الله يكرمك يا چى والله أنا بحبك ❤️ أنا نفس سنك ورأيى زيك بالملى و اتحطيت فى نفس الموقف بتاع الزواج ده كذا مره وآخرهم فعلا واحد معاه أطفال وقولتله نفس الكلام الى قولتيه ده بالحرف والله حتى حاولت اخليه يرجع لطليقته عشان ميأثرش على الاطفال ، الموضوع مكملش لكن كنت مبسوطه وراضيه جدااا الحمد لله ربنا يرزقنى ويرزق كل البنات بالزوج الى يقر عينهم ويسعد قلوبهم يارب
لا مش معاكي .. انا شايفة ان المطلق يتجوز مطلقة واللي متجوزش قبل كده يتجوز واحدة لسه متجوزتش لازم الظروف تكون واحدة، عشان احساسهم بكل حاجة مع بعض يكون واحد ميبقاش كل واحد فيهم بيفكر في حتة بعيد عن التاني احساس اول جواز غير تاني جواز تماماً تماااااماً، هتلاقيها هي عندها سعادة وفرحة البداية والتجربة الجديدة وهو معندوش نفس الاحساس خالص وده هيظلمها جدااا ونفس الوقت المطلقة افضلها تجوز واحد مطلق عشان في اغلب الاحوال هيكون اتعلم من اخطائه ونضج وهي كمان زيه ف هيبقوا ماشيين في نفس الطريق مش واحد متجوزش قبل كده وهيبتدي معاها التجربة من الاول هتبقى هي انضج فالمشاكل وعندها خبره اكتر فهيفرق معاهم جدا واللي اتفق مع اهلك فيه ان موضوع وجود اولاد بيخليكي زي الزوجة التانية حتى لو الزوجة الاولى اتجوزت بس بيفضل رابط ما بينهم ولاد عمر ما الموضوع هيخلص ما بينهم
جهاد القمر♥️♥️كل حاجه فيكى حلوة طريقتك وكلامك وأسلوبك وفهمك اكتر حد الواحد يثق فيه فى مجال السكين كير كلامك كله مبنى على فهم ربنا يحفظك ويوفقك ويحققلك كل حاجه حلوه ♥️♥️♥️
عندك حق فعلا الموضوع لما يبقى فيه اطفال وانتي آنسة صعب ودائما حيكون ف تواصل مع الطرف التاني عشان الأطفال حتى لو قالك لا مفيش فرصه رجوع لطليقته بس الاطفال ملهاش ذنب واخوكي عنده حق جدا في كلامه ليه ادخل موضوع من اوله مشاكل وفعلا كل واحد ياخد اللي يناسبه واللي نفس حالته وربنا يوفق الجميع
الله عليكي يا چوچو، كل كلامك صح..ها تستغربي قوي لما تعرفي أن اللي قالت لي علي الشبة دكتورة جلدية شاطرة جدا بس انا مصدقاكي انتي اكتر ❤️ حتي في الجزء الاجتماعي موافقاكي جدا❤️
كلمينا عن الشيفينج للجسم يا دودو واي افضل انواع من وجهه نظرك وطريقه استخدامها وكل حاجه عنها 🤍 ايه دا انا كنت بقول عن الشيفينج من قبل ما اسمع الفيديو 😂♥️♥️♥️
انا دورت على بوست الاسئلة الفيديو اللى فات عشان ابعاتلك ومالقتهوش عايزة ارد على موضوع العريس اللى عنده اولاد دا انا بحب فيكى انك ايجابية وبتبصى لنص الكوباية المليان بس انا عايزة اقولك على حاجة انا مش بحكم على الناس من غير ماعرفهم بس انا لو قدامى حد مثلا فشل فى علاقة قبل كدة ببقى مهتمة جدا اعرف سبب فشل العلاقة عشان اعرف البنادم دا هينفع معايا ولا لا ولو فى حد فشل فى كذا علاقة دا انا ببدا اقلق منه لانه مش طبيعى حد يفشل مرة ويرجع تانى يختار غلط بشوف دا قلة نضج او تهور او حد مش معترف اصلا ان عنده مشاكل يا بيكون حد اصلا بيحب يغير كل شوية وفى امثلة كتير عن ناس فشلت فى علاقات كتير بسبب انهم مش كويسين فعلا فخدى بالك اكيد مش هنحكم على حد بسبب الماضى بتاعه بس ماضى البنادم جزء منه لازم نبص عليه واحنا بنعيش معاه الحاضر ويا جهاد انا مستخسرة انك تتجوزى الصراحة وتتشغلى عننا 🤣🤣 خلينا نمرح كدة سوا 😌🤣 بهزر يا حبيبتى ان شاءالله ربنا يرزقك بحد يستاهل جهاد معلش طولت عليكى ❤️❤️
بصي يا چيچي انا بردوا من نفس سنك وحصل معايا نفس الموضوع ورأيك زي رأيي بالظبط والواحد بقي بيص لموضوع الزواج من زوايا أخرى مش عايزين نتجوز وخلاص إحنا غيرنا كتير من الحاجات اللي كنا متمسكين بيها زمان زي مثلا إنه ميكونش سبقله الزواج قبل كدا ودا مش عشان إحنا كبرنا ولا القطر فتنا زي ما بيقولوا إحنا نضجنا وبقينا محتاجين السكن والمودة اكتر من الحب ومن السن ومن حاجات تانيه كتير بقينا وعين كفايه والحمد لله ❤وربنا يرزقنا جميعا بالازواج الصالحين❤❤❤
