توضيح ⛔⛔⛔⛔⛔⛔⛔ 1): ممكن ما فهمتونيش مليح بخصوص حليب غلوريا جونيور و حليب كيكوز، ما قلتش أنهم الأفضل، أنا صنفتهم ضمن أنواع الحليب لي فيها مشاكل، و لكن... قلت أنو فيهم le strict minimum من الفيتامينات و المعادن، يعني أنهم أفقر الماركات بالفيتامينات و المعادن، و لكن إذا فعلا امكانياتكم لا تسمح، نفضل تشرو هاذو خير ملي تشربو اولادكم لحظة أو حليب البقر السائل يعني هذا "أضعف الإيمان" بعد حليب البقر و حليب لحظة 2): الفيديو خاص بماركات حليب العمر الثالث، و ما تكلمتش و ما شفتش أنواع العمر الأول و الثاني... ممكن ماركة تلقاوها مليحة في رقم معين و تلقاوها سيئة في رقم آخر و العكس صحيح، و لهذا قلتلكم ركزوا على المعلومة و اعرفوا وحدكم تختارو الحليب المناسب، و ما تركزوش على أسماء الماركات
@@nd8580 أولا: عمري ما عملت مقدمة للفيديو و متعودة ندخل مباشرة في صلب الموضوع، لكن اليوم خصصت خمس دقائق كاملة لحكاية "ما حكيتيش على هاذي الماركة أو هاذي الماركة" في بداية الفيديو ثانيا: الماركة هاذي ما لقيتها في حتى محل و هي مقطوعة ثالثا: إذا كان عندك شرح و معلومات حول هذا الحليب تفضلي قدميهالنا و اشرحيلنا لماذا هو أفضل حليب، حتى نستفادو كلنا
@@كنأنتأولاتكون الأم هي لي توالف الرضيع بالرضاعة كل ما ناض، تمدلو يرضع حتى تسكتو فقط و لهذا يتعود و يدمن الرضاعة أو بالأحرى يستعملها كلهاية فقط يحطها في فمو حتى يرجع يرقد الحل في يد الأم لإيقاف هذه العادة التي لن تعود عليها و على الطفل سوى بالضرر تشوه شكل الفك و الاسنان، التهاب الاذن الوسطى، تسوس الاسنان و تآكلها بسبب السكر الموجود في الحليب، بالإضافة إلى اضطرابات النوم التي تؤثر على التطور العقلي و الجسدي للطفل، و تأثيره على صحة الأم كذلك.
كاين مشكل في الصوت في الفيديو لأنو جهاز اللابتوب تاعي فسد على ما أظن مع أنو جديد شريتو يوم فتحت القناة، ولى يخرج الصوت قلييييل و مشوه، سجلت الصوت في التليفون و بعدها نقلتو للحاسوب، الله اعلم إذا نقدر نزيد نخدم بيه فيديوهات جدد أو لا 😭😭😭 حاولت نعدل الصوت قدر المستطاع، كي تتفرجو ساعفو و خلاص 😅
سلام دكتورة ارجوكي حبيبتي عطيني حل بنتي عندها عام و شهرين ترضع رضاعة طبيعية من لي زادت لكن اكلها الان ضعيف بمفهومنا ماكلتها قليلة بزاف حبيت نعوضلها الماكلا بالحليب نتاع القوطي صح ولا لالا مع العلم عندها شويا فقر الدم
سلام أولا اشكرك جزيل الشكر على المجهودات الجبارة والمتميزة في ميدان اليوتوب فعلا قناتك مختلفة وتثقيفية للامهات الباحثات على صحة اطفالهن عندي سؤال راجو الرد عليه من فضلك ابنتي عمرها عام لحد اليوم مطعمتهاش مادرتلهاش الفاكسا تاع الرضع من غير الاولى يوم ولدت لانو ابني الاكبر كونفيلسا من السخانة تاع الفاكسا ودخل للسبيطار تعذبت بزاف بزاف بيه بقات فيا الخلعة خفت تصرالها كيفو وللصراحة مناعتها خير بزاف من اخوتها ارجوك انصحني وشكرا مسبقاً
هل سمعتيني تكلمت على جميع الامهات؟!!!!!!! قلت و عاودت و اكدت في الفيديو أنني أتكلم على الأم لي ما عندها حتى مشكل أو عائق للرضاعة الملاحظات من هذا النوع تصيبني بجلطة، لأنها تقوّلني ما لم ألم اقل 😤
@@user-cl2uy4fv2b انا تكلمت علي النسا الي مايقدروش يرضعو لاسباب صحية او حتي لعندها راس الحلمة للداخل مستحيل تنجم ترضع..... اما النساء الانانيات هداك اختيارهم او هما حرين.....
