طيب انا والدي عنده حوالي ٦٢ سنه وانا اكبر الابناء والعائل الرئيسي مع ابي للمنزل .هل ليا الاعفاء بشكل نهائي؟ ،مع العلم اخي الاصغر مني والوحيد في ٣ ثانوي.
لو سمحت انا عندي اتنين ولاد عمى زمان كان عندهم قضايا سياسية و دخلو السجن بسببها ( اخوان ) و اخويا كان فى جامعة سيناء و قعد ٦ سنين رايح جى على سيناء كدا فى امل اخد إعفاء ؟
فى امل تاخد إعفاء بس مش أكيد الموضوع هيمشى على أساس ولاد عمك عندهم قضايا إيه ومدى خطورتهم! لو عايز نصيحتى ادخل واستحمل وسلم امورك لله ولو فيها إعفاء هتجيلك لوحدها ولو مفيهاش ربنا هيكملهالك على خير
انا ابن عمتي اعتقل ٥ سنين اخوان اخويا اكبر مني ب ٣ سنين و دخل الجيش و خرج و مقلهمش ولا اي حاجه انا بفكر اقولهم و اخد اعفا بس خايف يأثر عليا ف الشغل و السفر و غيرها تنصحني بإيه؟
دائما وأبدا بنصح الناس انها متقولش وانها تدخل وتخلص وتطلع على خير عشان ميجيش عليه الوقت ويندم! أنت ممكن متقولش وهما يعرفوا وده هيكون نصيب لكن مش هنصحك أبدا أنك تقول لأن حياتك كلها هتتأثر! أدخل وسيبها على الله لأن كل الأمثال اللى حواليا وسعوا للإعفاء الأمنى حصلهم مشاكل بعد كده فى مستقبلهم فانت بلاش.
السلام عليكم ممكن ارفع قضيه تظلم عشان أنا خارج بعد خدمه 7 شهور وانا كانت بخدم سنه في الدخليه عشان خاطر انا خارج مصر و خايف انزل اجازه عشان التصريح السفر
العقوبه قانونا بتكون الحبس أو الغرامه. لكن التطبيق بيكون أنه بيتم حبسك المدة المتبقيه للتجنيد + الغرامة في الغالب. ممكن يتم زيادة هذه المدة عادي على حسب المحاكمة اللي بتتعرض لها. لو عملت كده سلم نفسك وسيبها على الله وقولهم أي حاجه لان كده حالك هيقف ومش هتعرف تعمل أي حاجه في حياتك.
أخويا خرج أمني من سنتين تلاتة بس خرج بسببه هو بدون صلة قرابة لحد عنده مشاكل سياسية بس اخويا برضو معندوش أي قضية سياسية هو خرج اشتباه أنه ممكن يكون منتمي لأي جماعة السؤال هنا أنا اخوه الصغير لما اجي اقدم علي الجيش هل الموقف دا يخرجني واقولهم ان اخويا خد اعفاء
لو سمحت انا طلبو مني اوراق ومعرفتش اجيبها فخلاني ابصم على ورقة اني معرفتش اجيب هل هما تلقائي بيبعتو لمركز التدريب عشان يعملو تحريات ولا كده خلاص كأني مقلتش حاجة واكمل فترتي عادي
السلام عليكم يا استاذنا انا والدتي اجنبيه وابويا متوفي ولكن والدتي متزوجه ومعايا اخ من ابويا كان محبوس امن دوله وعليه قضيه لسه شغاله في مظاهرات سبتمبر ممكن افاده بعد اذنك
لوسمحت زوجى كان معتقل سياسى لمدة 6 سنين ايام مبارك فى التسعينات وهو حاليا شغال فى قطر بس كل لما ينزل مصر يبعتولو فى امن الدوله يحققو معاه ويسبوه كدى ولادى ليهم اعفاء ولا عادى
ابويا متوفي وامي من ليبيا ومعهاش الا الجنسيه الليبيه وخيلاني وولادهم جيش ليبي واخويا الكبير كان معموله قضية ارهاب في 2017 وخد براءه في 2022 ولحد دلوقتي كل شهر بيبعتوله يروحلهم يوم متابعه هل كدا انا هاخد اعفاء امني ولا هدخل؟
بعد اذنك يعني لو قلتلهم وخدت اعفاء امني وجيت اسافر برة، وموضوع الوقت في طلوع التصريح مش مهم بالنسبة لي، كدة مفيش مخاطر تانية؟ مش شهادة حمراء والكلام دة؟
مفيش مخاطر اكتر من اللى انا قولتها فى الڤيديو اما عن تصريح السفر فهياخد معاك وقت وممكن يكون طويل ده فى حاله انك تاخد إعفاء امنى مفيش حاجه اسمها الشهادة الحمراء
مش هتأثر عليك غير لو فى حاجه هتعملها جديدة وهتضطر تقدم شهادة الإعفاء لكن هما مش هيعرفو لوحدهم متخافش! فلو أنت وضعك مستقر متخافش من حاجه لكن لو هتضطر تقدمها فى وقت من الأوقات فللأسف وارد إنها تضرك
في الغالب هتاخد إعفاء. اه قولهم عليه عشان لو تم اكتشافه وانت في الخدمة هتحصلك مشكلة وده والدك فبنسبة كبيرة هيتم اكتشافه. بس لو عندك مشكلة طبيه قول عليها الأول لعل وعسى تاخد إعفاء طبي ومتحتاجش تقول حاجه على والدك.
