بتسلقي اللحمة مع بندورة و بصل مقطعين و ثوم و بهارات كاملة بعد ما تستوي اللحمة تماما خليها عالنار مع شوي ملح 10 دقايق بعدين اطفي بتكوني ناقعة رز حبة طويلة بتقلبي اللحمة بشوي زيت و لما تاخد لون بتنزلي عليها الرز و المرقة و لما ينشف الرز شوي وطي الغاز و سكري الغطاية و صحتين و عافية ♥️♥️♥️
انا كنت من الامهات الي كثير اعصب على اولادي لو كبوا نقطه مي بعدين اكتشفت انه بس يكبروا ما رح يتذكروا قديش انا شطفت او غسلت او جليت او مسحت وغيره رح يتذكروا قديش كنت حنونه أو عصبيه يا ريت كل الامهات تصحى لهاد الحكي والشغل ما بخلص بس الاولاد بكبروا بسرعه ولادي لسه بفتره المراهقه بس بتمنى يرجعوا اطفال شوي لحتى العب معهم واطنش الي كانوا يعملوه
@@Lina_Home.jordan والله يا لينا كنت مجننه حالي قبل ولادي باليوم اشطف البيت كامل مرتين وبيتي كبير الحمدلله خزاين الاواعي ممنوع البنطلون او البلوزه تكون متحركه غلط دمرت صحتي بايدي وهسه بحاول اتغلب على شغلات لو خربت او تغير مكانها اشي طبيعي وعادي مدام في ولاد بالبيت بصحتهم الحمدلله
والله احنا اميات منجهد حالنا كثير بشغل البيت فعلاا بتيجي فتره بتتعبي كثير وبتملي من التنظيفات وشغل البيت لازم نوخد راحه لانفسنا ومنضلش،نفكر بشغل البيت الله المستعان والحمدلله
معك حق بس تعبت لسا ولادي صغار و بحاجتي لما يكبرو ممكن ارجع اشتغل ان شاءالله ♥️و يلي عجزني هى الدوام المسائي الحياة مو ماشية بشكلها الطبيعي 🙂↕️ بعد ما تركت البيبي سيتر يلي كانت تضل عندهم الامور كلها تخربطت
يعطيكي العافيه لينا بحب فيديوهاتك كتير متابعتك من إربد بس تنويه ديري بالك وقت تشطفي يكون ابنك لابس برجليه لاسمح الله بيزحلق وشغله تانيه بدي منك بالفيديو الجاي تحكي عن مصروف البيت كيف بتوزعي الراتب وبيكفي سواء لشراء ملابس او الأكل او منظفات وغيره وبيزيد تحويشه منه للزمن 😂 في حال كان راتب واحد بالبيت وشكرا إلك❤
الله يعطيك العافيه والله معك حق يا لينا انا متلك كنت بشتغل في مستشفى تخصصي قباله وحديتي الولاده وقفت. شغلي على خاطر صغاري وماقدرت أوفق بين البيت وشغل وولاد الله يكون بعون كل ام ❤❤متابعتك من ليبيا❤
ان من الناس الي أشجعك ان تتركي الشغل هلا ليش لان الاطفال صغار وهم بحاجة لك اكثر وبعدين لان راح تعيشين معهم تفاصيل جميلة لمن يرجعوا من المدرسة يتكلموا عن كل شي بالمدرسة سعادة مابعدها سعادة الله يسعد قلبك ويحفظلك زوجك وأولادك اللهم امين يا رب العالمين
نفس مشكلتي بالضبط عندى ابنى صغير عمره سنتين ونصف واتمرمط معى كتير بالحضانات كل شوية اغيرله حضانة عشان تناسبه وبعدين اهملت كتير في ابنى وفى زوجى و بيتى بسبب الشغل كان مأثر على حياتى كتير ولما اخذت قرار جدى انى هسيبه عشان انتبه لحياتى اكتر ارتحت كتيييير وفى وقت العب معاه ونطلع و نعمل حاجات كتير بالبيت سوا ... اكيد لما تشتغلى ويكون معك فلوسك الخاصة وتحسى ان ليكى كيان حلو كتير بس بالنسبالى الاهم ابنى ما حبيت اكون انانية معه وافكر بنفسى فقط ...الله يعطينا الصحة و يرزقنا برزقه الواسع ويقوينا على تربيتهم❤❤
