أبرز مميزاتها : رادار ، فرملة طوارئ ، مثبت سرعة ، تنبيه نقاط عمياء ، مرايا تعتيم تلقائي ، تشغيل عن بعد ، دخول ذكي ، كاميرا خلفية ، فتحة سقف بالإضافة إلى وسع السيارة ، برودة المكيف + تحكم منفصل بين السائق والراكب ، راحة المقاعد ، موجود زر فتح الشنطة على الباب نفسه ، صرفية البنزين أبرز سلبياتها : جودة الديكورات ، أنوار الهالوجين ، لا توجد سماعات في الأبواب الخلفية إضافات : بالنسبة لعزل الهواء والعزل الأرضي يعتبر جيد مقارنة بفئتها، ما يعتبر top لكنه جيّد مو مزعج لدرجة تكرهها + بالنسبة لكفرات الوكالة جدًا قاسية عليها اللي هي بريجستون، كثير اللي غير الكفرات قالوا إن السيارة صارت أفضل بشكل ملحوظ من ناحية العزل الأرضي ونعومة السيارة + تصميم السيارة داخليًا يعتبر متواضع مقارنة بفئتها لكل شخص وجهة نظره البعض يحب البساطة والبعض ما يعجبه + الجلنط أرضي وكثير يقولون لو كان الجلنط الكتروني أفضل لكن ما أشوف هالشيء سلبية ممكن تفرق عند البعض + الكبوت ماله مساعدات على النظام القديم اللي ترفع العصا الموجودة ف هذي شوي سلبية يراها البعض + موجود تحكم كهربائي لكرسي السائق بعدة وضعيات + المكيف يشتغل لما تشغل السيارة عن بعد ويتكيف حسب درجة الحرارة في الصيف بارد والشتاء حار + فيها ميزة تتميز عن غيرها في إن تقدر تقفل السيارة وهي شغالة عشان المكيف مثلًا في الصيف لكن عليها مخالفة أكيد + صرفية البنزين تختلف من شخص إلى شخص لكن فوق ٧٧٠ كيلو ومرات فوق ٨٠٠ إذا القائد راكد وفي الخطوط توصل أحيانًا ٩٠٠ كيلو ومرة ثانية حسب الدعسة تختلف من شخص إلى شخص + السماعات موجودة في الأبواب الأمامية والطبلون الأمامي والخلفي وهي عادية ماهي نظام مثل بوز وغيره لكنها جيدة وصوتها عالي ما أحد اشتكى منها اللا اللي تهمه كثير ويدقق ومتعود على ال system + هرن أو بوري السيارة نوعًا ما ضعيف لكنه ليس بمشكلة كبيرة ف يؤدي الغرض وفيه بعضهم غيروه + أخيرًا صيانة السيارة في الوكالة --> بالنسبة أسعار للصيانة الدورية ارتفعت شيء بسيط عن قبل ما أدري ليه لكنها بشكل عام مقبولة لكن أكيد لو تسويها برا بيكون سعر مناسب جدًا لك مع ضرورة عمل فاتورة الكترونية تحوي التفاصيل عشان الضمان يستمر، أما بالنسبة لتوفر القطع الصراحة ما عندي معلومة لكن بشكل عام متوفرة ما أذكر أحد اشتكى لكن أنا مرة تأخروا عليّ ثلاث أسابيع ممكن إلى شهر ما أدري ليه نصيحة : السيارة فئة النص فل كان سعرها مناسب في فترة من الفترات القريبة وكانت تفوز بالراحة على منافسينها من ناحية مواصفات مقابل سعر لكن بعد ارتفاع سعر السيارة هنا أقول امسك بريك شوي واطلع على باقي منافسينها بحكم إن السعر متقارب إذا يهمك السعر، ممكن تلقى خيار أفضل منها مع إنها بشكل عام ممتازة، لكن كلٍّ له وجهة نظر مختلفة وأضيف على ذلك مهم المحافظة على السيارة أكيد إذا تبغاها تعيش أطول وأقل أعطال ما يحتاج أقول. Altima 2021 SV أعتذر على الإطالة تحياتي .. 🌹
صدقت اذكر نفس الفئة بالضريبة 15٪ كانت بحدود 102 في المعارض وفي الوكالة كانت ب110 الان توي شفتها بالوكالة صارت ب 114 بس الموصفات حقتها جداً ممتازة بغض النظر عن اللمبات الامامية سيئة
