الوحيد في هاذوا لدكرتي ماكين والو إلا مكوار هو سباب وداد ماطاحتش هو لشرا لفواسة باش مايجيوش لكازا ومايطيحوش ، أكبر جريمة دازت في كرة القدم ،وكذلك باموس مع الجيش
السلام عليكم. هذا اللاعب شفتو مرة وحدة لاعب و عمري ما نسيتو. شفتو نهار اخر ديربي قبل الاندماج. دار ماتش واعر بزاف. ما كرهناش نشوفو هاد الديربي إذا عند شي واحد. كرفس الوداد و حاماهم بوحده داك النهار. و ماركا بيت بتسديدة يسرى مرعبة و تسبب فطرد اللاعب صابر. و لكن راه ما كانش لاعب مهاجم كان لاعب فوسط الميدان او ظهير ايسر متقدم. داك النهار قلت صافي ها الرجا لقات الداودي ديالها. ما حساب لياش ديك النهار راه كان باقي عندو غير 19 سنة لأن الأداء ديالو كان خيالي. و ما عمري تصورت باللي الرجا غادين يفرطو فيه. ولكن مع الأسف بقية القصة راكم عرفتوها. شكرا السي حسن رجعتينا لذكريات جميلة. اللي عندو هاد الماتش ما يبخلش علينا بيه الله يجازيكم بخير
عبدالله الشرجي صاحب اليسرى الذهبية كان عندو جمهور كبير في فريق الرجاء لولا اصحاب الحسنات والحسد هدي معروفة حتا واحد مكيبغيش يشوفك احسن منو رغم ذالك كمل مشوار ديالو
تحية اخوية الى عبدالله الشرجي ولد الدرب. لاعب كبير في وسط كروي فاسد. كل اللوم على هولاء المسؤولين الرعاويين ذاك الوقت . اين هو التوحيه و التأطير . سيدي عثمان كان يعج بالمواهب و لكويرية ديال بصح. لكن بعده عن الوازيس كان سببا في عدم ظهور عدد كبير من النجوم. كان طوبيس واحد كيدي للوازيس يجب ان تنتظر ساعات لكي يأتي. الدليل على مواهب اولاد سيدي عثمان هو فريق الحليب الذي كان بمتلك نجوما كثيرة .
ياودي اخويا عبد الله لقيتي ولاد الحرام في جميع الأندية المغربية انا كراجاوي كنسمع هذ. لهضرة دابا وليت كنكره بعض الروءساء رجاويين ومنهم هداك ولد الحرام لي قولبو في قضية لهدية .وعلاش اسي عبدالله ماقلتيهاش داك لوقت جمهور الرجاء كلو يسحبك انت. وانا منهم ولكن خويا قلتيها معطلة وكنت تقول سميتو باش نعرفوه المهم يعاونك الله
@@user-pi2br2bz8p لا ياخي سي واحد جاب كارطونة صغيرة ديال لحلوة مسدودة حشاك فيها خارية وقال لفاخر هذي هدية من عند الشرجي عطاها ليك وفاخر حلها لقا فيها حشاك ديك المعلومة وقاولبوا الشرجي
هاذ اللاعب خرج على راسو براسو، انا شخصيا عايشت هاذ الفترة، هاذ اللاعب كان مازال كيلعب في الأمل وكان عندو الذهب في رجليه، كانت عندو رجل يسرى ساحرة، اللعب ديالو كان شبيه باللاعب رشيد الداودي، كنتذكر في ديربي الأمل في رفع الستار كان سجل هدف تقريبآ من منتصف الملعب، من بعدها ولا الجمهور ديال الراجا كله كيطالب بيه، ولكن للأسف الطيش ديالو والوسط الغير الصحي اللي كان كيعيش فيه بالإضافة للخطأ الكبير اللي دارو مع محمد فاخر، ساهموا في تدمير هاد الموهبة اللي كان محتاج للحماية ديال المسؤولين
@@demetreofoot6001 كان وقتها اللاعب رضوان العلالي حتى هو متألق في فئة الأمل ديال الوداد، اللاعب الشرجي كنت كنعرف خالو شخصيا، كان دائمآ كيقول ليا ما عندو عقل، الصراحة هاذ الموهبة ضعنا فيها، المفروض كان يتحما من المسؤولين
خويا في الرباط فتح مع الرجاء امل لعبو رفع ستار بجوار ملعب مولاي عبد الله تفرجنا فيهم والله خويا عجبني بزاف كيطير كان حامل رقم 7 بعد نهاية سولت على اسم ديالو قالو ليا سرجي قلت هذا خاصة يلعب مع كبار تفرجت بزاف فيه ولكن موصل كمتمنيتو
