نصيحه لوجه الله ياجماعه التمريض عالشان تدخله ليه طرق معينه وهي دي الطرق الموثوقه غير كدا نصب واي كلام التمريض المعتمد ١-مدرسه ثانوي بعد تالته اعدادي بمجموع عالي في تالته اعدادي وبعدها تكمل معهد تمريض ٢-معهد تمريض سنتين و٦شهور امتياز حكومي بعد ثانوي عام علمي علوم كليه تمريض حكومي بعد ثانوي عام علمي علوم كليه تمريض خاصه اربع سنين دراسه وسنه امتياز واسعارها بتبدأ من ٣٠الف فالسنه او معهد تمريض خاص وتقريبا هما تلت معاهد بس وبرضو بعد علمي علوم. وبمجموع دي الحجات الي معتمده من وزاره التعليم العالي ونقابة التمريض ووزاره الصحه المصري وتقدر تشتغل بيهم فالحكومي والخاص والسفر غير كدا نصب والله مفيش حاجه اسمها اكاديميه معتمده سنه او ٦شهور او سنتين دا كلام فاضي مش معتمد مفيش اكاديميه أو معهد خاص بياخد دبلوم أو اطلبه ادبي معتمد كله نصب زمان كان فيه حاجه اسمها مساعد تمريض الي هو تمرجي . بيروح يودي حاجه يجيب حاجه ينضف المريض يعمله care ودا مش محتاج يدرس فاكادميه دا اي حد ممكن يعمل الكلام دا لكن كون أن فيه مستشفي تحت بير السلم بتاخد بتوع الاكادميات تحت بير سلم وبيدوهم ملاليم دا غير قانوني .ناس كتير اتأذت بسب الاكادميات ودفعت فلوس علي الارض وندموا متسموعوش كلام اي حد بيضللكوا ربنا يكرمكوا بس دورو علي حاجه تانيه تكون معتمده بدل ماتضيعوا فلوسكم علي الارض
غلط انك تشجعي ع الغلط ، بمعني ان الأكاديميات دي مش مؤهله انها تدرس تمريض والدوله مش معترفه بيها فمينفعش اشجع طالب علي حاجه مش معترف بيها واضيع مستقبله ممكن ربنا يكرمه بحاجه افضل طالما مش ممرض قانوني ومعاه مزاولة المهنه ، حرام اضيع مستقبل طالب فكري كويس جدا في الكلام ده ، طالب في ثالثه اعدادي بعد كلام حضرتك ممكن يسيب ثانوي عام ويروح اكادميه من دول وفي الاخر مستقبله يضيع ، حياه المريض حضرتك مش هزار ، انا مش جايلي حاجه منهم بس انا شايف ان حرام اضيع مستقبل ناس او اشغله وهو حاطط ايده ع قلبه وانا اشتغلت في اماكن كتيره بصراحه وشايف ان التدني في منه التمريض بسبب التمريض والسبوبات الخاصه ، كل م نعلي بالمجال يطلع لينا حالات تموت واخطاء طبيه بسببهم ، شوفت مستشفيات كتيره اتشمعت بسبب الموضوع ده ، انا شايف ان المفروض الا يشتغل المهنه دي البكالوريوس فقط وتحت منه المساعد الحكومي ويكون تحت عين البكالوريوس لضمان سلامة المريض ومساعده كل المعاهد الحكوميه انها تكمل بكالوريوس والقضاء علي السبوبه بتاعت الأكاديمية مجال التمريض مش محتاج التهاون من حضرتك كده دي ارواح ناس وفي قوانين ولازم نحترم القوانين والاهم سلامه المريض ، مينفعش اكون في التجمع والاقي واحد مش عارف abc بالانجليزي ويقولي انا ممرض دي غلط غلط ، حته لو انتي معهد خاص بس خلي المريض ده لو قريبك حته هترضي حد