السلامعليكم... انا انس، باريستا في ريف كافيه اول شي يعطيك العافيه علا المراجعه الجميله. حبيت اوضح شي الناس اللي تقولك لازم تشتري اشياء جانبيه زي البورتافلتر والباسكت والتامبر وبورتافلتر رنق و الى اخ....المكينه وفرت لك اربع باسكتات اثنين مظغوطين و اثنين مفتوحين يعني انت ما يحتاج تشتري بورتا فلتر مفتوح تماما او اسمه (naked portafilter) لان الباسكت اللي معك ممتاز تحتاج فقط تعدل الطحنه لين تحس ان مافي حموضه او مراره بالقهوه و التامبر ممتاز للاستخدام المنزلي صح انه يمكن صعب شوي تظغط في بشكل متسواي ولكن ما يحتاج واحد جديد. و في موظوع تعديل الطحنا ابدا ما يحتاج انك تعدلها من الداخل الا بعد فتره طويله من الاستخدام لان بليدس الطاحونه تتهالك شوي لا تسوي فيها شي ابد من الداخل خلك على اللي برا من الجنب وعدلها بنسب بسيطه لين توصل الطعم اللي تبيه... وبالنسبه لتبخير الحليب هو جددا سهل لكن يبيله شوي وقت و لو بحثت باليوتيوب في مقاطع جددا مفصله و تسهل عليك كل شي. هاذا راي و شكرا💕
للمهتمين بألات القهوة و القهوة المختصة حساباتي الشخصية توفر عليكم الجهد و الوقت و تلبي اِحتياجاتكم لمن يبحث عن مواقع لشراء البن أو مكائن القهوة الحسابات متوفرة في صفحتي الشخصية لليوتيوب في خانة لمحة. ♥️♥️
نصيحه للجميع القهوه لابد من ميزان مع موقت وطريقه الاستخلاص ل 18 جرام من 32 ل 36 ثانيه اذا الوقت سريع خشن الطحنه اذا الوقت بطيء نعم الطحنه بعدها يطلع لك كوب صدقني من جماله ماتحط سكر تقول عيب احط سكر وطريقه الحليب شف اليوتيوب وركز مع طريقه تبخر الحليب وسهله مره بعد استخدام شهر صرت ارسم واضبط قهوه واستمتع بعد ماشريت ميزان وقت ضبط معي شىء مهم جدا
مسألة القهوه لابد من توزين للاسف معلومه غلط والأغلب مصدقها الزبده في الحمسه وفي الطحنه الحمسه انت ومزاجك تبيها خفيفه او ثقيله او وسط وكذالك كل حمسه لها طحنه تناسبها اما مسألة توزين وشغل ملاحيس ونفسيات هذا غلط وهدر للوقت هي على حسب مزاجك والميزان هو نظرك كل عمرنا نسوي القهوه العربيه والتركيه والامريكيه مااذكر جلسنا نوزنها
المكينه رهيبه وممتعه واكيد الطعم يفرق عن قهوه الكبسولات بما اني استخدمت الثنتين هذي قهوة تنطحن طازجه وتختار نوعيه البن اللي تفضلها وتشربها زي ما تحب لكن ميزه الكبسولات السرررعه في عمل قهوتك اذا كنت مستعجل وبالنهاية الشخص يختار ما يناسب ذائقته ويفضله 👍♥️
للمهتمين بألات القهوة و القهوة المختصة حساباتي الشخصية توفر عليكم الجهد و الوقت و تلبي اِحتياجاتكم لمن يبحث عن مواقع لشراء البن أو مكائن القهوة الحسابات متوفرة في صفحتي الشخصية لليوتيوب في خانة لمحة. ♥️♥️
كلام جميل اخوي نايف وتشكر عليه ، عندي بعض النقاط بدون تكاليف وخرابيط واجد ، اول شي لازم تضبط درجة الطحنه المناسبة بحيث ماتكون خشنه وتصير حامضه او تصير ناعمه وتكون مرّه ، ثاني شي نوع القهوة غير ستاربكس حمصتهم دااارك يكون طعمها قوي ، الحين عندنا محامص كثير وفنانين في السعودية مثال محمصة كفّه ، وصواع ، وانديز ، وسويل. والمحامص واجد زينه ، ثالث شي وزّن للقهوة اذا تبي طعم كوب ثابت . والله يوفقك وإعذرني على الإطالة🌹🌹
