الجلفة: فوضى ببلدية عين الإبل بسبب نزاع حول أراضي العرش 

قَالَ مُوسَىٰ لِقَوْمِهِ اسْتَعِينُوا بِاللَّهِ وَاصْبِرُوا ۖ إِنَّ الْأَرْضَ لِلَّهِ يُورِثُهَا مَن يَشَاءُ مِنْ عِبَادِهِ ۖ وَالْعَاقِبَةُ لِلْمُتَّقِينَ (128)...أَنَّ الْأَرْضَ يَرِثُهَا عِبَادِيَ الصَّالِحُونَ (105) .لماذا الخلاف والنزاع مادم الملك لله عجب للانسان يدافع عن ملك زائل ويترك ملك دائم ..الله المستعان

راني نشوف اغلبية التعليقات عنصرية ، عشت عامين في الجلفة ناس طيبيين ماشفت منهم غير الخير والامان

الخلل في منظومة العدل الجزائرية تربح الحكم ثم يتكسر ثم يربحو ثم يتكسر ليوم الدين بلعكس هؤلاء واعيين للفتنة ولم يسقط ضحايا بصح كل اللوم على المسؤول الاول والمنظمومة العدلية .

اليوم تتقاتلون فوقها وغدا المحاسبة تحتها هاذه ارض الله ونحن ضيوف لها ربي يهدينا وهديكم

هذو ناس متخدم ما ولو همهم الوحيد يرفدو التراب فوق كتافهم

سلامي الحار الى السيد الود لخضر صاحبي في لارمي في تعظميت سنة 1988

ياربي واش راني نشوف و علاش كامل هكذا نسأل الله العافية . بابا مدلو عمي ربي يرحمو 4هكتار . ومد لعمي الصغير 4هكتار . بابا سمح 4هكتار لعمي الصغير بالرغم من أننا بسطاء جدا و الحمد لله حمدا لعضمته و جلاله . كنا نقولو لبابا هذا حقك .يقولنا مانزعفش و ما نغضبش عمكم عندو السكر و عادي جدا و ربي يحفظ بابا و عمومي . آخرتها وين . العلاقة بيننا و بين عمي جد جيدة و عادي جدا جدا

ها راني من عرش ام الاخوة الجلفة نوايل. نايلي عربي وافتخر

الارض ملك لله وانتم ضيوف عنده

أنا كان عندي سيمي في عين جاسر ولاية باتنة جاوني الرحالة عندهم الشياه في الخريف رايحين يرحلوهم لولاد جلال شارجيتهم أنا واحد صاحبي كذالك شارجا واصلنا بين أولاد جلال والبعاج دخلنا معى طريق ترابيزة مانيش عارف اشحال كلم نزلنا الشياه هذوك قبل ما نتحرك لحقت 404باشي فيها زوج. قالولو أرضنا هذي لازم ترحل قالهم وين خيمتكم قالولو قريبة 14كلم من هنا قلت لصاحبي اتحرك مشينا خليناهم

ياحليل ربي يصفي لقلوب يقسمو وخلاص .... والله ڨاع يصلو مع بعض

ما دوخوش عدنا في الجلفه تتكسل لارض كل عام لقطار يزيد 5 شغل يولد هههههههه الله يهديهم

هاد المشكل ماشي غير فالجلفة في عدة مناطق في الجزاءر

لي عندو عقد شراء صحا ولي عندو حيازة كواغط تاع كذب غير يروح ربي يساهل عليه ارض كي تكسبها لازم عقد شراء والسعر في العقد لي ماعندوش هذي راه ياكل فالحلوف

سبحان الله بعد الانتخابات الجلفة ولات كاليفورنيا ياو

الفقر والحسد والبغض والأرض الجرداء

عندك ااحق من لي كان السحاري عندهم سلطان العطيه بن علي عام 1520كان جدك مازادش

الصعيد الجزائري ، كيف كيف مع نتاع مصر

يجب عل دولة تأميم هذه الارض شيوع باش وجوه شر يتهناو

جهال من المفروض حين تقرر الدولة قرار الجميع يدخل إلى منزله

وجوه الشر رانا كامل نموتو و نخلو هاذ الشي. ما يدوم حال

بسباب نزاعكم على الاراضي ربي حرمنا من المطر لارض جافة بيكم حسبيا الله فيكم

صحاري معدهمش حق في عين أبل حق ولا نايل صحاري مهمش ولاد نايل عيشين في جلفةفقط

اين كنتم يا رجالة في وقت الارهاب واين كان حب ارضكم كنتم تختبؤون تحت نساءكم والان تتقاتلون على الارض

اليوم راكم تتقاتلو على الارض وغدا ماذا تفعلون عندما تدفنون تحتها سوف تتبرء منكم على ما فعلتم من باطل

الباطل يمشي والحق راكب .

