حمد لله اللي خرجتي منهم قبل فوات الاوان كما اللي صرالي حتى مرضت نفسيا ووليت نداوي عند طبيب نفسي بعد انهيارات عصبية ولكن الحمد لله كلشي بالمكتوب والحمد لله دعيت لربي نزل عليا الرحمة
هاد لازمها دير حد هو يقبل يترخس يقبل الاهانة يلعبها مهبول يدبر راسو لكن هي خط احمر او 10 خطوط حمراء وديرلهم درس حياتهم لانو الناس تتمادى يجربوك يبقاو يعفصو يعفصو وانت ساكتة مال اقفي على روحك وعلى قيمتك وهو يروح يلعب خليه يدي طريحة صباح وعشية الله لا ينحي عليه ويزيدو رب رخس على رخس
انا بالنسبة لي تطاول الاهل خاصة الاخوان والاخوات على الزوجة من سكات الراجل وميجهرش بالحق يعني كاين عايلات كون ابنهم يهدر كلمة حق ويدافع على زوجتو يعاديوه ويديريلو مشاكل لكن معلابالوش بلي هادا راهو ظلم ورخس ومرخس منو والزوجة تحس روحها وحدها كتافه باردين سبحان الله
والله الا حشمت و قلت مرا كبيرة بصح هذا العيد الكبير مقدرتش نحمل معييت ساكتة و كي شفته ساكت وهي تعاير قلبت الطابلة عليها وانا تاني رديت بالمثل و راني في دارنا منذ 6اشهر واللي يصرا يصرا
سلام ا جابوني فرنسا صغيرة من عام 2011 لحد الآن راني في عداب يصرفو فيا راجلي بدون شخصية نروح للجزائر منروحش لدارنا نقعد نخدم باباه و امو شهر كامل تاع صيف مع العلم يعيشو معايا في فرنسا حسبي الله ونعم الوكيل
حسبنا الله ونعم الوكيل نقلك مانيش نحرش فيك بصح والله ياو متنفضيش الغبار على عمرك وديري لروحك قيمة واحد مايديرهالك وديجا جربتيهم هاذو سنين واللي ميش راحمني والله مانرحمو
نطلق و ما نقبلش الذل حنايا الوهرانيات أن عاقلات بصح وحدة من خواتاته ولا مرت خوه يشركو فامهم نقلب عليهم الطابلة بيهم بولدهم لي مخلوعين فيه أنا بروحي راني غير نلملهم بصح نهار لنطردق نخلص لول مع التالي منافقين ، حسبي الله و نعم الوكيل
يعطيك الصحة فالكلام اللي يبرد القلب كنت نسكت نوعيها علا روحي ونحاسب لربي سبحانو ونحتارم الزوج حتى نهار بلغ السيل الزبى قباحت علا ضربة خاطر لقيتهم لمليحة معاهم مكانش وانا قاتلة روحي بالصبر بدون نتيجة وكنت منعرفش نواجه وانا مظلومة نبقى مشوكيا منين جاني المشكل لكن تعلمت منهم الوقاحة وفللخر خرجوني سلافاتي من الدار وامهم مساندتهم وابوهم معاهم(حمايا)كما يقولولو حسبي الله ونعم الوكيل الناس كامل كلاولهم وجهم وبهدلوهم لانو كامل جيراني ولافامي يحبوني والحمد لله لكن احسن بعدت وارتحت وهدا الشي كامل خاطر يعرفو تمام المعرفة بلي ابنهم (الزوج) دليل معاهم ولاو يقولو سحرتلك خاطر محبش يضربني ويطلقلي كما حبو الله يهدينا اجمعين والله يرحم امك حرة الحراير وموتى جميع المسلمين ويجعل مثواهم الفردوس الاعلى امين
