كشخص عاش في اكناف الحقبة ذي وتحت مظلة المجد لسنوات اقدر اقول انك عملة نادرة صعب تتواجد بكثرة من الشخص اللي ممكن يفتح مثل ذالذكريات بحُب ويسوي مراجعة ويتعمّق بتفاصيلها رغم التطور الفنّي الشامل لكل شيء بالحياة لكن لمسة الايام القديمة غير وتعلق بالبال مهما كانت بسيطة انت شخص وفي لذكرياتك لدرجة انك تنقلها بأسلوب سردي مبهر وفريد وعفوي عشان الي ماكان يعرف المسلسلات يعيش تجربتها ويستمتع فيها حتى في 2023 ممكن تشوفني ابالغ لكن فعلاً اعتقد انت الوحيد الي ابتكر محتوى وصاغ افكار مستحيل تنصاغ وتُذكر إبتكاري من الدرجة الاولى اشكرك لإنك اعدت احياء ذكرياتنا بأجمل صورة ومتأكد ان لك مستقبل عظيم ❤
المقطع ينافس التجربة القصيمية وقد يتفوق عليه و اروع مافيه تصويرك للمكان اللي انتج فيه المسلسل ، كل حلقة تصدمنا بالإنتاج و السرد و نجلس ننتظر بحماس المقطع الجاي شكر لك و للممنتج و كل من ساعد و ساهم في اخراج هذه التحفة لنا استمروا بارك الله فيكم
مقطع رهيب جدًا بس نقطة يجب التعقيب عليها، أشيقر ديرة وشقراء ديرة يبعدون عن بعض تقريبًا ١٥ كيلو، شقراء تمتاز أنها محافَظة وفيها جامعة شقراء وأسواق كبيرة ومتوفر فيها كل شيء، أما أشيقر يميزها أنها مُحافِظة على سكانها الأصليين أهل الديرة نفسهم وفيها أيضًا قرية أشيقر التراثية (تصنف من أهم معالم السياحة في السعودية بناءً على تصنيف هيئة السياحة والتراث) وفيه حلقات كثير من طاش ما طاش صُورت في أشيقر التراثية. عمومًا أنصح بزيارة الديرتين👍
الله يسعدك انت وامك ويطول باعماركم تجربه جداً جميله يوم رحت لمكان التصوير والفيديو رهيب قوه اهنيك والله على كل اللي تسويه استمر يا اسطوره وكامل الشكر لك ولامك واللي قناته بالوصف 🙂❤
4:28 يوم شفت التؤام انفتحت عندي ذاكرة مدفونة جميلة تذكرت فيها اني حضرت مسرحية لهم وكانو افضل اثنين عندي كل ما اسمع خبر انهم جايين اكون انا اول الحاضرين❤️
من المصايب الي انتشرت في وقتنا ''الموسيقى'' تعتبر من المحرمات لأن فيها حديث صحيح صريح في تحريمها .. ولكن للأسف منتشرة بكثرة وكثير لا يهتمون بعدم وجود الموسيقى بالمقطع ويعتبرونه عادي، اكتفي بقول الله تعالى : ﴿حَتّى إِذا جاءَ أَحَدَهُمُ المَوتُ قالَ رَبِّ ارجِعونِ لَعَلّي أَعمَلُ صالِحًا فيما تَرَكتُ كَلّا إِنَّها كَلِمَةٌ هُوَ قائِلُها وَمِن وَرائِهِم بَرزَخٌ إِلى يَومِ يُبعَثونَ﴾
@@teabox9250 اتقِ الله يا رجل ولا تتكلم عن الله بلا علم! اولًا: الآية لم اضعها للإستدلال، ثانيًا: انت تجهل في الحديث لأن هناك عدد من الأحاديث ''صححها'' العلماء تثبت حرمة الموسيقى، واما ماتقول بأن الحديث موضوع فيبدو انك جاهل لأن الحديث المشهور الذي رواه البخاري كان ''معلق'' وليس ''موضوع'' لأن هناك فرق جوهري بين الاثنين وهذا يدل على عدم علمك ومع ذلك تتقول وتتكلم في دين الله مع جهلك -والعياذ بالله-! الاحاديث الصحيحة موجودة وتثبت حرمة الموسيقى اسأل الله ان يرينا الحق ويرزقنا اتباعه
@@teabox9250 من خرف عليك أن الحديثين موضوعين؟ بل هي أحاديث صحيحة ويؤيدها إجماع المسلمين في القرون المتقدمة وثانيا في آية لهو الحديث أقسم صحابي رسول الله صلى الله عليه وسلم عبد الله بن مسعود أنها تحرم الغناء ثالثا ليس هو فقط من حرم الغناء بل إجماع الصحابة على تحريم الغناء ليس فقط من تلك الآية بل الأدلة كثيرة وقول صحابي واحد حجة فكيف بإجماع الصحابة كلهم؟ لا قيمة لكلام شرذمة بعدهم
ياخي والله احبك اتمنى ما تتاخر تنزيل وربي مقاطعك تجيني وقت اكتئابي وكرهي للعالم تعديل:ياخي لو تفتح قناة ثانية او تسوي سلسلة ملخصات لافلام او مسلسلات صدقني بتنجح اسلوبك خرافي وحلو جدا
تحفة ما توقعت يتم تقدريها من اي احد خارج نطاق ابوي اللي كل شوي يسألني اشغل له فيديو كليب غنماتي. نظراً للخلف أشعر انه يجب علي الخجل من نفسي لاني لم اقدر هذة التحفة الفنيه رغم محاولات الوالد المتواصله لفتح عيوني. والآن شكرا لك لأنك جعلتني افهم قيمة هاذا العمل الاسطوري.🙏
حسيت بالإنتماء ان فيه أحد ينزل مقاطع لهالتحف الفنيه ، صراحه أسلوب رائع وسرد أروع ومونتاج أروع وأروع نتمنى المراجعه الصباحليليه (صباح الليل) وان حصل بدون موسيقى اولًا لأنه حرام ، وثانيًا إحترامًا لفكرة هالأعمال انها تكون بدون موسيقى.
