغوص برّك .. اسهل من انّك ترد اله الجميل
لو في يدين اهل السخا تقفل بيوت سلايله
من الكرم .. ما خلّى للعالم تجود ولا تشيل
---
يقلط على الصعبه ويضحك بالامور الهايله
الهايله عنده تقل فنجال(ن) اشقر فوق هيل
امن الطفاقه بالمراجل والسلوم الطايله
بالمستحيل انّك تجاري طيبته بالمستحيل
---
قبل (( القويعيه )) لفاني علمه و هوايله
لا من تعدّيت النصايف قبل توصل للنثيل
لقيته بوجهي يردّد … والله انها زايله
ابشر بعزّك يا رفيقي عطني الحمل الثقيل
---
ايه الوليد اللي تربّع فوق غيمه سايله
وشلون اصد بلازمه ؟ و اسمه سواء(ن) للسبيل
هو درع جنبي .. هو يميني .. وش اعد فضايله
رجل(ن) تجمّلبي وانا ماني بناكر للجميل
---
ماراح تلقى به ردى باسباااب اسم العايله
سلحوب يا نسل الاكابر يا هل السيف الصقيل
سلحوب .. غيمه ارهشت ماها وحظ مخايله
الغيمه اللّي خلّفت سيل الكرم .. نعم المخيل
---
و عضيده سعود المضرّى للحمل .. واطراي له
ما زاده .. الا زاد خيلي من عناد ومن صهيل
عسى الفرح فيكم ومنكم … دايمه خصايله
ياللي اساميكم تنومس .. يا عجب عين الخليل
---
(( دويتو ))
دق النجر .. دق النجر .. دق النجر .. يا شايله
صوته بديوان المعزّه ورث جيل(ن) بعد جيل
~~~~~~~~~
من قديم الوقت في كثر النوايب
عادة(ن) لأهل البويت أهل العجايب
بذرة(ن) ما مرّت بعوج النصايب
(( منت لاقي خوة(ن) مثل السويطي ))
السويطي للجزيله ما تصدّد
نومس ربوعه ، على الطاله مردّد
ابشر بميقاف فارق ما تعدّد
(( منت لاقي خوة(ن) مثل السويطي ))
---
الرسايل كلها : اقلط ، يالله حيّه
مرّني ، روّح ، تفوح الشاذليّه
مرحبا مليون ، يالخوّه الوفيّه
(( منت لاقي خوة(ن) مثل السويطي ))
باب ديوانه مشرّع ما تسكّر
طيبته سلم القبيله ما تنكّر
من يدوّر زلّته … فعله تعكّر
(( منت لاقي خوة(ن) مثل السويطي ))
---
رفرفي يابنت فكري واستلجّي
حضّري لي شرّد افكاري وعجّي
بالسويط اهل الوفا لجّي و ضجّي
(( منت لاقي خوة(ن) مثل السويطي ))
مانغيب بمحفل اسمه فوق عالي
السحايب تحتكم .. والقدر غالي
يا سويط العزز … ياعوق النزالي
(( منت لاقي خوة(ن) مثل السويطي ))
---
انت رجل(ن) … ما تكفّيه المدايح
كل فكره تقول لي : وين انت رايح ؟
طيب فعلك .. كنه طيب العود فايح
(( منت لاقي خوة(ن) مثل السويطي ))
لا احتمى الميقاف و الميقاف حاسم
" ابشر بعزّك " … ترانا ( ما انتقاسم )
حن ضنى ( طمّاح ) نضرب .. وانتباسم
(( منت لاقي خوة(ن) مثل السويطي ))
ليصلك جديد الشيلات اشترك بجروب قناتنا علي التليجرام
telegram.me/go...
--------------------------------------
استوديو جولدن ميديا
قناه مختصه بنشر الشيلات
رابط الاشتراك بالقناة
قناة جولدن ميديا الرسمية
bit.ly/2WiaWea
حساب سناب شات
/ goldenme. .
--------------------------------------
لطلبات تسجيل الشيلات وحجز الاستوديو
whatsapp | واتس آب ►
0096594032322
--------------------------------------