‘عروش ولاد الرقاد من ولاية الجلفة. يناشدون السيد وزير العدل حافظ الأختام والسيد وزير الداخلية بالتدخل لحل النزاع بين عرش اولاد الرقاد واشخاص مختصبون الارض...بعدما عجزت السلطات المحلية في ولاية الجلفة وفشل بعض المنتخبن. في حل هذا النزاع رغم تواجد احكام قضائية لصالح اولاد الرقاد.وقد يؤدي هذا النزاع حتما الى سفك الدماء.. . سؤوال نطرحه على الجميع . هل اصبح دم الانسان رخيص لدرجه الاهمال هل مجرد كلام هل.... وهل..... اسئلة كثيرة والجواب يبقي مجهول

اوووووووو ارض الله الواحد الاحد اوووووووتتحاسبو بنار جهنم انشالله

الحل تسوية سلمية لان الاراضي العروشية تجهدها موجودة منذ قرون وبدون اوراق لذا يجب تسوية سلمية بين طرفي النزاع وان إستمر ووصلت القضية لاروقة المحاكم يجب ان نتعلم الخضوع للقانون ونحترم قرارات العدالة لكن قرارات المحاكم غالبا ترضي طرف ولا ترضي الطرف الاخر لذا نعود مجددا الحل تسوية سلمية وبعد الاتفاق يجب العمل معا على تسوية الاوراق معا

انتم بحاجة إلى رسول

الحل الوحيد الارض تبقا بسم الدولة ولي يحب يخدم يحاسب بالمنتوج الوفير بكل انواع المزروعات ولي حاب يدي لرض ويديرها زرع ولا فريننة ميخدم ماوالو يستنا المطر دي شعر خيرلك

منين شفيت على روحي وهوما النوايل متهاردين على الأراضي ولمحاكم وهيا ارض الله وانتم ضيوف

المشكل في بلادنا يتنازع الارض ولاثين يملكون الوثائق واش لي يطرفيكي الكواخط راهو يمد تقول الحلويات

الارض لله يرثها من يشاء، طماعين

تقاتلو بعضاكم اتقول رايحيين تدوها معاكم

من المفروض عدالة خاصة لتصفية مشاكل الاراضي

الاحوال ولا قوة إلا بالله العلي العظيم

الناس في عالم اخر وهوما متناحرين على الحدود

ثلاثة خاوة جاو لجارهم في الارض وقالولو ارحل هاذ الارض تابعة لينا وهو شيخ كبير قاللهم ارضي قالولو اخرج ولا تموت قاللهم ماعنديش باه نرحل للجلفة جابولو الشاحنة وبداو يرفعولو في الاغراض جاب هو خيشة كبيرة وبدا يعمر فيها من التراب وقاللهم احملوهالي للشاحنة نديها ونزرع فيها في البالكون انتاع اوليدي حبو يرفعوها في ثلاثة ماقدرولهاش قالولو نقص منها راها ثقيلة قاللهم وش تعملو مع ربي يوم القيامة كي اقوللكم سبحانو ارفعو كامل التراب هاذا فهمو المقصود وطلبو منو السماح وعادو يعاونوه في زراعتها اهداهم ربي للخير وانتم ايها المتنازعين ربي يهديكم ويهدينا

سبحان الله السحاري واشبيهم ربي يهديهم مازالو بعقلية الجوهالا الأوائل تاع بنو هلال وين يكونو تكون المشاكل والله ماني نضلم فيهم هذي حقيقة مبغاوش يتحضرو ويتوبو حاشا البعض الصالحين تعاركو مع اولاد رحمة وولاد زيان في بسكرة ومع اولاد امحمد في باتنة والليوم مع اولاد الحاج في الجلفة معشرو لا عوربان لا شاوية ربي يهديهم وينصر صاحب الحق ولو من هذا السحاري أرض الله وتبقى لله اتقاتلو خير

الحرب ..

الأعراب أينما حلوا أفسدوا. قالها بن خلدون وصدق.