اخ نايف شكراً على الريڤيو بس أنا عندي تعليق مهم🛑 اعذرني بس انت استعجلت بشراء الالة مو لأن الماكينة سيئة لا ، لأنك ماعرفت احتياجك ولا قرأت زين قبل ماتشتري وهذي خطوة جداً مهمة لكل شخص يفكر يشتري ألة لازم يفكر زين من كل النواحي و يعرف وش احتياجه، هل هو شخص يعشق القهوة وعنده الرغبة انه يسويها بنفسه ومستعد وحاب انه يتعلم ولا شخص ماله خلق او مستعجل؟ لأن بالنسبة لي وبرأيي اللي تشوفهم يشترون مكاين قهوة ويسوونها بأنفسهم هم يستمتعون اكثر بأنهم يسوون القهوة أكثر من شربها، وأنا من ضمنهم استمتع وأنا اسويها واحاول اتعلم من اغلاطي واتدرب لأني حابه الموضوع، فعشان كذا تشوف البال طويل وماعند الواحد مشكلة يغلط ويحاول لأنه هو حاب فكرة التعلم .. زبدة الكلام في أمور مهمة لازم تفكر فيها قبل ماتشتري الالة: 1- اعرف احتياجك 2- اعرف حدود ميزانيتك 3- هل تبغى تشتري ماكينة عشانك تعتقد انه اوفر ولا لأنك مستعد وحاب تتعلم كيف تسويها؟ 4- أهم نقطة قبل ما تشتري اقرأ كثير و تابع كل المقاطع اللي تخص المكاين وشوف تجارب غيرك على كذا نوع من المكاين عشان بالنهاية توصل لقرار كويس وتشتري شيء مناسب لك
للمهتمين بألات القهوة و القهوة المختصة حساباتي الشخصية توفر عليكم الجهد و الوقت و تلبي اِحتياجاتكم لمن يبحث عن مواقع لشراء البن أو مكائن القهوة الحسابات متوفرة في صفحتي الشخصية لليوتيوب في خانة لمحة. ♥️♥️
والله يا نايف لو انت عندي بالدمام اجيك اعطيك كورس نص ساعه اخليك تغير كلامك هذا كله في ناس تعقد لك الموضوع وهو مو مستاهل كل شيء سهل بس تحتاج شرح مختصر بشكل صحيح بدون فلسفه تبخير الحليب مثلاً كل الموضوع انك تطلع فوم وتحوله لمايكروفوم المشكلة الكلام تحسه معقد لكن اذا شرحت لك وانا اوريك الطريقه وتشوف الشيء قدامك هي مره وحده وبعدها امورك بتكون تمام ومع الوقت بتبدا تضبط معك والاستخلاص نفس الحكايه والرسم نفس الحكايه برضوا يمكن اصعب شيء في الموضوع الرسم لكنه ابد مب مهم للي يبي قهوه مضبوطه عليها الكلام يشربها وانتهى الموضوع : )
أنا عندي ديلونجي ديدكا جبت لها مطحنة بن ومع أغراضها التامبر والفلتر المكشوف والميزان والبتشر كلفتني كلها ١٩٠٠ ريال والبن أشتريه كل ثلاث أشهر ٢٥٠ ريال والتبخير عندي زفت والحمدالله سالكه أموري واتقهوى 😁
السلاك عليكم نايف انا عندي بريفيل الرغوه قعدت مثلك احاول واحاول نوع الحليب موب كويس زي المراعي موب زين الي زان معي وظبط حليب نادك طويل اجل وخله بارد قبل ما تبخر بعده شف كيف تبخر بمقاطع في اليوتيوب وحمدالله الان ظبطت التبخير
للمهتمين بألات القهوة و القهوة المختصة حساباتي الشخصية توفر عليكم الجهد و الوقت و تلبي اِحتياجاتكم لمن يبحث عن مواقع لشراء البن أو مكائن القهوة الحسابات متوفرة في صفحتي الشخصية لليوتيوب في خانة لمحة. ♥️♥️
A F K فيه هيوميكس اعتقد تحت الالف وفيه الة من جولي شيك اسمها ادوليفي(مو متاكد من الاسم) وفيه خيارات لو تبحث والطاحونة فيه طواحين يدوية اسعارها كويسة ومو شرط تجيب الادوات الجانبيه بورتلفتر مكشوف تامبر الخ
