بالمختصر الي ماترعى غنمه نصف السنه ويكون عنده مزارع ذاتيه للحلال فلا يتعب نفسه في مشروع الحلال واذا كان هاوي تربيه ٢٠راس تكفيه تسليه وذبيحة بيت وعيد وسلامتكم
صدقت نحن في سوريا في دير الزور محافظة على حدود العراق الغنم ترعى في البادية اغلب السنة و لكن ممكن في وجبات علف متفرقة وجبة كل يوم بالكثير.. انا الان مقيم في تركيا وهنا في جبال و حشيش و غابات خضراء مخصصة للرعي طيلة السنة بسم الله ما شاء الله افكر اشتري ٥٠ راس و اسرح فيها بنفسي مع راعي مختص و اقدم لها وجبة علف جافة في اليوم الواحد فقط مثل التبن أو الشعير شو رأيك
ماقصرت واجتهدت والله يوفقك بالنسبه لتربية الحلال هي بركه من الله بعضهم يحقق ارباح من ٥٠ راس وبعضهم عندي ٢٠٠ ويخسر فالاعتماد على الله اول شيء واطلبوا من الله البركه بالنسبه للاعلاف فالمربي افضل شيء ينزل علف بالتريله تكون اقل تكلفه ويعتمد على الرودس والشعير او الوافي وبيعين خير والله يبارك لنا ولكم تحياتي
ابو عادل انسان مميز بأخلاقه ومميز بمعلوماته التي لم يبخل بها ويحاول يوصل جميع مايعرف للناس انصح بمتابعته بقوه انا من متابعينه بالسناب واليوتيوب والاستقرام واستفدت منها فايده كبيره وفقك الله وكتب لك الاجر
كان الله في عون أهل الحلال مثل هذه المقاطع تعلم الناس حجم معاناتكم وتعبكم ولكن اتمنى تحطون في بالكم الربح بالمعقول يبارك لكم الله في رزقكم والله يخلف عليكم في تعبكم
جزاك الله خير طبعا حسبتك هي في حدود الامان واعلى وانته فعلا عطيت ارقام اعلى من الحقيقه لكي تعطي مساحه آمنه جزاك الله انا حسبت نفس طريقتك وطلع عندي 50 درهم تكلفة الراس طبعا مع اختلاف الاسعار ونوع الاغنام وفعلا كانت الحسبه جدا قريبه من الفعلي بس انته ما اضفت تكلفة البترول للسياره وهي تعتمد على موقع الحلال وتوثر في الارباح
بارك الله فيك ما شفت شرح اوفى ولا اكمل ولا ادق من هذا الشرح لا وبعد في حدود الأمان لاحسب أمراض و اوبئة حاليا تربيه الاغنام خساره الا للي يبغى يتسلى او يوسع خاطره ومعاه قروش زيادة بيض الله وجهك ياراعي المقطع
الزكاه في الغنم السائمه بمعنى التي ترعى اغلب الحول من الطبيعه وفي هذا الزمن لا يوجد سائمه في السعوديه اما ما يوخذ ويسمى زكاه هو ليس زكاه بمعناها الشرعي هي رسوم تجبى لخزينه الدوله واما ما يعلف اغلب الحول فلا زكاه عليه
جزاك الله خير الجزاء على جهودك العظيمة.. الله يوفقك الجميع... كل الأشغال فيها أسرار و هي تزيد الأرباح و واجد من المشاريع اذا حسبت و دققت.. تجد انه لايوجد ربح.. وإذا عملت و آخذة بالاسباب و توكلت على الله. بارك الله لك.. التحسب زين ولكن ليكون يخوف و يكون متشائم. 💞💞💞💞💞💞
جزاك الله خير ابو عادل وبنسبه للتعليقات السلبيه تراك تواجه جميع العقول فعادي اللي يستفيد مرحبا واللي ما يستفيد ويشوف انه غير مفيد يا كثر المقطاع والمربين والبياطره احييك على صدقك وامانتك واصل انا متابعك هنا وسناب وواتساب واسقرام
