معلوماتك ذهب و مفيدة و بيها نتيجة. سويت شغلتين كلتهن درت دهن بريك بالثلاجة و قللت فتحة البلكات مسافة تيغ واحد و النتيجة كانت ممتازة سحب ممتاز و ادفانز اختفى اشغل تبريد و السيارة بيها ٤ نفرات و اكبسلها سحب ممتاز بدون ادفانز بنزين عادي. سيارتي اوبتما ١٣. عاشت ايدك و استمر بتزويدنا بمعلوماتك يا ذهب.
استاذ اضيف على كلامك في مايخص الادفانس: السبب الرئيسي للادفانس هو نسبة الانضغاط للمحرك اي عمق السلندر ولكل محرك نسبة انضغاط معينه فمحركات الGDI نسبة انضغاطها اعلى من المحركات العاديه وبذلك يحدد الصانع نوع البانزين للمحرك على اساس نسبة الانضغاط (عمق السلندر) فكلما زاد العمق ازدادت الحاجة لوقود ذو اوكتان عالي (95) فما فوق( المحسن) وهو مايحتاجه محركGDl لتجنب الادفانس كون البانزين عالي الاوكتان يتحمل الضغط ودرجات الحرارة العاليه عكس البانزين العادي الذي لايتحمل الضغط والحراره وهنا يحصل الادفانس او تقدم الاشتعال بمتصف شوط الضغط للبستم يحصل الاحتراق الذاتي قبل الشراره، وهنا أكد لك ان البلكات وحجم فتحتها ليس لها علاقة بالادفانس . بتقدم الاشتعال يحصل بسبب الحراره الناتجه عن الضغط والجو الحار ويعالج بعدة امور تقنيه وهي: 1-اعادة تدوير غاز العادم(الاكزوزت) وادخاله للسلندر عن طريق EGR VALVE كون غاز العادم لايحترق ولايساعد على الاحتراق وهنا يشغل حيز من السلندر بدلاً من الهواء ليقلل من شحنة الاحتراق وبذلك تقل حرارة السلندر وبالعادة يشتغل بدورات المحرك العاليه4000 rpm اي على الخطوط. 2- عن طريق vvti الكام شفت المتغير: ويقوم ايضاً بتقدم فتح intake valve او ولف البارد ليقوم بأدخال غازالعادم عن طريق EGR (يقدم ويأخر عمليات فتح وغلق الولف) لتعديل كميات الهواء والشحنه الداخله. ويقوم بتعديل الادفانس بالاعتماد على حساس knock sensor الذي يقوم بسماع صوت النقر الحاصل بسبب الادفانس. ونستنتج من هذا الكلام ان تصميم المحرك لايتناسب مع الوقود المستخدم في العراق فلكل محرك نوعيه معينه من الوقود . ومحركات الانضغاط 8الى10 هيه المناسبة لاجوائنا .
الف رحمه على امك وأبوك على هذا الفيديوهات والمعلومات القيمه واطلب منك طلب اخوي نريد فيديو عن التايرات وشنخلي تاير للسياره الكوريه و شنو النوعيات الفاخره المتوفرة حاليا في بغداد والمحافظات ولك جزيل الشكر ياطيب وجزاك الله الف خير
اخوان والله كلامه ذهب هذا الرجال من يكول والله كالولي فلان محرك مو زين هسه احنا بسوك ع اساس يفتهمون يكلك المحرك ال ٦ سلندر ممرغوب اخذ محرك ١٦٠٠ اربع سلندر اخوان والله العظيم اني جنيتهن اثنينهن تره السته سلندر بلكوري هواي فرق عن الاربعه اني عندي ازيرا محركها ٣٠٠٠ الله وكيلكم ادير بانزين عادي واقبط السكليتر ماكو دوانز بينما محركات الصغيرة ١٤٠٠ و١٦٠٠ ويريد تبريد وكون ماكو دوانز هاي وين لاكيها فنصيحة الي يكلك السته سلندر ما مارغوب بلكوري الطمه ع حلگه تره والله العظيم وماكو فرق بصرف البانزين كتلكم اني عندي ازيرا والله العظيم كل ١٠٠ كيلو تصرف ١٥ لتر وتبريد تره مو فرق اذا تحسبها من ناحية قوة وتحمل للتبريد شنو اكسنت حايبها محركها ١٤٠٠ وين يصرف هذا المحرك بجونا الحار فلا دور بس اقتصاديه بلبانزين وبنهايه اشكر استاذ رياض الذهب
كلامك مضبوط ميه بالميه السيارات الكوريه بسبب سمعتها بالعراق الناس دتشتريها بينما اذا نقارن مواصفاتها ببقيه الصناعات راح نشوف فرق من السماء للكاع.... ناهيك عن اسعارها الغاليه
محتمل اخي العزيز / الكلام بصفة عامة/ وعليه لا ينطبق على موديل كوري معين بسنة معينة ونجح نجاح ساحق/ وعليه لا تقاس عليه كافة الموديلات الاخرى/ مثل موبايل السامسونج/ هو كله كوري، لكن اكو مواصفات عالية/ واكو وسط/ واكو موديلات قديم وحديث/ واكو موديل ينجح / واكو يفشل
بس احب اكلك الف الف الف رحمة على والديك على هاي المعلومات والنصائح الجاي تنورنا بيها اني متابع جديد صارلي يمكن ثامن فيديو اتابعه ... ربي ينطيك الصحة والعافية ...
