فيه جملة مشهورة - تم نسبها لناس كتير لكنها في الحقيقة لكاتب الماني نازي - بتقول (كلما سمعت كلمة ثقافة تحسست مسدسي)... الجملة وردت على لسان ضابط في مسرحية... وهي جملة بتلخص العقلية العسكرية في مواجهة كل ما هو مدني.
بس الأول...
خلونا نبتدي بقصة لطيفة قبل ما نخش في الجيش والسياسة ونعدي البراميل.
نيويورك هي عاصمة المسرح في العالم... وتعتبر قبلة كل الممثلين في سواء في أمريكا او أي دولة تانية بتتكلم انجليزي.. بالتالي دايما هتلاقي فيها الاف الممثلين الصغيرين اللي جم من جميع انحاء العالم وشغالين شغلانات بسيطة على أمل انهم في يوم من الأيام يقفو على خشبه المسرح ويبقو نجوم وكده.... حتي سواقين التاكسيات ... (او التكاسي او التوكوسة حسب انت منين في المحروسة)... وشيفات المطاعم وعمال الديلفري كلهم ممثلين منتظرين الفرصة...
واحد من الممثلين الصغيرين دول لقا فعلا شغلانه في مسرح برودواي .. اللي هو بدون جدال أعظم مسرح في العالم... بس للأسف الشغلانه دي كانت انه يقدم مشاريب للزباين!!
بس قال والله أحسن من مفيش... اديني قريب من المسرح... يمكن الأستاذ عادل امام يشوفني وهو معدي ولا حاجة ويقولي هاخدك معايا في دور صامت حتي..
المهم في الفصل الأول من أي مسرحية دايما بيلاقي نفسه قاعد مش لاقي حاجة يعملها.. لأن شغله غالبًا بيكون في الاستراحة
فعشان يسلي نفسه قام ماسك قلم... وبص حواليه ملقاش ورقة.... فقام جايب بكرة مناديل المطبخ اللي بيلمعو بيها الترابيزات وبدأ يكتب عليها...
يكتب ايه؟
افتكر قضية حقيقية كانت اخته المحامية الصغيرة نزلت فيها تدريب في مكتب محامي كبير... وبدأ يتخيل المحاكمة دي ممكن تبقي عاملة ازاي..
وبدأ فعلاً يكتب حوار بين القاضي والمتهم والمحامي... وكل يوم بأه يرجع البيت في جيبه كبشة مناديل مكتوب عليها حوارات طويلة بين التلاته دول..
مكنش يتخيل ان المكتوب على المناديل دي هيتحول خلال سنتين بس... انه يبقي مسرحية من انجح المسرحيات في تاريخ مسرح برودواي ذات نفسه .... والمسرحية هتجذب نظر هوليود وهتتحول لفيلم من انجح أفلام المحاكمات.. والفيلم هيترشح ل٤ جوايز اوسكار....من ضمنهم جايزة احسن فيلم ...
فيلم النهاردة هو A few good men او "بضعة رجال ولاد حلال والله"
للدعم على Patreon :
/ ahmedbehiry
شاهد الفيلم في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ ahmed.behiry.the.page
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
3 апр 2021