شرح ممتاز ومفصل وحسبة احتياطية وأما اللي يقول أكثر أو أقل فالرجال اعطاك التكاليف والبيع فلو بعت بأكثر من الحسبة فزدها على 11 الف حسبة الرجل ولو انخفضت اسعار الحلال فاخصمها من الربح 11 الف وأيضا أعلم أن التكاليف ستنخفض من اعلاف وأدوية. وقالك أحسب سعر إيجار الشبك إذا أنت مستأجر. ومع ذلك فلاشك أن البركة من الله وقد تزيد الأرباح وقد تقل وهي إلى الزود أقرب لأن حسبة الرجل أعطاك بأسعار عادية ونحن نعلم أسعار الحلال فوق ال1000 في غير موسم ورمضان والحج بين 1200 إلى 1600 واعطاك 50 رأس الأخيرة التي أضيفت لرأس المال أو تعويض لما قد مات. فمعناته على الحسبة سنطلع ب 11 الف + 50 رأس التي ستكون كتعويض وسد فراغ أو زيادة رأس للمال. صراحة حساب الأخ الهويمل ممتاز وشامل وملائم
اول شي الله يعطيك العافيه ياصحب المقطع ثاني شي الرجال مايسوق لكم دراسة مشروع أو يعرض سلعه عنده جزاه الله خير قال أسرار شغلته إلى يترزق منها وشرحها بالتفصيل والشغل أرزاق تضبط معه ويمكن ماتضبط معي، المناطق تختلف وكلن ومنطقته وطريقة تسويقه أسواق المدن تختلف عن المناطق والقرى. ياليت ياخوي تنزل الدراسه في رابط ابي اطبعها عندي لو ماعليك امر والله يجزاك خير ع الشرح والمجهووود
@@kanegful اي بالله جربت المكعب مرة ماقعد الا 15 يوم وقفته يطلع ريحة في الغنم وما اقدر ادخل الحوش من الريحة لي 10 سنوات ما استخدم الا شعير وبرسيم وتبن ورودس فقط حتى الشعير انقعة في الماء عشان يصير اسهل في الهضم
بالمختصر انا ربيت نعيم 12 سنه ووصلت ل 450 راس رجعنا وبعنا وماحصلنا الا الغبار والحسره اذا ماعندك 5000 الاف وتسرح نص السنه ولا بطل الشغله من اولها. الغنم فيها موت وفيها شي مايولد وفيها الى تعجز وادويه وراعي يسرق وينحاش
يعطيك العافيه وشكراً لاجتهادك .. لكن دائماً الحساب على الورق مربح لكن على الوقع تختلف تماماً عن طريق تجربه .. ١٠٠ راس ماتكلف هالمبلغ الكبير .. لانك وضعت وافي كيسين راح تكفي عن الاعلاف الثانيه وهذا كلام الشركه .. الاقسام الاربعه صعب انك تنتجها وتجمعها بوقت واحد لان الولادات تختلف من وقت لاخر وصعب انك تمسك للضحيه ٥٠ راس وبنفس الوقت راح تمسك رخال .. لانك تحتاج اعلاف ومضطر انك تبيع الا بحالة ان عندك فلوس وتدعمها .. ١٠٠ راس لاتكفي انفسها وتحتاج دعم الا بحالة انها بمزرعه .. لي تجارب كثيره لم اجد النفع الا من ٢٠٠ راس
بشرحه كفى ووفى والله يجزاه خير ، بالمختصر المفيد : اذا كنت هاوي للحلال اجزم وادخل وصدقني يبي يرزقك الله لان الحلال غرّة المؤمنين ، واذا كنت ماتعرف للحلال ولا انت بهاوية وتبي تدخل عشان المال بنسبة كبيرة راح تخسر ، لأن اهل الحلال يتونسون فيه اكثر من دراهمه وتعرّف لك على رجال كفو وونعم ولحيةٍ غانمة ، وفّقنا الله وإياكم
السلام عليكم اخواني الحلال القليل يعذب اهله الحلال ايام نص السنه رعي كانت ٣٠٠ تصرف على نفسها وتربح منها اما الان طوال السنه اعلاف المطلوب ٥٠٠ راس والاهم الادااااره الصحيحه مهب تحط ٥٠٠ وتناظر فيها
مشكور كفيت ووفيت وماقصرت ( بالنسبة للحلال قديم كان فيه مكاسب طيبة وترضي كل مربي لكن الأن مع تفشي الغلاء بالاعلاف والضرايب واشياء كثير اعتقد مهنة تربية الأغنام صارت فقط زي الحصاله ممكن تحفظ لك مالك وتمسكه مع زيادة بسيطة ، وعشان كذا أغلب الناس صاروا يعملون بمشروع " الربط" ياخذ الصغار ويسمنها ويبيعها لا كبرت .
