الأماكن اللي ممكن تزورها في بورسعيد في يوم واحد و تتبسط و تروح من غير ما تدفع فلوس 

هحكيلكم يومي من الاول 😍
اول حاجه روحنا بورسعيد بالعربيه
الفطار :
من العيوطي 😍 صراحه طعم الاكل مميز و الطعميه المحشيه حواااار و القعده حلوه اوي و رخيص مش غالي متخافوش 😉
بعدين
ركبنا المعديه لبورفواد :
تجربه معديه نفسها جميله اوي و متنسوش تاخدوا معاكم عيش فينو عشان تأكلوا طيور النورس كرمه و ميرال اتبسطوا اووووووووي 🌸😍
و احلي حاجه انها ببلاش و ممكن تقضي اليوم كله فيها بس تركن العربيه برا و تركبها برجلك و تفضل رايح جاي بقي ♥️
المهم وصلنا بورفواد
احلي حاجه فيها هي جبال الملح ( الملاحات ) ملاحات بورسعيد 🧂 :
و هتتصوروا احلي صور في الحياه بجد هتحسوا انكم في مكان كله تلج و جبال كبيره جدا من الملح موجوده في كل مكان 🗻🏔
ملحوظه:لازم تكونوا واخدين اللقاح عشان تدخلوا اصلا الملاحات
رجعنا بالمعديه بورسعيد
وروحنا حديقة فريال :
حديقه فيها ديكورات في منتهي الجمال وهاديه وهتعمل هناك احلي فوتو سيشن والحديقه مجانا 🌸💐🌹🥀🏵
وصلنا لاحلي جزء في الرحله
الغدا 😍 تروح سوق السمك المطور:
نضيف اوي و منظم و اسعاره حلوه اوي رخيص مش غالي خالص و فيه انواع اسماك بقي كتيره تشتري اللي انت عايزه و فيه اماكن في نفس السوق عندها قعدات و بيطبخوا الاكل زي ما انت عاوزه و تاكل احلي سمك و فريش جدا 🦐🦑 🐟
كل الناس تقول مينفعش تروح بورسعيد من غير ما تروح تشتري شوكولاتة من محمود الفار بس بصراحه overpriced جدااااااا اسعار الحاجه عنده اغلي من اي مكان برا هو فعلا عنده انواع مش موجوده عند حد بس الحاجات اغلبها سعرها غالي
و طبعا ما ينفعش نمشي من غير ما نجرب الكاساتا اللي الناس كلها بتتكلم عنها من عند سلسبيلا 🙈 هي مكس كدا من القشطة علي الايسكريم 🍨
بورسعيد جميله اوي و هاديه وناسها احلي🤗
#شاورما_عربي #شاورما_صاج #عيش_باللحم
#طبختي
#مكرونه #مكرونة #ميكس #مكرونه_بشاميل #مكرونات #باستا #بشاميل #سجق #كيكه_لذيذه #كيكه #كيك_اسفنجي #كيكتي #وصفات #وصفات_لذيذة #وصفاتي #رحلات #أكلة #cooking #travel #delicious #اكسبلور #اكسبلور_explore #فلوج #بورسعيد #بورفؤاد