الدمـــــــعة المحرومــــــــة
الشيخ حسين الأكرف
مسجد فاطمة الزهراء (ع) ، مدينة حمد ، مملكة البحرين
ذكرى استشهاد فاطمة الزهراء (ع)
--------------
في الأولى .. حنا طوله .. خبر طيحة حشـاها
وعلي راجع .. من الجامع .. خطف روحه أساها
وعاينها .. ودنا منها .. والعمامة رمــــاها
حاجيني .. وكلميني .. وحق يا زهرا طـــه
جريـــــح .. ذبـــــيح
ينـــــوح .. يصـــــيح
وهاذي المرة الأولى .. وثانيها أشد وأقسى
علي جالس في محرابه .. يداوي بالدمع نفسه
وإجى له الحسن .. وأخوه الحسين .. يتم في يتم دمع ينهمر
بعجل يا علي .. بعجل يا علي .. ترى فاطمة عطتك العمر
تيتمنا .. متنا في همنا .. الله يرحمنا .. راحم الدمعة
بعد أمنا .. يا كثر غمنا .. واحنا في دمنا .. ونـّة البضعة
وقف حيدر على طوله .. وذب عمامته عنـّه
تخيل وقفته مايل .. جبل متزلزل بحزنه
صدق فاطمة .. خذتها السما .. يا طول العنا ويا موت المنى
إلى الله الأمر .. وأنا بلا صبر .. يا ليت الأجل أخذني أنا
تصورها .. حالته بمرها .. روحه تعذرها .. لو مضت عنه
وقع قلبه .. قبل العمامة .. ودمعه يتهامى .. والصدر ونـّة
علي في ثلاث المحن يحتضر .. لأنّ الـ جرى ما لقى له صبر
رمى في ثلاث الشدد لبته .. وثالثها يوم استوت بالقبر
تخيل فاطمة قدامه ملحودة .. صبر شنهو اللي تحمل هالأسى حدوده
تصور دمعه الجاري على خدوده .. وريحانة محمد صوبه ممدودة
يا بنت النبي .. وداعة الباري
يا أجمل حلم .. ساكن أفكاري
سلميلي على الـ .. مصطفى وروحه
وعليج العفا .. والله يا داري
عمامة علي هالـ تهز السما .. يهزها على راسه فقد فاطمة
عمامة علي وانتَ تدري بعلي .. يا حسرة صفت هالمساء مهدمة
عجيبة هاللي يمشي وروحه بإيدينه .. ما يتحمل تروح الزهرا عن عينه
مثل ينضرب فينا ضربة يمينه .. على هاي المصيبة الله يعينه
يا عمامة علي .. قومي يا عمامة
قومي من الثرى .. وزيني الهامة
بعد اللي فقـ .. ـدته بوجع قلبه
وصار على المحن .. يمشي قدامه
3 окт 2024