فارس الحربي الربط فيه إشكاليه انك تجمع حلال وتجيب طلي ينقل لك اصابه في كامل الحلال - والملاحظ ان الحلال اذا تغير المراح حقه تتغير حاله وممكن يمرض كلها فيها خطوره
جزاك الله خير وكتب اجرك اللي استنتجته من الشرح انه اقل من 200 رأس لا تحط اذا تبي مربح يستاهل وكلامك على متمه يعني 11250 % 15شهر = 750 ريال في الشهر صافي المكسب ؟؟ والبركة والرزق من الله عز وجل
بسم الله الرحمن الرحيم : الحسابات يجي ان تكون بالوزن و ليس بالعملة ؟؟ لأن الأساس هو استهلاك كل رأس يوميًا ؟ لأن اسعار المواد ليست ثابتة بينما الاستهلاك ثابت ؟؟؟؟
١. هذه الحسبة منفرة وتكره الناس من تربية المواشي. ٢. افترض النفوق ٢٠% وهذا عالي جدا جدا. ٣. الدراسة استخدمت قطيع ١٠٠ رأس وهذا العدد صغير وغير مجدي. كلما زاد القطيع كلما قلة التكلفة من كل شيء... لو اعتبر ال ٥٠ × ١١٠٠ = ٥٥٠٠٠ افترض الوفيات ٥٠ المفروض ١٠% ٢٥ × ١٠٠٠ = ٢٥٠٠٠ ٥٥٠٠٠ + ٢٥٠٠٠ = ٧٥٠٠٠ + ١٢٠٠٠ = ٨٧٠٠٠ - ( ناقص خصم نفوق وهرم الامهات) = تقريبا ٦٠٠٠٠ ريال
العامل مستحيل ياخذ ١٣٠٠ على ١٠٠ رأس بعدين هوه مزود في الصرفيه بروتين ومدري إيش يارجال اعرف واحد عنده فوق ال٢٠٠ راس يعطيها شعير وبرسيم وعلف وغنمه من أحسن ما يكون بعافيه ويالله لك الحمد بلا بروتين ولا هم يحزنون زيادة صرفيه بس
اجتهدت بارك الله فيك ولكن بعد الولاده الاولى للقطيع وبعد شهرين تضيف ١٠٠ راس من الغنم وهم المواليد الى الميه الاولى وتحسب لهم ٢،٤ريال لكل راس فراجعها بارك الله فيك
والي يبيع لبن و حليب و سمن و مضير و قشطه و جبنه والله ليطلع ذهب للاسف قليل جداً الي يبيعها و الي يسويها حتى لبيته استغرب من اهل الحلال الي يشترون حليب و لبن و جبن من البقاله اتمنى اشوف منتجات اللبان الماعز منتشره بالمملكه مثل الشام و غيرها
الله ينور عليك .. الحليب ومشتقاته من لبن وسمن وجبن وزبدة قشطة اساس المكسب. يعني حسبة بدو وتختلف من معزه لأخره ومن ضأن لأخر. ولكن نأخذ المتوسط المعزه متوسط انتاج حليبها لترين في اليوم تزيد وتنقص تقريبا لمدة ٣ شهور في السنة تزيد وتنقص. لتر الحليب تقريبا ٨ ريال يزيد وينقص. يعني ٨ ريال *٢ لتر يساوي ١٦ريال في ٩٠ يوم قريب ١٦٠٠ في ١٠٠رأس تقريبا ١٦٠ الف ريال. لكن المشكلة اللي نواجها في بيع الحليب ومشتقاته فالقليل من يشتري الحليب الطازج والباقي يتم توزيعه للحبايب وتوزيعه لوجه الله ..