اللهم صّلِ وسَلّمْ عَلۓِ نَبِيْنَا مُحَمد ﷺ سبحان الله وبحمده عدد خلقه سبحان الله وبحمده رضا نفسه سبحان الله وبحمده زنة عرشه سبحان الله وبحمده مداد كلماته سبحان الله وبحمده سبحان الله العظيم نصيحة اذا شفت اي مقطع اكتب اي شي تؤجر عليه عشان تكون لك صدقة جارية في كل مقطع و اكتب كلام يخلي الناس تقلدك عشان يجيك اجر اي شخص سو زيك
مع الوقت راح تعدل عشان ترضي ذوقك وتبي شي احترافي مع الوقت انا جلست شهرين اتعلَّم وبعدها صرت اعدل في الطحنة وصرت ماستخدم نفس مطحنة المكينة كلها هواية وحب للقهوة واحصل على كوب نظيف وجميل👌🏼
كشخص له اربع سنين في مجال القهوة اشتريت الكثير من الالات , كيمكس,v60,كبسولات,حقت اسبرسو مع تبخير حليب ,ورسيت على الكبسولات ليش؟ سريعة وبدون قروشة تغسيل وطعم ممتاز,هذا رأيي المتواضع
@@HBK_-js3rl اكيد لكن كسعر الكبسولات اذا تروح محلات الحلويات بالجملة تلقى أنواع كثيرة واسعار رخيصة وفي مواقع واجد تبيع انواع كثيرة انت تشوف اللي يعجبك واشتريه 👍🏻
البولتر فيلتر مع الوقت بشتريه المكشوف قيمته تقريبا من امزون ب200 او 300 والموزع مهم ب100 تقريبا اخذته والان عاملين عرض عن بولتر فلتر ومعاه موزع ومعاه قمع والجلد ب420 حلو السعر مع الاشياء الموفرينها
اذا تبغا تتعلم على التبخير بدون لآ تخسر حليب ، في مادة اسمها ( Barista Carl's Blend ) تحط كم قطرة معا ماء ويطلع لك حليب ، تقدر تتعلم الرسم و التبخير ..
ممكن تشريها من الوكيل السعودي كافيين لاب ب ٣٩٠٠ر ضمان سنتين او مستوردة من أستراليا ترراوح من ٣الف الى ٣٥٠٠ واتوقع عليها ضمان دولي والشحن على حسب المتجر
12:30 انا مستخدمه مكينه قهوه ومن فتره عندي ولا احتجت العلبه حقت القهوه رحت اخذت علبه بلاستك عاديه ب٥ واجمع فيها البن اما البورتافلتر ذا ماله لزمه ابد وتقدر تقص اللي عندك من تحت وقضينا
جميلة . وبالنسبه للهرتز بيكون مدون عندك علي لوحة البيانات خلف الماكينه واهم شئ ممكن يتضرر من الهرتز هي المضخة حقها فقط غير كدا ماعندك مشكلة . السعودية 60هرتز
انا اشتريت الاله بشهر 6 ميلادي بس باريستا تاتش تريحك بموضوع الحليب بحكم انه فيه سينسر للحرارة اما من ناحية الاستخلاص الحمدلله وصلت للي افضله بنفس الادوات الموجوده واعتبر نفسي جدا مبدئ الرسم لسى لك عليه وافضل قهوتي ع بعض الكافيهات المختصه الي عندنا والبن له دور طبعا
الي قالك الجهاز مايشتغل عندنا صح كلامه ترى الكهرباء حقتنا تختلف عن الكهرباء الي في الخارج التردد حقناء 50/60HZ والي في الخارج اقل من كذا ف اَي جهاز حاب تجيبه من برى شوف التردد حقة او harts وبس حبيت أفيدك لي المعلوميه انا مهندس كهرباء على شان ما تقول يتفلسف
إيمان العنزي أهلاً الآن عليها عرض غير شامل سعر التوصيلstreamaster.com.au/catalog/category/view/s/breville/id/103/ اذا طلبتوها سجلوا انها مرسلة لخارج لستراليا عشان ما يحسبون عليكم الضريبة
