وبما أننا في بلد اللقطة واخرنا نعمل ترندات تاخد لها يومين تلاتة بالكتير.. ومبنعرفش نقدر الرموز ونكرمهم التكريم الحقيقي اللي يليق بيهم وبأعمالهم ..احب افكركم أننا داخلين النهاردة على اسبوع ..فيه حد مثلا اقترح نعمل فيلم أو مسلسل يجسد ملحمة سيدة القطار؟ الفنان احمد السقا مثلا يقوم بدور العسكري..ولا بلاش السقا لاحسن ده عايش في دور الجدعنة وهيدفع للقطر كله ويبوظ الفيلم ..طب متحف محندق كده في مسقط رأس الحاجة صفية .. تتحط فيه كل مقتنيات ابطال معركة القطر في فتارين شياكة كده.. التذكرة اللي دفعتها للعسكري.. أشلاء الفلوس اللي اتقطعت في الخناقة.. كمامة العسكري..چاكتة الكمسري..قلم رئيس القطر .. بنطلون الاخ بتاع حزب مستقبل وطن اللي كان موجود بالصدفة وصور الموقعة.. طرحة الحاجة صفية ..مجسم على هيئة ساندويتش جبنة براميلي كان في شنطة العسكري.. وياريت المبنى من بره يكون مصمم على شكل عربية قطر ..والسيسي شايلها بدراعاته وعضلاته باظة ومبرق كده .. كأنه بيزغر لأعداء الوطن .. وكامل الوزير بيبص من شباك كده من شبابيك القطر وهو فاتح بؤه وبيضحك من غير مناسبة.. المقترحات كتير يا جماعة شوية تفكير بره الصندوق..احنا في حدث استثنائي والموضوع عمال يموت ..انا بقالي ربع ساعة بحالها مشفتش خبر جديد عن الحاجة صفية ....
للدعم على Patreon :
/ ahmedbehiry
الصفحة الرسمية لاحمد بحيري علي الفيسبوك
/ ahmed.behiry.the.page
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
للمشاركة في إعداد و كتابة الحلقات يرجى إرسال نماذج لأعمالك على:
ahmed.behiry@gmail.com
15 сен 2020