ياغالي الطريقة التقليدية البلدية مافي احسن منها. ماتحتاج بالنسبة للحليب واللبن الا برودة وتاريخ صلاحية. وإذا قمت بتسخينه ومن ثم بردته صلاحيته تبقي لفترة طويلة ولكن قد تذهب الفائدة مع الزبدة والسمن. اما شغل المصانع معدات من صنع البشر ومواد حافظة مانحتاجها. شغل زمن الطيبين يازينه
اسمحلي دراستك خاطئة ومشاريع انتاج الأغنام ليس بهذه الشكل. اولا : علفك زائد فأنت تعلف امهات وليس تسمين شحم ولحم. والام اذا زاد وزنها امتلأ رحمها بالشحم وامتنعت عن الحمل. ثانيا : من المستحيل ١٠٠ رأس جميعهم يخلفون مرتين فالسنة ومن سابع المستحيلات. ثالثا : نسبة النفوق ٢٠ بالمئة جدا عالية. هيا ماتزيد عن ٥ بالمئة رابعا : وهو اهم شي المفترض البهم يبقى الرخال او الجفرات تضاف مع الأمهات للإنتاج والتيوس او الطليان تباع وبقيمتها تأتي برؤس اخرى العملية هذه تستمر بها لمدة ٣ سنين لأن يصبح ال ١٠٠ رأس مايقارب ال ٨٠٠ رأس مع بيع الكبير وتأتي بأخر. لكن يلزمك مصادر علف رخيصة كزراعة البرسيم او الشعير لتتحمل نص تكاليف العلف. ولا تنسى بأن السنة الرابعة سوف تكون قريب ال ٢٠٠٠ رأس والسنة الخامسة قريب ال ٥٠٠٠ رأس وهكذا. هذه هيا مشاريع الأغنام. ( عن تجربة ولله الحمد ) طريقتك هذه تنفع لتسمين تيوس او طليان وهي سنوية مثل دراستك تشتري بهم اعمار ٣ الشهور من ٤٠٠ او ٥٠٠ وتربيها للعمر ٩ أشهر وتبيعها من ١٠٠٠. تكلفتها فالشهر على حسب كلامك ٧٠ ريال في ٥ شهور يعني ٣٧٠ يعني مكسبك في رأس حول ال ١٣٠ في ١٠٠ رأس قريب ١١ الف.
والله ياخوك مع احترامي لك كلامك غلط مجمل وتفصيل. انا قنيت الغنم واعرفها من يوم انا ورع وأكاد أجزم ان اللي عنده أقل من ميتين راس فهو يصرف عليها مع عياله ولا يمكن يطلع منها مكسب وأسال اهل الحلال الا اذا كان راعي مزرعة يضرمها من مزرعته. إسال اهل الغنم ويعلمونك واللي يقول لك المية راس فيها مكسب والله العظيم انه يكذب في لحيته
حياك الله اخوي ،. وأشكرك على المشاركة ولكن أرجو التوضيح لنا بالتفصيل لإفادة. كلامي غلط مجمل وتفصيل في وش ؟؟ وكلامك صحيح ال١٠٠ رأس مأمنها ربح انت لازم توصلها شليه بالقليل. وهذا ماذكرنا ان لازم زراعة يعني مزرعة متوفر بها الماء . انا مارعيت غنم من يوم ورع ولكن اللي اعرفه. اني اخذت١٠٠ رأس في عام ٢٠١٥ في عام ٢٠١٨ وصلت معي ٧٠٠ راس. بالطريقة والعملية اللي ذكرتها وجزاء الله خير من دلني عليها وهو حفيد واحد من اكبر تجار الحلال بالغربية وهذا نقله اب عن جد وأصبحت على هذا العدد لأن اذا ضعف عددها تحتاج علف زيادة ولاانا ولا المزرعة نستطيع وكل سنه أبيع مايقارب ال١٠٠٠ من البهم بمايقارب ٦٠٠الف ريال سنويا ولله الحمد لكن مزرعة الوالد متوفرها في الزراعة والماء وهذا المهم. أنتم مشكلة اغلب أهل الحلال يريد يربي امهات ويبغى يربح مع اول ولادة