أنا مهندسة و تركت شغلي مشان اولادي و الحمدلله الرزقة زادت لما قعدت بالبيت صحيح كتير بزهق خصوصاً انه أنا بغربة وما في اهل و قرايب بس الحمدلله بالي مرتاح عالصغار
كم فكرة يساعدوكي يا لينا: الدعسة عالباب لو كتيتيها ونشرتيها بالشمس انو توفر مكان احسنلك، لأنو لما فركتيها بمية وضلت هناك ممكن تطلع ريحتها، حوامل الغاز لو نضفتيهم بحوض المجلى احسنلك، كمان لما ما يتوفر عندك مزيل دهون نضفي الغاز بكربونة وخل، انا جربت ملح الليمون وما بنصح حدا فيه ابدا، بكت عيون الغاز ولفت انتباهي الصغير اللي اجى يساعد، سبحان الله كلنا مرقنا بنفس المراحل اللي فرفطت روحنا وهلأ صارت ذكريات لما كبروا الله يحميهم
اذا تبين الرغوة تضبط معاج .. لازم تكون الكميات نفس بعض انا اسويها بفناجين القهوة فنجان سكر ونفس الشي فنجان ماي والقهوة هم بعد فنجان وتطلع الرغوة كثيفة وقوامها حلو وما تطول معاك بالخفق
الله يوفقج لينا🌷🤍.. وييسر لج النقل على خير يارب .. اذا فضيتي وحسيتي بدك تسوين فيديو بس ماعندك موضوع او شي شرايج تتكلمين عن شلون نحاول نقضي ايامنا مع اطفالنا بدون مانفقد هواياتنا مثل القراءة او الرسم او اياً كان اذا جربتي هالشي يعني ..
يا ربّ اجعلني ممّن شابهوا الغيوم في خفّة المرور وحُسن العطاء، يا ربّ لا تجعلني ثقيلة على قلب أحد ولا تجعلني عبئاً ولا وجعاً لـ أحد ولا سبباً في كسر أحد ، اللهُـم أجعلني عابرة خفيفة أمُر و لا أضُر🤍'.
معك حق الأولوية لأولادك لأنهم صغار أنا مافكرت بالشغل غير لما شفت أولادي كبرو وماأخاف عليهم وصارو يعتمدو على نفسهم بس عند بكونو صغار ماحدا بيعطيهم الحنان غيرنا نحنا الأمهات لهيك البيت والأولاد بالنسبة الك أهم من كل شي تاني لاشغل ولاغيرو لأن بس كبرو الأولاد الشغل بيرجع إن شاءالله والله يوفقك ويسعدك
يا مسا الخير حبيبتي لينا كيفك انا ام محمد من مادبا متابعيتك من زمان حبيتك كتير ❤ والله الشغل كتير حلو منو بتغيري جو ومنو بتصرفي على البيت وبتجيبي كل اشي نفسك فيه ما بتتخاسري ببيتك ولا باولادك عكس الزلمة اهم شي بس يجيب الاكل والشرب وخلص انا كتير بعاني من هالشغلة 😢 الحياة مو بس اكل وشرب
صراحة كلنا بنحب نشتغل ويكون عنا وظيفة وماتروح دراستنا على الفاضي . لكن انا بنظري ازا الحياة ماشية وزوجك قادر انو يصرف على البيت الافضل انو الوحدة ماتشتغل الا بس تكبر ولادها لانو الاولاد بحاجتنا باول حياتهم ..ومستحيل نقدر نوازن بين شغلنا وحياتنا وبيتنا الا مايصير تقصير من طرف .المهم الوحدة تكون معها شهادتها وازا لا سمح الله صار معها ظرف بتقدر تشتغل فيها ❤️❤️
