@@ننوشننوش-ه4د والله خوية النصيحة الوحيدة الي اگدر اقدمهة الچ والي شخصياً مثبتني ؏ صلاتي بعد فضل الله سبحانه وتعالى علية هية , 70% ل اعتقادي التام بأن بعد وفاة الإنسان مراح ياخذ قطرة تراب وياه مو النوب معدله او فلوسه او املاك ۅ ۅ ۅ ۅ , 30% الباقية الخشوع بل صلاة شلون يصير مبدياً تتمعنين بل اية الي تقريهة مثلاً بسم الله الرحمن الرحيم (الحمد لله رب العالمين) انتِ ۅ تقرين هاي الاية (مثلاً) اخذي نضرة سريعة ؏ النعم الي عندچ من سمع وبصر ۅ واب ۅ ام وبيت ساتر عليچ ۅ لگمة العيش لچ بس نعمة النظر الي بسببهة دتشوفين تعليقي الواحد يخشع عليهة نص ساعة تخيلي كل هاي النعم وغيرنة ماعدنة مي يشرب ماعندة عيون يشوف هذا ابسط مثال عن اي اية مثلاً مالك يوم الدين اتخيلي اليوم الدين مالك يوم الدين هو الله وانتِ تصلين ل الله ولحظة دخولچ للجنة حرفياً بكل اية الهة خشوع خاص ۅ استمعي للقرآن بل يوم 30 دقيقة راح اذا استمريتي10 ايام هيچ لبقية العمر مراح تگدرين تعوفين الصلاة وراح يصير بيچ حالة نفسية ۅ ايررو اذا سمعتي اذن ۅ ماتگومين تصلين نصيحة اعتبرهة مهمة بعيداً عن سنة وشيعة انصحچ تصلين كل صلاة منفردة الظهر بوقت الظهر العصر بوقت العصر (بعيداً عن السنة والشيعة) لان بصراحة اثنينهم غلط الصح هوة السلام فقط المهم في الختام اسال الله يثبتچ ۅ ينهي تأنيب الضمير الي بيچ ب ثباتچ ؏ صراط الدنيا والاخرة وكان الله غفوراً رحيما🩶
أنصحك نصيحة لوجه الله وطبقها مع نفسي والحمدلله شفت الفرق 1- لازم تكون تعرف قدر الصلاة ومرتبتها في الأسلام ولماذا نحن نصلي ولازم تسمع او تقره عن الصحابة والسلف كيف كان خشوعهم في الصلاة 2- لازم تكون تعرف ما هو عظيم جزاء المصلين والأجر الي فيها وخصوصا أنه بين كل صلاة وصلاة مكتوبة تكفير للذنوب إذا أجتنبت الكبائر 3- لازم تكون تعرف ما هو عقاب تارك الصلاة والويل الوعيد المنتظره وكيف يحاسب رب العالمين تاركين الصلاة 44444_ النصيحة الذهبية عليك الألحاح بالدعاء والصدق بالدعاء مع الله لأن الدعاء مخ العبادة وأخيراً أنصحك تسمع محاظرة كتاب تعظيم قدر الصلاة للمروزي بشرح الشيخ عبد الرزاق البدر أعاننا الله وأياكم على المحافظة على الصلاة
العام چنت طالبة سادس واليوم الحمدالله طالبة طب اسنان طلعت معدل 94.57 بجيت هواي وانكسرت لمن جبت هذا المعدل لان مراح يدخلني التخصص الي اريده بس انه دائماً عندي يقين وحسن ظن برب العالمين لذلك گلت الحمداللة والشكر وقبلت بمعدلي بس بنفس الوقت انه جنت ضايجه وقدمت ع القبول الحكومي المركزي وانقبلت بكلية التمريض، وبنفس الوقت انه چنت مقدمة ع منحة الجامعات الاهلية (الي مايعرفها يعني تنقبل بكلية اهلية بدون ماتدفع اقساط) وبعده ماطلع قبولها بس جنت خايفة واملي قليل انو انقبل بيها، المهم داومت يومين بلتمريض اليوم الثاني ارجعت من الكلية الساعه 4العصر وفجأة بس دخلت للبيت حضنتني امي وجانت تبجي من الفرحة واخواني يذبون چكليت علية 😂🎉 انقبلت بلمنحه طب اسنان، فاااي الي اريد اگولة لاتيأسون من رحمة الله وحطوا قاعدة براسكم اليتعب الله مايضيع تعبة والله ع كل شيء قادر لذلك اولاً لا تستهينون بقدراتكم ولا تنسون قدرة الله
@@memoo_000 هيَ انو تنقبل بكلية اهلية بدون ماتدفع اقساط يعني مجاناً الاقسام طب اسنان وطب عام وصيدله شروطها انو يكون المعدل ثلاثة وتسعين فما فوق وتكدر تقدم اسنان وصيدلة وخمسة وتسعين فما فوق طب عام واكو امتيازات اذا جانت تند الطالب تكون فرصته بلقبول اكبر الامتيازات انو يكون عند عائلة الطالب راتب رعاية او يكون يتيم او عنده شهيد
@@memoo_000المنحة المجانية تدرس بجامعه اهلية ع حساب دولة كون معدلك ب تسعين وكل الناس تكدر تقدم ؏ــليه و اذا كان عندك شهيد جدك ابوك واذا كنت من قرى والأرياف فتكون فرصه الك اكثر بس هم اعرف وحدة بنيه ماعدهة لاشهيد ولا قرى والأرياف ونقبلت
دفــعه 2025 اكيييد احنا اقوياء واحنا كدها مرت سنين هوايه كلش مرت 12 سنه تخيلوا معقوله نجفص ب هاي السنه الوحده؟؟؟بهاي الفتره نشد حيلنا ابد لا نضوج وايد لا نكول العالم كلها مرتاحه واحنا بس نقره باللعكس خلي نقره ونخلص بالنهاية نرتاح كلش وهاي مستقبلنا والسادس اكيد حاله حال المراحل مجرد مرحله اخيره و مصيريه وان شاء الله الله ويانا يا رب المعدلات العاليه 💜💜💜
شباب لاتسمعون لكل نصيحة تسمعوها ارجوكم كونوا واعيييييننننن واسئلوا نفسكم واعرفوا شلون تستفادون من شي انت الي تعرف شتحتاج تقره وشكد انت تعرف تسوي جدولك انت الي تعرف تسوي الك واهس وتدرس انت وانت لا تباع على اخد وتأخذ كلامه شيييي حتمييييييي انت اسئل نفسك وناقشها لاتفكرون هيج وبعدين والله اني سويت هيج وطلع غلط لان فلان كلي 🥺 تحب تقره ملازم اقره ما تحب الا كتاب اقره تعرف تستفيد من وقتك ادرس يوتوب ما مطمئن سجل الكتروني ما يفيدك حضوري والخ انت الي تعرف شتحتاج وتحياتي
@@Naj2025nn دخلت معهد حضوري حرفيا اكبر جريمه تسويه بحياتج وقت كله يضيع ويذهب هباء ومن ترجعين صاير خرده من تعب شكد جنت اشوف عن مقاطع السادس من اول ما طلعت اعفاء بالخامس واشوف تعليقات كله تنصح لحد يدخل معهد بس عاندت عبالي صح قراري
نصيحة لدفعة ٢٥ لاتأجل عمل اليوم إلى الغد بس لا تراكمون ورا كل محاضرة امتحنو نفسكم ولا تخلون بالكم انو اهم شي تكملون ٣ افصل بل صيف هذا ابد مو مقياسسسس لا تروحون لموضوع جديد الا تراجعون القديم
لا ليش مو شرط هسا اني حاط ببالي اقراه هو والانكليزي بالمدرسة لان اني اكدر اضبطهن او اقراه يوم واحد بالاسبوع هو يبقى يم طالب اذا يحس نفسو ما راح يضبطو فلازم يقراه بالعطلة بس اني هسة اريد اركز على بقية المولد بالعطلة.