الالة ممتازة جدا.. وسعرها فيها..والملحقات يمكن الحصول عليها بسعر ارخص من علي اكسبرس.. هذي مسألة شغف ومتعة عمل القهوة اليدوية والرسم للحصول على الذ كوب قهوة..ممكن تسوي قهوة بالات رخيصة ورخيصة جدا وتطلع معك قهوة معقولة وافضل من قهوة ستاربكس
قطع الي انت قايلها ابداا مو ضرورية خاصة موزع عندة تامبر عادي وزع فيه والبروفرت المكشوف من تحت مو ظروري هاذا بس عشان تشوف كيف استخلاصك هل ينزل من اي منطقة وكيف كان ضغط علي بن بي تامبر وسلة مو مهمة حط اي شيء بديل له
المكينه جميله جداً ولكن يبي لها صبر وتعلم ومع الوقت راح تتعمق ويكون عندك فضول انك تعرف اكثر قدر ممكن في مجال القهوه وبنسبه للرسم ترى مو مهم ابداً اهم شي الاستخلاص و التبخير ولا تنسى الحليب يكون كامل الدسم عشان الرغوه ويفضل يكون حليب طازج وليس طويل الاجل او الجاف و بنسبه للأدوات المهمه اشوف الميزان اهم شي الان و اسعاره متراوحه بين ١٠٠ الى فوق الالف ولكن ركز على نقطه مهمه في الميزان يكون فيه عداد للوقت مو بس عداد جرامات وانصح بنوع اسمه ( ميزان باريستا ) سعره حوله ٣٥٠ ومواصفاته حلوه ينشحن زي الجوال بس يطول مايفضى و ضد المويه تقدر تغسله وفيه ٦ برامج و بعد الميزان يجي الموزع يكون مهم عشان السطح حق القهوه يكون مستوي ومافي جهه ارفع من جهه بعدها التامبر وغيرها بس هذي اهم ٣ اشياء بس الميزان اول شي وبتوفيق
الماكينه سهله بس تتابع شروحات في اليوتيوب وتحاول تفهم وبعدها كل شي يصير سهل معك بس اهم شي اشتر ميزان وبالنسبه للموزع تقدر توزع بايدك والاكسسوارات الاخرى تقدر تجيبها مع الوقت كل فتره تشتري شي اهم شي لا تكون مستعجل انا قعدت شهر على ما فهمت للاسبريسو بعدها صرت اضبط الطحنه والتبخير. اهم شي الصبر
المشكله اغلب الناس يشترون القهوة للتصوير .. عسب جي م يشترون آلات ؛؛ يعني معظم الناس جي يسوون اوه هالكوفي شوب توا فاتح و الناس وايد يروحون له يالله نروح نشتري ونصور
انا استخدمها من خمس سنوات تقريبا المكينه جباره وانصح فيها وانا اشرب اسبريسو فقط وعندي الاهل بشربون الكابتشينو والحمدلله مستغني كثير من شراء المشروبات خارجه وهي كم يوم وتعرفون خفايها وتزبط معك لا تفوتكم
ماشاء الله عليك شرح بسييط اغلب اهل القهوة يتفلسفون ومختصه وميزان وايحاءات ويسوي لك انها معادلة كيمياء وهو عشان يصرف البن والادوات الزايدة ذي وسالفة عدل وافعل ياخي عجبتك انتهى ذائقتك انت مب هم انت اختصرت السالفه بن ستاربكس واكبس وعيييش ياخي اسطورتي انت ❤
@@nawaf_abdullah3403 بالعكس استفدت معلومات مثل ان الروست تسبب توتر ارابيكا اخف الكافيين فيها وهالشي كنت احسه في الكبسولات ولا اعرف سببه ومعلومات كثيرة تهم المبتدئيين
مكينتي ساتشي ٣ في ١ تشغل كبسولات و تقدر تستخدم بن ومطحنتي ديلونجي وبتشر وموزع وتامبر ماركب شريت ثاني وفلتر مكشوف وبتشر ثاني اصغر وهذول كلهم الحمدالله مايجيبون ١٠٠٠ ريال ومستمتع وماشي حالي بالتبخير والرسم
للأسف المكينه الاحترافية يبيلها تنظيف كل فترة وتنظيفها يحتاج مواد كيميائية عشان تشيل الكلس والبكتيريا. اذا ما عندكم مانع عشان تبطلون المكينة حبه حبه وتنظفونها وتركبون فلاتر جديدة مع تزييت القطع! راح يكلفكم كوب القهوة ريال او ريالين فقط!