حبيبتي لينا يعطيكي الف عافية في نوعية نسكافيه بجيبها كوفي بريك او الغزالين بالنسبه الي بشوف طعمهم زاكي النوعيتين ومو غالي ابدا المرتبان الكبير بليرتين تقريبا او اقل بشوي
اللهم صل وسلم وبارك على سيدنا محمد وعلى آله وصحبه أجمعين. ربنا يوفقك لما يحب ويرضى 💐 انا بشعر إنه الطفل الصغير بحاجة أمه وبحب يضل معاها وبشعر بمحبتها وقربها منه صحتك أولادك أهم من الشغل .❤
قرار صائب انك تسيبي الشغل مادام الاولاد صغيرين لانهم محتاجين رعاية واهتمام طول الوقت وماحدش يقدر يعمل ده زي الام واول مايكبروا شوية ويدخلوا المدرسة هتكون الامور اسهل ان شاء الله .. ربنا يوفقك حبيبتي ❤ بستمتع كتير بفيديوهاتك وبحب اشوفها وانا متفرغة تماما مش بعمل حاجة جنبها استمري ❤❤
@@Lina_Home.jordan صراحة لينا اللي بجرب انه دخله يكون منيح صعب يرجع يتاقلم مع راتب واحد بس يعني بس راتب الزوج لانه الحياة مكلفه والاولاد طلباتهم كتير وانتي بتكوني تعودتي عمصروف معين
يسعد صباحك ومساكي وكل أوقاتك حبيبتي لولو العسولة الله يعطيكي العافية يارب ويقويكي الله يديم الصحة والعافية عليكي يا قلبي بتشحنينا طاقة إيجابية ونشاط ودعم معنوي طبعا بدنا فيديوهات وازا ممكن كل يوم فيديو الشتا على الأبواب ولازمنا نشاط وحيوية 😅موفقة يارب حبيبتي والله يباركلك بكل شي بحياتك بحبك في الله ❤❤❤😊
لينا ما بعرف ملاحظتي بمكانها ولا، سمعت فيديوهات قديمة الك وفيديوهات جديدة، صوتك كان فيه حماس اكتر، حاسة شوية احباط عندك بالفيديوهات الجديدة، هي الضغوطات اللي بتعرضلها كل حدا منا عند تغييرات معينة بتأثر طبعا عليه وبظهر الاشي بتصرفاتو وحتى صوته، بس ان شالله ربنا بكتبلك الخير وبترجعي احسن من اول
@@Lina_Home.jordan بعيد الشر عن قلبك، أنا عندي مجموعة نصائح، رح اعطيك ياها عرواق، أنا موظفة بجامعة في فلسطين (من 08:00-04:00) وأم لخمسة اطفال يعني روتيني ركض طولما انا صاحية، وبعز عليي أشوف حدا محبط أو مكتئب مين ما كان، استنيني
@@Lina_Home.jordan الحكي طويل لينا وممكن يفيد غيرك من المتابعات كمان، ف اللي ما الها جلد عالقراءة تعمل سكيب احنا يا لينا كلنا على اختلاف اعمارنا وأوضاعنا كل حدا منا بكون عندو أهداف بدو يوصللها بطريقة مثالية، بطريقو لتحديد هالأهداف بلاقي عراقيل طبعا بتتنوع من شخص لآخر، ما بقدر أحكي انو المآسي اللي بتعرضولها أهل غزة اسمها عراقيل والاشي اللي بتعرضلو الحدا فينا اللي عندو كل أساليب الرفاهية برضو عراقيل، ما بتتقارن الأمور هيك، بس بتصفي القصة انو كل كل حدا فينا عند أي مشكلة بتواجهو يحاول يلاقي حلول ضمن المتاح، يعني انا من خلاا سماعي لفيديوهاتك (بكون اسمع عفكرة ومش دايما بقدر اشوف لأني بكون مشغلة الفيديو اسمعو وانا بجلي مثلاً او برتب) ف خلال سماعي فهمت انو كنتي بدك تنقلي عبيت جديد، خلال هالمرحلة حاولي انتي تحكي مع حالك