سنة 58 تنتشر في الشوارع وعلى دور العرض افيشات لفيلم ، بمقاييس الوقت ده وذوق جمهور السينما النمطي ، التوقعات بتقول أنه هيكسر الدنيا ..مخرج متمكن ، افلامه تقيلة ، سوابقه مع نجوم العمل نفسه كانت ناجحة ، ومقرر كمان يشاركهم البطولة كممثل محطوط اسمه كتالت بعد نجمين من نجوم الشباك .. الأول وحش الشاشة فريد شوقي اللي اكيد هيكسر ويضرب بكفه يوقع عشرة ، والتانية مارلين مونرو الشرق هند رستم ، الدلع والاغراء والأنوثة اللي مشاهدها هتطري على قلب الجمهور بعد كل مشهد اكشن ..لكن اللي حصل إن الجمهور كان على معاد مع تغفيلة كبيرة من يوسف شاهين المخرج ، اللي سحب معاه الجمهور للمكان اللي هيكون هو البطل الرئيسي ..المكان اللي بتجتمع فيه كل طبقات المجتمع مهما اختلفت ظروفهم المعيشية..محطة القطر.. المكان اللي بيتقابل فيه المسافر مع اللي جاي يودعه أو جاي يستقبله ..بشر بالكوم رايحة أو جاية ..قاعدة مستنية ، أو بتمد ومستعجلة ..كلهم في نظر بعض مجرد ارقام بتتحرك على الأرض ، وفي الوسط ما بينهم مجتمع موازي..شيالين على بياعين جرايد على بياعين متجولين ..تختلف مهمتهم وأدوارهم جوه المحطة ، لكن الشئ المشترك بينهم هو أنهم طبقة المهمشين ، اللي مش متشافين وعايشين جوه العالم بتاعهم، بأزماتهم ومعاناتهم ، برغباتهم وأحلامهم اللي دايما مؤجلة ، وساعات مستحيلة ..خلاص كده ؟ يعني يوسف شاهين هيحكي عن طبقة المهمشين ؟ لأ..مش بس كده ..ده هيغرف من قعر الواقعية اكتر ويحكيلنا عن قناوي ، المهمش جوه مجتمع المهمشين نفسه، المربوطين كلهم فوق قضبان قطر الحياة ومقفول عليهم باب الحديد..
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ أحمد-بحيري-ahmed-behir...
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
المصادر:
- أعلم أهل الأرض
www.قooقle.com
17 авг 2022