@@queen-us2gj شوفي الكيمياء الفصل السابع والثامن اي اقريهم من هسه لأن حفض والرياضيات الفصل السادس اولنگليزي قصير اتلحكين اتكملي بالعطلة اما البقيه اساسيات والعربي اخر اثلاث مواضيع سهلات مايسون اضيعين بيهم العطله
نصيحة من طالبة قبلكم راح تخلص السادس مو بعبع تره هذا كله ترويج و لا تمارسون الضغط على تفكيركم و عقلكم و انصحكم بهذه الفترة تبحثون عن استاذه زينين و اهمشي الكتاب و بعدين يله الوزاريات و بخصوص الاساتذة لا تمشون على سالفة الصيت و السمعة مالت الاستاذ حتى اذا ما معروف بس شرحه زين كلش كافي اضافة لا تهملون الادب و الاسلامية و نظموا وقتكم و توكلوا على الحي الذي لا يموت ❤ انت اكثر شخص فادني بفترة السادس الله لا يضيعلك تعب و ان شاء الله للجميع نصيحة اخيره مو شرط يكون حلمكم طب او مجموعة طبية اهمشي تدخلون تخصص تبدعون بي و تحبونه و معليكم بحجي الناس و المقارنات هذني ياكلن نفسيتكم و اخير شيء تره احنه ما محتاجين بس المجموعة الطبية محتاجين تخصصات ثانية نعمر بيها الوطن و اذا تريدون تدخلون خصوصي انتبهوا كلش زين وين تحطون فلوسكم لان مرات المدرس بالبداية زين و بعدين يكوم يمسلت لذلك اسألوا كلش زين عليه و استخيروا ربكم يله تاخذون خطوة
@@Ughhh711 لا مو شرط على الكتاب هسه اني اهلية وادرس بس على الملازمة وراح اخلص السادس واني مشايفه الكتب مالت السادس بس عندي كتاب الاحياء جابه اخويه وهمات مفاتحته اقرا بس على الملازم فـ شي طبيعي هذا
صارلي شهر من خلصت (طلعت اعفاء)وجربت اقره بدون ماستراح لمدة عشرة أيام كلشي ماستفاديت فكلت استراح فترة اطلع من مود الدراسه اشويه لكن بهاي الفتره جربت هواي مدرسين يوتيوب وحددت المدرسين الي اعتمد عليهم وهواي طلاب نصحوني على مدرسين معينين لكن شفت اني ماستقبل منهم المعلومه برحابت صدر الان حددت المدرسين والملازم الي اعتمد عليهم وان شاء الله راح ابدي ادرس يوم 10/5 وبالتوفيق للجميع أن شاء الله ❤❤
مدرسين انصح بيهم 👍🤍 حيدر عبد الائمه رياضيات او محمد قاسم هم رياضيات عربي حسين عبيده اولاً اذا مفهمت عليهه او محبيته استاذ حسين الغريب او هيج شي لان مدرست عليّ و انكليزي استاذ هارون او سجاد العبيدي وكيمياء ماكو لحد الان مدرس زين ومنزل منهج كامل على اليوت بس اذا دوره الكترونيه انصح ب استاذ نور الدين كلش زين و فيزياء اكيد مويد سليم واكو بعد اساتذه هواي بس هذا أفضل واحد وبس اتمنى منكم الدعاء لجميع طلاب دفعة ٢٤ وكل الطلاب هم خطيه
نصيحه من طالبه سادس طامصه بالمراجعه الوزااااااااااااااااااااااريات اقروها موضوع بموضوع من البدايه ترا تاكلها بعدين ابدا لتاجلها بحجه عندك وقت ترا هسه اكثر شي دااعاني منه الوزاريات كوووووووومه هي و كلها مهمه و راح اعوف منه هواي لان مالحك ف ندمانه لان ماقريتها قبل زين و جنت اطلع عليه فقط
زين شلون اقرا الوزاريات يعني وي كل تحضير؟، احنه هسه بلشنه سادس من 6 ايام، والمدرسين كلهم مسوين ملازم وي كل موضوع اكو خانة اسئلة وزارية اگدر اعتمد عليهه؟، لأن حاليا ما عندي وقت ابحث عن ملازم واحدد المواضيع حرفيا من هسه تحاضير وامتحانات يومية وبس الجمعة عطلةة 🥰.