مش مؤهل يقدم ليه كير او يجرب فيه ، لأ طبعا هتقولي عاوزه اكفأ شخص بالضبط كده ، التمريض علم والا مكناش احنا ك بكالوريوس بنموت نفسنا عشان ننجح في امتحانات التراخيص لأمريكا او اي دوله عشان نعرف نشتغل في الدول دي ومعانا كليه وخبره ليه الدول دي مسمحتش ليا م انا معايا كليه ومعايا خبره لأ لازم امتحنك عشان اشوف عندك علم ولا لأ وامتحانات من اصعب امتحانات اقل امتحان رسومه 500 دولار اتمني وجهه نظري توصل ليكي المريض ده انسان
راي حضرتك فوق راسي ومنكرش انه صح وانا حكومي وفعلا بنتبهدل علشان نثبت نفسنا ونفس الوقت نطبق الصح لغيرنا لكن مع احترامي لحضرتك انا بحكي عن اللي شوفته في فئه كبيره من الناس لم اكون شغاله ف مستشفي والريسه فيها برايفت ولم اغيرها وبرضه الريسه برايفت الخاص ف مصر والحضانات اكترها برايفت مش حكومي كلامي عن فئه معينه وهدفها غرض واحد وهو لو شخص شايف انه منجحش في حاجه ممكن المجال دا يطور نفسه فيه ويوصل زي ما ناس كتير مكمله فيه ويمكن افضل بكتير بسبب الخبره او عالاقل يكون فاهم ككورس مطور لنفسه الكومنتات لو اطلعت عليها هتلاقيني بقول لا شهادتك الحكومي الاساس لان دي بدون فايده الفيديو دا سجلته من سنتين ومر وقت طويل عليه والاوضاع فيها بتتغير لكن نورت القناه وطبعا رايك الصح وليك كل الاحترام
@@nursemoon بنورك ي مس وأنا فخور بيكي ع محتوي تغيير فكره المجتمع عن المجال وانا عما بشوف واحد شغال في تمريض ومش معاه مزاوله مهنه وانا فاهم كويس جدا ، الشخص ده انا بحترمه جدا لأنه سعي بالحلال للرزق ، ع الرغم أن الطريقه غلط وأسلوب غير قانوني ، بس معاملتي ليهم في اي مجال زميل مهنه ولاكن انا لم اشجع ع ذالك بسبب ان دي غير قانوني ومعظم الأكادميات ي مس فاهمين غلط الا هو داخل فاكر أنه هيتكلف حكومي وأنه كده ممرض وده اكبر غلط يتخرج يتفاجئ ، يروح القطاع الخاص عشان طبعا القطاع الخاص مش هيعطيه راتب عال وعاوز يوفر في الميزانية فيلاقي نفسه شغال يبدء يطالب بحقوق ع أنه ممرض وده حصل في 2011 والدوله واجهت ده وحدتهم علمتهم وكلفتهم عشان كان اتنصب عليهم وبعدها الدوله قالت لأ دي نصب والدوله بدئت توجههم وحطت عقوبات ليهم ، وعملوا لينا امتحان صعب بعد الكليه عشان ناخد المزاوله وهما كانو سبب في كده بردك ، كل ده عشان نمنع النصب ده ، فأنا في المستشفيات بعاملهم معامله زميل لأن ده ارزاق ولاكن بصراحه انا شايف أنهم عملوا في نفسهم كده فلازم يستحملو الإنتقادات الا يدخل اكاديميه يدخل بس انا مشجعش ع كده ابدا حته لو اي ؟؟ ، لأن ده كان سبب كبير في تدهور المهنه خصوصا الجانب الأخلاقي الا بقه منحط جدا في المستشفيات من الفئات دي في المستشفى مهما نعلي بالمجال وتثقيف ووعي وتعليم وكليات وبرامج في الكليه يجي الأكادميات والحاجات دي تخسف بالتمريض وتنزله لسابع ارض وده بنشوفه خصوصا في المستشفيات الخاصه بصراحه وبشهادة أهل المريض وانا شخصياً من الا بشوفه من التمريض وانا في وسطهم اخلاقيات المهنه عند التمريض الأكادميات دي مش موجود ودي اكتر حاجه ظاهره وبعرف انا ده كويس ، لذالك انا حرفيا برشح ليه ع المعاهد الحكومية عشان بعدها يكملو كليه وترتقي بالمنظومة كامله عامل الخبره بيجي بالوقت التمريض مش تركيب كانولا اي اجراء تمريض اي واحد هيتعلم من كثرة الشغل بس العلم موجود ولا لأ انا فاهم انا بعمل ده ليه موجود ولا لأ مخاطر الا هتحصل للمريض ابعاد الخطر الكير البلان الخاصه بالمريض ده محتاج دراسه وعلم وفهم أيضا بس كده وبشكر حضرتك جدا ع التثقيف والتوعية الا حضرتك بتقدميها ❤️
@@nurse_mahmoud_elesawi4700 حضرتك عندك حق يا مستر و معاك في النقطه دي وبجد نورت القناه وان شاء الله نحاول نغير فكره المجتمع عنه ونكمل ف طريقنا لان فعلا المهنه دي عظيمه وتستاهل نضيع عمرنا علشانها والمعاهد الحكومي والكليات اساسها . بالتوفيق ❤️
انا ف ثانوى فنى وبجانب الثانوى دخلت أكاديمية وفالاخر طلعت نصابة ورفعنا عليها قواضى وبعدين دخلت أكاديمية محترمة جدا وبجد كانت تجربة حلوة جدا ولسا هشتغل ع نفسى اكتر واكتر
اهو محدش بيقلل من المهنه دي غير صحابها يعني انتي بتساعدي الناس تسلك مسلك غير قانوني والنقابه بتحذر والناس بتحذر من خطر الاكاديميات اللي بقي بيدخلها كل سقيطه الاعداديه ويفتكروا نفسهم ممرضين ماهو لما الناس تشوف كل الفشله دخلت تمريض بكلامهم يبقي احنا نستاهل وهيفضل منظرنا وحش ولا حد هيحترمنا هي المهنه دي مفيش حد بيسأل فيها ليه وبعدين الاكاديمياات دي غير معترف بيها لا ف مصر او بره مصر والتمريض الخاص حضرتك ناس صحابي داخلينه في جامعات خاصه ب ٦٠ و ٧٠ الف فالسنه زي باقي الكليات الخاصه مش واحد فاتحلي شقه ينصب عالطلبه وخلاص والله عيب كدا واتمني تحذري من الاكاديميات لان في مستشفيات بدل ماتجيب واحد معاه بكالريوس ياخد في الشيفت ٨٠٠ مثلا يجيبوا واحد معاه زراعه ويشغلوه بالفين طول الشهر ماهو ممرض بقا بحتة الكورس اللي اخده
حضرتك عندك حق فعلا ودا اللي وضحته بعدين وبالفعل نزلت دا علي اليوتيوب تاني ونزلت عالتيكتوك علي صفحتي بالرغم من النقد اللي شوفته بالعكس نزلت اكتر من جزء ووضحت أن مفيش حاجه اسمها اكاديميه لكن سياسه اليوتيوب بتمنعني من حذف الفيديو حق الحكومي مهدور بسبب الاكادبميات تحت اي بند بقا ورايك علي دماغي نورتني
السلام عليكم انااعدادي دفعه 2020 لان تالته ثانوي هل ينفع اقدم تمريض خاص بعد الاعداديه او تمريض حكومي كان مجموعي 266'ونصف وانا كانت عيزه ادخل كليه تمريض وكده ومكنتش اعرف ان فيه بعد ثانوي تمريض حكومي ان فيه معهد وكليه بعدو ف هل ينفع اقدم الان حكومي او خاص بعد الاعداديه رجاء الرد وشكرا