دراهم لونساج سباب كلش ههههه

السحاري جاو ل باتنة نهبو أراضي كبيرة في بيطام وفسديس خدمتهم نهب الأراضي خبرة كبيرة في ذلك هدا وين فهمت علاه أراضيهم كبيرة جدا

يبان السحاري الله يبارك معولين

قالوا عندنا ثلاث قرون قال و لي كان فيها قبل 12 سنة و جيتوه ضربتوه و خرجتوه منها شكون ماهوش من اولاد رقاد إلا نتوما نسيتو حنا ما نسيناش إذا أنتم عندكم عقد من وقت فرنسا نتاعنا أقدم منه.احنا نهار ربحتونا في الشرع أول مرة خرجنا من البلاد و كسرناه ما قعدناش كما أنتم.عودوا رجال اخرجوا من البلاد و روحوا كسرو الشرع و بيناتنا المحكمة و الله يأخذ الحق

علبيها ولا لمطر ميطيحش

عندي صديقي مهندس فلاحي من الجلفة قال لي ان أرض الجلفة كاملة فقيرة في المواد العضوية لا تنتج شيئا وإذ أنتجت قليلا هذا العام... ففي العام القدم يكون الإنتاج أقل... ومع ذلك يتقاتلون

الدولة ماتفريهاش مع النزاع مثل هذا

عنا المطر لم تنزل

لوكان براني يديها و يدي صوالح اخرى بصح نوايل في بعضاكم اشد انتقام

احرثوها سنة علايها ربي علا جالكم قطرة مطار مكانش

انهار الي اتروحو الى القبر ادو امعاكم الاراضي الله يستر اتقول الارض هما صنعوها

هذو ميسل فيه ولو نلعب ولانحرم

شحال شابة وجوهكم يا بنو هلال

لا حول ولا قوة الا بالله العلي العظيم

تراب العرش العرش الجزائري

متقاتلين على رزق الله الارض ملك لله وكل واحد اخذ تراب اخيه يوم القيامة يحمله عاى كتفه وتخيل انت

الحق ورجع الصحابو كريفة هي اصلن لولاد الحاج وستضل وتضل لولاد الحاج

وجوه الشر

هاذوا كامل عندهم بيوت فوضوية في البليدة والعاصمة ويقولون احنا ماعندناش الأرض ، دير لايك اذا كلامي صحيح

الفوضى مع بعضهم ومع الجيران .

الأراضي العروشية راهي متواجدة عبر ربوع الوطن وين تحط زكك تلقا عرش يقولك خاطيك هاذي والسبب هو الدولة والثورة الزراعية ومابعد الثورة الزراعية سياسة الارض لمن يخدمها هي لي خلات ناس تدي الاف الهكتارات وناس مالقاتش حتى وين تغطى رؤوسها سكن مالقاتش وين تبنيه واحد عندو الف هكتار وقرية كومپلي ماعندها والو تقول الجزائر حررها وحدو حنا جدودنا كانو يعطو مارفدو سلاح ماقاومو غير هو لي حارب ودا الف هكتار وبلعقد وكلش يعني فالقضاء يحكم بلي الف هكتار تاع فلان وحدو

الصعايدة نتاع دزاير سبحان الله كيف كيف كي صعايدة نتاع مصر كي صعايدة نتاع الجزائر

الملك لله

هيشر لا زم دولة تصدر قانون اي ارض عروشية فيها نزاع تقوم الدولة يإسترجاع تلك الارض ومنع طرفي النزاع من لإستغلالها

نايل ظلو زوج قرون وهوما يقولو ثلاثة قرون جينا هنا 😂😂😂😂

تحيا أولاد الحاج

السيد الرئيس تبون كن لهم بالمرصاد ماراناش في غابة اعطي أمر للعدالة تفصل بينهم ومن رفض حكم العدالة الاعدام

علبيها نكناا الجفاف

اسباب المشاكل كل هما الشيوخا لكبار الله لا تربحهم نشالله بقالهم يامات اموتو هما شاعلة فيهم النار تقولش يخلدو فيها

فاسؤلوا اهل الذكر إن كنتم لا تعلمون ! اتركو القبلية فإنها موتانا! إن الأشخاص الذين كانو وراء كل هذه المشاكل هم أصحاب الإدارات مع العلم أن لكل واحد منهم يقول لي عقد ملكية ! اذن فاهناك تزوير بدأ من المحاكم مار من الإدارات و ينتهي عند كاتب .يعني ما كانش راقابة (far west) ارجعو الى العقود و ليتم استدعاء كل شخص امضئ ا و كان شاهد على العقود سؤاء من طرف الدولة أو من طرف مدني. وانشاء الله سيتبين الأمر

هذا سبب الجفاف

ارض عروشية كيفاه تخدملها كواغطها

السيد قالك عندنا.3 قرون في التاريخ ولا 3 غرون في راسو... الارض لمن يخدمها.

