الشيخ امام عيسى .. مناعه ارزاق .. جلابه ارزاء ..
الكلمات ..
مناعه ارزاق
جلابة ارزاء
يا سخامه يا لطامه
ياللى اسمك اخلاق
ازيك وايش حالك
ايه اخر الانباء
دجوكى ؟
سلخوكى ؟
خلوكى اشلاء
ما انا قايل وسمعتي
بس انتي اللى طمعتى
فى بلدنا يعزوكي
مسكوكي دقوكي
بدماغ الدقماق
بالقاضيه الفنيه
صرعوكى السجانه
حبسوكى فى قضيه
مرفوضه وخسرانه
و التهمه الجنائيه
قال انك انسانه
اخدوكى الشرطيه
وعساكر هجانه
وابو لكنه فرنساوى
طبّال و مغناوى
بيغنى اشتراكاوى
والعالم طرشانه
و ابو عسكر حراميه
بيبرطع فى تكيه
ويقول اشتركيه
و الناس لسه جعانه
و اخيرا و لا آخر
اخلاقنا بتتآخر
و مساخر و مهازل
و هزيمه و تضليل
يا هبيله يا عبيطه
يابتاعه المهابيل
بلا وكسه بلا نيله
بلا هفه مجانين
دى بلدنا و لا حول
مبقاش فيها عللولا
و عوضنا على المولى
فى ولادنا الشماليل
مناعه ارزاق
جلابة ارزاء
يا سخامه يا لطامه
ياللى اسمك اخلاق
ازيك وايش حالك
ايه اخر الانباء
دجوكى ؟
سلخوكى ؟
خلوكى اشلاء
ما انا قايل وسمعتي
بس انتي اللى طمعتى
فى بلدنا يعزوكي
مسكوكي دقوكي
بدماغ الدقماق
15 сен 2024