@@Janat313-n6b شنو شدخل تفكيرك جداً سطحي مع العلم لان العطلة حق من حقوق الطالب والوزارة ضايفه منهج ضخم وجابرتك تقره بالعطلة وهي تكلك اقره بالعطلة ولا ترتاح وبغير دول صح اكو ناس تقره بالعطلة بس مو مثل بلدك الفاشل السيء اللي مايتطور اللي يعتمد عالمعدلات اللي يجيب ٩٥ حتى صيدلة مايروح يروح يشتغل عمالة … بعكس غير دول تطلع ٧٠ تعيش ملك
النفسيته مرتاحة مو مثل النفسيتة مو مرتاحة هذا الفرق بين لطلع معدل والما طلع معدل سر السادس (الضغط النفسي) النقطة السيئة الي دمرت الطلاب ترويج الأساتذة لدوراتهم وملازمهم ومراجعاتهم وكأنو المدرسين فاتحين مخضر مو واجبهم التعليم .والمواد الي كل شهر مقررة الوزارة تغير بيهن لا مغيرتهم كلهم فد مره ولامبقيتهم الله يوفقك
نصيحه طلاب 2025 اني مثلكم انعفيت ذيج السنه وبديت اقره ورا ما انعفيت ب شهر طبعا ما دخلت دورات ف كمت اقره وحسيت روحي جاي اقره ومشيت المواد وخلصتهم كلهن بشهرين وطلعت كلشي ما قاريه وتركت المواد لحد ما اجت المدرسه ووهنا اكتشفت انو ما قاريه 2_خطأي الاخر بالمدرسه عله اساس التزم ويه المدرسات وهم ما التزمت وما قريت وزاريات انصحكم تمشون ويه المدرسه وتقرون وزاريات وياكم لتتركوهه تتراكم 3_سويت انتساب هذا مو غلط بس ما استغليته صح وضليت كاعده ما اقره وصحى ضميري بشهر 4 وهسه لو اجيب معدل لو لا وجاي اركض بالمواد واني اول مرا اشوفهم احس ما قاريه اي شي نصيحتي الاخيره تأكدو من نفسكم انو كاعدين تقرون مو شلون ما جان يعني يا ريت لو احد يتبعكم شفهي اذا تكدرون واذا ما تكدرون امتحنو نفسكم لأن بعدين تكتشفون انو ما جنتو تقرون حلو بأيدكممممم
@@سادسعلمي-ي9ف احنه كان تقبلنا موضوع لنو ماكو حذوفات بس موضوع يضحكون علينا ويأملونا بشي ما موجود بسببهم اول مرا بحياتي ارسب بنص السنه لان كل ماده فصلين ما قريت منهه لان كلت ورانه حذوفات وبالاخر ضحكو علينا ب ولا شي بس خلونا ما نقره الحمد لله بس
@@Naj2025nn شوفيلي ديري بالج وديري بالج تدخلين خصوصي عن تجربة الي وياي الخصوصي دمر جسمهم وصحتهم ونفسيتهم وبالاخير ما خلصو الهم ماده وحتلو خلصو ماده لكو نفسهم كلشي ما قارين ولازم يقرون جديد عاليوتيوب بفترة المراجعه حرفيا كلهم رجعو عاليوتيوب بفترة المراجعه ف انتي ليش تخلين اهلج يدفعون فلوس قيامه على لا شيئ وهم انتي تتعبين على لا شيئ بالروحات والجيات والمدرسه ضيم وربي تعب كلشش هاي غير من وراهم حتهملين الاسلاميه والاحياء والادب بشكل عام والشرحيات مال بقية المواد كلهن بشكل خاص ف ضلي عاليوتيوب بس ارجع واكول اذا عندج احد يساعدج ويضبج وما يخليج تلتهين ويشوفج وين واصله ويتبعج ويمتحنج وما يعوفج جلبي بيه حتلو يعصب عليج وتضوجين تحملي المستقبلج بس لا تقرين وحدج بدون امتحانات وتأكد انو قرايتج صحيحه+ لا تغلطين وتقرين كل ماده الهه اسبوع وحدهه او اسبوعين او او لان هم حتندمين انصحج خلي الرياضيات والاحياء والادب والقواعد بيوم واليوم الوراه تقرين انكليزي كيمياء فيزياء واسلاميه ومن اقرين اقري بنظام ال شوي شوي يعني اقري بيوم موضوع صغير اليوم الوراه راجعي نفس الموضوع واقري الموضوع الوراه اليوم الوراه راجعي الموضوع الثاني وهم اقري موضوع جديد هاي الخطه ما تتصورين شكد حتفيدج ومستحيل بعد تنسين الماده وعلى فكره ركزي عالاسلاميه والادب وخلصيهم من العطله لان سهلات وتكدرين بشهرين وبسهوله بدون تعب تخلصيهن اخر شي لا تخافين والله السادس سهل واسهل من بقية الصفوف بعد بس مشكلته كلنا نكوم ما نقره ونسخت بالدراسه وننحصر حصرة الجلب باخر شهرين لحد يضحك عليج ويتعب نفسيتج عالفاضي والله كلش سهل السادس لان الاساله متوقعه كلهه من الوزاريات اقري الوزاريات كلهن واطلعي وضامنه ال 100 اهم شي النفسيه او كل ما تحسين روحج تعبتي عادي انطي النفسج ريست حتلو 10 ايام اطلعي تونسي وارجعي كملي لان اذا ما تسوين هيج حتقرين بدون تركيز او فائده وتدخلين بأمراض وابو امراض اخر شي اكلج عليه سوي مثل ما اني سويت اني صليت استخاره حته اختار الي يفيدني ف صلي استخاره حته تعرفين انو اليوتيوب افضلج واذا ارتاحيتي او حلمتي انو اليوتيوب احسن الج ف كملي بيه
@@خوخه-ف6ص مو بس تكدرين وحته تعدينيه اكثر من مره بس الفكرة انو احنه بالبداية نتوهم جاي نقره وبعديين تكتشفين ما جنتي تقرين ف أقري وبعدهه احد يتبعج او تمتحنين روحج يعني من الاساس راح تكتشفون انو الكل يبدي قرايته الصح بفترة المراجعه وبس يعني هواي من الناس خلصو المواد بشهرين بس وجابو معدلات لان كعدو بس يقرون وعافو كل شي من الاخير لا توهمين نفسج تقرين اقري الادب مثلا يوميا موضوع يخلص ب 17 يوم والاسلاميه اذا بس موضوع ب 25 يوم واذا نص موضوع باليوم تخلصيهه ب 50 يوم الكيمياء كلش سهله اذا شوي شوي تقريهه خلي الكل فصل عشر ايام وهواي عليه بالزايد تخلصيهه ب 80 يوم والفيزياء حته تكدرين يوميه فصل من سهولتهه بالاخص الفضول من الرابع وورا بس مع ذلك تكدرين تخلين للفصول ال 3 الاولى كل فصل عشر ايام وهواي عليهم والفصول البقية كل فصل 5 ايام هم هواي عليهم الاحياء انصحج امشي ويه المدرسهعدا الفصلين الاولى اقرين بل عطله بس لا تعوفين الالتزام ويه المدرسه ابد الانكليزي هم ويه المدرسه تخلصين بسهوله اما الرياضيات لو تقرين بورقه وقلم لو تعوفيه من هسه عن نفسي اكول كل فصل 5 ايام يخلص الرياضيات بالمجمل يخلص بشهر بس بما انو عقول الناس مختلفة تكدرين تخلين الكل فصل عشر ايام هم هواي عليه ويخلص بشهرين وبس والله اذا تطبقين كل هذا وكله ورقه وقلم تلكين نفسج مضبطه الماده اهم شي حتى لو تخلصين الملده ترجعين تكررين نفس الجدول ونفس الكلام لان من تتركيهم تنسين كل الي قريتيه🤍
@@زهراء-ك6د شوفي هاي شي طبيعي يعني مال التسخيت لان بعدج بس تبدي المدرسه راح ماتعرفين شتدرسين من المواد والتحاضير ، فـ لاتخبصين روحج والا تكعدين من الصبح حتى لو تكعدين بـ 1 سبحي وصلي واكلي وبلشي حفظي ودرسي على يوتيوب حاولي شوي شوي اول يوم فد 4 ساعات ثاني يوم هم 4 ساعات ثالث يوم سويهن 6 ساعات لحدما تتعلمين تدرسين فد 8 ساعات وبينهن تاخذين ريستات ، ويوم الجمعه ترتاحين اكيد ، حاولي تسوين هيج لان اذا تضلين تسختين تتندمين بـ الدوام ماتلحگين تدرسيهم وبـ الاخير حتى وزاري ماتكدرين تدخلين ونفسيتج تدمر ، احم هاي انا صارت وياي السنه الفاتت ،دخلت معهد كل المواد وگضيتها تسخت ونحصرت بـ المدرسه ومادخلت وزاري رغم جنت شاطره بس السادس يرادلة اكثر من هيچ ، وهسه شوي شوي بديت اتخطى ورجعت ادرس للسنه التجي ✨ ،
إنتَ إنسان واعي وتفكيرك وكلامك يزيدنا فخر لأن انتَ تمثل العراق والفئة الواعية من طلاب العراق ومستقبل العراق بيدكم ارجو من الله عز و جل أن يحفظك و يوفقك وتطلع من السادس بفد معدل يرفع الرأس .
