الدنيا واللي في الدنيا .. هنا الدنيا في صندوق الدنيا
مد يا شاطر قبل ما يلعب ..قرب واتفرج ع الدنيا
اول هام الدنيا الحلوة اللي اسم الله عليك .. عارفها وشايفها من حواليك.. لا جت بالساهل ولا جت بالمال
تاني هام فيه ناس تعبت وناس غُلبت
وتالت هام ناس هبشت م الدنيا ..وطلعت...وناس يا حول الله وقعت ...من قعر الدنيا
ورابع هام اقعد واتفرج ع الدنيا ..
الفكرة قصاد البندقية ..العقل في مواجهة العضلات ..القدرة في مواجهة القوة ..الزوجة التانية ..اللي مش زوجة ولا تانية ..هي الأولى والأخيرة والملكة المتوجة في عرشها الطبيعي.. اللي جوازها من العمدة باطل ..وطلاقها ونزعها من جذورها وحرمان عيالها منها باطل.. الريف المصري والقرية المصرية ..حيلة اي مفكر ومبدع في أنه يملص من مقص الرقيب العسكري ..أو كلبش العسكري ..اللي مستوى ذكاءه مش هيوصل له ان رائد الواقعية ..الثائر على حكم العساكر ..اللي عايش بجرح في الكرامة 4 شهور بعد النكسة ..عشان يطل علينا بفيلمه في أكتوبر 67 ..الفيلم اللي كان على وقته دخلت تقنية السينما سكوب الوان ..لكنه أصر يستغله بتقنية الابيض وأسود ..صلاح ابو سيف وهو بيفتح الجرح بمشرط الجراح ..ويستخبى ورا الحكواتي الشعبي اللي سارح بصندوقه..يحكي سيرة شعبية ..أو قصة تراثية خفيفة من اللي بيلم بيها عيال القرية ..التيمة المحفوظة للصراع بين الشر والخير .. أستخدمها صلاح ابو سيف كرمزية لمصر ..الحلوة البسيطة الخضرا الولادة ..اللي خاطفها جاهل ظالم عاقر محمي بالسلاح والمال.. يبان قوي مسيطر ..لكنه هش وضعيف قصاد صاحب الحق ..لو صاحب الحق آمن وصدق أنه يقدر يواجهه ..
للدعم على Patreon :
/ ahmedbehiry
الصفحة الرسمية لاحمد بحيري علي الفيسبوك
/ ahmed.behiry.the.page
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
للمشاركة في إعداد و كتابة الحلقات يرجى إرسال نماذج لأعمالك على:
ahmed.behiry@gmail.com
مصادر :
- فيلم الزوجة الثانية 1967
bit.ly/32ZYpm4
- حكايات من زمن الفن الجميل
bit.ly/30Td3sE
- أراء حرة فيلم الزوجة الثانية
bit.ly/330Jfg8
- صلاح ابو سيف رائد الواقعية
bit.ly/3jKMpL7
26 июл 2020
