والله اختي مريم حتى طبقت هدرتك ديال الفلوس المدراسة ودابة الحمدو الله عندي شهرين وكسيت بنتي على تيساع وغنزيد عليه كيفا قلتي شهر 9 وغنبقا هانيا الله يعطيك صحيحتك ❤❤❤❤❤❤❤❤❤❤❤❤❤❤❤❤❤❤❤❤❤
تبارك الله عليك اختي مريم غير عندي ليك واحد التعقيب صغير فداك التدبير اللي درتي بالنسبة للدخول المدرسي كان عليك تشاركيه مع المتتبعات ديالك فشهر يونيو ماشي حتى لدابة ولا اش بان ليك
صراحة تعلمت منك بزاف الله يجازيك بالخير ، تبعت هدرتك في فلوس المدرسة وقنعت راجلي يبقا يعطيني الفلوس واخا العطلة و الحمدلله خلصنا المدرسة و شريت لبنتي الكتب على تيساع بلا زحام
هداك ابلي يامريمة كيطيب ببلاستيكا ديالو وغتشوفي في boiteالمدة ديال الطياب ديالو حتى انا كيجيني من الخارج للمعلومة ولكن يجيني هو روز في ساشيات وكيجي سفة روعة مكيتحلش غزال انا
سلام اختي مريمة لاباس عليك بخير الحمد الله ياااااااااااااااختي مريم معمن غادتقتاصدي ومعمن غاديري لا كرطونة ولا اضرفة انا هاد الكنس الي مزوجة به مرضني وهلكني عييت منهدر معاه بالحوار بالغوات منفع معاه لا حوار ولا غوات حاضي غير الكريديات وسلف وروينة الكحلة هادي البنكة كاتسالو هادي القروض الصغرى هادو عباد الله كولشي كايسال ومعمن تهدر ولا شفت دار لا فراش لا مصروف لا سفر لا حياة عييت بالخدمة مع عباد الله فالمخبزات كولشي خدمتو بقالي غير البني مقديتش عليه هو الي مخدمتوش صنعة عيني مبقيتش كنشوف بهم بالعقاد كولشي خدمتو وشي مبان علينا مرضني شكوى الله تعالى مكينش معمن اختي مريم
شريت ولدي شكارة سبريلة دايرن فلو تمن الاخدتي وحدة وحدة بنص تمن خديتهى قرعة ديال الما مزال مدرسة راسورانس شهر تسعود جامعة شي حاجة ولاكن خاس نزيدو مكافيش انا ارملة عندي يتامى الله يفاجيهى على الجميع
كنتمنى تقراي التعليق ديالي وتجاوبيني وتعطيني شويه ديال القوه انا حاليا مدمره والله والحد الان راجلي والله ما سايق لي الاخبار وانا مزيره على راسي ما نقولش لك الصيف كيفاش داز عندي الحمد لله والشكر لله هذا الشيء اللي نقدر نقول
حتى انا أختي مريمة مسافرت كيعطيني راجلي 3000درهم شهريا فيها المصروف وكولشي والسفر مضربت ليه الحساب كنخرج ولادي غير المدينة مع ذلك كتخصني ليهم ميزانية نصحيني ان شاءالله بخصوص هذا الأمر الله يحفظك
الشميسات هادي الصفحة لي عندي في الفيسبوك. أي صفحة اخرى ماشي ديالي. في اي فيديو غنحطو هنا غنبقى نخلي فيه رابط الصفحة باش تأكدو بلي هي لي ديالي : facebook.com/profile.php?id=61561107248651&mibextid=ZbWKwL
اكبر تقوليبة لمغاربة هو المدارس الخصوصية كتاقى بنادم كيتقطع باش يقري ولادو فلخصوصي والمصيبة الاغلبية والله مافاهمين شحال كيضحكو. عليهم راه اللي كيقرا سواء فالعم مي اوغيره وخاصة انه يتم التدارك في المستويات العليا فبقدر ما يكبر الطفل وينضج يدرك اهمية العلم والتعلم عذرا لانني بدات بالكتابة باللسان الدارج حتى يفهمني الجميع والله عن تجربة كاستاذة في وزارة التربية الوطنية لمدة اكثر من ثلاثين سنة لا تضيعوا اموالكم في المدارس الخصوصية بل ادخروها لهم الى ان يحصلوا على شهادة الباكالوريا وانذاك ابعثوهم الى مدارس مهمة ويستحسن بالخارج لان العمل مضمون وانتم ادرى بمشكل البطالة في صفوف الشباب بالمغرب اللهم اني قد بلغت اللهم فاشهد