مرحبا اني حشارك وياكم تجربتي الخاصه طبعاً اني دفعه 2023_2024 بلبدايه من دخلت سادس جنت تلبه ومعرف شي واصلا ممفتهمه شنو هو السادس ف ضليت محتاره دخلت خصوصي طبعا اني الخصوصي ابد مفادني مجرد اطلعت على المواد ومفهمته اذا اكدر انطي نسبه فالي فهمته هو 20% ف قررت ما امتحن وزاري وكعدت وفكرت وبلفعل بديت اسوي الخطوات الي حاليا حجت انت عنه واني اصلا مسويتهن من شهر ال4 يعني اخذت وقت وزياده وسويت جداول هوايه وختبرت نفسي بيهن لمن توصلت للي يناسبني وحاليا اني مخليه خطه وجدول ومحدده الاوقات والايام وعدد المواد وكلشي حرفيا مغطيه على الموضوع من كل الجهات وابدي بيه يوم 5/10 واني بلبدايه مجنت واعيه انو اني طالبه سادس ولازم ادرس دائما جنت كأني بغيبوبه وصحيت منه و ما اريد احد يعيد هذا الخطأ ف جاي انوه عليه انت من صرت سادس يعني تحدد كيف راح تكون بلمستقبل🫶🏻🍬
نصيحة حلوة استفادوا ولا تغلطون غلطتي شوفو ما عليكم باللي يكلكم ادرسو منهج بالعطله ،ادرسو 3 افصل ،ادرسو خمس افصل ومدري ايش فا شيلو هل افكار من بالكممممم يعني انا درستثلاث افصل وجيت ناسيه ! 💔 شيلو من بالكم فكرة انو لازم ادرس هلكد فصل صير ذكي واعرف اتصرف صير ذكي والشي الي تدرسة راجعة راجعة راجعة المراجعة ثم المراجعة وبعدين من خلصت الفصل وراحعتة النوب تجي اطلع وزاريات تطلع عليها كلها اذا ما عرفت تحل معناها نا دارس زين عيد شعندك؟ ترا نما عدكم شي عيدوا ياخي ما الكم دخل باليكول لا هذا وقت ومدري ايش ترا انت عتدرس
الفيديو اجه بوكته 😞💗 طلعت اعفاء عام الحمد لله وفكرت كلش هواي ادخل خصوصي لو ادرس على اليوتيوب و كل يوم يتغير رأيي بس بحثت كلش هواي واغلبهم ينصحون بليوتيوب لان واحد يكدر يعتمد على نفسه ويسوي جدوله بنفسه ويكدر حتى يخلص الماده براحته اكو معاهد لحد شهر الخامس ميخلصون المواد فـ الشخص يلتزم وياهم ، وطبعا صاحب القناه اكثر شخص استفاديت منه ومن معلوماته واحس هسه اني فهمت شنو اريد وشلون راح اسوي جدولي وانظم يومي ، طبعا اتمنى مااتندم بعدين لان مادخلت خصوصي لان دا اشوف كل صديقاتي دخلن وهذا شي ديشتتني كلش بس ان شاء الله اللي بي خير يصير💗 اتمنى تدعولي💗
+اني هم طلعت اعفاء ومتشتته ما اعرف شلون ابدي هم شفت صديقاتي كلهم دخلوا خصوصي وهذا الشي هم دا يشتتني بس هسه إنشاءالله راح ابدي وانشاءالله ما اتندم لان ما دخلت خصوصي وانشاءالله كل الخير والتوفيق
هم صديقاتي دا يكولولي دخلي ويانه فكرت بالموضوع شفت اول شي اكو معهد رحت تجريبي يمهم ما فهمت عليهم واكو معهد يعني بعيد يعني لازم سياره يله اوصله يعني بعيد عن بييته يعني وقت هم الروحه والجيه وتعب واتخذت قراري وانشاءالله ما اتندم
@@user-gb4hq7ly2g حرفيا تضييع وقت بس اكو اشخاص ميكدرون اله اكو شخص فوك راسهم يله يقرون فمضطرين يدخلون خصوصي ولو هوه الشخص لو يريد يقره يلزم نفسه ويسوي جداول ويقره لان هيه مرحله مصيريه ميصير واحد يستهان بيهه
من هسه قرري مدري اشون شفت تعليقج بس المعاهد مضيعة وقت مو كل مدرسين لا مع احترامي الي زينين شوفي ايمي مادة كلشش كلشش ضعيفة بيها ادخلي وباقي على يوتيوب فيزياء اكو مؤيد مبدع رياضيات حيدر انكليزي اكو سجاد اكو محمد عبيدي كيمياء اكو يوسف الربيعي هاشم جربي وابدي من هسه احنا دفعة 2024 لحد هسه والله ما مكملة مواد لان دمرونا بال قرارات وابدي بداية بدون تسخيت تشوفين سنة مرت بسرعة والله بالصيف ضبطي اول 4 افصل حتى تفوتين على نصف سنة انتي تكدرين تجيبين درجات بعد نصف سنة تكونين مرتاحة انتي مطمئنة من دخول ❤️❤️✨ وربي يوفقج عمري
أهم أخطاء طُـــلاب الســادس: الشغلة الاولى✨🪐 :الاندفاع وعدم الموازنة بعدد ساعات الدراسة: هذا الشيء كلش خطر عليكم اني چنت مثلكم طالبة خامس وبالاشهر الاولى اندفعت كلش بالدراسة وبقوة بحيث جنت ادرس هواي وبشكل مو منظم لدرجة وصلت فترة المراجعة صرت المحاضرة الوحدة استثقلها على نفسي لأن خلصت طاقتي بسرعة اتمنى تتوازنون بدراسة بكل الأيام. _🤍🤍🤍____ الشغلة الثانية🤎:العشوائية وعدم تنظيم الوقت: انتَ كطالب سادس لازم تنظم وقتك وتسوي جداول لكل يوم حتى يترتب يومك ولتدرس بعشوائية سوي جدول حتى لتفكر شقرأ وما أقرا وابدأ بالمواد العندك ضعف بيها ونظم وقتك الدراسي حتى ميخربط عليك يومك. _🤍🤍🤍 الشغلة الثالثة🥉: عمل ملخصات للدروس: الغلط اللي سويته مسويت ملخصات بشكل يومي للمواضيع اللي ادرسها سوي من هسه ولتتعاجز لأن متتخيل شكد راح يفيدنك ويخلنك تسترجع المعلومات بفترة المراجعة فكر للبعيد والعبها صح. 