في اول سنة ونسى مايعرف بصبر الراعي ،الغنم كل ماصبرت على مكسبك وزته في حلالك فأنت تضاعف مكسبك السنوات الجية وهذه ماتعرف ببركة الغنم فهي مهنة الأنبياء حتى لو اشتريت علف ولكن تحتاج لسيولة شهريا.. اما طريقتكم تنفع للمشاريع التسمين كل ٦ شهور وممكن تكسب وممكن لا. لأن معتمده على قيمة مشتراك للأغنام والأعلاف وقيمة بيعك ونسبة التوأم ونسبة النفوق والامراض المعالجة
السلام عليكم ورحمة الله وبركاته الله يعطيك العافيه ويكثر من امثالك ملاحظه والنسيان وارد ما حسبت مصاريف العامل من دجاج ورز وسكر وشاي وعدس ومويا وغاز طبعن أمور العمل هذي البسيط بالشهر تكون بسيطه بس ب١٥ شهر تكون مكلفه تقريبا يوميا بيصرف ٢٠ ريال بيكون آخر الشهر ٦٠٠ ب١٥ شهر يكون تسعه آلاف
اذا استهلك طلي لا تحسبه عليه ب ٧٠٠، احسبه بسعر التكلفة. حتى الأضحية نفس الشيء. بشكل عام كل ما ارتفعت نسبة المتاومة وقلت نسبة النفوق زادت الأرباح إلى أن يصرف الحلال على نفسه.
لله يجزاك خير غنم محجوره في شبك مفيها فايد كلها علف في علف الغنم اذاخترت لها المرعي الزين وغيرت مرحها بستمرار وتتبع المطار والعشب ويخف عليك العلاف بنسبه كبيره وتسلم من بعض المراض والعلف شعير وبرسم للخلافات والبهم وقت الجفاف لله يجيب الخير والغيت
جزاك الله خير يا اخوي عبدالله على الشرح الوافي وأحب أن أذكر أن رضى الناس غاية لا تدرك وكل واحد له رأي ولكن الشيء الذي مستغربه أن هناك من يقول لو أحد أخذ بحسبتك هذي ماربى حلال أنا عندي حريات مايقارب خمسين رأس والله أنها مخسرتني ولا كسبت منها ريال المكسب الوحيد أني استفيد منها في الذبح لاجاني ضيف ولا بغيت اذبح للثلاجة فأقول وبالله التوفيق أن ماحسبته هو بناء على اجتهاد منك ولكني من وجهة نظري أن المكسب الذي ذكرته قد لايحصل فالحلال ومن خلال تجربة مشاكله كثيرة حتى عدد الولادات يختلف من عام إلى عام في بعض السنوات ماتلد الا مرة واحدة
خذها قاعده ... مكسبك في الغنم من 200 راس واكثر الشي الثاني تكون حريات لأنها ماتاكل مثل النعيم .... أيضاً يستحسن يكون حلالك في ديره ربيع لاجل تقعد 4 اشهور ما تعلفها وهذا الشي ممتاز ان حصل وان ماحصل بسيطه اهم شي العدد 200
في ليبيا المزارع الزراعية الخضراء على مد البصر و المراعي الطبيعية موجودة بكثرة لكن صناعة تربية الضأن انهارت في التسعينيات ولا تزال منهارة حتى اليوم بسبب تغيرات في العادات الاجتماعية وعادات الاكل، اولاً المناسبات الاجتماعية الي هي احد اهم اسواق استهلاك لحوم الضأن سابقاً اندثرت، عرس الزواج في السابق حتى نهاية التسعينيات كان 7 ايام والحضور بالآلاف لكن اليوم الزواج اصبح ساعة واحدة فقط واللحوم المستهكلة في وجبه العرس لحم عجل!! ثاني تغيير هو دخول اصناف من اللحوم لم تكن مستهلكة في ليبيا في السابق الا وهي الدجاج