حراااام لو مكنة جديدة 🏍️🏍️يتحطلها زيت احادي لازم زيت متعدد ومتخصص ولزوجة مطابقة للكتالوج والمواصفات الفنية للزيت👌 ويكون زيت الخواص بتاعته تكون مخصصة للموتوسيكلات المواتير رباعية الاشواط 4T👌🏍️امال هي الشركات طورت في الزيوت ليه 🤔 ما كانو خلوهم علي حاجة ثابته زي زمان وخلاص ومكنوش كلفو نفسهم في تجارب وابحاث ووفروا فلوسهم ومكنوش اخترعو بقي زيوت رباعية الاشواط4t وثنائية الاشواط 2T زي مواتير المحركات البحرية🛥️⛵🚢 وطبعا الشركات اغلبها عملت زيوت لكل حاجة ... عندك مثلا العربية ليها زيت مخصص للموتور وزيت مخصص للتروس وزيت او ما يسمي زيت باور لكن الموتوسيكل اجزاءه كلها مع بعض في مكان واحد ،، معدا الاسكوترات ها ،، ليها نوعين زيت ،،، زيت موتور وزيت تروس لكن الموتوسيكل🛵🏍️ كله في مكان واحد فعشان كدم لازم نستخدم زيوت موتوسيكلات عشان بتجمع كل الخواص دي في عبوة زيت واحدة ومعروف ان زيت الموتوسيكلات مكتوب عليها كلمة 4T ومرسوم عليه موتوسيكل وموضح عليها اللزوجات المختلفة وكل واحد بيحط الزيت حسب مواصفات الكتالوج بتاعه 👌👌بس احنا اللي مهملين ومش بنبصله اساسا وطبعا بتفرق من موتوسيكل لأخر ومن موتوسيكلات تبريد هواء وتبريد زيت او بها سربنتية زيت او موتوسيكلات فيها تبريد ماية زي الياباني والشركات العالمية ... طبعا كل الزيوت اللي ف الفيديو ده غير مخصصة نهائي للموتوسيكلات ودي زيوت مخصصة للسيارات🚗 وفي منها زيوت مخصصة لمواتير عربيات ديزل🚚 !! تخيل بقي الخواص الكيميائية لتركيبة الزيت مختلفة تماما ولو اتحطت في موتوسيكلات يحصلها برجلة وتخريف وخشونة وتعمر في وقت علي المدي القريب ... تخيل معايا لو مكنة لسه زيرووو ومكنة صيني مش ياباني والكتالوج بتاعها اللي منزله الخواجة نفسه في المصنع بيقول استخدم لزوجات مثلا كما ف الكتالوج 5w40 و 10w40 و 15w40 و 15w50 و20w50 هو الخواجة او المهندسين مش بيخيرك وانت تختار اي حاجة فيهم لالالالالا هو حاططهم في الكتالوج تحت بعض بالترتيب طبعا ،،، وبيوقلك استخدم اول حاجة 5w40 او 10w40 طيب الاول احنا مفروض نفهم معني الارقام دي ايه اصلا ... بص ياسيدي الرقم اللي قبل حرف w ده يعتبر سرعة سريان الزيت في بداية التشغيل والمكنة باردة او في البرودة واختصار w يعني winter شتاء او برودة تمام كده👌 والرقم اللي بعد حرف w يرمز ل مدي تحمل حرارة الزيت لأعلي درجة مئوية عند سخونة الموتور الشديدة،،، طيب اما هو يجي يقولك في الفيديو حط الزيوت دي وهي اصلا اغلبها 20w50 عارف ايه اللي يحصل لو حطيتها وانت مكنتك زيرو وكتالوج مكنتك بيقول حط بالترتيب 5w40 او10w40 👈👈اولا هيحصل ان الزيت اللي بيقولك عليه ده تقيل علي طلمبة الزيت في المحرك وهي المسئولة عن رفع الزيت للموتور من الداخل وطبعا بما ان الزيت لزوجته تقيله وحضرتك الخلوص بين اجزاء الموتور لسه ضيقة وجديدة فبتحتاج اصلا زيت لزوجة خفيفة فبالتالي الزيت التقيل ده👈👈 هياخد وقت ازيد علي بال ما يوصل للخلوص الضيقة ده والاجزاء الصغيرة جدا فبالتالي هتحس وانت راكب👈👈👈 بسخونة من الموتور جامد وطبعا عشان الزيت تقيل ومش قادر علي عملية التزييت هيحصل عملية👈 تأكل 👈واحتكاك في 👈المعدن نفسه ومرة علي مرة الاجزاء دي هتتاكل⚙️⚙️ وصوت الموتور 🔨🪓⛓️هيخشن 👈وهتعمر في وقت قريب لان المعدن⚙️⚙️ بياكل في بعضه ومش قادر يزيت 💦بكفائة جيدة،،، لك ان تتخيل ان اكثر عملية احتكاك في جميع المواتير سواء عربيات او موووسيكلات او غيره من مركبات بتتم في بداية التشغيل او اما تكون الموتور يكون بارد تماما وتيجي تشغله عشان كده الشركات بتنصح لكل عربية او موتور استخدام لزوجة محددة زي الكتالوج او التوكيل اللي بينصحك بيها،،، يعني ينفع مثلا عربية من BMW او مرسيدس زيرووو وموديل حديث تروح تحطلها زيت من اللزوجات اللي ف الفيديو ؟🤕🤔 دي كارثة اساسا اي نعم الشركات عالمية و 10/10 لكن اللزوجات نفسها مختلفة باتاتا وغير الموصي بها والشركات دي بتنصح في اغلب الموديلات الحديثة سواء مرسيدس او غيرها كثير من شركات صناعة السيارات بتنصح العميل في الكتالوج باستخدام زيت 0w20 او 0w40 تخيل !! يعني اول ما يدوس start او يفتح الكونتاك ويشغل العربية او المحرك اي كان بقي نوع المحرك الزيت ف ثواني يكون انتشر بالكامل في المحرك كله،،، وكل طبعا اما الرقم اللي قبل حرف ال w كان قليل كلما كان انتشاره ف الموتور اسرع ارجوا تكونوا تفهمتو قصدي .... طيب هيجي واحد يقولي هو انا همشي ع اللزوجة دي لحد امتي ولا امشي بيها علي طول ولا ازودها امتي وكده طبعا هقولك بس في وقت تاني اما احس الناس تفاعلت مع شرحي لفهم طبيعة الزيوت وتكون فهمت قصدي كويس ساعتها هكمل واقولكم ... واسف للإطالة للجميع واسف لصاحب الفيديو ولكن العملية ليست تجارية وبيع وانما هي مبنية علي دراسات علمية .
موبل اسود ده زيت ديزل يا ريس بتاع اتوبيسات و مقطوره المشكله بيكتم الموتور ويخنق المكنه والناس بتفرح ان المكنه صوتها هادى!! و بقية الأنواع اللي في الفديو زيوت عربيات لا تصلح للموتوسيكل لان موتور الموتوسيكل الصيني بيبقي كل الاجزاء جوه الموتور ف بيحتاج حاجه مخصصه ليه بعكس العربيه والاسكوتر بيبقي فيه ويت للموتور و زيت للتروس اللي هو الجير بوكس gear box
