و اشتعلت حرب التسريبات. من الذي سرب للفريق شفيق؟ و هل تعتبر التسريبات ، نوعا من الصحافه؟ و هل نحتاج لها؟ اشترك في القناة www.youtube.com... لتكون أول المشاهدين للمقاطع الجديدة
كم انت رائع وعند حسن ظننابك كنت متاكد انك هتتريق على نفسك عشان كده بنحبك ونحترمك انت الصوت الحراستمر ياباسم ذكاء يشهد له قفل الباب على الطبالين اللى كانوازيطين
برافو يا دكتور برنامج فوق المستوى وكل موسم يرتقي عن سابقه :) من حبي لبرنامجك صارت كل عيلتي تتفرج عليه مع انهم قليل مابيفهمو لهجتكم بس لانه روعة فلازم يكملوه للآخر ، متابعة من الجزائر
عزيزي دكتور باسم ... عايزة اطلب منك ومن فريق البرنامج طلب وارجو انكم تقدروا تحققوه ... انا اختي الصغيرة من اكتر متابعي البرامج الكوميدية الأمريكية بكل انواعها ومقدميها ، ومن اكتر متابعي الاعلام الأمريكي بصورة عامة سواء كان سينما او مسلسلات او برامج او مسابقات مواهب.....الخ ، الموضوع كان الأول اضطرار لأنها عندها ضعف شديد في السمع وكانت بتلاقي راحة اكبر وسهولة في متابعة كل ما هو مترجم لكن الموضوع تحول بعد كدة لاستمتاع وحب للميديا الأجنبية بصورة عامة والأمريكية بصورة خاصة ... و قد ايه كانت سعادتها كبيرة لما عرفت بالبرنامج بتاعك لأنها كان نفسها اننا هنا نعمل نفس نوع البرامج اللأمريكية اللي هيا عشقتها وتابعتها لسنين طويلة ، لكن فرحتها مادامتش كتير لما افتكرت ان البرنامج هايكون عربي يعني مش مترجم يعني مش هاتسمع 80% منه ، بس برضه قررت انها تحاول تتفرج معانا ، لكن للأسف كانت النتيجة انها قعدت طول البرنامج تحاول تركز بكل طاقتها عشان تسمع كلمة او كلمتين من هنا وهناك ، وقد ايه كانت بتصعب عليا لما كنت باشوفها كل شوية تبصلنا ولما تلاقينا بنضحك تضحك معانا مجاراة للجو وهي مش عارفة احنا بنضحك على ايه ، وبعد حلقتين تلاتة بطلت تتفرج على البرنامج وهي بجد حزينة لأنها بتحب النوع ده من البرامج ، ده غير انها مؤمنة بكل ما يقدمه البرنامج من آراء واتجاهات سياسية واللي اصبح من المستحيل تشوف اي برنامج بيعرض وجهة النظر دي على شاشة او برنامج دلوقتي ... بعد المقدمة الطويلة انا كل اللي باطلبه منكم انكم تنزلوا على الشاشة ترجمة بكل كلمة بتتقال في البرنامج ، زي ما بتعملوا في مقاطع الفيديو اللي بتعرضوها واللي بتكتبوا فيها كل كلمة بل كل تنهيده بتتقال في كل فيديو ، انا طلبي ان يبقى ده الحال في كل الحلقة ولو بخط صغير عشان مايضايقش المشاهد العادي ، يعني مش لازم يبقى بخط كبير زي اللي بتعرضوه في مقاطع الفيديو ، بس صدقوني لو عملتوا كدة هاتبقوا اسعدتوا ناس كتيييييير قوي في نفس حالة اختي واسعدتوا عائلاتهم اللي بيبقوا زعلانين عليهم وشايلين همهم ... آسفة على التطويل وأرجو ان تكون فيه استجابة ، واعذرني يا د/باسم لو لقيت الرسالة دي متكررة كتير هنا او على تويتر او على اليوتيوب لأني عارفة ان ليك ملايين المعجبين والمتابعين وبالتالي ملايين الرسايل وطبعا هايبقى صعب انكم تشوفوا رسالتي إلا بالتكرار المستمر ... شكرا واتمنى لك دوام النجاح
