كتير أوي بتلاقينا بنقول للي قدامنا "أنا مكنتش اتخيل انك تطلع كدا". أو "أنا كنت فاكرك حاجة تانية " ، أو "انا اتخدعت فيك ".. وبنرمي مسؤلية خداعنا في الناس وصدمتنا فيهم عليهم هما.. ولكن في حقيقة الأمر هي مسؤليتنا احنا فقط ، هما مالهمش دعوة بالصورة الحلوة اللي رسمناهالهم في خيالنا أو هما باعوهلنا واحنا أشتريناها وصدقناهم ، هما مالهمش دعوة بأفتراضنا فيهم الحب أو حسن المعاملة أو الجدعنه أو رد الجميل أو الخوف علي العشرة ..الخ كل أفتراضاتك وحسن نوياك تخصك لوحدك..! ماتقولش المفروض كان يعملي كذا ، أو أستنيت أنه يعاملني بطريقه معينه ، أو أستنيت منه يعمل كدا..توقعاتك للناس وتصرفاتهم وردود أفعالهم ف الغالب هتصدمك وتحبطك وتخذلك لأنك بتفترضها بناء -عليك أنت- و علي تربيتك وأخلاقك وثقافتك ودينك وحسن نيتك ومعاملتك معاهم ، ولكن الناس هما مش أنت و مش صح أنك تقيس الكون كله بدماغك أنت ورؤيتك أنت ومفاهميك أنت... عشان ماتتصدمش !! مش كل ولاد الناس ولاد اصول..كلنا ولاد ناس بس مش كلنا ولاد اصول. 😏