لا ابدا تقدر تبدأ اونلاين ولو دخلت القناه عندي فيديوهات انجليزي طبي الشائع ف المستشفيات هيفيدك جدا اصلا لو ركزت فيه وحفظته وممكن نعمل كورس بالمصطلحات الطبيه مفيش مشكله
انا فى تمريض خاص السنة دى مجبتش فى الاعدادى و رجعت مجبتش فى الثانوى دخلت خاص وبعدين هسافر مع جوزى بس ياريت تردى عليا هوا رواتب التمريض الخاص تفرق عن الحكومى برة مصر ولة أية
اه طبعا لكن هم ملهومش اختبارات برومترك اللي هي خاصه بمزاوله المهنه ف الخارج عشان كدا بيتم التخلي عنهم بسهوله لكن ليهم شغل واي مرتب خارج مصر فهو كويس عمتا
والله نصب اعرف في حدود ٨ دخلوه ومفيش حاجه ولا شغل دا عباره عن كورس إسعافات اوليه وخلاص في طريقه كويسه تدخلي بيها كليه تمريض وهي التمريض المكثف ولكن بشرط انك تكون مخلص كليه وتكون كنت في ثانويه عامه شعبه علمي علوم ولكن بفلوس
حرام عليكي تخدعي الناس وتشيلي ذنوب الناس اللي مش واخدين بالهم ومش فاهمين وضحي ليهم ان التمريض الخاص دة نصباية وانه مش معتمد و انه غير قانوني و لو الحكومة عرفت هتقفل الأكاديمية وان ملوش حق يكون ممرض اصلا اتقي الله
@@nursemoonبس كده مترودش عليا لان مش كل الاكدمايه في اكاديميات نصابه كتير و في بردو اكدمايه كويسه و معروفه والحكومه كمان عارفه بيها وبستاعده في اخرج الاورق لان امانه يعني مش كله وبعدين انت فعلا بعد متخلص تمريض خاص ملكش شغل غير في خاص ودي اصلا مش حاجه وحشه لان في تمريض حكومي دلوقتي بيشتغل في خاص عادي جدا بس لو انت.دخلت اكداميه وطلعت نصابه يبقا فعلا ولا كانك خت حاجه عشان كده اتاكد قبل متخش ومتحكومش علي كله
جماعه ممكن مساعده انضف مكان معهد او اكاديميه تكون كويسة في مصر اهم شي تكون معترفه برا مصر لان عاوز اسافر انا شاطر جدا في تمريض بس عاوز بأخد شهاده تثبت ده لو ممكن حد يساعدني بيقلي اي احسن مكان باخد معهد او اكاديميه منها تكون معترف برا مصر انا ثانويه عامه جايب 60 في المية
لو اشتغلتي علي نفسك ي قمري صح ونزلتي اتدربتي وعملتي علاقات فالمسنشفيات هيكون ليكي بعد كدا أن شاء الله ولو احتاجتي حاجه عرفيني وزودي معلوماتك ف القناه اكتر
لو سمحتي انا في أولي تجاره وعايزه اخش تمريض خاص بس الكل مخوفيني منه ومش حلوه بس انا حاقدم في اكاديميه النهضه للتمريض في محافظة البحيره ممكن تعرفيني الاكاديميه دي معتمده ولا لا
لو سسمحتي انا مقدمه في التمريض الحكومي بس هما لسه هيرنو علينا عشان الاختبارات ودا هيكون بعد اسبوع كدا والدروس جايه ومش عارفه اقدم في ثانوي واروح دروسي ولا اعمل اي عشان خايفه متقبلش في التمريض الحكومي + الثانوي مصاريفوو كتير وخايفه اخش ومجبش كليه حلوه وخايفه ادخل تمريض خاص في ناس بتقول ان هوا وحش ومفيش فيه شغل ولا حاجه + انا من طلخا وجايبه 255 ونص ♡•.
