نبعد بقي شوية عن السياسة و اخبارها و بلاويها الي ما بتخلصش .. و نعيش شوية مع الانسانيات و نفكنا من البلحيات الي ماليه علينا حياتنا بقالها سنين .. و نبص علي احداث فيلمنا عائلة ميتشيل و الالات .. مين هي بقي عائلة ميتشيل دى بالصلاة علي النبي .. دي يا سيدى اسرة امريكية بسيطة مكونة من اربع افراد و مانش .. الاربع افراد هم الاب و الام و البنت و الابن .. الاب راجل بسيط جدا .. من البيت للشغل و من الشغل للبيت مالوش في التكنولوجيا و لا بيفهم فيها .. اب عادى بيحب اسرته .. و هوايته الاساسية هي انه يصلح بنفسه كل حاجة بايظة في البيت .. تحس انه كان نفسه يطلع سباك و كهربائي و نجار مع بعض بس مجموعه مجابش الحاجات دى للاسف فبيمارسها في بيته .. زى اي اب مصري كده ما بيعمل يوم الجمعة قبل الصلاة و بيقعد يدقدق و يصلح في اي حاجة تيجي قدامه حتي لو مش محتاجة تصليح اساسا لحد ما يصحي البيت كله .
للدعم على Patreon :
/ ahmedbehiry
شاهد الفيلم في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ ahmed.behiry.the.page
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
10 сен 2024
