مازال عندي هيبه ** و مازلت قولي ع الصواب نجيبه و لادرت عمري الخايبة لا العيبه ** و لا نزلت في باب الخصص و داره و لا درت من رزق الحرام كسيبه ** صافي نظيف الشّاش و القدواره و لي قلب ما يحمل خلاص غبيبه ** مع النّاس حاسب للقدر عباره في وطن تشبح كل يوم غريبه ** عالم تخلّط ايمنة و ايساره و كان جات ماهي تقودها بسبيبة ** يدز خيرها و يعم في مشواره و كان سقدت ما تردهاش كتيبه ** تقطّع سلاسل كابسة زيّاره لا عاونت صدّام لا بورقيبه ** لثنين راحوا ما تلقّوا أماره ربيع العرب خايف شهيلي يصيبه ** تيبس عروقه يموت ع النّوّاره تسمع رعود تقول هاهي قريبه ** و مازال ما قابل شبوب أنضاره الحاكم العادل كان ربي يجيبه ** حب الكراسي و هم شبح أنضاره وينو ال يبني فوق نارك كيبه ** يكفف دموع النّازفه قطّاره ----------- مازلت نرزم كلمتي مختارة ** و لا نحير مالنّبّارة ** زي هايشة تنبح على طيّارة
بصراحة، تبارك الله على حضورك وصوتك، لكن رايي انك تغني اغاني كبيرة خاصة بيك، ويكتبولك شعراء كبار، خاطر من بعد اسماعيل الله يرحمو ما سمعتش صوت يسوى مع احترامي للناس الكل، وذني هكة، لين اكتشفتك صدفة في 2014. ان شاء الله كي نروح نتقابلو وتغير مسيرتك ، ماعادش الشاب سليم متاع توة، ان شاء الله تكون مشروع وطني