السيارات بالعراق عالم غريب عجيب حالهن حال العراق . الشركات المحترمة ما تجي للعراق لأن لا اكو تأمين ولا اكو نظام بنوك عالمي وهذه الشركات ما تجازف بسمعتها في الأسواق الفاسدة .
صح لسانك استاذنا الغالي والله كلامك ومعلوماتك اغلى من الذهب وكلامك مضبوط 100% طبعا اني غير السيارات الالماني ما اصعد واصلح بيدي الله وكيلك وبالنسبة للسيارات الكوري وغيرهه السوك ديحكم على السيارات الالمانية بالموت مع الاسف مع العلم عندي اوبل بزون موديل 95 ومعتز بيهه وماشي على مقولة ( صلح بيدك محد يفيدك) تحياتي الك والله يعينك والناس اللي تسألك ويكثرون الاسئله وياك اعذرهم غركان ومتعلك بكشايه ويردون يستفادون من خبرتك ومعلوماتك .. واعتذر عن الاطاله يالغالي
من وجهة نظري ان الكوري لايصل إلى قوه وتحمل الياباني مثلا كورولا أفضل من النترا ومن خلال تجربتي لدى كورولا موديل ٢٠١٠ ماشي ثمان مائة ألف ٨٠٠٠٠٠٠ قربت توصل المليون بدون مشاكل في القير والمكينه
اذا كلامك صحيح استاذي العزيز فلماذا مبيعات كوريا للسيارات في كل دول العالم مرتفعة كوريا تبيع لامريكا واستراليا واوربا ودول الخليج بحيث تعتبر كوريا من الدول الرائدة في مبيعات السيارات انت انتقدت السيارات الكورية ليس بسبب البانزين بل بسبب عدم جودة صناعتها وهنا اسالك لماذا انتشرت السيارات الكورية في كل دول العالم ؟ السيارات الكورية اذا كانت زيرو مثلا عموما يمكنك استخدامها 5 سنوات استخدام شخصي بدون ان تذهب للحي الصناعي وهذه المدة هي المدة الكافية للضمان وتعتبر جيدة مقارنة بالصيني او الايراني ثم ان السيارات عموما تحتاج صيانة كل 50 الف كيلومتر والناس في العراق نادرا ما يتقيدون بجدول الصيانة
وسبب رئيسي هو نسبة الكتون ودخول طبقة هواء حرار دخال المحرك لان البانزين مايكدر يحول هذه طبقة الئ هواء متعادل بنسبة وسبب هو البنزين والحتراق اكيد راح يكون غير نضامي
والله انته رجل صادق وكلامك مابي كل عيوب وانته ابو مصلحه وبين عليك استاد مضبوط وتمنه تستمر بل نشر عل حسابي وعلى حساب المتابعين الشرفاء والمحترمين انفسهم واني هم احب اشتغل بيدي ما دزهي لااحد دوم كل عطل بيدي مثلك احب سوي شغلي بيدي وريد اتواصل وياك ممكن
والله يا استاذ رياض اني اسئل الله ان يوفقك ويحفظك بالعكس انته متفضل علينه بكلشي واهواي استفاديت منك ودائماً اذكرك بالخير تحياتي الك من البصرة يا راقي وارجو ان تستمر بهذه الفيديوهات لصالح العام
اخي بعدالتحية .مرت فترة البنزين ماجان بنزين يمكن جان ماء و الف رحمة عالنفط و و ظهر الادفانز و العطلات و يمكن اتكول ليش ماصار عندي و اكيد هم صار عندك و لكن المحركات اكيد تختلف و اني عندي سوناتا مكينة 24 جان اهواية احسن من ابو 20 و تقريبا هسسه هاي المشكلة تقريبا كلش قلت و هسسه ديطلع مشاكل بالجوينات مال تبريد السيارة و نقص المي خاصة موديلات 2010 و لحد هسسه بالشوارع و شكرا على تعبك ويا الناس
استمر بشروحاتك وعوف تعليقات فلان وعلان تره متخلص ولا حتكدر ترضي كل الناس خليك مهني اكثر وشروحاتك علمية بحته انت تستهدف شريحة معينه من الناس اللي يريد يستفيد اهلا وسهلا واللي عاجبه بس يسولف ويعلق ويستهزىء فهذوله لتضيع وقتك وتفكيرك بيهم بالتوفيق
هواى سيارات استخدمت طبعاً آنى و اخوانى 4 ويل ، سيدان، كورى ،امريكى، يابانى، مستحيل يكون مثل المرسيدس W140 من سنة 2007 لحد الآن غير شغلات استهلاكيه مثل تبديل زيت ، تايرات، ماوصلت فيتر ، طبعاً الياباني القديم هم ماقاصر بس ماكو مقارنة
