راح نكمل بصح حاليا لازم تبداي بشوية حاولي أنوا تفهمي الدروس مع الأساتذة في القسم و في الدار تلخصيهم و حلي تمارين في المواد العلمية كل يوم حلي 2 تمارين حتى 4 و تدي أفكار من التمارين إذا كان مستواك شوية ضعيف تحسي روحك مع الأول أنك ماكي قابضة والوا بصح لازم لي تحليها تحصي عليها و متنظغطيش و إبقاي مستمرة و الحفظ إحفظي صباح بكري على 6 أو 5 الوقت لي يناسبك الأحسن قبل الفجر لأنوا أي حاجة تحفظيها تبقا في راسك
مكانش كيفاه متكمليش كملي راكي تحفزينا انا تلميذ متوسط و نجب نتفرج هاد فلوقات انتاجية باش نتحفز و قناتك طلعتلي بالصدفة و عجبتني و انشالله تكملي و بتوفيق انشالله تجيبي معدل لي متمنياه ❤🎉 و متنسايش فنتائج ديريلنا فلوق نتائج و تشاركينا فرحتك انشاءالله ❤
إن شاء الله بعد البكالوريا بزاف صوالح راح نشاركها معاكم في ما يخص الدراسة و حتى مجالات أخرى و بما أنك راك في المتوسط كنصيحة لك مني حاول تتعلم اللغات خاصة اللغة الإنجليزية
@@AfsimaMoma أبليكاسيوا هاذي تاع الترجمة تعاونك باه تتعلم كلمات جدد بلا ماتستخدم قوقل لأنوا ما يفيدش مينذاك يعطي للكلمة معاني أخرى بصح الطريقة لي راح تتعلم بيها الإنجليزية مع الأول لازم تتعلم المصطلحات و تتمكن منهم كيما الأدوات و غيرها كيفاه تقولها بالإنجليزية و من بعد إبدا تقرا كتب و تسمع لبودكاست بالإنجليزية و تكتب بيها و أي كلمة ماتعرفهاش إبحث عليها بصح التعلم يدوم مدة طويلة ممكن 3 سنوات أو أكثر باه تتعلمها لكن إستمر و إبقى تقراها كل يوم
نصيحة برك ،كملاحظة ،تبانلي راكي تكتبي في دروس برك .حاولي تستغلي وقتك في اشياء تفيدك،وتلملك نقاط في باك ،لانوا ڨع يمدلك الاستاذ في تقويم 20 وتدي في فصول 30 ويقدر ربي يجيب باك تحت 10 ،راح تعاود عام
هدفي ليس كتابة الدروس حتى أحصل على 20 في التقويم بل المعلومات التي في الدروس لأنني لم أحضر الحصص و الدرس لازم يفهم في القسم مع الأساتذة أفضل من اليوتيوب ، الصح راه في الباك أكيد😊
إنجليزية مادة رائعة إنتي شعبة أداب و فلسفة فلازم تقرايها كل يوم حاولي تفهمي القواعد تاع الوحدة و تلخصيهم كامل و إقراي بحوث تكون مواضيعها حول الوحدة لي تقرايها و في الوقت لي تقراي البحث ترجمي الكلمات لي متفهميهمش و إحفظيهم من ناحية النطق و الكتبة و المعنى و من بعد لخصي الموضوع بطريقتك الخاصة لأنوا يكون عندك مصطلحات على الموضوع فيبقى عليك غي تتعلمي تكتبي فقرة و الفقرات أنواع لازم تعرفي كل فقرة كيفاه تنكتب و ظن كتاب منصوري ينفعك كثيرا و حلي لي باك و فقط
من ناحية تنظيم الوقت مزالني ما تعلمتش كيفاش نظم روحي و أصلا إلا جربتي تمشي بنظام متقدريش خاصة كي تكتبي قائمة تاع مهام تلقاي روحك مادرتي والوا و الثقة في نفسك تولي تروح لأنك ماتدرتيش شاكتبتي على ذاك جربي دائما قبل ما ترقدي تقول واش ديري غدوا و مشي شرط ديري وقت محدد للمادة ، مرات يكون تمرين صعيب لازم تقعدي معاه و تفهمي الفكرة تاعوا و متركزيش على أنوا تحلي تمارين بزاف و إنما حلي تمرين وين أنوا تدربي على السرعة و تدي فكرة نتي من قبل ما شتيهاش و الوقت تاع الرقاد كل واحد و كيفاه أنا شخص صباحي نبغي نستغل الجو تاع الصباح في الفجر مشي السهر في الليل أتمنى أنك إستفدتي
الصح في الباك ركزي عليه أخدمي عليه مشي تهتمي غي بالمواد الأدبية و تنساني مواد أخرى جربي توازني بيناتهم مع الأول تبانلك صعيبة صح بصح لازم تخدمي قاع المواد مكاش مادة أحسن من مادة
@@messaoudirawaa واو راكم تزربو حنا فلعلوم رانا في برنامج انااجان وفيزياء رانا مع المعايرة بناقليو وماط مزالنا مع مكتسبات وقولولي تعيشو اذا رانا روطار يعني نفوت اساتذة ولا نن
سلام عليكم انا طالبت بكلوريا شعبة لغات عندي مشكل كارثي مع انو معيدة يعني هذا عامي الثاني للبكلوريا ولكن لزلت اعاني من مشكلت اتشتت الافكار وعدم التنضيم للوقت وكذالك فقدت نوعا ما الشغف للدراسة تمنى ان تطرحو لي بعض الافكار التي ممكن ان تساعدني شكرا ربيينجحنا اجمعين
تنظيم الوقت هو مشكلة معظم طلاب البكالوريا و لكل شخص ظروف يعني لازم إنتي تعرفي كيفاه تنظمي روحك شوفي الوقت لي تكوني فيه في كامل نشاطك هذاك هو الوقت لي لازم تقراي فيه ، في بعض الأحيان تغلبنا النفس الأمارة بالسوء و تبقاي تقولي مزال الحال و لازم نرتاح حتى تلقاي نفسك متوترة و بقي أسبوع للامتحانات من الأحسن أن تختاري التعب و عدم تأجيل أي شيء فتخيلي لو عملت اليوم بجد فأنت قد تقدمتي خطوة للأمام ، علاذاك نظمي روحك بشوية و إعرفي كل يوم واش لازم عليك دير اليوم إذا مامشيتيش بهدف مادرتي والوا أي حاجة ممكن تلهيك لأنك ماعندكش طريق تبعيها أتمنى إنك إستفدتي من كلامي
