انا مشتركة جديدة معاك كانت عندي فكرة على بيت الخزين وكنت بديتو وكي عرفتك زدت نظمت روحي كثر بالجدول الي درتيه تاع التنظيم ورايحة نكمل باذن الله معاك بوركتي اختي وبالتوفيق باذن الله
تعيشي اختي راني مبتدأة معاك قسميلي 3ملاين على 4اولاد ومنهم بيبي بلكوش برك و الفواتير ماء و كهرباء ومعنديش بيت الحزين و راني حابة ندخر شوية و ما تضحكيش عليا
اختي انا عاءلة من 7افراد عندي ميزانية 4ملاين ما فيهاش فواتير ما قدرت نخبي منها والو لا ادخار لا بيت خزين المشكل قد ما سييت ما عرفتش انا ولادي مايكلوش الخضر يحبو السقايط اذوك لي يهلكو الميزانية والشهرية تطير😂
بارك الله فيك أستاذة 🌹 إن شاء الله نكون تلميذة مجتهدة😊 و نحولة 🐝منتجة للعسل🍯❤و إن شاء الله أخرج من الحالة التي أنا فيها من مرض،الآن زوجي يكلفني بمهمة تسيير الميزانية لأنه عانا من ديون آخر الشهر لعدم توفقه في تسيير الميزانية مع الغلاء و الكريدي عند الحوانت . عندي 14 سنة زواج لم أعتمد بيت لخزين و لم أسير ميزانية البيت بحكم زوجي هو من يتكفل بكل شيء،الكراء مند 13 سنة و مصاريف بناتي،كنت أعمل في الوظيف العمومي كإدارية إستقلت و الآن أنا ماكثة بالبيت ولم أجمع ولا فلس،لديا محق في المال نتيجة السحر الأسود لقد دمرني لا من جهة الصحة و لا من جهت كسب الرزق حسبنا الله و نعم الوكيل إدعولي يا أهل مملكة نجاح يا عسولات النحولات بالشفاء
@@mamelakatnadjah5361 آمين يا رب العالمين 🤲 ربي يحفظك ووليداتك أستاذة و يحفظ جميع المتتبعات في القناة 🌹 الله سبحانه و تعالى الشافي،الله المستعان كل ما تحطي فديو في القناة أنتبعو ا و أستوعب جيدا تعليماتك في فن الإقتصاد و التوفير،إن شاء الله أبدأ تقسيم الميزانية لأول مرة في هذا الشهر جويلية و أعتمد بيت لخزين إن شاء الله تعالى 🌹
السلام عليكم كي راكي ما تنسايش تقسيم ميزانية 7 ملاين فيها 2 ملاين مصاريف ثابتة (مصروف زوج ومصروف عجوزتي وسبور نتاع ابني ومصروف بنتي كهرباء فليكسي انترنت ) راني باغية تقسميلي الباقي للمطبخ ومناسبات كيما عيد اضحى فطر عطلة صيفية دخول مدرسي ولادخار باه نبداو البناء ونخلي مبلغ لبيت خزين وطوارى مع علم حنا 4 في عائلة انا وزوج وابني 7سنوات وبنتي 3 سنوات ومصروفي خاص خارج هذي ميزانية ياريت تشوفي تعليقي وتقسميلي قبل 18 جويلية من فضلك يا سيدتي الفاضلة وفي ميزان حسناتك