الاسبوع ده اتأكدت نظرية إن الرئيس الحنين رزق يا جماعة.. وان كل الكلام اللي بيتقال عن السيسي أنه مفتري.. ومنشفها على الشعب ، ما هو إلا اشاعات مغرضة. وهو رد عليها بإعلانه زيادة ألف لحلوح بحالهم في مرتبات الشعب، اللي بيشتغل كله في القطاع العام ، مش خمسة ستة مليون زي ما أهل الشر بيقولوا.. وأعلن في أجواء احتفالية وزغاريط الخبر. وقالك إن شاله ما حد حوش بقى وشبرق على نفسك يا شعب..وعوموا معاه. ومع السادة اللواءات والمستشارين على وش الفتة..هو صحيح زود الموظفين من ناحية. وراح ظارفهم زيادة في أسعار البنزين ورفع أسعار سلع كتير من الناحية التانية.. وصحيح الإعلام احتفل بالقرار الإنساني ده. ونفضوا لنسبة بسيطة من فئات نفس الشعب..بتاع 50 مليون ولا حاجة بيشتغلوا في القطاع الخاص او ارزقية على الله.. وصحيح أعلن عن رفع مرتبات الحاصلين على الماجستير والدكتوراه، اللي هو مبيعينش حد فيهم عشان يقبض اساسا ..بس ده ميمنعش أنها لفتة كريمة من فشاخة الريس.. اهوه عمل اللي عليه وفك الكيس بقى.. هو مش هيقطع نفسه الراجل..بس وحياة ابوك ابقى بلغنا بعد حركة الجدعنة دي، التضخم الجديد امتى. وتدينا جرس كده قبل التعويم الجديد ، عشان نعمل حسابنا في عوامات
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ أحمد-بحيري-ahmed-behir...
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
المصادر:
- أعلم أهل الأرض
www.قooقle.com
8 мар 2023