🤍🤍🤍_ الشغلة الرابعة🌟: طريقة التكرار المتباعد: هاي الطريقة إنقاذ صح تتعب لكن شكد متتعب هسه شكد حتنقذ نفسك بالمراجعة التكرار المتباعد انو عندك تحضير قريته متقرا تحضير جديد الا تراجع القديم وتستمر بالمراجعة وجمع التحاضير كلهم وراجعهم بالاخير وامتحن نفسك بيهم. 🤍🤍🤍_ الشغلة الخامسة🍒 : الإبتعاد عن الاصدقاء السلبيين بشتى الانواع: متتخيل شكد حيأثرون عليك بطريقة أو بأخرى هاي فترة مهمة بالنسبة الك مهما كان مستواك ضعيف لتخلي اي شخص سلبي يتعرضلك أو يمسك بكلمة سواء صديق أو قريب انتَ أعرف بنفسك صديقي. الشغلة السادسة: انو تنغر بالوقت وتكول عندي وقت هواي: من تكول عندي وقت حترخي عقلك ومتخلي يركز بدراسة وهذا اكبر غلط لازم متسوي لأن الوقت بسادس يركض ركض حرفيًا مراح تحس بشيء دربالك الشغلة السابعة 🌠🛑: احلام اليقظة والتخيل المفرط: المختصر انو من تجي تدرس تكوم تحلم اني صرت الاول ع العراق وطلعت اعلى معدل والعالم فرحانة وهاي الهوسة هنانه حتقنع عقلك انو انته من صدك حققت هذا الشيء وتكوم تدرس شلون مجان لأن مجرد خلقت وهم وانتَ اصلًا بعدك بالبداية فأبتعدوا عن هذا الشيء هو حلو الطموح لكن من تجي تتخيل لتتخيل بس لحظات النجاح اتخيل التعب بنص الرحلة تخيل الأوقات الصعبة وهكذا. أخير شيء : السادس سهل وصعوبته فقط بالاستمرارية إذا تستمر بالدراسة والروتين الصحيح ومو بس تدرس لازم ترفه عن نفسك وادرس بحب للمادة ولتخاف وكل ورقة تخلصها يعني انتَ جاي تقرب خطوة لحلمك 🙏🏻🍓♥️. واتمنى لكم التوفيق 🍓🍓.
@@you215. من بعد تجربتي العربي: حمزة الجابري - مناضل الحمداني - خضر الظاهر - مسربات عقيل الرياضيات: حيدر وليد - محمد قاسم الإنكليزي: حسين محمد- سجاد العبيدي - فاضل كريم الاحياء: سالم آل منصور - نورا الدايني الفيزياء: عصام الشمري - محمد زياد الكيمياء: حسين الهاشمي - يوسف الربيعي إسلامية: ساجد العكيلي وحمود هذول زينين وانطيتج خيارات هواي تكدرين تجربين واللي تفتهمين عليه ثبتيه عليه
نصائح ألماسية لطلاب السادس الاعدادي تخليك اطلع معدل 99.86 1. تنظيم الوقت : ضروري تتظم وقتك بين الدراسة و الاستراحة و تحدد وقت تدرس بيه و وقت تستراح بيه لان اذانظمت وقتك راح تنظم معدلك بالسادس 2. التركيز أثناء الدراسة : من تدرس ضروري يكون عقلك صافي بنسبة 100 بل 100 لان مراح تعرف التركيز شكد يفيدك و شكد راح يخليك تضبط المادة 3. لا تلعب دور الضحية: و اقصد بيه لا تلقي اللوم على الظروف مثلا لا تكول ما اكدر ادرس لان المدرس مالي مراح يكمل المنهج و لا تكول ما اكدر ادرس لان مريض و لا تكول ماكدر ادرس لان ماعندي غرفة صدكني الطالب يكدر يطلع معدل حتى لو هو باسوا الظروف 4. لا تهتم للمشاكل العائلية : طلاب تره ماكو بيت بالعراق كله يخلو من المشاكل تره كلنا عدنا مشاكل لكن اكو طلاب يخلون المشاكل تاثر عليهم و بالتالي يقل واهسهم للدراسة و اكو طلاب ابطال ما يخلون المشاكل تسيطر عليهم بل هم بدرسون و ما يدخلون بيها 5.الاتزام و الحرص: ضروري تكون حريص على نفسك من تدرس يعني مو تقرالك صفحة و تكول خل اشوي اباوع فيديو باليوتيوب او تكول هاي المعلومة مو مهمة او مراح تجي بالوزاري و غيرها من هاي السوالف 6. الابتعاد عن الموبايل و الانترنت نهائيا الا للدراسة فقط من تبدي بالسادس لحد ما تطلع من امتحان الفيزياء بالوزاري 7. تصفية العقل و التفكير الايجابي: و هذي تعتبر أكبر و اعظم نصيحة اذا اتبعتها راح تطلع معدل 99.86 و اقصدبيها تصير طالب سادس دفعة 2015 مو 2025 يعني تبتعد عن كل المشتتات و العالم الخارجي و السوشال ميديا و تلتهي فقط بعالم الدراسة و الكتب
@@FREDNOIAS عندي نصائح الج 1)تشرحين الموضوع كله من البدايه للنهاية بس شرح يعني مو حفظ. 2)تكتبين علا الغيب الي فهمتي من الموضوع مو الا نفس الكتاب بس الي فهمتي من شرح. 3)تحفظين ادور بالورقه و القلم. 4)حفظتي مو تجيبين ورقه و قلم تكتبين اسئله و تحليهن حتلا نسيتي الحل بس اهم شي تحلين الاسئله. 5) ادور شوفي الحل مالتج و مالت الكتاب اذا طلع خطأ حفظي مره ثانيه. 6)خلصتي حفظتي و كل شي شوفي وزاريات و حفظيهن اذا حفظتيهن و خلصتي امتحني بيهن علا مود ما تنسيهن. اخر شي لازم تراجعين كل نهايه اسبوع مثلا انتي قريتي من الاحد للجمعه تخلين السبت مراجع للكل الي قريتي الاسبوع كله. صح هاي الطريقه تطول بس اني مجربتها و طلع اعفاء عام بالخامس. بس سؤال انتي حاليا سادس لو ستوج راح تطبين سادس اذا حاليا سادس اترقع ما تفيدج و اذا مقبله للسادس تفيدج كلش هواي.
