أنت كمصري أو عربي تعرف مين من رجال الأعمال الأمريكان؟
تعرف بيل جيتس بتاع ميكروسوفت والويندوز... الأخ مارك زوكربيرج حبيبنا كلنا طبعًا..
بس غالبًا متعرفش الراجل بتاع تويتر.. صح؟ ما احنا مش بنستخدم تويتر كتير..
ممكن تكون عارف "جيف بيزوس" بتاع أمازون وأغني راجل في العالم...
باختصار كلهم اسامي من عالم التكنولوجيا اللي بتمس حياتنا اليومية بشكل مباشر.
بس الغريب يا أخي ان فيه اسمين تلاقيهم معروفين في العالم العربي خاصة بين المهتمين بالسياسة... وبيترسم حواليهم اساطير.. وبيتقال عنهم انهم بيشكلو وعي الشعوب وبيقوِّمو ثورات وبيحددو نتايج الانتخابات الخ الخ.
جورج سوروس.. وروبرت مردوخ... اتنين مليارديرات يهود طول عمرهم بعيد عن الإعلام...هم مش بعيد أوي.. هم الحقيقة واقفين ورا الاعلام... ولو شئت الدقة... هم "الاعلام" نفسه.... يعني هم اللي بيتحكمو الناس "تعلم" إيه.. و "متعلمش" ايه.
بالذات الأخ روبرت مردوخ صاحب قنوات وستوديوهات فوكس.. آه فاكر علامة فوكس اللي بتظهر في أول الأفلام دي... أيوه بتاعت ستار وورز و أفاتار.. وتيتانيك وحتي آيس ايدج
أهو هو ده روبرت مردوخ يا سيدي ..
وهو الشخصية المستوحي منها المسلسل اللي هنتكلم عليه النهاردة...مسلسل "خلافة".. لأ مش خلافة من اللي في دماغك عزيزي ضابط امن الدولة اللي بتتفرج عالفيديو... المقصد هنا المعني الحرفي.. حاجة بتيجي ورا حاجة.
بنشوف صراع الملياردير صاحب الإمبراطورية الإعلامية والاقتصادية المهولة....
مع السوق والمنافسين؟؟ لأ.
مع ابناءة لما بدأت تظهر عليه علامات المرض والاقتراب من الموت... وظهر السؤال.. مين هيخلفه في المنصب؟ ومين هيحكم المملكة بعد وفاته.
للدعم على Patreon :
/ ahmedbehiry
الصفحة الرسمية لاحمد بحيري علي الفيسبوك
/ ahmed.behiry.the.page
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
المصادر:
-The rise of Succession, TV’s new must-watch show
bit.ly/38yuxjc
-Roy, Oh Roy: That 'Succession' Finale Was A Trip
n.pr/3pbPFlf
-Let’s Talk About That Brilliant Succession Ending
bit.ly/2IaxhZD
8 ноя 2020