عندما تسافر بين مدن الجزائر تعتقد أنك تسافر من بلد إلى آخر، كل منطقة ولها أطباقها وأزياؤها وآثار حضارات مختلفة مرت بها تحياتنا لإخوتنا في منطقة القبائل ❤❤
أرض طيبة بشموخ جبالها ونقاوة زيتها و زيتونها قلوب صافية كصفاء هوائها تاريخها معروف بأجدادها يوغرطة و يوبا وماسينيسا و حرائرها نوميديا و ديهيا و الضارب في أعماقها كعمق أصالتها إنها أرض القبائل الأمازيغ ❤
السلام عليكم اخي شكرا على زيارتك لبلاد جدودي انا من احد قرى قنزات ،والله نحبهابزاف ،خليتني نسافر وفكرتني فالدكريات الجميلة كان غير يلحق الصيف نجوزو 3شهور عطلة والله احلى الايام ،ربي يرحم جدودنا اللي كنا نروحو عندهم ويفرحو بينا ويرحم بابا العزيز اللي خلانا مرتبطين بدشرتنا واصلنا ،واحدة من قرية اسومار بني يعلى،احبكي بلادي🇩🇿🇩🇿🇩🇿
مادامك قريب فوت لبلدية تكوت ولاية باتنة جرب الزيراوي و دشيشة المرمز الرائعة و الزرير و بالبومفور و الكسكس بلخليع و و و متنساش مطعم سيرتا اذا رحت ❤ سلسلة رائعة استمر 🎉
طبق شليطة هو مقبلة اساسية تحضر يومياً خاصة في فصل الصيف وهو يختلف عن الحميس ، لأن في ڨنزات لا يضيفون الثوم عليه و عليه فذوقه يعتمد على زيت الزيتون و نوعية الفلفل المشوي. أما ما يخص ثخنيفث المرقة ، فهو عبارة عن مشوشة بالدشيشة تطيب في الزيت ، و توضع في المرق ، أين تتشرب المشوشة المرق و يتضاعف حجمها و تصبح خفيفة و طرية.
كليت التيكربابين من يدين ام صحبتي الله يحفظها واحد البببنة باللوبيا ماشطو والعدس والخرشف الله الله بنتو مزالها في حلقي😂 تحية حارة للقبايل الاحرار كل عام مجوز عندهم عطلة الصيف ناس ماشاء الله
تحية ليك اخي . انت اظهرت الجانب المخفي من جزائرنا العميقة. اطباق تقاليد متنوعة علانة مسجلة باسم الجزائر. واصل اخي مشكوور . هاديك قهوة حليب لي ماداقهاش ضيع نص عمرو شحال بنينه ياجدك 😂😂
الخبز في تيزي وزو يختلف حتى من قرية لأخرى هناك أغروم أقوران الذي يعجن والذي بدون عجن الخفاف أو السفنج المسمن المدلوكة السكسو انواع أسفورو بالخضار دون مرق مع اللبن وسكسو بالڨرنينة عندو شعبية كبيرة .ثيركمث تشبه التركابيبين
في شرشال عندنا أكلة عريقة تشبه لتيكربابين شوية لكن تختلف لأنو فيها بزاف أعشاب متنوعة يزيدو بنة رائعة وتقدم مع العدس اسم الأكلة حشيش كويرات بزاف بزاف بزاف بنينة أكلتي المفضلة في فصل الشتاء
لاحظت خاصية في منطقة القبائل كي يطيبو المرقة يديروها بالدرسة تع ثوم وقصبر مرحي ، لازم نجربها كاش نهار. شكرا مهدي عاود ولي للجزائر وكملنا في هاد السلسلة هايلة بزاف
حنا قبايل ولاية تيبازة نسموهم كويرات او ايكورن نديرهم مع بصل الاخضر و الحشاوش قصبر معدنوس فليو نعناع و نفوروهم و نقدموهم مع عدس او بيصار الفول او الجلبانة الجافة بنه ولا اوع
ماش كيفكيف روح لي تيزي باش تشوف الاطباق التقليدية هما ما يشربوش بالكرواسو يشربو الحليب بالسفنج والمسمن ولا الكسرة ولا الغرايف واطباق عديدة عند ناس لسلكنة في الجبال ماش تاع المدينة ❤
انا من العاصمة واصلي من منطقة قنزات ولكن انا وعائلتي نتكلم العربية من الجد لأنني اعتقد ان في قنزات مزيج راءع بين عايلات عربية وقبالية وانا افتخر كثيرا باصولي
يعطيك الصحة خويا مهدي محتوى رائع جدا ديما معاك الجديد نتمنالك التوفيق بصح فطور الصباح عند القبائل حاجة فور ماشي حليب أو قهوة فرنسيس واصل أنا ندعمك ديما