كنت نستنى في فيديو هذا بفارغ الصبر ششكون كيما انا شكرا جزيلا على المجهودات الجبارة لي تقومي بيها على جالنا انا راني نستفاذ كثيرا من نصائحك 🌹🌹ربي يكحفظلك آدم ويخليهولك 🤲🏻🤲🏻
نشكر بزاف على مجهودات لي درتها على جال ولادنا ومفرحتيش في العطلة نتاعك كما لازم ربي يباركلك في صحتك ويفرحك في وليدك رانا نستفادو بزاف من معلومات لي راك تعطينا فيها
يعطيك الصحة والله ستفدت من فيديوواتك،ممكن تنصحينا كيفاش نتعامل مع طفلي مايكلش حت اصيب بلانيمي في عمرو ١٩ شهر ،وعطينا نصايح كيفية فطام الاطفال اصحيحة ،ربي يجازيك وبتوفيق❤❤❤💋
😭 مع الاسف شيء صادم الفقير يروح يموت فقط حتى الاشياء التي كنا نهربوا لها لاجل السعر اتضحت فيها كوارث شاهدت لك عدة حلقات اتقهمت حقا ماذا يفعل الفقير ؟ الخبز يمرض الحليب يمرض الجبن يمرض واللحم غالي الجاج غالي السمك والخضار والفواكه غالية البيض غالي كيف نعيش ؟ الله المستعان
شكرا على كل المعلومات و يعطيك الصحة على مجهوداتك....نتمنى انك تعملي فيديو خاص بالأدوية الخاصة بالرضع والأطفال وخاصة الموجودة في الجزائر والمسموح والممنوع لانه أغلبية الأمهات يستعملون الادوية بطريقة عشوائية ...
Bravo pour votre vidéo, j’ai beaucoup aimé vos efforts et surtout le mot de la fin sur l’allaitement naturel il faut en parler plus car la plupart des mamans ont de fausses informations véhiculées par les belles mères et la société
أولادي في خمسة رضعوا عامين وأربعة أشهر حمدالله هم في صحة جيدة وممتعة قوية ضد إنفلونزا شكراً اختي علاهد القناة المفيدة ولو بنتي صغيرة تسع سنوات لكن نفيدوا غيرنا
Merciii bcp docteur, je suis une maman qui applique a la lettre ce que vous dites, ni gervet ni biscuit..... Mais je mène un vrai combat avec les personnes qui m'entoure, ils sont tous contre sauf mon mari mais hmdllh j'ai pu m'imposer 💪💪💪💪💪💪
Merci Bcp pour tes efforts on attend tes vidéos avec impatience si c'est possible on veut des vidéos sur les jouets et les activités pour bébé à partir d'un an qui renforcent l'intelligence et qui seront une alternative des écrans
بارك الله فيك دكتورة على ماتقدمينه من نصائح . والله رغم قلة الوعي عند المستهلك الجزائري لكن ليست هذه ليست المشكل الأساسي خاصة مع انتشار الانترنت وسهولة الوصول إلى المعلومة لكن المشكلة الكبيرة هي البدائل فحليب الرضع الصناعي غالي جدا على عامة المواطنين نظرا لمستوى الدخل المحدود لاغلب الجزائريين وكذلك فيما يخص العصائر والمشروبات الغازية ، فالفواكه في السوق لمن استطاع إليها سبيلا فقط فالموز على سبيل المثال بلغ 80 الف للكيلو والمواطن بين المطرقة والسندان ... إما مواد رخيصة مليئة بالسموم وإما مواد طبيعية غالية جدا.
واذا مالقيناش حليب ابتيجينيور بماذا يعوض؟ انا عييت من رضاعة نقصلي فيتامين د حابة نشريلو حليب بش نعاون مع رضاعة طبيعية ابني عنده عام و 5 ايام ومازلت بش افطمه هل سيشرب هذا نوع من حليب ؟؟
@@omhani3576 ماوش مليح علابالك الماء يدخل في ال رئتين الاحسن ديريلو دواء حتان لستة اشهر وتقدري ديريلو تيزانة لانو الماء ممنوع على الرضع والحليب كافي ووافي.
انا راني نكتب ونبكي ولادتي الاولى كانت مبكرة وراحلي الحليب وعملت المستحيل باش نرضع طبيعي لكن دون جدوى وبنتي قريب ماتت اما الولادة الثانية عندها 10 ايام ونفس الشيء ماعنديش الحليب للاسف هذا أحزنني
انك توكلي لولدك اكل صحي في دار عايلة حاجة مستحيلة. مهما حاولت كنت دايما نبان موسوسة و نبالغ و كنت دايما نسمع عبارة غير نتي ولدتي و حنا ربينا ولادنا و ماصرالهم والو. على كل هي اصلا حاجة صعيبة في بلادنا و خاصة المدن الصغيرة ربي يكون في عوننا .
رحت للجزائر مدة شهر، و قعدت مع عايلتي لي هي عائلة كبيرة ما شاء الله، و قعد عند عائلة زوجي و كملت بنفس النظام و نفس التربية، و واحد ما قلي راكي موسوسة و حتى لو قالولي نعرف وش نجاوب: الأم هي المسؤولة عن طفلها أمام الله، أمام القانون و أمام المجتمع، لوكان تصرالو حاجة واحد ما يتحمل مسؤوليتو من غيرها
الله الله عليك.. و الله غير يعطيك الصحة.. تعلمت بزاف من عندك. و راني نعدل في أكلي..و المنتوجات..اللي نشريهم.. ربي يعطيك الخير.. واصلي. مشكووورة جدا جدا
بصفتي أب أشكرك من الأعماق على المجهود و أتمنى أن تواصلي تنوير العقول ولا تنساقي وراء التعلقات السلبية فهولاء هم أعداء النجاح . أختم كلامي بدعوة خير لوالديك و الأسرة الصغيرة
سلام دكتورة،بارك الله فيك على المجهودات التي تقدمينها،هذا الفيديو بالذات خافت نشوفو نتوسوس أنا بنتي في الشهر السادس وترضع نورسي اللي شافو الفيديو يطمنوني 🙏