اوه ديرتي شقراء طلعت في التلفزيون 😂 ابداع 😂🔥، شرابيك عدته وانا صغير حول السبع مرات والمعركة كانت افضل جزئية عندي اقيمها ١٠/١٠ وتاخذ مرتبة افضل قتال في الاعمال الي سوتها البشرية 😂🔥
المقطع رهيب واستمتعت فيه ولامس جزء من ذكرياتنا مع المسلسلات هذي وكانت فيه كثير مسلسلات كذا والاب الروحي لها هي قناه المجد وكان الرسيفر موجود تقريبا في كل بيت لأسباب متعلقه بالحقبه والمنهجيه التفكيريه والدينيه في ذاك الوقت، بس كان جزء حلو من الطفوله ولو انه كان ناااششف مره بس اقل شي كنا مستمتعين لانه هو الخيار الوحيد قدامنا، ممكن انا تكلمت عن المسلسل من منظور آخر تماماً لاكن كان في خاطري وقلته، وبس والله استمر والله يوفقك♥️
19:40 عراقيل معناها قريب من مشاكل، وبالنسبة للحلقة إبداع وأفضل ما بالحلقة سواءً هذي أو التجربة القصيمية هي الذكريات، ما أنسى لما شريت السيدي حق الفلم ب١٠ ريالات من معرض الكتاب.
بصراحه انا من مواليد 2005 وما عاصرت اي واحد من مسلسلات بارقة لكن اتذكر لما ابوي "الله يرحمه"جابلنا لابتوب حط لنا انشودة غنماتي واللي تذكرتها لما شفت كركتر خرفوش اللي ماعرفته إلا اللحين، طريقة سردك جدًا جميلة يا يزيد وابتكارية وخارجة عن المألوف خلتني مندمجة جدًا بمقطع التجربة القصيمية والتجربة الشقراوية على اني ماعندي ذكريات معهم وهذا من جمال سردك اللي يحلي المسلسل على انه ممل بس انت تحسسني انه تحفه فنيه ، اتمنى تستمر بهذا المحتوى والله يوفقك يارب ♡
كـ شخص عاصر ذيك الفترة ولو على اخرها .. انت عيشتني في ماضي جمييييل توقعت ان كل الناس نسوه .. من يوم مقطع شقتكو وانا مبسوط صراحةً ان فيه واحد عاش الفترة اللي عشتها و عنده نفس طريقة التفكير .. صدق كان الانتاج والافكار لك عليهم لكن تبقى هذي الاعمال هي الختم الذهبي اللي ختم في ذاكرة ( جيل المجد ) .. استمر يا وحش .. و يعطيك العافية 👏👏
بناء على قدراتي الفكرية والعمليه بهذا المجال ومعرفتي الواسعه من الناحية التكتيكية والمبدئية منذ القدم، وبصفتي متمرسه وخبيره جيوسياسيه وبحكم موهبتي الدبلوماسية والسياسية والاقتصادية والاجتماعية، في ضوء التطورات الراهنة والسريعة، توصلت الى نتيجة ملموسة ومحددة وعميقة مفادها ان هذا الفيديو قد يساوي او أفضل من التجربة القصيمية , أبدعت اخونا سليذر.
