شيلة
الأوائل قسمنا مايجي فيها التباس
فوز (انتصار) من هجن
الشريف عزام بن ناصر ال زيد
كلمات الشاعر
مسعود الجحدلي
اداء المنشد
الجفراني
تنفيذ
مجاهدالهجله
0554120866
___________________
من فناجيل الشعر سوق فنجال العماس
وأتبعه فنجال كيف تزين به الطروق
بين صيحات التحدي وصيحات الحماس
يبتدي شوط التنافس وتحديد السبوق
وامتلى الميدان ضمر تبا سيفٍ وكاس
كل من جا في التنافس ينافس له حقوق
مير حنا يوم جينا لنا مقسم واساس
بعد جينا نأخذه والهقاوي فوق فوق
الاوايل قسمنا مايجي فيها إلتباس
علموا أهل الزمل والحقايق والدقوق
جات هجن اللي يرد البرا من طيب راس
الاسامي كبار واسمه على الاسما يفوق
جابها عزام يقنى ذهب ماهي نحاس
في ميادين التنافس يبيننا الفروق
من يعاندنا يجي في روابعه احتواس
لين ضيع وجهته في الغروب وفي الشروق
عن مواجهنا يصد ويقفي بالفَلاس
يصفق الكفين يبطي وفي كبده حروق
يوم شاف افعالنا كأن في عينه نعاس
لو تدرق مالقي عن مواجهنا دروق
ومن يخاوينا يرد عد مايارد يباس
يشرب الجمة هنية ولا يلحقه بوق
ون تذرى في حمانا حدوده ماتداس
دونها حدب تشق الصدور مع الحلوق
وخيلنا في كل جولة لها دبك وحساس
من صهيل امهارها كل شيطان يروق
فوقها لا بة هل الدرع واهل الطاس طاس
من عيال العود ناصر فعايلهم تشوق
اهل صولة واهل جولة واهل ماقف وباس
واهل صيت معتلي لين ساوا للبروق
الصحون كبار والجود فيها ما يقاس
مثل سيل النهر يروي الحناجر والعروق
الفخر ثوبه مفصل علينا بالمقاس
لايقن فينا وحنا على لبسه نلوق
النسب عدنان خير البشر من خير ناس
الهواشم مجدهم طوق مبني فوق طوق
منهم اللي رأيهم في المجالس ما يراس
ال زيد اللي مواقيفهم تبري الفتوق
تقتبس من طيبنا الناس خير الاقتباس
منهجا فيه الحقايق وتثبيت الحقوق
والختام اعداد ماغرد القمري وماس
الصلاة على النبي في ختام القول ذوق
كلمات الشاعر مسعود سعود الجحدلي
22 сен 2024