الزواج من حد مطلق ومعاه اطفال صعب جدا مسؤوليه كبيره ومش كل البنات تقدر تتحمل كده وكمان تواصله مع الزوجه الأولى ام الأطفال وسعات في منهم ناس انانيه يتجوز وياخد الاولاد من طليقته فدي حاجه مغامره اما لو مطلق بدون اطفال على حسب تفكيره ودماغه وايه نظرته للمطلقه عشان تعرف تفكيره
مينفعش حد يتخطب لواحد هو رافض فيه شىء من البدايه لازم على الأقل تكون موافقه بوضعه وبعدها تعارف كام شهر من غير اى حاجه رسميه وبعدها خطوبة لكن نعمل خطوبه مع حد من قبل ما نعرفه وكمان رافضين فيه صفه من هنا بتحصل المشاكل للأسف
موافقك فالراى. ع فكره الطلاق ميعبش ولا يقل من صاحبه ممكن انسب حل ليهم. ابن خالتى كده ودلوقتى متجوز وربنا يسعده ومش شرط يتجوز مطلق او ارمل دول بيتجوزوا بنات او شباب متجوزوش قبل كده العقل اتفتح دلوقتى وربنا يسعد الجميع. الحياه مش هتوقف ع اختيار مش كويس. بس اللى بيترفض لما يبقى فى اولاد مشاكل وبدايه ضغط لرجوع او استغلال لطرف. ابعد عن الشر وغنيله
هي القصة إن مش بس في أهالي كتير بيتخلصوا من البنات حتى لو ماجابتش سن ال30 المشكلة لها جوانب كتير جداً يعني مثلاً في بنت بتتجوز بس عشان وحيدة معندهاش حد تتكلم معاه ويكون كويس معاها دي بتدور ع الصحبة في الزوج ومع الأسف ممكن متلاقيهاش بس التمن لازم حتدفعه ومن جانب تاني برضه المطلق ده غير مضمون حقيقته ومحتاج دراسة لشخصيته لأن أكيد الطلاق أثر فيه والطلاق ده له أسباب لازم تتعرف وفي بنات بتتجوز أي حد وخلاص عشان يصرف عليها او هي برضه متخيلة إنه حيصرف عليها أو حيعوضها ومع الأسف برضه كتير بيلبسوا في الحيط في الآخر الموضوع كبير وله أبعاد كتير والناس دلوقتي بقت صعبة ومينفعش حد يضحك على نفسه لأن كل حاجة لها تمن ولازم يتدفع 😐 وربنا يهدي الحال للجميع
نصيحة لكل بنت ماتستعجليش ابدا في الارتباط وسيبك من كلام الناس محدش هينفعك واي شخص ترتبطي بيه ماتسلميش ابدا ان دا جوزك وكدا والله العظيم الدنيا بقت مليان ناس فظيعة واللي يخطبك دا لازم تحطيله حدود فمابالك بمطلق بقى يعني اتجوز قبل كدا اوعي ابدا تكملي معاه لو لقيته بيشتم على طليقته أو بيقارنك بيها او بيقولك كلام إباحي انا بقول بناء على تجربة لازم تعمليله اختبارات مش هو بس كل أسرته وحاولي تستخدمي ذكائك لان نسبة كبيرة منهم طليقته هي اللي بتكون سيباه ولو تطولي كمان تعمليله اختبار صحة نفسية وعقلية انا بتكلم عن الأغلبية من المطلقين ولعل فئة قليلة مظلومين
بصي يا چيجي بختلف معاكى في أول نقطة أنا من كفر الدوار ومش كلنا كدا 😂 الموضوع تربية اولا واخيرا زى البنت اللى بتقول دادى وبتتعصب وباين مستواها عالى وبيئة كويسة بس تربية مفيش وكل الناس دلوقتى باختلاف البيئات والتعليم بيجروا ورا الشهره + انا شخصيا مش بحب زواج مطلق من أنسه أو العكس فرق كبير بين حد عنده تجربة كامله وحد معندوش خبره خالص لازم يبقي في تكافؤ
انتي عسل يا جوجو اوعي تتجوزي لمجرد انك تحصلي علي لقب مدام و تلبسي فستان الفرح و تخلفي اطفال انتي كدا ملكه في بيت اهلك بس لما يتقدم انسان نفكر في ظروفه من كل الجوانب و هل انا مبدأيا مرتاحه ليه كشخص بالاضافه الي ان اخلاقه كويسه و قبل اي حاجه نصلي و ربنا يخليكم تقرروا القرار الصح انا اخت كبيره ليكو اكيد اللي بتتجوز و تخلف و تربي عيالها انسانه ناجحه بس مش كل طموحنا هو الجواز و الجواز يجي في الوقت المناسب... مقولة ضل راجل و لا ضل حيطه دي مقوله جاهله... لا بقي ضل حيطه افضل من ضل اشباه الرجال او ذكر للتزاوج فقط و فيه عيوب الدنيا و يطلع البلا الازرق علي جتتكم ربنا يرزقك بالزوج الصالح اللي يتقلك بالالماظ و يرزق كل البنات من كل خير