انو مهما كان الضغط اكيد الاشي اخف من حدا مالو بيت وما عندو خيارات، كمان بدك تحكي مع حالك انو انا حاطط خطة وربنا حاطط خطة لحياتي واكيد شو ما كان قدري بكون خطة ربنا احسن من خطتي ف هيك بتكوني متوكلة عربنا مهما صار، الاشي اللي انا بهون عليي كل تعب اني زيما حكيتلك انا دوامي من ال 8 لل 4 وبعدها عندي مسؤوليات لخمسة أطفال وعندي التزام تاني ماخد من وقتي وصحتي واعصابي، اللي بهون عليي كل هاد اني بحكي انو ربنا شايف اني بركض ليل مع نهار وانو ربنا مستحيل يضيع تعبي ومستحيل يحملني ما لا طاقة لي به، يعني اعطاني هالحمل وعليه اجر باذن الله، ومهم كمان النية بكل عمل بتقومي فيه، جهزتيلهم اكل اعقدي النية يكون بقصد اطعام الطعام، نضفتي بيتك اعقدي النية يكون بقصد اماطة الأذى، وهكذا ونقطة مهمة..خلي يومك مليء بالاذكار والتسبيح والاستغفار والصلاة على النبي صلى الله عليه وسلم واقرئي ما تيسر من سورة البقرة يوميا والسور الأخرى، ومهما كنتي تعبانة حاولي حاولي يكونلك ركعتين قيام ليل اقل ما فيها، شوفي انا ان نمت بدخل بغيبوبة من التعب ف بصلي قبلما انام سمعت كمان بفيديوهاتك انك قررتي تتركي وظيفتك اللي ما بعرف شو كانت، برضو حتى هاي بما انك قررتي وانتهى شوفي نص الكاسة المليان، نص الكاسة المليان انك شغالة يوتيوبر وغيرك ولا وظيفة ولا مصدر رزق عندو، وبتدوري عبيت تكون اضاءتو منيحة للتصوير وهاد كمان نعمة انك قادرة تختاري بيت عيشي بقناعة بتعيشي راضية ومتصالحة مع نفسك، ما بحكيلك انو الحياة وردية، لأ، بكفي انو بطلعلك اشخاص بالحياة ما بتفهمي شو مشكلتهم معك بس بدهم تفشلي او اقملا فيها ما يشوفوك ناجحة، هدول برضو اعمليلهم سكيب وركزي بأهدافك، عيشي عالمثل اللي بحكي: برا سكرتي مسخرتي كلما حسيتي القناعة عندك قلت افتحي يوتيوب وشوفي الناس كيف عايشة، اخواتنا السوريات العزيزات اتشتتوا بالبلاد بعدما كانوا ببيوت عز، والغزاويات نفس الشي، قارني حالك باللي أسوأ منك رح تحمدي ربنا ليل نهار، ان الله يعطي الحامدين اكثر مما يعطي السائلين حاولي تطلعي صدقة يومية بنية تفريج كربتك: والصدقة مش زيما الناس بتفكر..مش موضوع مرهق مادياً كل حدا حسب قدرتو، بكفي انو لو حطيتي اناء فيه مية لطير او قطة هادي تعتبر صدقةن عادات بسيطة تعتبر صدقة: مثلا انا بستنى يجي طفل يلعب مع ولاي او مارق بناولو حبة حلو، حتى بشغلي مع طلابنا بالجامعة بعتبر ابتسامتي الهم او محاولة مساعدتهم صدقة هاد اللي بحضرني حالياً واللي وقتي كفى اكتبو، وارجعي طمنينا عن نفسيتك ياريت
@@AbeerMorad-o5x طولي بالك حبيبتي هم ما الهم غيرك خلي طاقة الغضب تتحول اهتمام و رعاية و حب و يكون عندك هدف انهم يطلعو احسن اطفال بالدنيا احسن ما يطلعو معقدين نفسياً و بالنهاية آخرتهم يكبرو و ما رح يتزكرو غير القسوة و الكل مضغوط احنا مش بالجنة توكلي على ربنا ♥️