حتى انا عن تجربة وليداتي ملي كانو في الخصوصي كان مستواهم متوسط ولكن ملي خرجتهم العمومي عاد بانت الخدمة أساتذة اكفاء اصبحوا من الاوائل في العمومي و بانت الخدمة في المستوى الاشهادي الثالثة اعدادي ولدي جاب في الامتحان 18,56 الصراحة الخصوصي اكبر تقوليبة وضحكة
فعلا أستاذة ولكن تسيب الذي اصبح يعم المدارس العمومية شكون كره شاطوا علينا الفلوس ولكن كتشوفي انه مراقب مثلا وعن تجربة ولدي في ايام عيد الاضحى رفض انه يمشي وادارة المؤسسة اتصلت بانه ضروري يحضر لانه عندوا امتحان في نظرك المؤسسة العمومية كتعمل نفس شئ لا طبعا حضر أو لهلا هنا الفرق أستاذتي الغالية
@@FatimaGhessaniidrissi سلام اختي والله في مدرستنا بالتعليم العمومي تتصل الإدارة باباء التلاميذ بعد ملاحظة غيابهم من قبل الأساتذة بل واكثر من ذلك لدينا خلية تتبع واستماع التلاميذ خاصة ذوي الحالات الاجتماعية الخاصة ويشهد الله اننا نعمل كخلية تعمل على مرافقة التلاميذ ومساعدتهم سواء على مستوى الدعم النفسي أو التربوي وهذا طبعا غير متوفر في المدارس الخصوصية لان الأساتذة والإدارة غير مكونين سيكولوجيا او تربويا وذلك طيلة السنة الدراسية
مريمة ا ختي عندي وحد السؤال كونك ام قبل مني و ل وليد انا عندي ولد عمرو 6 سنين كنخااااف عليه بزاف مكنبغيه لا يخرج لا يمشي للعائلة يقولو لي خليه ف المسجد يحفظ القرآن كنخاف حتى ملي كيكون ف المدرسة كنكون خايفة عليه كنبقا غ موسوسة واش هدشي طبيعي واش كلكم هكا
لا احبيبة ماشي كلنا بحال هكدا كنخافو على وليداتنا ماشي كنركبو فيهم الخوف والجبن خاصهم يعتامدو على راسهم وتكون عندهم شخصية مستقلة كيفكر بعقلو ماشي واحد اخر يفكر ليه .انتي قلتيها بفمك واش هاد شي عادي اولا كون كان كيبالك نيت نتي عادي مغادياش طرحي هاد السوال .هدا وسواس غادي يخرج عليك انت اللولة قبل منو هو.
بيت الخزين كان من بداية التاريخ سيدنا يوسف خزن القمح كمية لتوكل الأمة دة سبع سنين بالعكس التخزين كيعاون بزاف المسكين كانو جداواتنا اي حاجة وجادات كيخبيو منها الزين البلدي ديال عام الطحين العسل السمن الݣديد املو وزيييد زيد راه ماشي شي حاجة جديدة علينا
نتيا امولات العبادة شحال من حزب حافضة من القرآن ؟ سيري شوفي المحتكرين ديال السلع الحقيقيين تيخزنو الملايين والملايير ديال السلع هما لي تيطلعو الثمن ديال بصح. بقا فيك الحال غير مع وحدة دايرا سطوك مافايتة فيه 200 حتى 300 درهم هي السبب في زيادة الأسعار... علامن تضحكي بالضبط اختي ؟
تبارك الله عليك استفادت منك بزاف وخا أنا اكبر منك سنا خلصت كريديات ديالي دوزت بيرمي ديالي الحمد الله بدلت طلامطي غير هو السطوك ماكاينش هو اللي كيسرف تيجيب حدو قدو وهاد العام ماسفرناش ولكن الحمد لله لأنه كولشي غلا الله يطرح البركة وشكرا لك
شحال منك يا كراطن عيقتو هاد كرطونة رمضان هاد كرطونة العيد الفطر هاد كرطونة عيد الاضحى زيد كرطونة الدخول المدرسي باقي ناقصكم غير كرطونة العطلة البينية غنبقاو حضيين غير السطوك زيدتو فيه وبزاااااف
السلام عليكم اختي مريمة. يمكن هادي اول مرة تانكتب ليك تعليق مع انني من المتتبعات ديالك. لي خلاني نكومونطي هو العنوان الذكاء غلب الغلاء. هاد العنوان محبط للمرأة المغربية لي مسكينة تاتقاتل باش تعيش بلي قسم الله هي ووليداتها. يعني ماشي مشكل الغلاء و الا ماقدراتش عليه راها غبية و ماقدراتش تسارير اومرها. اعتذر اختي و لكن الغلاء كاااااااين او صعيب باش نتغلبو عليه الا مادارش لينا مولانا تاويل الخير. الله يلطف بينا 😢😢