السلام عليكم خويا لعزيز ربي يحفظك ويسترك ومشاءالله عليك وأنا شاهدت كثير من فيديوهاتك ولاحظت أنك تقدم نصائح وإرشادات فيما يخص السياقة ياريت كل السواق مثلك. يعني بصراحة فيديوهاتك ممتعة وتعرفنا على كثيرا من مناطق الوطن الغالي اخوك فوزي الجيجلي من لندن
تفكرت اعوام لي كنت نخدم (مساعدة سائق) الجزائر -تيندوف كنت نرقد في البورت شارا نوسد روتسوكور تع المان خاطر الشوفور يقولي لازم تعس و هو يبات في الكوشات .. و اليوم الحمد لله .. راني معلم و تعلمت عمري الا نحڨر الخدام .. راني نكتب هاد التعليق و قلبي يوجع .. تقبل تحياتي خويا يوسف
ربي يقدرك و يحفظك خويا أغتنم الفرصة لتقديم النصائح و الإرشادات لعامة الناس و لا تنسى الأخرة أخي إستغل وقت السفر في ذكر الله عز و جل ربي يقدرك مرة أخرى و السلام عليكم و رحمة الله و بركاته
ربي كون في عونك طريق صحراء صعيبة بزاااف انا كنت في تمنراست تن زاوتين حاسي غوردين توندرت ووو والله صعيبة ربي يكون في العون خونا وطريق سلامة وين ماكنت ربي يسهلك يا ولد الاصل
كون دير فيديوهاتك pov (تلصق الكاميرا في راسك ) كيما الفيديوهات تع الدراجة النارية راح اكون الفيديو افضل او نتا تقدر تسوق او تصور مرتاح المهم انا نتخلوا كي نشوف فيديوهاتك كثرلنا برك منهم او بالتوفيق خويا ❤️ ❤️ ❤️
allah i3awn 5oya men ourgla 7ata alger rahi 3al ghardia w laghwat a7san puissque l'autoroute arta7 fe so9an w zid imachi w bensba lel masafa rahi le meme
اخي العزيز انا من تقرت متابع لك على اليوتيوب والله اتوسم فيك كل الخير لما سمعتك تذكر الله وخاصة عندما علقت على ذلك العصفور وقلت بان الله هو الرازق ونعم بالله ولهذا انصحك دائما بالحمد و الشكر و الاستغفار وذكر الله لانه ومع الاسف الشديد هناك بعض الاشخاص يرسمون لوحة مسيئة وخاطئة عن سائقي الشاحنات والمتخصصين في النقل على المسافات الطويلة ففيهم ولله الحمد الشريف وولاد الفاميلية فمرة اخرى الله يحفظك ويكثر من امثالك ولا تنسى الدعاء فدعاء المسافر باذن الله مستجاب ربي يخليك لعائلتك .