اولا يعطيك العافية على الفيديو الجميل، انا شريت هذا الجهاز من امازون ومع اني ذكرت لهم ابغي جهاز يكون تردد الجهاز 60 هرتز (تردد الكهرباء في السعودية) الا انه وصل لي تردده 50 هرتز، هل هذا الامر يأثر على استخدام الجهاز مع الوقت؟
ياعالم فيه نسخة ارخص شوي من نفس الماركة اسمها سيج باريستا ارخص بألف ريال سعرها حول الفين وستمية شريتها تقريبا من ست شهور حلوة هذاني اتفرج على الفيديو وانا احتسي قهوة من صنع يدي وش زينها تهبل وترا تبخير الحليب مو عشان الرسم ماعليكم من فلسفة الباريستات التبخير عشان يعطي القوام الناعم اللذيذ للحليب مولازم رسمة ،،،، ولا له اي داعي تشتري تامبر ثاني ولا بورتافلتر ثاني ابدا بس فيه شي مهمممممم مهم مهم ماتكلمت عنه وهو الميزان هو اللي تحتاجه اذا تبي قهوة كويسة لاتعتمد على الكمية اللي تعطيك الآله لا صلح مثلي لاتحط البن في الطاحونه ترا يتغير طعمه من حرارة الجهاز مع الوقت خل الطاحونة فاضية واذا جيت بتصلح كوب قهوة بجنبك الميزان قيس اما تسعة جرام او ثمانطعش حسب مقاس البورتافلتر اللي تبيه وحطه بالطاحونة ثم اطحن حتى تفضى الطاحونة كذا كمية القهوة تكون مضبوطة كل مرة وبس استمتع بكوب القهوة حقك والميزان ياويلك تشتري اللي غالي مره خذ ميزان هاريو بميتين ريال حلو اخذته من كفي حق قهوة مختصة ، انا مستخدمة بسيطة مو باريستا والقهوة اللي اصلحها بهذي الآلة احلا من الكفيات لأني اختار نوع البن اللي يعجبني (غالبا اشتري من محل خطوة جمل سعر كيس البن حوالي خمسة واربعين ريال ) واحب كل شوي اغير نوع البن اجرب نكهات مختلفة ومرة اصلح لاتيه ومرة كابتشينو ومرة بلاك كوفي ،، صح اني مستوى الرسم عندي يطلع شكل بصلة مو وردة بس اهم شي الطعم واني اشرب قهوة حلوة يوميا بدون ما احتاج اروح كفيات
هو مشكلته فاتح القهوة + قهوة تجارية يعني ريحتها ونكهتها راحت، أنا جربت خطوة جمل ما شاء الله ريحة الكيس وإنتي تفتحينها تنعش البيت لأنها تحميص محلي طازج، وجربت التجاري وندمت مره
الادوات اللي تحتاجها اذا شريت هذي الالة زي ماقال نايف البورتا فيلتر بدال مايكون حق المصنع تاخذه من اي موقع كويس تاخذ ابو فلتر مكشوف وفيه الموزع حق القهوة هذا مو ضروري مره مره مره لو تبغى ضعظك على القهوة بعد ما تحط البن مايل شوي اشتر الموزع وهو بيوزع القهوة بالشكل الصحيح وفيه كمان التمبر هذي الة المعلقه في اله اللي يقول عنها مقاسها صغير واصغر من البورتا فيلتر انت اشتر واحد بمقاس البورتا فيلتر اللي راح تشتريه يعني لو شريت بورتا فيلتر مقاسه ٥١ تشتري تمبر مقاسه ٥١
للمهتمين بألات القهوة و القهوة المختصة حساباتي الشخصية توفر عليكم الجهد و الوقت و تلبي اِحتياجاتكم لمن يبحث عن مواقع لشراء البن أو مكائن القهوة الحسابات متوفرة في صفحتي الشخصية لليوتيوب في خانة لمحة. ♥️♥️
أنا أُريد أن أشتري ماكينه قهوة ولكن السوق مليان بالمكائن القهوة المتنوعه والميزات المتنوعه جعلت الواحد في حيره وتردد ياليت من ينصحنا بالمكينه الممتازة ألتي إذا أشتريتها لن أندم نصيحه أهل الخبرة والمجربين وجزاكم الله خيرا ورحم الله والديكم
الماكينة غالية، أنا اشتريت ماكينة ديلونجي و مطحنة ديلونجي كلفوني أقل بكثير و مع الوقت تعلمت كيف أعمل قهوة ممتازة نقطة أخرى: تبخير الحليب بماكينة نسبرسو اير تشينو أفضل و أسهل بكثير و الحليب يتحول لفوم من غير ما يضاف اليه اي بخار ماء
نايف نصيحتي لك تابع الباريتا على السناب ... وبتبدا تتعلم مع الوقت لانهم دايم يتكلمون .. من ضمنهم الراريستا عصام .... وميزتهم يقبلون انك تستفسر منهم حول موضوع معين ويعطونك وجه على استفساراتك مهما كانت غبية ^__^ .......
للمهتمين بألات القهوة و القهوة المختصة حساباتي الشخصية توفر عليكم الجهد و الوقت و تلبي اِحتياجاتكم لمن يبحث عن مواقع لشراء البن أو مكائن القهوة الحسابات متوفرة في صفحتي الشخصية لليوتيوب في خانة لمحة. ♥️♥️
ليش الناس دايم يتحدثون عن المال فقط ويتناسون الوقت الذي هو أهم مايملكه الإنسان. تخيل أنك كلما اشتهيت فنجان قهوة تشغل سيارتك ومشوار وزحمة وسرى وتضيع 45 دقيقة من أجل فنجان قهوة.
