تابعينا على الإنستغرام: / e.ddar خدمات الدّار دورة مونتيسوري👇 من داخل الجزائر forms.gle/3EJr... من خارج الجزائر www.udemy.com/... دليل نوم الأطفال 👇 من داخل الجزائر forms.gle/6ei3... من خارج الجزائر www.udemy.com/...
شكرا لك على موضوعك، أنا حاليا كملت ليسانس إنجليزية وراح ناخذ فترة إستراحة جسدية ههه 😅 (متزوجة) يعني مكانش دخول جامعي العام هذا. حبيت نعقب على اول نصيحة ليك ولي هي استغلال وقت الذهاب وعودتك من الجامعة.. أنا مثلا كي كنت ح نجوز بكالوريا الثالثة (3) تاعي كان باقيلي 3 أشهر على امتحان الشهادة، كنت خدامة وكنت نقرا في مدرسة خاصة للغات في نفس الوقت، كي بقالي وقت قصير وانا مازال ما بديتش نقرا وليت نستغل وقت ذهابي ورجوعي من الدراسة (في المجموع ساعة واحدة) نهز معايا كتابات ملخصات ونقرا فالبيييس 😅 وكنت نستغل وقت لماعن في سماع دروس من اليوتوب .. واخيرا والحمد لله جبت الباك وجيت انا الاولى على مستوى ولايتي في الأحرار طبعا🎉😊 ومن هذاا المنبر نقولكم إييه استغلو وقتكم راح تصنعو فيه المعجزاات ❤ موفقين يارب 🤲
ماشاء الله عليك مع اني في سن امك ربما 😊 ومتتبعة دائمة لاحسن الدكاترة في هذا الميدان الا اني اجد فيديوهاتك مفيدة و مهمة جدا ، ربي يوفقك و يبار كلك ان شاء الله .❤❤❤
موضوعاتك رائعه ومفيده ما شاء الله عليك انا عندي بنتي تقرا في الجامعه سنه ثانيه علوم تكنولوجية بمعدل بكالوريا 13.85 وقررت تعاودو هاذ العام باش جيب معدل تدخل بيه لجامعة قليعه وتحصلت على معدل 14.50 لكن ما عجبهاش و قررت تكمل دراستها في باب الزوار لكن تروح تقرا غير TD من اول سنه لها يعني ما تحضرش محاضرات وما تخالطش وخفت تولي منطويه وما تتوسعش في معلوماتها وثقافتها وحتى في العلاقات الاجتماعية من فضلك حبيبتي انصحيني او اي اخت عندها تجربة مثل هادي تنورني ربي ينور طريقكم
موضوع جد مهم. انا استاذة محاضرة في الجامعة و انصح طلبتنا الاعزاء بطلب العلم و باتقان the soft and the hard skills للتفوق في الجامعة و أيضاً في الحياة. انصحهم ايضا بتعلم كيفية التعلم اي metacognitive skills. المهم الموضوع شيق و يلزمه part two. مبدعة دوما و مزيد من التألق ❤
درت طريقتك كنت نقرى جرنان باللغة الفرنسية باش نتعلم اللغة كنت نقرى من باب الزوار القبة كنت نقرى الفرنسية من اليمين إلى اليسار كنت نقول وعلاه منفهمش حتي لحقت القبة باش فقت بلي الفرنسية تتقرى من اليسار إلى اليمين
كالعادة مواضيعك دايمن فالقمة مشكورة الصراحة اليوم قدمتي نصيحة من ذهب للجامعيات هاد المرحلة مهمة بزاف لتطوير المهارات و توسيع دائرة المعارف على الرغم من تحصلي على شهادة دكتورة فالصيدلة الا اني ربما ما ستغليتش الوقت لي كنت ندرس فيها فالجامعة كما ينبغي اليوم انا ربة بيت و لي أسباب خاصة تعطلني باش نعمل خارج المنزل و رغم عندي حرفة في يدي الا اني تمنيت لو اتقنت مهارات مختلفة ترجع بالنفع عليا و مع هذا ادرك انو مازال الاوان لتدارك الوضع و التطوير من ذاتي اكثر خاصة مع وجود اساتذة مثلك ماشاء الله
جميل جدا . جزاك الله كل خير. فقط حبيت منك فيديو اكتر تفصيلا على الجامعة بين الخوف والانجاز واهمية ان تتعلم البنت حرفة باليد بالموازاة مع الدراسة لان حرفة اليد مهمة جدا جدا وللاسف لا ننتبه لهدا الموضوع الا بعد فوات الاوان
حبيبتي محتاحة نصيحتك ضروري تعيشي جاوبيني انا ذك عندي 21 سنة تقدملي إنسان مليح ماشاء الله دين اخلاق من الخدمة المسجد الدار فيه كامل المواصفات شرطو الوحيد نسكن مع امو لانو وحدها مكانش لي يقعد معاها عندها فرد طفلة متزوجة وواحد ساكن على برا تعيشي راني خايفة ومترددة بزاف تعيشي انصحيني 🥺