بلادنا حقا كبيرة. مهما سافرت ولايات وضننت اني عرفت الكثير عن الجزاىر، أدركت اني لم أعرف شي، أجمل شي في الفديو هذا وجود مسجد كمسجد الأقصى في بلادنا العزيزة 🕌🇩🇿🇩🇿🇩🇿 واجمل شي الأجواء الريفية وإحترام الفن واللوحات الجميلة لنشوفوها في كامل مدن للقباىل 🇩🇿🇩🇿🇩🇿
حتا حنا كنقولو ليها تاكنيفت انا امازيغي ريفي من الحسيمة و كنتمنى انشاء الله نجي نزور لقبايل الغالية على قلوب ناس الريف أزول و لن نزول و شكرا خويا مهدي على الفيديو
محتوى جميل شرف كبير عدنا جزائري بهذا العمل الرائع و في مايخص الولايات نظن لوكان تزور ورڤلة ناسها مضيافة أو جانت و زيد كملها خنشلة و ماتنساش اعرض خوك يذوق معاك
ألف مبروك ما شاء الله و لا قوة إلا بالله تفرجت الفيديو و أنا فرحانة و حاسة راني معاكم و فرحت لكم فرحة لا توصف و أنا فالغربة و كملت الفيديو و لقيت روحي وحدي و بكيت 😂😂😂 الله يفرحكم و يسعدكم و يبارك لكم في ذريتك يا رب سلامي لكل العائلة المحترمة ❤
كل دولة واطباقها اذا كان بعض التشابه فكيرجع لان دول شمال افريقيا فالاصل كلهم امازيغ وعندهم بعض الاطباق المتشابهة نوعا ما بحال الكسكس وبعض المخبوزات المسمن والبغرير وغيره اما ما باقي كل بلد واطباقه الخاصة
@@chadya3424ما تلصقوش فالاوهام مكانش تشابه انتم جل الثقافة الجزائرية دخلتكم و اتخدتوها باسمكم الراي و قلتو كايت راي مروكي كلشي جزائري تجرو تلصقو فيه و تقولو بحال بحال تستعملو هلذ الطريقة باش تاخدو كلشي. الجزائر فيها امور ما كاين حنى في بلاد مغرب العربي من الاخر
@@amoulate1 وي انا قلت بعض الاشياء مثل الكسكس وبعض***** المخبوزات وركزي على بعض اما الباقي ماشي بحال بحال بالمرة انتم اصلا مكنتوش تستعملو حتى العطرية بحالنا عاد دخلتكم ثقافة العطرية عن طريق التجار المغاربة اما اصل اكلكم كمون وملح فقط
القبائل ليسوا وحدهم امازيغ الجزائر عندنا الشاوية وبني مزاب وبني سنوس وامازيغ الصحراء ورقلة والطوارق وشتوة بتيبازة. ..الخ معظم سكان الجزائر امازيغ.... شاوية حرة تحب كل شبر من الجزائر.
السلام عليك اخي فيديو رائع كالعادة، اخي كانو جدودنا في الصباح ياكلوا تازرث بالزيت و هي التين المجفف و لا زيتون مرقد و لا يقليو البيض و اغروم او ظاجين ولا اغروم اقوران ولا اغروم الحمص بزيت الزيتون و اللي عندو البقر و اللا المعيز و النعاج يشربو الحليب و لا الرايب و لا اللبن وقليل اللي كان يشرب القهوة كانو العجايز الكبارات يشربوا القهوة مع الصباح بلا ما ننسى المسمن و الا السفنج او الغرايف اللي هو البغرير، هذا مع الصبح بكري مع الفجر او مبعد جواهي العشرة تع الصبح يا كلو اعوين و هي اكل خفيف يطيب الفلفل و الطماطم و الزيت الزيتون بالكسرة و لا المطلوع، ناس بكري كانوا يتعبو و يخدموا بزاف في الحقول و الرعي ، هذا ما عشته في بلاد القبائل في صغري مع جدي و الشيوخ رحمهم الله ، و لكل منطقة و عاداتها
عندنا أكلة هكذا تشبهلها عندنا في جيجل اسمها الخبوز وبصح أحنا نطيبوها مع الفول وأحنا تاني قبايل العروش الأخرى في جيجل ماعلاباليش إذا يطيبوها ولا نو وجيجل فيها قبايل وفيها عرب
والله يا مهدي غير يعطيك الصحة على واش راك تدير والله غير صح محتواك رائع جدا ويروج لثقافة بلادنا الكبيرة بناسها بعاداتها بتقاليدها بمساحتها بصح كاينة حاجة ماتضلمش ولايات اخريات وتفوت عليهم راك جزت على 7ولايات باقيلك 51 ولاية اتهلا ماتنساناش