هذي في قارة افريقيا ولا وين ماعرف؟

الارض لسحاري

الارض ل اولاد الحاج

بلا متاع جهل.

تدوها معاكم واقيل

العيب والعار على اللوبي الحاكم الفاسد في الجزائر الشقيقة .اللوبي الذي يحارب المدنيين النزهاء والشعب المغلوب على أمره وذلك لبسط سيطرته على كل روافد الدولة من عاءدات المعادن والنقط والغاز وتحويلها الى الخارج وشراء المشاريع هناك بأسماء غير معروفة الى حد الان .ليس لديهم وفاء ولا امانة ولا موضوعية ولا حكمة التسير المحكم للبلاد والعباد.عار على الحكام الخونة الدين يستبزون الشعب الجزائري بالكذب والامل والتعسف .اخواني الجزائرين هذه معركتكم ويجب عليكم كسبها ان اختاروا من يمثلكم مدنيا له طاقة فكرية تدبيرية لحل مشاكلكم الحقيقية وبناء مستقبل بلادكم تشريعيا واقتصاديا وعدلبا ومجتمعيا وعمليا وصحيا. الاستحقاقات المقبلة هي تفرض نفسها لتحقيق التنمية في جميع القطاعات.الى من يهمهم الأمر الجزائري عليكم ان تتحركوا و ان تنهضوا وان تقفوا وقفة واحدة جميعا في كل البلاد .لا تتركوا مجالا لتوزيع المال لشراء الدمام ليشتري النظام الحلي العسكري الضمائر ليبسط سيطرته على الأموال العامة .النظام العسكري المعاق فكريا ومردودية معلول لا يتوفر على رجال أمة اقوياء مدنيا ومجتمعيا وهدا ينعكس سلبا عليكم وعلى تنميتكم بفعل سياسةالتواطؤ واعمالهم المخربة والتخريبية .انهم يسعون الى استفزازات الجيران المحترمين اللدين ارادوا ان يتعونا ويشكوا مع الجزائر وحدة متكاملة ومغرب عربي موحدا كالي في اوروبا واسيا. انهم يجعلون خصومات واهيةبدون سبب ليحولوا عجزهم وفسادهم الى الخارج وتنسون مشاكلكم الداخلية المجتمعية ويجعلوكم تتناسون .يستوجب تدارك سريع لازالة النظام العسكري الفاسد المفسد واختلالاته وما صاحبها من تاخر الجزائر في كل المجالات .انكم تستحقون الاستقرار والاهتمام بالشعب والسلام والاخوة والحرية لان تلحقوا بقطار التنمية عاجلا وليس اجلا ولكن بجهودكم انتم فالتكن جبارة وتشريعية .استقلالكم من العصابة والتخلص منها وحماية الاشخاص الذين سوف يمثلونكم .وخلق لجنة وطنية جزاءرية لمراقبة حماية المعطيات ذات الطابع المجتمعي ومختلفة الاطراف المعنية بالمصالحات المتعلقة بالتواصل السياسي في إطار احترام القانون وحماية الاشخاص الداتيين النشطاء السياسين والمجتمعيين للتصريح لمصالح المجتمع وانزال القاسم المشترك بين سلامة الاقتراع وعمليات معالجة الاختلالات الغير البناءة.ارجوا لكمالتوفيق والسلام

