شكرا جزيلا استاذ ، حليت كامل التمرينات و قبل ما تبدا تفتح نوقف الفيديو و نجاوب وحدي و كاش غلطة نصححها و تعلمت المنهجية كيفاه نجاوب كيفك ، ربي يحفظك استاذ❤️✌️
شكرا استاذ💯💯 انا حبست الفيديو وحليت التمرين كي وصلت لكتلة الشمس فكرت وبرهنت على عبارة k في صفحة كاملة🥵 وبعد شعلت الفيديو نشوف لقيتك مديتلنا العبارة مباشرة🤦بدون برهان مي حسيت روحي اينشتاين 😂😂😂
خاوتي راني حاسة روحي روطار بزاف نجي لدار نقرى يادوب ساعة ولا ساعتين الوقت راه يضيع من يدي معرفتش وراه السبب رغم ان دايرة برنامج دراسي لكن راني نحس بواحد الخوف جامي جاني كامل بدى القلق والستراس ......من ضوك راني روطار في بزاف وحدات العلوم راني بالوحدة 1 ندور فم والرياضيات مزال حتى مكملتش الدوال العددية والمواد تع الحفض منيش نحفض والله خاوتي راني خايفة نصحوني يعيشكم 😭😭😭😭😭😭😭
راهي جاية الفاكونس سيي تسترجعي فيها دروسك وترتبي امورك ان شاء الله اما قاع رانا كيفكيف في المواد الادبية انا حتا يكون عندي الاختبار ولا فرض باش نحفظ نهار قبله باسك وقت مايقدش حتا باش تريفيزي مواد علمية غاية
ماشاء الله وبارك فيك ربي يوفقك وينجحك في مشواركي نحو التقدم والازدهار احسنت ياملاك الابيض . ادعلينا معاك بالنجاح والتوفيق . واذا عندك كشما سر او سبب يخلينا نفشلوا ومالازمش نديروه قوليلنا عليه باه مانوقعوش فيه وربي يحفظك.
@@MatCc680 امين شكرا ولك بالمثل ربي يوفقك ف بكالوريا وتوصل وين حابة من اخطاء لي قادر يخليوك تفشل هي متستغليش الوقت بيسك ليام راه تجري دوك رمشة عين يوصل لباك فلازم عليك مضيعيش وقتك ف اشياء تافهة خاصة تلفون انا كان انستغرام ياثر عليا ويديلي من وقتي كي شفتو اثر عليا سلبا فاصيتو لازمك لحاجة لي راه تديلك فوقتك اسي تبعدي عليها كي تتحكمي فوقتك صيبون راكي فطريق الصحيح يبقى عليك اجتهاد فقط وحاجة لي توصلك هي تحلي تمارين بزااااف انا شخصيا فمادة فيزيا ورياضيات كمل 3 ريجستر فكل مادة غير تمارين وهوما لي عاونوني فلمعدل لانو مواد اساسية بلا ننساو علوم اذا كنتي شعبة علوم لازم تخصصيلها وقت بزاف وربي يكون فعونك وينجحك بمعدل لي حابة ومتنسايش لكل مجتهد نصيب 🥀☺️
كي يقولولك إثبت ان الحركة دائرية منتظمة بالاعتماد على ال.قانون الثاني لنيوتن ندير القانون و تعوضي a ب an+at تجيك F=m.an+m.at بالاسقاط على المماسT : m.at=0 donc at=0. donc dv/ dt=o سرعة ثابتة بالاسقاط على المحور الناظميN: F=m.an = m.(v^2/r)= ثابت بما ان السرعة ثابتة و القوة ثابتة و مركزية و المسار دائرية فإن الحركة دائرية منتظمة
@@MatCc680 امين ياطيبة للجميع ❤🌱 لعاقبة ليكم باذن الله كامل كنا نشوفو الباك واعر كامل كنا خايفين ومتوترين مي هي شدة وتفوت كي نتفكر لحظة الاعلان والفرحة والزغاريت نحس روحي ماتعبتش اصلا وان شاء الله كامل تربحوه وتفرحو لافامي ❤🌱 بالنسبة للفلسفة انا ماحفضتهاش وماقريتهاش كامل كنت هاملتها خاطر كنت علمية ما نحتاجهاش ولاكن في اخر السنة تقريبا بقاو هاكاك 4 شهور للباك ولا 3 بداو يخرجو المقترحات ايا بديت نركز في الحفظ على المقترحات حفضتهم تقريبا كامل وخليت وحدة ماحغضتهاش ومن زهري الشباب بزاف طاحت لي ما حفضتهاش 🤣🤣🤣 مي رت من راسي وخلطت جبت 11
