صوت
أحمد رأفت
دعاء محمد
--------------------
كلمات
أحمد رأفت
______________________
/ ahmedraafatoffical
____________________
(الكلمات)
الذكرى
ازاي عدت كل السنين ده ولسه منستكيش
ؤمال ايه بقى بعيد عن العين بعيد عن القلب ده
تقريبا اللي قال الجملة ده مايعرفش يعني حب ولا ذكريات
وعد : احمد عاوزه اقولك حاجة
احمد : قولي
وعد : انا بحبك
احمد : حب ايه..ايه التخريف اللي بتقوليه على اخر الليل ده
وعد : لا والله ماتخريف .. انا حبيت بجد
وحسه ان انت الشخص اللي اتمنيته واللي بشوف في بابا الله يرحمه
وعد : ايوه .. بس انا زي ماحكتلك انا لسه خارج من علاقه فاشله و مش حابب ارتبط تاني ..كده اريح
وعد : صدقني والله انا غيرهم .. عمري ماهتعبك ولا اخنقك
وليه فعلا طلعتي غيرهم وليه ماتعبتنيش و ليه ماخنقتنيش
عالأقل كنتي هاتبقي سيبالي ذكريات محبش افتكرها
ليه كل حاجه عملتيها معايا كانت حلوة
وعد : احمد .. احمد .. احمد
احمد : ايه ايه ثواااني بشرررب بشرب
وعد : طب خلاص شربت ؟ احمد
احمد : ارغي
وعد : اغنيلك
احمد : لا صوتك وحش
وعد : انا اللي صوتي وحش ... ؤمال انت صوتك ايه
احمد .. انا صوتي قمر
وعد : بطل رخامه بقى
اغنيلك الاغنيه اللي بسمعها واحنا متخاصمين
احمد : اتفضلي ياست صدعينا
وعد : احم احم
غيبتي و صوتك عمره ما غاب عن قلبي
محدش ابدا يقدر يسمعه غيري
لدرجه ان ساعات اقول لقلبي ماكفياك بقا
مازهقتش
ورده ديما انه مش بأيدي
وعد : هات ايدك كده
احمد : لا عيب
وعد : ياعم عات ايدك انجز
احمد : هههيي يابنتي ايدي ورمت من العض
وعد : ههه لا والله ماعضك
هات بقا
وعد : شوفت
احمد : شوفت ايه
وعد : ايدك اكبر من ايدي ازاي
احمد : وحيات امك .. انتي بتتلكي عشان تمسكي ايديا
وعد : خلاص مش عاوزاها يا رخم
احمد: لاههه خلاص ماتزعليش
احمد : على فكرة انتي اللي قولتيلي ماتخبيش عني حاجه
وعد : طيب وانا اتكلمت
احمد : ماهو عدم كلامك ده معناه انك اتقمصتي
وعد : لا ماتقامصتش .. بص انا مش هاقولك انا مش غيرانه عليك .. لان هكون كدابه
مافيش واحده حبيبها هايجي يقولها ان خرج مع بنت تانيه حتى لو مافيش بينهم و مش هاتغير
انت ماهما تعمل انا عمري ماهشوفك وحش
بص هاقولك حاجة
خلي بالك من نفسك .. انا بخاف عليك لحد يأذيك والله .. مش بخنقك
ياااه .. انا ياما ضغط عليكي .. وانتي استحملتي كتير .. كنت صغير وطايش
بس عمري ماشوفت حد احسن منك
معرفش ازاي كنت بتضايق لو حسيت بغيرتك عليا
رغم ان انا مكنتش بستحمل عليكي الهوا
احمد : انتي فين يا بابا
عهود : انا لسه يا حبيبي جوه المعهد اهو
احمد : ماخرجتيش ليه انا قدام البوابه
وعد : مستنيه محمود هايجبلي الكتاب بتاع الدكتور اللي قالنا عليه
احمد : محمود مين يا بابا
وعد : محمود زميلي في الدفعة
احمد : ممم ياخلاثي ياناس على اللي كبر و بقا عنده زمايل في الدفعه
وعد : ههههه
احمد : يالا يا ماما اطلعي يا حبيبتي اطلعي
انا ليا واحد صحبي معاكي في الدفعه هاجبلك منه الكتاب
والشب محمود سبيلو خبر مع اي حد انك اتصرفتي و جيبتي الكتاب و قوليلو اسفه معلش تعبتك
عمري ماشكيت فيكي لحظه
لو سيبتك في وسط ألف راجل و غبت عنك
كنت عارف ومتأكد ان هرجع الاقيكي زي ماسيبتك
لان ولامره شوفت راجل غيري في عنيكي
وعد : هاتخرجني فين النهاردة
احمد : هانروح ناكل كشري الأول
وعد : مسم ياسلام
احمد : وبعد نروح الركن البعيد الهادي بتاعنا عالبحر ... يبقى انتي والبحر وشويه الترمس و الحمص و كده فل اوي
٨ سنين على غيابك .. قلبي ماطوعنيش اروح الاماكن ده من غيرك.. ٢٨٥١يوم من يوم مابعدنا ماغبتيش يوم عن بالي .. سواء مين اللي كان غلطان .. انا ولا انتي مش هتفرق كتير
تعددت الاسباب و الجرح واحد
انا بس عاوز اعرف شريط الذكريات اللي قلبي ملفوف بي ده
هايتفك امتى ..
6 окт 2024