@@قيصر-ك7ز فهوا ولي الله في الارض وابن رسول الله وابن علي المرتضى وابن فاطمه الزهراء عليهم السلام، نهدي دراستنا لصاحب الزمان، ونجعلها قربتاً لله تعالى، فاذا ميعجبك هاذا شي فأكرمنا بسكوتك اخي لعزيز
@@قيصر-ك7ز فهوا ولي الله في الارض وابن رسول الله وابن علي المرتضى وابن فاطمه الزهراء عليهم السلام نهدي دراستنا لصاحب الزمان عجل الله فرجه، ونجعلها قربتاً لله تعالى ، فاذا ميعجبك هاذا شي فأكرمنا بسكوتك اخي لعزيز
نصيحة لطلاب السادس ٢٠٢٥ حاولوا تقرون شكم فصل من كل مادة وتضبطون الوزاريات كل فصل ووزارياته وخصوصاً وزاريات المواد الفهمية جدا جدا مهمة الكم واذا حليتوا وحسيتو نفسكم ماحفضتو او مافهمتوا وتنسون كلشي حليتو فهذا شيء طبيعي، لان بعدين تلقائياً راح تشوفون نفسكم حافظينا من تبدون سادس راح يبين هل شيء وحاولو ماتسوون اخطاءنا اقرو هواي بالعطلة افضل والله تستفادون بعد ماترتاحون شهر اقل وبلشوو وربي يوفقكم ويوفقنا وادعولنا وياكم تخلص امتحاناتنا على خير ونطلع معدلات حلوة، Good luck🤍💪
طالبة من دفعه 2021 وراح اكمل وي 2025 طبعا اعاداتي هاي بسبب اوضاع نفسية تعبانه واحتاج اروح دكتور نفسي حاليا معندي فلوس لكن راح ادرس واجمع فلوس واروح طبيب حت تكون هاي اخر سنة الية ادعولي اجيب معدل عالي ماعنظي قسم او حلم معين انا اريد اللي ربي قاسمه اليه لكن اطمح لمعدل عالي يارب احقق هل شي وافرح امي وابوي 💗
صعوبتة مثل ما توقعت بس هو يحتاجلة وقت والمواد هواي ف تضغط نفسك وتفكير شي جدا بديهي هو سهل بس مو بسهولة المراحل السابقة وعادي تتونس بالدراسة حتى لو باسوء لحظاتك ومرات خلص تكرها وهاي التقلبات حتى لو باصعب الفترات مثل هاي الفتره موجودة "هيج يصير وياي من البداية لول"
بلنسبه الي اكول كلاوات لان صار رشوة ومرشحات على شراء الاسئله على مدرس خصوصي يسرب الاسئله او بعض الاسئله ف مجرد حالة حال أي مرحلة مريت منا دفعة 2024 ممكملة ولامادة مراجعة
دفعه 25 رجعوني بعد سنه لتستغربون الايام تركض ركض ما احس غير مخلصه سادس وهل تعليق يكون قبل سنه او سنتين يشاهدو الدفعات القدمه ان شاء الله السادس يترك اثر كلش حلو بحياتنه
اني داخلة معهد ف مدرسين المعهد عدهم ملازم وندرس عليها معهدي مو مشهور وبمنطقة شعبية ببغداد وسئلت كلهم كالو زين وناسبني وقريب علي ف ارتاحيت وسجلت كل مواد عدا احياء واسلامية احياء كلت اجيب ملزمه سالم واشر على كتاب وادرس يوتيوب واسلاميه ساجد عكيلي وماهرف شلون اقراهن وكم محاصؤة بالأسبوع نبدي ١/٦
شوفي شرح حمزه الجابري والي تحسين تفهمين عليه أكثر ابقي واقري وزاريات مال مهند السوداني وره كل موضوع تخلصيه وحمزه يشرح الوزاريات المهمه وياهم اصلابس هم ضروري تحليهم وتطلعين
@@Zahra_99i نفس الحالة وهمين مدرسة اهلية وحالي من حالج كلشش تعب بس تدريس ممتاز يعني بس امتحانات يومية والمحاضرة ساعة ونص هواي تعب يعني من نرجع حتى ما نلحك نراجع.. هواي احس راح يضيع الوقت وانا هيج
@@Zahra_99iزين تسوين.. ان شاء لله خطوة خير عليج.. يارب تنولين الي تردّي.. انا چنت ناوية اخطي هل خطوة لان فكرت مثلج وحالي من حالج بس الظروف اقوى مني وهسه مجبورة اتحمل الضغط الله يكتب الي بي خير ويوفق الجميع 🙏🏻
هاي شنو انت اني؟ حرفيا احسج لو اني لو وحدة وياية بالصف اني هم دخلت دورات وضغط كارثيي اي احد يشوفني من هسة هيج اقرا يكول دا تهلكين نفسج وماكو طالب سادس يقره هلكد من البدايه رغم اني مو بيدي دا اقره هلكد وكوة الحك علتحاضير حرفيا بعدني لسة مشايفة الاسلامية والاحياء من كمية الضغط واصلا يمكن مراح الحلكهم بهل عطلة
@@Zahra_99iاني هم مثلج ومن ارجع غصبا عليه اقرة عليوتيوب ويطير كومة وكت واذا ردتت احل وزاريات حرفيا التحاضير كلها تتراكم والكل ديكول لا تعبرون موضوع بدون متقروه وزارياته ☺️ وباقيه بين نازين
باعوو هاي نصيحه من طالبه سادس بائسه 😂 عندج من شهر سادس للدوام 3 اشهر او 4 اشهر حسب دوام شوكت يبلش شسوين بهذني ال 4 أو 3 اشهر كملي 5 مواد انا راح اكلج شلون اول شي بلشي بـ الاسلاميه وهيا اهم ماده جيبي ملزمه ساجد العكيلي مو غير مدرس لان احسن ملزمه هيا ملزمته ومقسمها حسب الاسئله الوزاريه شوفي حبيبتي اليوم 24 ساعه اريدج تأخذين من هل يوم بس 10 ساعات و 14 ساعه هاي الج هديه مني 😂 اول شهر الي هو شهر السادس اقري اسلاميه يوميه مده شهر خمس ساعات اسلاميه وحتلو تكملينها راجعيها ضلي يوميه اقري 5 ساعات اسلاميه وراح تكمليها بهل شهر ونفسه شهر سادس اقري بيه انكليزي على محمد العبيدي يوميه هم خمس ساعات بس خاف وكل ما تكملين وحده اقري مراجعه مركزه مال 2024 علمود ضبطينه اذا أنتِ سباعيه راح اتكملينه بشهر واذ ما كدرتي عادي كملي بشهر ال 7 أخذي من شهر سابع سبوع بس كملي الإنكليزي بيه هنا عندج كملتي مادتين بشهر ال سابع أخذي ريست يومين 7/1 و 7/2 و 7/3 ارجعي ادرسي شهر سابع اقري كيمياء هم كل يوم خمس ساعات خصصيلها ودرسي ع هاشم الغرباوي تكدرين تكملين ماده بأقل الشهر وحتلو تكمليها اقري مراجعه مركزه وراجعيها ولازم لازم هذا الشهر كله تقرين يوميه خمس ساعات كيمياء وبنفس الشهر ادرسي عربي قواعد فقط انا ضعيفه بالعربي فدرست ع اربع مدرسين حتى اضبط الماده بس انت انصحج ع مدرس واحد يبسطلج ماده ويسويها جنن احمد كاظم وكل موضوع تكملينه راجعي مراجعه مركزه هم مال احمد كاظم والله ضبطين العربي بشهر سابع راح تكونين مكمله كيمياء و عربي وهنا من توصلين شهر ثامن أنتِ مكمله 4 مواد وهذا إنجاز خرافي ف كافئي نفسج باستراحة اسبوع كامل ... و يوم 8/8 رجعي ادرسي شهر ال ثامن خصصي كُله لل فيزياء لان 10 افصل بس والله ابد ابد لا تخافين منه تافهه وسهل اكو هواي مدرسين اختاري مدرس اقري عليه وخصصيله يوميه 8 ساعات وحتلو تكملينه قبل الموعد عادي من توصلين الشهر ال 9 أنتِ مكمله 5 كتب وأنتِ هنا بطله شهر 9 بلشي من 9/1 لان مو مال استراحه ولازم تكملين رياضيات واحنا كلنه انُ أنتِ بطله فـ 9/1 بلشي ادرسي رياضيات ع حيدر عبد