عمرى ما انسى الماتش ده طبعا الفرحة بفوز الاهلى فى الدقايق الاخيرة . و الفرحة الكبيرة لكبير الهدافين كابتن حسام حسن الاسطورة . انا ابتديت اشجع الاهلى و انا صغير ولحقت جيل كابتن الخطيب و طاهر ابو زيد و مصطفى عبده و مختار مختار و غيره و غيره من النجوم الكبار و كان كابتن حسام حسن صاعد من الناشئين و كان النجم المفضل عندى و عند اغلب الاهلوية فى الوقت ده جيلى عارف كويس اوى مين هو حسام حسن داخل الملعب و روحه و غيرته على الفريق و كل الاهلوية من جيلى كانت فرحتهم بالهدف ده كبيرة جدا لا توصف . كانت احلى ايام مكانش فيه التحفيل و السوشيال ميديا و التهريج اللى بنشوفه دلوقتى مع احترامى الكامل للاجيال الحالية بس على ايامنا مشوفناش التعصب للدرجة دى اه كان موجود بس مكانش ببشاعة الوقت الحالى ارجع و اقول اللى محضرش ايام حسام حسن و هو فى الاهلى ميعرفش قيمته . و على فكرة فى مجال التدريب حسام مدرب كبير اوى اندية و منتخبات بيعمل فرق من لاعيبة تقريبا مغمورة و بيبقى فريقه دايما فريق جامد . و مع منتخب الاردن سطر ليهم تاريخ . فى النهاية حسام حسن تاريخ كبير مع الاهلى و مع غيره . بس الخلاصة ان الاهلى فوق الجميع
متش جميل جدا و طول عمر المقاولون العرب فرقة محترمة و متشاته مع الأهلي ممتعة المتش اللي بعده كان مع المختلط كان هتاف الجمهور فى التدريبات ١٠١ يا عبدالواحد😁😁