اليوم جربت السياره في الوكاله قيادة ممتعه جدًا والسياره ناعمه حتى على عيون القطط ماتحس فيها من النعومه والمقاعد مريحه صراحةً سياره تستمتع بكل لحظه فيها ولا ودك ينتهي المشوار
ولله من أفضل الفرقات اللي شاهدتها فوق التجربه الصراحة وطلوع الحقيقه بدون عاطفه غبيه واتمنى اشوف اكثر من المحتوى العظيم حقآ ويستاهل اللايك والنشر. الاشتراك
سوي لنا لاهنت مراجعة لاكورد الشكل الجديد ويكون ممشاها كثير عشان نعرف عيوبها فريت اليوتيوب فر وماحصلت احد يتكلم عن الاكورد الشكل الجديد بعد استخدام او ممشى كثير ابي اعرف عيوبها وعيوب القير والمكينة , المكينة الكبيرة او الصغيره كلها اذا فيه عيوب اصلا لاني مقبل على الشراء وشكرا
لانها ما لها عيوب قوية تخليك ما تشتريها عندنا جيلين ١٧ و ١٨ كلهم ممتازين اذا لها سلبيات فهي معروفة من زمان وهي السيارة فيها قساوة وسعرها غالي كسيارة او صيانة بس اما الباقي مافي افضل منها 👍🏻
الله يعطيكم العافية ويعطيك خير السيارة ياراعيها ويباركًلك فيها ..اشوفها بدت تنتشر كثير عندنا بخميس مشيط من ايام مشكلة محرك السوناتا الناس ناسبتها الفئة هذي ..بالنسبة للعزل الارضي بحكم الجنط كبير والكفرات اذا كانت بريدجستون تكون مزعجة شوي وقاسية النور الامامي بالنسبة لي عادي هالوجين بس الخلفية احس انها مظلمة شوي لكن السيارة اشوفها خيار مناسب وان شاء الله الايام الجاية يغيرون القير الى تبترونك مع انهم يمدحونه ع الالتيما.
صحيح أنتشرت بالجنوب للسبب اللي ذكرته وكذلك أرتفاع اسعار الكامري الأستاندر وهي فاضيه بينما الالتيما ال SV بصراحه مواصفاتها بطله وسعرها بطل بس لاحظت زياده في اسعارها في الآونه الأخيره
للغالي نايف صاحب القناه ...اشكرك على جهودك وافكارك الرائعه ...لدي اقتراح ارجو ان يلقى صدى لديك.... اتمنى كتابه اسماء الشوارع والاحياء التي يتم المرور عليها بعاصمتنا الجميله ولك خالص الشكر والتقدير
@@mjeedesta دايما بالكفرات لاتاخذ الاوربي ولا امريكي اما ياباني وكوري سيء جدا قساوة غير طبيعية بالنسبة لي مركب كفرات اوربي ميشلان لااحكيلك عن الرساوة والنعومة وبرضو الجوديير يمدحونه 🤙🏻
معلومة تغير الزيت خارج الوكالة انه ما تطلع السيارة من الضمان معلومة مغلوطه ، يجب عليك عمل الصيانة كما هو موضح في كتيب المالك عند اي مركز عنده فاتورة توضح عمل الصيانه
لا باس في السياره جيده وافضل ولا تقارن اصلا بسياره كوري او صيني اليتما سياره قويه ومكيف ممتاز بس انا انصح من منافسيها بصراحه الكامري افضل منها بكثير شكلا وقوه وعتماديه اكثر وشيك في جيبك ووكيل اقوى وافضل وقطع ارخص الكامري الاول والاخير وهو اول حل كامري فل كامل مخمل جي ال اي سعرها ١١٢ الف في الشركه نفس سعر اليتما
القطع في الوكالة سئ جدا مرايه من جدة عشر ايام ولا فيه الاحبه القطع في الوكالة سئ بعدين ما فيها انك ترفع النور اقصد العدسه نصف فل ما فيها وحاط نقط عمياء ورادار وتشغيل عن بعد جت على هاذي
استغفر الله العظيم و أتوب إليه لا اله الا انت سبحانك اني كنت من الظالمين اللهم صلِ وسلم على نبينا محمد سبحان الله ، الحمدلله ، لا اله الا الله ، الله اكبر
اصلا الجنوط الكبيرة بالغالب ما تصلح للمشاوير اليومية، للخطوط نعم بحكم الرساوة والعزل إذا كانت الكفرات ماركة معتمدة، لكن كمشاوير مظهر نعم لكن مع الوقت تحبل بالكفر حتى لو ما استهلكته.