الائمه والله تضبطين الماده وتحبيها وهنا انصحج تبلشين من فصل رابع وراه الخامس وبعدين الثالث وبعدين الثاني واخر شي رجعي للأول لان راح يبلش بدايه الدوام وراح درسي حتئ تتضاعف المعلومه وضبطينه اقري 8 ساعات باليوم رياضيات و ساعتين اقري احياء ولا تبلشين من الوراثه بلشي فصل اول لان انتِ جاي درسين رياضيات فهم وهيج يمكن تكملين فصلين احياء أو تلاثه ويبلش دوام الحكومي 10/1 وأنتِ مكمله 6 مواد ونص😂 من يبلش دوام ركزي ع مدرستج وراجعي يعني الدرس الي تاخذو بالمدرسه ارجعي راجعي بالبيت ع يوتيوب حتى تضبطين تمتحنين نص السنه وتكملين عندج عطله نص السنه 15 يوم اريدج ضبطين بيها الوراثه كون تفهمينها عدل وهيا كلش سهله وتكملين حفضياتها من يبلش دوام هم ارجعي اقري وي مدرستج حسب الي كتلج عليه مساع انُ تراجعين الي درسي بالمدرسه عدل ع يوتيوب و بنفس الوقت خصصي باليووم ساعتين درسين بيهن تكوين جنيني الي هو الفصل رابع من الأحياء كلش قليل بس شويه ما بيه قبول ف صبرج عليه و 3/1 اريدج تبلشين مراجعه وطلعين من المدرسه وذا ما يقبلون ف عادي داومي وراجعي عندج حيكونن كولي مثلا متحانكم حيكون بشهر ال خامس ف شهرين خلي مراجعه يعني 60 يوم أنتِ مكمله ماده و مضبطتها ف ماله داعي خوف وتوتر اول شي جيبين مبايلج أو ايبادج تنزلين المحاضرات الي أنتِ محتاجه درسينهن ع مبايلج وبعدين تحذفين رمز الانترنت ونصيحه لا تمشين ع جدول الايام بالمراجعة امشي ع جدول ساعات يعني قسمي يومج كل يوم ساعتين للماده حتكملين مراجعه بشهر واحد وعندج شهر ثاني سوي مراجعه ثانيه وحتلو متلحكين تراجعين مرا ثانيه عادي مو مشكله لان أنتِ مضبطه الماده واكلج كل توفيق الج وادعيلي وياج واتمنئ اتمتئ تمشين ع هذا جدول لان صراحه يجنن وجنت اتمنئ احد كايلي هالكلام قبل لا ادخل سادس كل التوفيق الج وهم اكلج دعيلي ❤❤ وشكرا ❤😂
@@lioil1221 مادري والله حسب استيعابج للمواد وماعتقد تكملين أكثر من ٣ أو ٤ افصل من كل ماده منا للدوام لان صديقاتي هيج سووا واصلا هنا كلش مجتهدات ومستمرات بدراسه وكملو بس ٣ افصل من كل ماده
اني صار تقريبا اقل السنة متابعك فد انسان راقي جدا ويعني الحمدلله وجدنا قناتك والله يوفقك ان شاء الله وتطلع المعدل الي تريدة وان شاء الله انتم السابقون ونحن اللاحقون وبالتوفيق للجميع وهذا المقطع فادني جدا ❤
واثقة انو انتَ حتكون شي عظيم ، وواثقة حيجي يوم وتنزل فلوك شلون طلعت طبية ربي يكتبلك كُل خير ويسعدك ويوفقك واشوفك احلى دكتور ، ان شاء الله المُعدل العالي وان شاء الله تعبك ميروح جزاك الله خير الجزاء🎀🤏🏻
نصيحه لكل طالب سادس لاتدخل معهد وان جنت داخل فبطل احسلك لانو ضياع وقت دون فاىده بس تعب وطلعه طبه يوتيوب مكفي وموفي واراقى اساتذه بيه عن تجربه المعهد البدايه حنطه والنهايه شعير 😂
امس جنت ادور فديوهات دفعة 24 وهسه اني بفترة المراجعة ياااخي عجيب ولا حسيت ولا عبالك صارلي 11 شهر ادرس حرفيا غمض فتح تلگه نفسك بفترة المراجعة وطبعا ما شاء الله ولا ماده مكملتها 🥲💔
سهل بس يحتاج وقت التزمو واستغلو وقتكم اما الكلام وتهويل تسمعو عن سادس صعب ومتكدر او... معليكم بيهم ابدداا ابداا عقولكم غير عقولهم انتو بالحقيقة تكدون بفصل الله مالي احد يقيملي لماده ممكن هوة على كد عقلة امااني الحمدالله الله منطيني عقل واطلع بعدل عالي وعوف طبة وطلعة وتسخيت والأصدقاء وصديقات وبس شوي وبس هاي كلهة تضيع وقت وبعدين تندمون تراا محد يفيدكم وقت لامتحان شحلاتها من طلع معدل عالي تريدة وتفضهة من اول سنة لاسختون لاتندمون
طلاب نصيحة عوفو اهل تحفيز وشون جبت معدل بفتره قصيرة كله كلاوات انتو بس استغلو الوقت وحتلو تأخرتو عن غيركم المهم تكون مُخلص بعملك إسعى وبليوم خصصولكم ساعه تسمعون بودكاست مال تطوير ذات ثقه بنفس شجاعة
يارب تطلعين معدل عالي اني دفعه ٢٤ لازم يكون يومج اكثر انتاجي مو اكثر تشتت يعني مو باليوم تقرين سبع مواد وأنما تقرين اربع مواد بس تنطيهم حقهم يعني اخذتي موضوع بالرياضيات تقرينه كلش زين عبالك عندج بي متحان وتقرين كل افكاره وعندج الفيزياء حاولي من تقريه خصصي نص ساعه تراجعين الشرحيات ڪُلششٰ راح تفيدج عن تجربة بنص سنه لعبت روحي من هلكد معايدة شرحياته
@@Abrar2006.bوالج بالمثل🩷+ عمريي الادب سويت كل يوم ورقة اسهل الي يعني بشهرين هيج اضبط الادب ان شاء الله 🥹🫶🏻 وبالنسبة للفيزيا سويت مثل ماكلتيلي وكلش استفاديت
6:08 هذا اول فيديو اشوفه لان شفت تقسيم للفيديو ولـمقدمه وحتى الان جاي استفاد فما كو داعي اشوف فيديوهات اكثر للسادس هو اهم شي تحضير وماتسخات بس لازم اعرف على منو اعتمد بالقرايه عمود المعدل
اني دفعة 24 مدري شجابني هنا دفعة 25 نصيحة عن تجربة اني سمعتها و ما هتميت صحتكم نفسية و جسدية و هنا ما اقصد واهس لا اقصد ضغط و توتر تسوي اكتئاب ديربالكم ترى هذني يوكعن كلشي يتدمر بدونهن متكدرون تقرون و اقروا و شدوا حيلكم من بداية لا تصدكون يكولون اول 3 افصل صعبة باقي سهل اني ما اكللكم صعبة و لا اخوفكم و انما مادة مكثفة و ضخمة خلصوا شكد ماتكدرون من مادة لان بعد نص سنة الوقت يركض ركض
بما إني بلشت خلي أقول لكم أسماء مدرسين دا ادرس عليهم أول شي عدنا الفيزياء على حسين محمد كلاميات ومرات ادرسها على عصام الشمري كـ مسائل وشرح عادي *لسة ما وصلت للمسائل بعدني بداية الفصل الاول بس شفت شويه من شرحهم* والكيمياء على حسين الهاشمي والعربي القواعد على حسين الغريب الادب احدد الأسئلة بالكتاب من ملزمة هشام المعموري بس هم الملزمة مهمة بالأدب الأحياء على سالم آل منصور أحدد بالكتاب بس هم الملزمة تفيد بالأسئلة وبالحفظ كلش الإسلامية ما أعوفها حطيت لها يومين بالأسبوع رياضيات على حيدر عبد الأئمة اللغة الإنجليزية فهي أكثر مادة حيرتني بس آخر شي قررت ادرسها على محمد العبيدي حاولوا تدرسون اكثر من مادة يعني مثل الحصص باليوم لأن دراسة مادة واحدة تكون مملة مو شرط تكون معلوماتي صحيحة 100% او المدرسين يفهمون كلش بس أتمنى فدتكم.