اول مره اشوف في حياتي حد خريج حاجه مش معترف بيها والنقابة بتحاربها وملهمش اي حق في مزاولة مهنة التمريض ويقولو احنا اعلي واشطر من التمريض الحكومي وبنعلو عليه انتو اصلا مش ضمن التمريض نهائيا انتو انضحك عليكم وبتحاولو تضحكو علي نفسكو وتوهمو نفسكم بحاجات مش موجوده اصلا
@@nursemoon ربنا يوفق الجميع بس لما انا الاقي واحد تمريض خاص بيقول انا شغال افضل من الحكومي وبحط عليهم وفي اماكن احلي لا هنا نقف ونتكلم انت اي مؤهلك او اي مميزات المكان اللي انت طالع منه ولو اتمسك في مستشفي شغال مع مرضي هيتحبس فكل واحد يبقا منصف في رأيه الاكاديميه للثقافه العلميه فقط انما شغل تمريض ومؤهل دراسي وكارنيه مزاوله مش لخريجي اكاديميه
@@Youssef-d7j فاهمه حضرتك وبالفعل دا الصح مينفعش يتقال كدا مهما كان حكومي ليه وضعه ومفيش حد يتقارن بيه لكن ربنا يوفق الجميع وفالاول والآخر الكلام بصفه عامه وتوضيح لكل حاجه فالمجتمع بتاعنانورتنا❤️
@@nursemoon شكرا ليكي انا بتابعك دايما والله من ايام الاختبارات ونظام الدراسه +انا اسف علي الاسلوب اللي مش حلو اللي اتكلمت بي في الاول ده مجرد رد فعل علي اللي بنشفوه كتير اليومين دول من اهانه وقلة قيمه في مجالنا
لو سمحتى انا هدخل اكاديميه تمريض وانا فى تانيه ثانوى فنى يعنى هدرس ده وده عاوزه اعرف انى هيكون مجهود كبير عليا ولا لا خصوصا انى عاوزه اجيب مجموع عالى فى تالته وعاوزه اعرف انى هشتغل بعديها مساعده الممرضه ولا مساعده الدكتور ممكن تردى بسرعه عليا لو سمحتى عشان فاضل يوم وهقدم خلاص
علي حسب سيستم المكان اللي هتكون فيه بس كنصيحه مني بلاش تنزل متأخر واستغل الوقت وانزل دلوقت أتدرب ف اي مكان واثبت نفسك فيه علشان بعد كدا تقدر تشتغل فيه بسهوله كتمريض برايفت عادي
@@nadanofal5001 أنا آسفه من كتر التوتر و القلق مش فاكره غير أول سؤال الي كان بيقول هاتي إسم بلد بالمقلوب تدي كلمه مفيده إذا كان السؤال سهل فأنا خوف وتوترت ومعرفتهوش من الخوف وإذا كان السؤال صعب فهو كده
انا مقدمه تمريض خاص جنب كليتي وهبدأ بعد بكرا هو كويس فعلا ولا مالوش لازمه علشان انا متوتره ومحبطه علشان فيه فيديوهات تانيه تانيه بيقولوا انه مالوش لازمه ومفيش حاجه اسمها تمريض خاص الكلام دا صحيح ولا ايه، ارجو الرد
بصي علي حسب انتي هتثبتي نفسك ومتعتمديش علي حد وكلام حد ولا ايه عن تجربه ناس حواليا كتير اخدوا الخاص ونفعوا واشتغلوا برايفت مع دكاتره ونفعوا والبعض اعتمد علي أن حد يشغله وقعد فالبيت عشان مفكروش صح ومعلموش نفسهم
انتي وشطارتك الشغل علي حسب الحاجه ف الاماكن الخاصه وانتي اللي بتثبتي تفوقك لكن برضه الخاص لوحده مش شهاده تعتمديها ف البلد لازم معاها تدرسي ثانوي او صنايع او جامعه
@@nursemoon محتاجه حد يكون عارف المكان ويرشحلي مدرسه تمريض تبقي خاصه وبقدر الإمكان تبقي مش بعيده عشان بابا محافظ شويه فا لو إنتي من محافظة تانيه مش هتبقى عارفه الاماكن أنا من كفر الشيخ بس معرفش مكان معتمد وكويس
