انا وسمني امل عمري 19 سنة مزوجة عند خالتي وراجلي في عمرو 33 وهوا لكبير نتع الدار كلمتو مسموعة عندو طوموبيل انا منقولش علا روحي زينة اعوذ بالله من كلمت انا اما شوي طويلة وبصحتي وبيضة وعندي زوج شنابر خدمهم راجليوسلفتي وهيا غير شمبرة سلفتي كبيرة عليا زوحنا في زوح في نفس النهار انا باتنية وهي بوسعادية اسمها مباركة عمرها 26 وسمرة بزااااااف ماشي سمورة عادية وراجلها عمرو29 والله تغير مني غيرت لموت شوي وتقتل روحها ايماجينيو حتا كي نحكي معا خالتي ولا بنات خالتي تموت في جلدها ربي يهديها هدا منقلها
بالاك نتي لي تغيري منها مدام هدرتي عليها كيما سلفتي صغيرة عليا ب 7سنين و سبحان الله تغير تموت .تغيرت الدنيا اعوذ بالله عادو الصغار هو لي يغيروا قاتلك سمرة وتغير بفففف تعيي ياالتافهة.
عندي زوج سلفات وحدة فولاية بعيدة مانعرف خيرها من شرها ربي يسههلها اما الاخرى لي عايشة معانا يالطيف يالطيف النفاق والكذب و الشيتة و النميمة كون تصيب الموت تجيبهالي تكرهني كره ماعرفتش مامبا سبابو ماقستهاش و احترمتها لانها اكبر مني بصح والو
يعطيك الصحة هدي هدرة ماتسمعيها غير من وحدة خاطيها الشر و متبعش اخبار القيل و القال انا جربتهم الأولى دارت المنكر بالكذب و النيمة و دارتلي مشاكل كبار مع زوجي و اهلو و الثانية كيف كيف و الثالثة زعكتها من داري كي بدات تتعوج انا انسانة منحبش نهدر فالناس و نعلق عليهم و هما يا لطيف هذيك هي حرفتهم و متحلالهمش القعدة غير بالتمنشير خاصة على أهل زوجي و يحبو كي نغلط فالهدرة يدوها سخونة و محرفة قطعتهم و تهنيت منهم
انا دؤتلها عرس معايا ووقفت معاها ردتلي غير شر تحرش فيا شيخي وعجوزتي سحرتني كرهوني كامل بسبابها ودرك بان الحق وراهي تخلص في فعالها نوكل عليها ربي خسبيا الله ونعم الوكيل ناس زمان يقولو سلفة حلفة ودك فلعينين
أنا أول مرة جيت لدار شيخي أعلنت على الحرب وإنا نية ولاخبر...دارتلي مشاكل مع عجوزتي ومع اهل زوجي والله كنت دايرتها ختي عند الله حتى الله كشف الحقيقة واللي حفر حفرة لخوه يسقط فيها ربي يهدينا جميعا وفعلا نصيحتي ماتداسروش السلفة إطلاقا ومتدخلوش فيها خلي علاقتكم بيها بعيد بعيد
حنونتي صح كاين سلفة من سلفة كاين لي تعرف لعشرة او مرة او نص او كاين لي متتعشرش ياك منقولوش مديريش تيقة نقولو من نهار الاول مداصريش او خلي لقدر بسكو والله عن تجربة لمدصرة زايدة او تخلاط او لقال او لقيل هو لي خسر او حنا النساء و الله غير حنا عدوين بعضنا المرأة عدوة المرأة او ربي يهدينة او إن شاء الله ربي يرزق جميع واحدة على حساب قلبها ،(اختي كا رأي كلامك كان فيه جانب اسود وحاقد ربي رحمة شوية غير هذا بتوفيق في عملك على اليوتيوب )
ختي حبيت نسقسيك انا سلفتي كجيت عندهم عروسة كانت متعرف والوا علمتها كتخرب في التلفون غوغل ويوتيوب وعلمتها الطبخ والقاطو حتى ولا اللاتارت متشريهاش ديرها في الدار وممبعد نكرت قاع لعمتهلها وكتكون قدام الناس تتباها تقولهم انا مثال البيتزا نعجنها في داري وناكلها على خاطرش أنا نخرج برا مع راجلي وناكلها اي تتفاخر قدامي بلي علمتهلها يعيشك قوليلي كيفاش نتعامل معها علمتها وندمت
أنا عزوجتي هي لي خلات كناينها يدورو عليا ويكرهوني سبحان الله الدنيا تمشي بالمعكوس بسبب أفعالها تخيلوا اسرار حياتي كل حاكيتهم لسلافاتي خطرات كي نسمع حاجة من فمهم نقول منين جابو الخبار وهي كانت تحكيلهم كلش صغيرة وكبيرة خاصة فالمعاملة كانت عنصرية بزاف تميزهم وتحبهم اكثر مني لدرجة كي يديرو عيد ميلاد والادهم تجيبلهم كامل بسكليت (دراجات)وانا ولدي والله مشافها من عندها مسكين حسبي الله ونعم الوكيل فيها ليوم الدين.