بعد مسمعت كلامك أدركت ان الشغله الاساسيه ابلش بأقرب وقت والشغله الثانيه ابد ما اضيع وقت هي اربع أشهر العطله يطلعلي بالاهواي اربع مواد اكدر اضبط شي منهن اذا استمريت وبقوه ف ضروري الدراسه بدون تهاون ما ارجع اسوي اغلاطي مال هسه اكمل هسه اراجع هاي هسه اجي زين قريت ربع التحضير اخذ استراحه هذه كلها اغلاط ما اكف الا لما اتعب وماكدر اركز خص اذا اني اريد معدل
اني مقررة أاجل مادتين كيمياء وانگليزي واني زينة بيهم ومخلصتهن بس وقت ماكو انو اراجع بي هذني المواد وراح امتحن خمس مواد وقدر الامكان احاول اجيب بيهن معدل عالي + بالتوفيق ان شاء الله تطلع المعدل الي تريده🤲🏻🌷
@@Waad_170 حبيبتي لا اعض اصابيع ايديه ولا رجليه ماتسوه تره 😂 اني المنهج قاريته كامل وضابطته بس ماعندي وقت اراجعه ومالها داعي المجازفات واحنا سادس ونريد معدلات عالية مو يس نجاح ، مثل ماتجي سهلة بالدور الاول تجي بعد اسهل بالدور الثاني على الاقل نضمن ال100 مو سبعينات 👀
انه دفعة 2023 وراح اعيد وي دفعة ٢٠٢٥ وكلش دمرت نفسي وضيعت عمري بس لا ما لازم استسلم لازم تغير ما اضل نفس الوضع + شكرا على نصائح 🤍+ ان شاء الله هيج وكت على سنة تجي مخلصة امتحانات و ملتزمة و كون احسن نسخة من نفسي ، واجي ابشركم
من هسه الي يدور نصايح لسادس ميطلع معدل وانتهت جلسه اقرو والي مكتوب يصير هواي ناس قرت هواي ومطلعت معدل فمو شرط تسمعو يعني سادس سهل هو مكتوبله من البدايه يطلع معدل ناس تعبت اكثر منه ومحصلت شي باختصار لتضغط على صحتك وتخرب جسمك ونظام حياتك علمود دراسه اهمشي صحتك وبعدين الدراسه والي الله كاتبه يصير لو تبلع الكتب من القرايه مع السلامة
عاشت ايدكك متصور هذا المقطع شكد فادنا واني خصوصا دايخه ومشتته كلش هاي الفتره ،وهمين كونك طالب مثلنا ومريت بكل هاي المراحل ،جميل جدا صِدقَك بالحديث ربي يوفقك ويحفظك والمعدل العالي ان شاء الله 🤍🤍
شكراا جزيلا على هاي الشغلات الي جاي تقدمها و أنت مجربها و تعرف نتائجها و جهدك لتقديم المساعدة للطلاب و انت جاي تدرس و هذا شي كلش حلوو و ان شاء الله التوفيق والنجاح للجميع +استمر 🍀
متتخيل شكد ساعدتني الله ينطيك الصحة والعافية. رغم اني مسويه جدول ودا امشي بي بس أحس نفسي ضايعه وخايفة بشكل ومشكلتي ويا مدرسين اليوتيوب اخاف اعتمد على مدرس ويطلع شرحه مو مضبوط لأن أكو كم مدرسين مو مشهورين والي دينصحوني بيهم مدا أشوفهم مضبوطين بغض النضر عن الرياضيات شي أكيد حيدر وليد من الثالث وياي وعلي السوداني كذالك لكن بعض المواد ضايعههه بيهن حرفياً وميته خوف وبالنسبة للملازم مدا أكدر أوفرهن گلهن بهاي الحالة شلون ماأعرف وأني جدولي متعب وخطتي متعبة بشكل لأن أني ببالي وطموحي أختم جميع المواد بحيث أدخل السادس مسيطرة أن شاء الله وبتوفيق ربي أكدرلها..... وبالأخير والأهم ربي يوفقك أن شاء الله وتجينا وأنتَ محصل معدل 99.99 بخير وسلامه گد ما سهلت عليه السادس بنصايح ربي يجعله سهل بالنسبة ألك مشكور 🤍🤍🌹
الله يوفقج ان شاء الله بحق محمد وآل محمد + اختي فصل الثالث احياء احس ما ضابطته بس اكو طلاب يكولون انو كمل لان بعد امتحانات ودوام ف اضبطه بس اني مفكره لما اخلص الفصل اعيده ب تركيز ع كتاب المؤشر وب ملزمه ف منو الاحسن ب رأيج؟
استمرر كلامك كلش مهم بهل فتره فعلا ونصائحك كلش مفيده وحلوه ومشكور وجزاك الله الف خير وان شاء الله تفرحنه بمعدل العالي وتنقلنه تجربتك وتفيدنه من بعدك وكل التوفيق لك يارب ولكل طالب سادس جاهد لخاطر حلمه ❤️🩹🌹