الإعفاء الأمنى بيكون نقطه سوده فى حياة الشخص وهيفضل يلاحقك على طول اما عن مدى تأثيره فعلى حسب هل هيطلب منهم ما يثبت انك دخلت الجيش وخرجت بدون مشاكل ولا إيه اللى هيحصل! حاليا محدش بيطلب منهم الكلام ده فى التقديم لكن مع التطور ممكن يطلبوا كده فادخل ومتعملش مشكله أحسن متنساش تعمل subscribe (اشترك) للقناه
لو انا والدي ووالدتي منفصلين ومجابوش اولاد غيري ، ووالدتي اتجوزت بعدها وحاليا هي متجوزه و معاها بنتين من جوزها بس مش معاها اولاد غيري ... اقدر اخد اعفا ولا لا ؟
هل لو انضميت لحزب النور هاخد إعفاء ولا لاء مع العلم إنى فكلية تمريض هل ممكن تأثر على وظيفة التمريض بعد التخرج او التكليف داخل مصر فى القطاع العام او الخاص
ولا اى حاجه جيشك هيعدى بسلام ان شاء الله أقصى حاجه ممكن يعملوها معاك لو اكتشفوا إنهم ينزلوك عشان تجيب شهاده من المحكمه بالى حصل فى القضيه وده هيكون سهل لان الشهاده هتقول إنها خدت انقضاء وهتكمل جيشك عادى ان شاء الله
رجاء الرد لان الموضوع يخصني لو فيه حد متاخد في قضيه من الامن الوطني قضيه امتحانات مش سياسي خالص واتحكم فيها بي سنه هل لو قدم علي الجيش هيتقبل وهو عليه قضيه ولو خلصها قبل الجيش بي انقضاء المده وانتهت وقدم ف الجيش هياخد اعفاء وساعتها الاعفاء دي هتبقا اعفاء امني برضوا منتظر ردك اووي و الافضل يقول او ميقولش انو كان او مزال عليه قضيه حسب انتهت او لسه لان انت فاهم مش مضمون موضوع الانقضاء ده لو حاجه حصلت جددت المده يعني
انا اسمي حسام عندى 27سنة اخدت تاجيل اخويا كان فى الجيش وقتها اخدت تاجيل ومن يوميها ماروحتش لحاد الوقتى وابن عمي مسجون سياسي اعمل ايه علشان اجيب الاعفاء
طب حضرتك أستاذنا انا قدمت الورق خلاص ومقدم صور البطاقة طبعا بس دقني يعني ظاهره سمره شويه عاديه يعني مش طويله بس التصوير ذات نفسه بيسمر حتى لو الدقن خفيفه ........ فعادي بقا ولازم صورة البطاقه تبقى الدقن محلوقه موس؟؟؟؟
عمي كان معتقل سياسي في قضيه طلائع الفتح في اواخر التسعينات واعتقل سبع سنوات وابن عمي اعتقل من سنه ونصف سياسي برضو لكن مخدش حكم هل لو انا قدمت وبلغتهم هيكون موقفي اي ؟
ارجع لدينك كويس قبل ما تقول الكلام ده! مفيش اى دين أو عقيده بتقول انك متشاركش فى خدمه بلدك بما يترتب عليها من حماية اهلك وعرضك ومالك! لو قولت كده هينفخوك الأول وهتدخل برضو فالأحسن تدخل من غير بهدله وتحتسب هذا العمل لوجه الله!