والابقار للمنزل الليبي (والعربي) في السابق كانت نادرة جداً جداً 99% من اللحوم المستهلكة في ليبيا كانت ضأن اما اليوم تناقصت النسبة الي ما يعادل 5% فقط ليبيا بلد الضأن لا نأكل الاضأن ولا نربي الا ضأن ولا نلبس الا الصوف ولا ننام الا على الصوف.. اليوم كل ذلك اندثر صناعة الضأن مضيعة للوقت بأرض زراعية او بدون أرض زراعية بمراعى طبيعية او بدون مراعى طبيعية لان سبب انهيارها منافسة لحوم الدجاج والابقار واللحوم المستوردة لها، الناس ما كانت تاكل الدجاج ولا تعرف طعم لحم الدجاج من الاساس اليوم 95% من استهلاك اللحوم في المنازل دجاج.. الدول العربية حكمت على صناعة الضأن بالاعدام لمنعها وضع قوانين حمائية لهذه الصناعة الاستراتجية وتشجيعها استيراد الدجاج و الابقار الاوروبية وتوطين هذه الصناعات الدخيلة في دولنا..
دراسه فاشله انا 100 عندي متآكل اكثر من من كيس شعير واحد باليوم وحشايش رودس مايكلف علفها لنه انتاج مفروض ماتسمن علشان ماتحيل لو هذا دراستك صح كان مااحد ربى حلال ههههههههههههههههههههههههههههههههههههه
عبدالله الهويمل شرح ممتازه ، لاكن فيه نقطه مهمه جدآ وهي أن أسعار البهم اللي من ٣-٤ شهور ماهي معقوله انها بتكون ثابته ب٧٠٠ خلال السنه اللي نتكلم عنها ، ممكن بعد مدة تصبح كسعرها السابق ٤٥٠ -٥٥٠ ، أتمنى فهمت المقصد
لو حسبنا معاها بيع تقريبا ٣٠ رأس من الرخال من ٧٠٠ ريال تطلع ب٢١٠٠٠ نظيفها على ال١١٠٠٠ تطلع ٣١٠٠٠ كذا تطلع معقوله بذات للمبتديء اللي يبغى يستفيد وفي نفس الوقت يزيد رأس المال بالتدريج
حسبتك لاباس بها واعلم انه اذا بارك الله في الحلال فلن تحتاج الي كثير مما ذكرت... وبتكون كسبان جدا.... واذا محق الله بركة الحلال والله بخسر خساير لا يعلمها الا الله حتى لو انك مهندس حلال
نصيحة الي يبي يربي حلال اهم شي رأس المال الحلال الثاني تكون بمزرعة وتزرع عندك بالمزرعة علف برسيم وشامية وتزرع ذرة والشعير لكل رأس 100جرام باليوم واهم شي تنظيف المكان وتنظيف حوض الماء مرتين باليوم وكل خمس رخال شياه لحال مثال عندك حضيرة بطول مائة متر وعرض خمسة متر كل ثلاثة متر احط فاصل والفحول يكون عندي خمسه اجيب شاة له كل ثلاث أيام مرة وليس كل يوم او يتم التلقيح الصناعي الأغنام فيها ارباح لكن إذا اشتريت شي لا تدخله قريب من الأغنام إلا بعد مضي اسبوعين او ثلاثه ممكن فيه عدو والأخير لأ احد يطلع على حلالك بالمزرعة لأن العين حق اعمل بصمت
السلام علي الجميع حسب خبرتي 14 سنه في الغنم 50 راس خساره. و100 راس تاخذ من اذنها ونحط في عينها وتسد حاجتها وماتدفع شئ من جيبك عليها ولا فيها ارباح تسر النفس و 150 راس في خير قليل وزينه اما 200 وما فوقها ابشر بالخير ومعاش وتذبح منها لنفسك . واذا راعي الغنم مايغير مراحه كل موسم وخلفيته خفيفه يخسر وسلامتكم