01- إلى من يدعى أن قضية كريفة كما ورد في الروبورتاج بين فرقة أولاد الحاج وفرقة السحاري أقول له أن في ذلك مغالطة وتدليس، حيث أن القضية قائمة منذ القديم بين أولاد الحاج وعائلة اللبنة المعتدية فقط، ولا توجد أية مشكلة بين فرقة أولاد الحاج وفرقة السحاري. 02- إلى من يدعي أن عائلة اللبنة تملك (التيتر) منذ عام 1948 وأن أولاد الحاج لا يملكون أي وثائق، أقول أن (التيتر) نشأ بطريقة غير شرعية وتم إلغاؤه نهائيا بقرار من المحكمة العليا سنة 1991، وهذا ما أكده القرار الأخير الصادر عن مجلس قضاء الجلفة عام2017 والمذيل بالصيغة التنفيذية والذي يقضي بإخلاء كريفة من عائلة اللبنة وإعادتها لأهلها الشرعيين أولاد الحاج. 03- إلى من يقول أننا نملك الأرض (كريفة) منذ ثلاث قرون أقول: أن البنة التومي (جدك) كان حارسا لدى أولاد الحاج في العشرينات وتعدى على أرض كريفة عدة مرات وصدرت ضده أحكاما قضائية نهائية أذكر منها حكمي 1930 و1940 (قبل ولادة التيتر المزعوم) والتي تقضي بطرده من الأرض. 04- إلى من كان يشهد الله على أن ارض كريفة ملك لعائلة اللبنة، أذكره بالفتوى الشرعية الصادرة عن الشيخين سي عطية مسعودي وسي عامر محفوظي رحمهما الله (مفتي الولاية ونائبة) سنة 1976 والتي نصت على أن أرض كريفة ملك لأولاد الحاج وأن التيتر لا أصل له وغير شرعي. 05- إلى من قال بأن أحكام فرنسا المستعمرة أقوى وأفضل من أحكام الجزائر المستقلة أقول أن في ذلك تمجيد للاستعمار وإهانة للجزائر وشعبها وتشكيك في سيادتها وازدراء لأحكامها القضائية. وفي الختام أذكركم بحديث رسول الله صلى الله عليه وسلم: (من اقتطع شبرا من الأرض ظلما طوقه الله إياه يوم القيامة من سبع أراضين).

أبقوا ضرك شد مد إدي وجيب

عندهم 3 قرون هههههه

ناس رهي تموت مع جبال ونتوما هذا مخصكم تڨول كي تموت يعطوك أرض نديها معك في قبرك يلى طرتلك وين يدفنوك رك سيد ناس الله يهديكم

dart france li ihniha hta hna f lmaghrb nafs chi kol mra o lmdarbt o sda3

هذي ما هيش عين الابل هذي اراضي الجلفة

أول حاجة نبهك ليها ولجميع الجزائريين اللي وصلتهم القضية، الأرض لعائلة لبنة أبا عند جد من قبل الاستعمار، لدينا عليها عقد ملكية آناء الاستعمار وأتى هاؤلاء اولاد الحاج يناشدون أهل الأرض بالخروج باسم أن الأرض لعرش اولاد الرڨاد بحكم أننا لسنا من هذا العرش ،أي دين هذا أو اي ملة تقول أن من له عقد معترف به وطنيا ونحن جزائرين والحمد لله واولاد لبلاد كيما يقولو لايحق لك بالتمليك في الجزائر ، قيل أنت لست من عين الإبل وهذه الأرض تابعة لها، ومازاد الطين بلة أن العقد في حد ذاته قبل التقسيم الإداري اي قبل وجود عين الإبل،وصدرت لصالحنا عدة أحكام نهائية وكل من له علاقة بالارض وجيراننا يعلمون ذالك ،وفي الأخير نقول الله المستعان على مانعيشه في بلدنا اللتي أصبح فيها كل شئ يباع بالمال حتى أرض الاسلاف اللتي هي تعد شرفنا استبدلت بحكم زائف (مباع).

__سكروا عليهم الحدود_

لارض لاولد مجبر

تخلف

حيوان ياكل في بعضاه ويموتوا كي الجيفة مايدوا منها والوا .............

الإستعمار الفرنسي هو سبب الفتنة في أواخر ا الثورة ولاو لينوتار يكتبو وخلاص الجزيريين لمايخافوش من الله كتبو عقود في أسماواتهم في بالهم الرزق سايب هنا أصل الملكية لى يدولهم رزاقهم غير لى يسمح فيها ولا غافل

اتقو الله في أنفسكم...

ديم،وجه،الله،ترحو،لكبار،تقعد،خالي،اتقوي،،،،،الله،في،انفسكم،،ربي،رهو،غضبن،علينا،من،،،،شي،يلنفعلو،فيه،

دخلوها محمية واتهناو

ارض خاطيك لا نتا لا هو قال جدك

Wlad khab mlihalkom gi franca

جهل

خاوتي عندي ارض عروشية كيفاه نخدملها كواغطها اللي يعرف يعطيني معلومات ليك رقمي 0774308067