قدارتك الفكرية والعملية ومعرفتك الواسعه من الناحية التكتيكية والمبدئية منذ القدم وبصفتك متمرسه وخبيره جيوسياسيه وبحكم موهبتك الدبلوماسية والسياسية والاقتصادية والاجتماعية في ضوء التطورات الراهنه والسريعة اللي توصلتي فيها الى نتيجة ملموسة ومحددة وعميقة توصلت الى ان ماعندتس سالفه
أكثر شي احبه بقناتك يوم تجي تراجع مسلسل يمكن محد مسوي مراجعه له و المميز انت مو بس تراجع!! انت تطبل بشكل ممتاز تحسسني اني خمس ثواني بعد واكوم اطبل وياك 😁
للي مو فاهم شقراء واشيقر تبعد عن بعض ١٠ كيلو وتعتبر تابعين لبعض ولكن من ناحيه التطور تعتبر شقراء اكثر تطور ويروحون سكان اشيقر الى شقراء عشان يجيبون الي ناقصهم و شقراء دوله
يالله أتذكر لما كنت أرجع من السعودية كنا نمر على محطة وأبوي ينزل ويجيب لي شرابيك وبهلول وسرحان وظل الجزيرة ومطبات وزوايا وأيامها كنت أشوف بواري على الماسة🥹
واحد من اروع الافلام اللي شفتها في حياتي وتقييمي له فوق التقييم من عشره والمقطع ايضاً الافضل في هذي السنه وبارقه افضل من نتفليكس رغماً عن الانوف مع تحيات ابا عابد 🫡❤️
مقطع اقل ما يقال عنه عظيم شقكتو & وشرابيك من أجمل ما شفت وانا صغير الاعادة السريعة معك ذكرتني بذكريات جميلة جدا "لكن" زعلت انك ماجبت طاري مشهد ما بعد النهاية لمى كبروا وصارو لحالهم بالقرية وذا يدل انك منت فانز حقيقي وشكرا جزيل الشكر ❤️
كشخص قصيمي طفولته ومراهقته كانت على بارقة والمجد والبقية.. لقيت نفسي مندمج معك وما توقعت بيجي يوم أحد يتكلم عنهم 😂💛 .. نحتاج تتكلم عن غبار الهجير أو ظل الجزيرة أحس فيها شيء كثير ينقال *تحتاج تضيف على العنوان جملة تدل على اللي بتتكلم عليه عشان يكون جذاب أكثر
هذا العمل ذكرني بعلاقة بريكنق باد وbetter call saul بحيث ان العمل يكون بحقبه سبقت حقبة شقتكو جتكو يبين لك ماضي سعود...او حمود ويبين لك كيف تحول من شخصية الطفل الى الطالب الجامعي العظيم اللي حكم بريده فبوجهة نظري ان العمل prequel لشقتكو جتكو 🌹
اخوي نصيحة لاتحط اغاني في مقاطعك تاخذ اثم كل الي يسمعها ومن ترك شيء لله عوضه الله خيرًا منه والله يجزاك خير حبيبي🤍 ❕الدليل على تحريم الاغاني، اولا جميع العلماء الي وصلهم الحديث اجمعوا على تحريم المعازف وهذا من ايام الرسول صلى الله عليه وسلم والي يقول الاغاني حلال كذب الرسول صلى الله عليه وسلم والصحبه رضوان الله عليهم جميعًا والتابعين واتباع التابعين والسلف الصالح الى يومك هذا رحم الله من توفى وحفظ الله من بقى. قال صلى الله عليه وسلم "لَيكونَنَّ من أمَّتِي أقوامٌ، يَستحِلُّون الحِرَ والحريرَ، والخمرَ والمعازفَ" حديث صحيح لا يلعبون عليك❕ حديث آخر قال صلى الله عليه وسلم "سيكونُ في آخرِ الزمانِ خَسْفُ وقذفٌ ومَسْخٌ ، إذا ظَهَرَتِ المعازِفُ والقَيْناتُ ، واسْتُحِلَّتِ الخمْرُ" حديث ايضًا صحيح لا يلعبون عليك❕ صحابي جليل اعلم مني ومنك بالقرآن عبدالله بن عباس رضي الله عنه يحلف ثلاثا ان هذي الآيه نزلت في المعازف والمفسرين يقولون كذالك❕ "وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا ۚ أُولَٰئِكَ لَهُمْ عَذَابٌ مُّهِينٌ" طيب مقاطعي كلها اغاني وش اسوي؟؟ حاول تزيل الموسيقى بأي طريقه ولاتنسى ستموت يومًا ولعل الحساب شغال والمتابعين يتابعون والذنوب تكتب عليك جاريه ومن ترك شيء اتقاء الله عوضه الله خيرا منه ولاتنسى التوفيق كله من الله سبحانه وهو نهاك عن هذا الشي فاتركه وسيعوضك الله بالي افضل منه جزاكم الله خير وهذا كله واضح لمن وفقه الله ان يتبع الهدى ويعبد الله كما يأمر ليس كما يريد ويشتهي. اذا ابتلاك الله ذنب تب واستغفره وادعوا الله ان يزيل عنك هذي البلاء لكن لا تغير احكام الله وتفتري وتكذب واسأل الله السلامه والعافيه والخير والبركه لنا جميعًا، الحمدلله رب العالمين🤍🤍