طب انا اخويا خد اعفاء دواعى امنيه لان عمى كان عليه قواضى سياسيه من زمان قوى قوى و عايز يغير دواعى امنيه و حوله شهاده تقريبا على النيابه العامه دا معناه ايه بقاله كذا سنه بيحاول ياخدها و يغيرها و متعطله و لسه لحد دلوقت مخدهاش
السلام عليكم والدى واخد اعفاء امنى طبقا للماده الرابعه من الفقره السادسه للماده 127 لقانون 1980 لانو كان بينتمى لجماعه السنييين استنثاء طبقا للقرار الوزارى وبعد كدا حصل ثوره وملفات اتحرقت واخويا لما راح الجيش قالهم ملقوش حاجه من سنه واخويا واخد سنتين جيش قضى سنه ولسا سنه ووالدى راح يرخص قالو عاوز شهاده الجيش راح وجابها بعد عناء مكنش ليه بيناات عل الكمبيوتر وطبعا لما جابها اكيد رجعت عل الكمبيوتر شهاده الاعفا بتاعتوا هل كدا ممكن اخد اعفا امنى؟
طالما أخوك دخل يبقى هتدخل واى محاوله منك انك تعرفهم ان فى حاجه عليك هتكون مجرد شوشره عليك وممكن تأثر بالسلب ويودوك مكان مش كويس وخلاص الأحسن تقدم وانت ونصيبك لأن البيانات طالما راحت فمعنى كده ان مفيش ما يثبت حاله أبوك بالضبط
حضرتك انا عماتي اتنين امريكان واحدة منهم متجوزه ظابط في القوات الجوية الأمريكية وحاليا في الأمن الداخلي home land security. وبنت عمتي التانيه في الجيش الامريكي قوات خاصه وعندي عمي إيطالي هل كدة انا ليا جيش
السلام عليكم انا ابويا كان عليه قضية قتل من زمان وهو طلع من السجن من بدري هل ممكن اخد اعفاء انا جدي من امي كان مسافر وقعد في اسرائيل فترة هل ممكن اخد اعفاء
لو سمحت انا عمي كان مسجون سياسي تبع الإخوان لكن هو اتوفى هل لو قولت هاخد اعفا عادي؟ وهل ده هيأثر على شغل الحكومة انا كلية تمريض + عندي جرح قديم في الراس اخر الجبهه في الشعر كده بيظهر اوي لما اكون حالق وبيخلي شكلي مش حلو هل ده يخرجني طبي؟
لو سمحت أنا أبويا معتقل حاليا وقبل كده سياسي ،وجهزت الورق اللي طلبوه علشان الإعفاء بس ميعاد تسليمه خلص، قالولي ف مكتب الأمن هاتترحل مع الدفعة وتقدم الورق ف مركز التدريب ، ده صح؟ ولا ممكن يوم الترحيل يستلم الملف ويخلص الإعفا من المنطقة من غير ترحيل ولو حصل ترحيل ،حضرتك تعرف إيه اللي ممكن يحصل؟
هما فاتحين حاليا للمصريين فى الخارج إمكانيه الحصول على إعفاء من خلال دفع مبلغ معين بالدولار! ده الحل الأمثل بالنسبالك انك تدفع الفلوس وتاخد إعفاء من بره أحسن عشان تقدر تيجى مصر فى أمان وتكون ضامن انك هتقدر تخرج منها تانى بدون مشاكل أو تجنيد
السلام عليكم استاذ اسامه حضرتك انا عمي شقيق كان محبوس ايام الرئيس مبارك سياسي ف سجن ابو زعبل مع العلم انه توفي من 4 سنين اقولهم ولا ايه ولو قلتلهم كده ممكن اخد اعفاء ولا ايه وشكرا
فى الغالب هتدخل عادى لان الموضوع قديم وطالما متحبسش غير المره دى وكمان توفى فخلاص يعنى! فنصيحتى لك انك متقولش أساسا لان الإعفاء الأمنى مش كويس أصلا وبيضر بعد كده فى الشغل! لو مش فارق معاك موضوع الشغل ده فى حاجه وعندك بيزنس خاص مثلا قول عادى كده كده موضوعك هيتفحص!
السلام عليكم .. انا عندي ١٨ سنة و ابويا مصري و امي فلسطينية .. هل فيها اعفاء ؟ و بعد سنتين ابويا هيبقى عنده إن شاء الله ٦٠ سنة .. هل هاخد اعفاء بكل الاحوال لو سمحت اتمنى ترد
استاذنا لو تكرمت هل ينفع تغيير الشهاده او اي إجراء يسرع شويه موضوع السفر انتظار تصريح السفر اوقات يكون سريع واوقات يكون سنه مثلا هل في حل انا مايا شهاده إعفاء امني
لو سمحت حضرتك انا والدي كان بيسافر ليبيا علطول وكان بيشتغل ف شركه واخر مرة كانت من سنتين ومراحش تاني هل لو قولت كدا وخدت اعفاء امني هيضرني ف وظيفه مثلا او ف سفر للخارج او لو جالي عقد عمل مثلا من الخارج. وهل ممكن يضر ابنائي ف المستقبل ف حاجه ؟!