موتر جميل ، ونشيط جداً كانت معي وحده 21 sv قدمت مواتر كثير تورس الجديدة وكوامري هايبرد وعادي وامبالا وماليبو ، الموتر ماهو بسيط خصوصاً من 0 مجنووووون ، ماشوف بها الا عيب واحد الديكورات جودتها سيئة جداً جداً وانا ماكملت بها حتى 50 الف كيلو .
تبي النصيحه لا ذي ولا ذي خذ لك مكسيما ٢٠١٧ انا معي وحده من وكالتها تصدق ماقدر غيرت الا الفحمات السياره جودتها عاليه وشكلها رياضي وفخم وراسيه تاخذ منعطفات حاده على سرعه عاليه ماسكه الارض بس تسمع صريخ الكفرات وهي بمحلها ماتزحف وفوق هذا طياره تشق ثمانيه سلندر عيوبها قاسيه مع المطبات وصرفية بنزين على خفيف تعديل وضيقه شوي من الخلف هذي عيوبها
انا كان معي نيسان باث فندر مريح ما 2015 مشكلته العزل الأرضي ولا الزجاج عزل ممتاز واعتقد كل السيارات الدفع الأمامي العزل الأرضي سيء الا الكرس والجنسس وبعد الأزيرا حلوه عير كذا كلها واحد
سيارة جديدة ويخرب دينمو المساحات ! هذا غير الزجاج الامامي لو تجيه حبة رمل انشعر !! وطقة في العكس والسيارة ماشية٩٠ألف أجل بعد ٢٠٠ألف و٣٠٠ألف وش بيخرب ! ويعلم الله فيه واحد قالي انه غير العكوس وسيارته ألتيما هذا يدل على رداءة الصناعة الغريب صاحبها يمدح وصاحب القناة ، ولا يعلم أن هناك سيارات تصل ل٣٠٠ألف و٤٠٠ألف وأكثر بدون أي مشكلة وقسم بالله أتكلم من تجربة حتى القماشات ما احتاجت تبديل فقط زيت واستهلاكيات خفيفة وهالشركات تسمع المدح وتقوم تررفع أسعارها !! الالتيما مريحة صح لكن كثرة المدح عليها مبالغ فيه أحد أهم الأسباب اللي تجعل الأغلب يشتري سيارة جديدة هو البعد عن الصيانة وزحمتها وكثرة الأعطال لمدة ١٠سنوات على الأقل (ممشى٤٠٠ألف) كمتوسط استخدام فإذا كان المنتج يجعلني في البداية احتاج إصلاح دينمو وعكوس هذا لا يبشر بخير
بس اذا ماخاب ظني قال بقناتها ان موديل سيارته في عيوب مصنعيه وحلوها بالموديلات الحديثه عادي كل السيارات يصير فيها عيوب مصنعيه الكامري موديل ١٨ و١٩ بعضها تضرب طرمبة الماء وترتفع الحرارة