السياسة ما فيها دول صديقة صديق اليوم عدو الغد وعدو اليوم صديق الغد السياسة فيها مصالح وبس التركيز يكون علي مصلحة السودان مع اي دولة حالياً لو ركزت في الكلام اننا ح نصدر حبوب يستخرجوا منها زيوت والأيام دي في ارتفاع في اسعار الزيوت بالعالم، نعم السودان ح يستفيد عملة صعبة لكن اما كان من الافضل الضغط عليهم لإنشاء مصنع زيوت ضخم بالسودان ومنها نكسب اكثر من تصدير الزيت والاستفادة من المنتجات الجانبية كاعلاف وغيرها ومنها ايضاً يشتغل جزء من العطالة بالسودان أنا ضد تصدير اي مادة خام
زيارة موفقة يارب ، ووصيتى للفريق البرهان واركان وفده ان يهتموا باتفاقيات مع الصين فى مجال تتفيذ تحلية المياه بشرق السودان وفى دراسة جاهزة لنقل المياة من ولاية نهر النيل عبر خطوط امداد دائمة وتامين موانى البحر وشراء السفن للنقل البضائع والركاب وكذلك السفن الحربية التى تحمى موانى البحر كلها والاهتمام بالزراعة والصحة والتعليم والبيئة والطاقة والتعدين واعادة البنية التحتية للسودان وأهله الغلابة المساكين والسدود واعادة وتوطين الصناعة بالسودان فى كل المنتجات التى تدر عائدا للسودان ويساعد فى تنمية البلاد والعباد باذن الله تعالى والصين بلد مجربة فى خدمة السودان وأهل السودان وان شاء الله الانفتاح على الصين وروسيا فيه خير للاستفادة منهم من الاسلحة المتطورة لرفع كفاءة قواتنا المسلحة السودانية للتصدى لكل متأمر على الارض والعرض فى بلدنا السودان .
ما اتفق معاك الصاح ما نصدر خام نصدر منتج نهائي ليه بدل ما نكسب دولارات بسيطة اكسب مليون دولار تعرف ان الصمغ العربي الطن منه بالسودان كان ما يعادل ٣ الف دولار لكن اول ما يطلع من السودان سعره يصل ١٧ الف دولار الفرق دا نحن أولى بيهو منهم
من حيث المبداء تعدد الاستثمارات شى طيب يضمن استدامه الانتاج ولكن الصين مستثمر غير نزيه يريد الاستفاده اكثر من صاحب المشروع اهم شى محتاجه السودان فى هذه الفتره السلاح بالتوفيق يارب
يعني هسي انا بقتنع انو البرهان سايق جبريل(حركة مسلحة) دايرين يجيبو استثمار ناجح 100٪ للسودان بدون فايده الطرف الاخر اولا.... ادارات السودان مبنيه علي (شوفوني في زمني عملت الحاجه ديك.. ولو ناقصه او غير زات معني في زمنها)... و بكره بتغيرو و بضيع فيها المستثمر ده بالعقد الابرمو مع حكومات متغير و غير ثابته او منتظمة
السلام عليكم ورحمه الله اخى الكريم اولا البرهان يقود حكومه اتفاقيه سلام جبا ولن يستطيع تغير مانصت عليه الاتفاقيه وهو ملزم بقبول كل الوزراء على حسب مانصت عليه الاتفاقيه وبابتالى اصبح جبريل مستحق لوزاره الماليه بموجب الاتفاقيه اما عن استثمارات الدول فهي بتكون محميه بقوانين ملزمه للطرفين وما اظن تغير الحكومات يلقيها وتغير الحكومات في جميع العالم يتم يا عن طريق ديموقراطى او انقلابات ومع ذلك بتكون الاستثمارات محميه وفعاله الا اذا حصل خلاف بين الدولتين والله اعلم
نتمني ما تكون خصم علي السودان مصلحه بمصلحه مافي مجامله ليه تصدر خام عايزين مصانع نصنع محلي ونصدر منتج طرق زي الطرق ما زي البسكويت انهضو يا شعب وابدوا من حيث انتهي الاخرون
انت ووزير الدفاع تقعدوا كده من الرئيس الصيني ووزير الدفاع الصيني وتجيبوا لينا الشغل النظيف اما دي شركات تصدير ما وفد حكومي يقعد معاها لي شنو مستواك اعلى من كده بكتير يا رئيس مجلس السيادة ديل يقعد معاهم وزير الاستثمار ولا اي واحد تاني ويجيبوا استثمار لصالح السودان والسودانيين زي بناء ابراج سكنية ضخمة مطارات حديثة وماكينات ومصانع حديثة بشرط تشغيل ما لا يقل عن 80% فيها من الشعب السوداني ومجلس الادراه كذلك يكون فيه سودانيين لاستلام دفة القيادة بعد عدد منعين من السنين، الواحد نفسه يرجع بعد 10 سنوات اغتراب نفسه يفيد بلده بالخبرات الكسبها بره السودان 🇸🇩 وطنا الحبيب لكن الواسطة والمحسوبية كرهتنا وخلتنا نرجع تاني مافي تعيين حسب الكفاءة ولا ما كنت طلعت وحالياً الحمد لله منصب كبير في شركة كبيرة جداً ولكن للأسف بره السودان😢
الصين محتاجه للسودان بي شده في الوقت الحالي عشان نيتها في محابه تايوان و ده ممكن ينزل عليها عقوبات ، و خوفها الاكبر انو العقوبات دي تكون تجميد حساباتها الدوليه البي النقد الاجنبي خصوصا انو لما روسيا حاربت اوكرانيا امريكا عاقبتها بي نفس الحركه و اسي روسيا ما قادره تستخدم قروشها فلو الصين قررت تدخل في حرب مع تايوان ح يكون في عواقب وخيمه عليها، خصوصا من ناحيه الاكل خاصه الدقيق مع انو الصين عندها اكبر مخزون دقيق ممكن تتخيلو و اغلبوا مستورد بس الاستهلاك كبير شديد ، فما بيقدرو يصمدوا كتير اذا اتعاقبو بي منع امريكا حلفاءها من تصدير الدقيق لي الصين كعقوبه عشان كده الصين بتفتش لي حليف قوي و ما عندوا ولاء لي امريكا عشان اذا دخلو الحرب مع تيوان يضمنوا العقوبات ما تاثر عليهم شديد ، و طبعا يلقو منو احسن من صحبك السوداني سيد روحوا ما شغال بي زول في الدنيا دي😂😊
