البيارق الأحمديه || كلمات الشاعر: مبارك الأحمدي || أداء: أحمد الشدوي 

لا اله الا انت يالخلاق علام الخفيه
السجود لغير وجهك ذل ولوجهك فضيله
يالله اني سد وجهك من صواديف المنيه
لا تكل امري لغيرك وانت ياربي وكيله
وانا والهاجوس دايم بين مرواحٍ وجيه
ماسكٍ خط السدوس من العيينه للجبيله
الهجوس اللي في الميقاف مايترك خويه
لا ندبته في لزومي جاء كما وبل المخيله
مرحبا يا ضيفنا اللي لك وقار ومقدريه
مرحبا والعود الازرق خالطه بنه وهيله
مرحبا يامرحبا يامرحبا والنار حيه
مرحبا ترحيب مثل النجم للتايه دليله
عد ذعذاع الهبايب بالمزون العقربيه
واحيت الارض اليباس اللي قبل كانت محيله
بأسم سادات المواقف والسيوف الصيرميه
من خلقنا مانعرف الكايده والمستحيله
كفنا فيها نداه وروسنا فيها حميه
جاهنا ووجيهنا تطلق عميلا من عميله
ايل مجري نهار ان الخويه يخذل خويه
في المواقف واللوازم روسهم دايم طويلة
ومدحة الاخوان للاخوان ماهي عنصريه
عزتي للي بليا اخوان الا واعزتي له
بو محمد صالح الله يجعل ايامه مديه
شامخ الهامه وصلفات الليلي ماتميله
عزنا ابو فارس اللي سيرته بيضاء نقيه
والله انه فزعة اللي فاقد حيلاً وحيله
كم وقف دون القبيله بالبيوت اللي قويه
الجزاله طبع ابو فارس ولا يرضى الهزيله
وجعل عرسان المقام ايامهم دايم هنيه
و يا عسى ايام السعاده والفرح في كل ليله
والنسب من بيت عرفو وبيت جاه وبيت هيه
من بيوت ال رجاء وإلا الوجار اهل الجميله
وايل يحمد ربعي اللي نارهم دايم وريه
للضيوف وللمتيه والكبود اللي عليله
ايل يحمد يومها بالنافعي والبندقيه
ثبتو حد العناصي والخصوم امست ذليله
رجلهم لا من نصيته مايقول اصبر شويه
يهبد بكفه على زوره ويشتال الثقيله
رفرفي فوق البيارق يالبيارق الاحمديه
دامنا زهران فرسانٍ على الخيل الاصيله