السلام عليكم ي أستاذ أسامة انا اخويا متزوج من فلسطينية وعايش ف مصر هل ده يديني إعفاء؟ وهل هيبقا اعفاء أمنى ولا هيبقا أى ؟ أرجو الرد أستاذ أسامة لو سمحت
أصل التأجيل دوره ده معناه أنه ٣ شهور فمحدش هيديك حاجه ولكن يكفى إنهم هيثبتو كده على السيستم عندهم عشان متفقدش دفعه متنساش تعمل subscribe (اشتراك) للقناه
انا خدمت ٧ شهور من السنه وادوني اعفاء امني معنديش حد غير ابن عمه الوالد من بعيد ولا اعرفهم ولا عمري شوفتهم اعمل ايه والشهاده دي بتتعدل ولا لا وهل هم هيعرفوني مين الي في عيلتي ولو من درجه بعيده يعدلولي شهادتي
@@osamarashad_8344 ، طب لو انا قدمت وعملت مقابلة وبصمت ومضيت إقرار جبتلهم ما يثبت وكده حتي لما سالت قال تعال كل شهر اسال ع موقفك كده ف تكملة ولا أنا اعفا
لو سمحت سؤال عايز اعرف اجابته ضرورى انا اخويا كان دخل الجيش من فتره وقعد 6 شهور يخدم فى البحريه وبعد كدا هما اكتشفو فى الجيش ان عم امى متغيب بقالو 30 سنه قعدو يحققو معاه شويه وبعدين اخد اعفاء امنى وانا هقدم فى الدفعه الجايه دى هل هاخد اعفاء امنى ولا لأ ولو عايز آخد اعفاء امنى بسبب الحوار ده اقولهم هناك اى . واكون شاكر جدا ليك .
السلام عليكم ورحمة الله وبركاته انا والدى كان معتقل سياسي ونا دلوقتى فى معهد سنتين ودفعتى اتطلبت للتجنيد هل لو قدمت انا هاخد الاعفاء ولا المعهد هيعيقنى.
لو سمحت انا خالي اخواني واتحكم عليه 10 سنين وطلع من سنه وانا قدمت وهسافر شهر 2 لو قولتلهم هاخد اعفاء وهل هيبقا في مشاكل معايا فالسفر او التحريات ولا انا ماليش علاقه ياريت ترد لأن عاوز اتاكد قبل ماروح
حضرتك لو أنا عندى واحد صاحبى أثناء التفييش اتاخد سياسى بتهمة الانضمام لجماعة محظورة بس طبعاً هو مش كده وطلع إخلاء سبيل و دفع كفاله قعد 10 ايام و حالياً اداهم ورقه من النيابه بتثبت كده انك كان متهم سياسى و مكتبوب التهمه دلوقتي راح عرفهم فى الجيش ف خلوه يعمل قيد عائلى و فى ظابط جيه حقق معاه و دلوقتي اتعمله ايقاف و قالوله تيجى كمان 15 يوم علشان تعرف موقفك وراح فعلاً بعد 15 يوم قالوا أنت لسه معمولك إيقاف وتعالى كمان 15 يوم ف هل كده هيخرج فعلاً إعفاء ولا ممكن يلبس وهل هتاثر عليه فى السفر أو الشغل؟ مع العلم أنو بيعمل متابعه كل شهر فى الأمن الوطني. وهو ليه اخ هيفيش السنه الجايه ف هل ممكن يطلع ولا عادى وهل فى طريقه نسقط بيها القضيه ديه علشان متضرش حد من أهله وشكرا لحضرتك
انا أخدت اعفاء امني وطلعت تصريح سفر بعد ما قدمت علي موافقه امنيه وخدتها بعد ٣ شهور وسافرت ونزلت اجازه وقدمت علي التصريح تاني ومستني الموافقه الامنيه بقالي ٥ شهور ولسه ماجتش هل في طريقه استعجلها بيها او في اي طريقه تانيه تساعدني
لو سمحت يا استاذنا انا اخواتى الاتنين طالعين اعفاء امنى واحد دخل وهما طلعوه والتانى قالهم وطلع من الاول .. الاتنين من 8 سنين بيتحبسو سياسي كل فترة كدا مرة يتعمل قضية يقعدو شهر ولا شهرين ويخرجو وباقي المرات بتتراوح من يوم لتلاتة دا على مدار ال8 سنين .. وانا قدمت وكشفت فهل فى امل انهم ميعرفوش ولا كدا كدا هيعرفو ف اقولهم فى الارجاء وخلاص؟؟؟ بارك الله فيك
في العادة بنصح ان الناس تكمل وتسيبها على الله لكن طالما عندك اخين اكتشفوا قبل كده فانت ممكن تقول وتخلص بدل ما تدخل وبعد ما تتمرمط وتقضي فترة تخرج فالأحسن تخرج وخلاص من الأول. نصيحتي قولهم على حالتك واخلص.
